Pearry Green.

Luka 21:25-27,
25 “Pa kasuba na pa mweshi na pa ntanda pakamoneka ifinjelengwe. Elyo imishobo ya pano calo nayo ikekatwa no mwenso ku mulandu wa kululuma kwa bemba no kusunkana kwa matamba.
26 Abantu bakafwa umutombo ku mwenso pakumona ifyalacitika pano calo. Pantu amaka ya ku mulu yakatenkana.
27 Elyo bakamona Umwana wa muntu aleisa mwikumbi na maka no bucindami nganshi.

Ifi fikomo fya malembo fyalibelengwa pa myaka iingi. Lyonse mu matontonkanyo ya bantu, ukumoneka kwa makumbi no kumoneka kwa kwa Yesu Kristu fyaliba ifyaumfwana. Nangu ni basambilila ifya mipepele abasumina mu kubwelela kwa kwa Shikulu pano isonde, ku kupoka umukashi wakwe, balipanga uku kukumana mu matontonkanyo yabo. Na lyo line aba basambilila ifya mipepele bene kuti bafilwa ukubwela kwakwe ukwa bubili pantu, nangu ca kuti apeelwe “ameso ya kumona na matwi ya kumfwa” bakaana ukufibomfya ku kumfwikisha ifyo fintu Lesa alaile mwi shiwi lyakwe, ifyo fyali no kubangilila ukubwela kwa bubili ukwa kwa Kristu.

Mateo 24, ukutendeka pa cikomo 23 na kabili ni nte ya nshiku ishi ilyo Kristu talaisa pa bubili,

23 “Eico kanshi, umo nga amweba ati, ‘Moneni Kristu uyu ali kuno!’ nangu ‘Ulya ali kulya!’ mwikasumina.
24 Pantu kukamoneka ba Kristu babufi na bakasesema babufi. Bakalacita ifishibilo ne finjelengwe, ifyakuti bengabepaikilako na basalwa bene nga cingacitika.

(Moneni ukuti Yesu talandile “uwa bufi uwakwa Yesu” lelo “abapakwa” aba bufi, abo abakwata ukupakaswa kwa cine cine, lelo balelanda ifyo ifishili fya cine, ifipe fya bufi ifya ku kanwa.)

Yesu alesoka pa lwa bucenjeshi pa kwisa kwa bubili, lelo alaile ukuti abasalilwe tabakacenjeshiwe, abo amashina yabo yalembwa mu citabo ca mweo ica mwana wa mpaanga ukufuma ilyo icalo tacatendeke, kabili balitantikwa kale ukuba abakaele mu cimpashanya ca kwa Yesu Kristu. “Elyo abo bene aita, ebo alenga ukuba abakaele pa cinso cakwe. Kabili abo Lesa alenga ukuba abakaele pa cinso cakwe, ebo alaya ukuti babe nankwe mu bucindami bwakwe.” Yesu atile nangu ni fyo ukutila kukaba abo abantu bakalandapo ukuti “Uyu uwapakwa, uno uuli ne Ishiwi!”

Muli Mateo 24:25 atwalilila ukuti,
25 Kanshi imwe namusokako libela.
26 “Eico nga bamweba abati, ‘Ala Kristu ulya mu matololo!’ mwikayako. Nangu nga batila, ‘Ala Kristu ulya ali mukati ka ŋanda!’ Mwikasumina.

Pa kati ka filonganino fya mapepo ilelo pali abo abafwaya ukusumina icitetekelo icafyalwa ne filonganino, nangu isambililo ukucila Ishiwi. Bafikilisha ici cikomo, pantu batila, “Pano pali ishiwi, pano pali ukupakasa. Ifwe aba mwi bumba lya bakanshila, intungulushi shalongana mu nkama, ukufwaya Shikulu. Nomba twafuma no kumweba ukuti ili e Shiwi.” Bafwaya ukusokololwa ukwafisama kabili ukucipatikisha ku bakonshi babo. Ibukisheni ukuti wene e Shiwi. “Ukufumafye ku citendekelo, Lishiwi eko ali. Lishiwi ali pamo na Lesa. Kabili Lishiwi ali ni Lesa,... Awe Lishiwi aishile aluka umuntu. Aisa ikala na ifwe.”

Ukwabula ukusokololwa balapilibula icikomo, pamo nga Mateo 24:27,

27 Pantu nga filya umwele wa mfula utula ku kabanga wabyatila na ku masamba, efyo ne mishile ya Mwana wa muntu ikaba.

Ukufuma muli ici cikomo, baleenekela ukuti Yesu Kristu akapupuka ukupula mu mulu, ukubilikisha ukubwelela kwakwe ku kusenda umukashi wakwe. Abasambilisha ici balalaba icikomo umo asosa mu kulungatika ukuti ukubwelela kwakwe kukaba “nga kabolala ubushiku.”

Moneni ubutuntulu; yalefuma ku kabanga ukuya ku masamba. Moneni UbuKristu, bwaleenda ukufuma ku kabanga ukuya ku masamba. Moneni akasuba; cibuuka ku kabanga kabili ifibika ku masamba. Lesa atendeke ubukombe bwa ntungulushi imo imo ku nshita ya cilonganino cimo na cimo ku kabanga kabili intumwa ya kulekelesha yamonekele ku masamba, ukuleta inkama sha kwa Lesa ku mpela, nga fintu casobelwe mu Ukusokolola 10:7. Eico nga cakuti ifintu ifyacilapo ukucilapo fyali no kumonwa ku bantu abaikala mu nshiku sha kulekelesha ilyo Shikulu talaisa, ifi fintu fyali no kucitika ku masamba.

Pantu “nga fintu inkuba ifuma ku kabanga,... ukuya ku masamba,” e fyo Yesu Kristu aisokolola umwine ukufuma ku kabanga ukuya ku masamba ukupitila muli aba batumwa cinelubali. Ilyo umo umo aletele ubukombe bwakwe efyo ukusokolola kwakonkenyepo, ukukulilako na umo umo: Luther uwaletele ukulungamikwa; Wesley, ukusanguluka, abapentekoste, ukuwa kwa Mupashi wa Mushilo pa kutendeka kwa ino nshita ya Laodisea; kabili nomba ukufika ku kupwisha na ili lyashi kuli Nabwinga uko ifi fipesha amano fyalandwa kuli uyu ntungulushi kabili ifishibilo fyaisulwile nalimo.

Mateo 24:28,
28 Uko konse ukuba icitumbi, eko na makubi yalongana. [kapumpe - IciNgelesi KJV]

Eico bamalaika bakwe bakalonganika kapumpe, abo abaikala muli ici nshita, inshita ya kapumpe. Kapumpe shilya inyama iipya, te pa “balwashi” abakasusha “amatebulo” yonse aya mipepele (Esaya 28:8), lelo pa mulandu wa nama iipya iya Ishiwi. E ko Kapumpe shikalongana. Nga fintu ili Ishiwi lyafuma, efyo abantu balonganika abalisumina, nga fintu Lesa abeita.

Mateo 24:29-30,
29 “Ubucushi bwa nshiku shilya bukatila nga bwapita, apopene akasuba kakafiita, umweshi nao ukaleka ukubalika. Intanda nasho shikapona ku mulu na maka ya ku mulu yakatenkana.
30 Elyo ku mulu kukamoneka icakwishibilako Umwana wa muntu, na bantu ba pano calo bakaililila ubulanda. Elyo bakamona Umwana wa muntu uko aleisa mu makumbi na maka no bucindami nganshi.

Ukulosha kumbi ukwa kwisa kwa mwana wa muntu, muli Daniele 7:13,

13 Namwene mu fimonwa fya bushiku, moneni, Umo uwaba ngo Mwana wa Muntu aleisa mu makumbi ya mu mulu,...

Daniele mu cipingo ca kale na kabili ashininkisha ukufika kwa mwana wa muntu nga ukukuma ku makumbi. Na Yesu wine, lyonse ilyo alelanda pa kwisa kwakwe ukwa bubili, alelanda pa makumbi.

Mu Arizona, eico icilonganino ca makwebo cibilisha, amaperesenti amakumi cinekonsekonse na yasano aya nshita, tapali amakumbi mu mulu. Lelo pa 28 February, 1963, ikumbi lya kupapusha lyamoneke mu mulu wa Arizona. Ici calilangishiwe pamo ne cikope, mu lyashi ilyalembelwe na Dr James McDonald, Kasambilisha wa fya mu lwelele ne fya mipangilwe ya fintu pa sukulu likalamba ilya Arizona mu “Magazini ya Sayansi”, pa 19 Shinde, 1963. Abantu balipeelwe ukutuma ifikope fyonse ifyasangwa nelyo amashiwi yambi aya kuti yalanga uko ili kumbi lyafumine. Bushe mulandu nshi ukufwaisha kwa kumbi limo? Pa mulandu fye wa bukulu bwa iko ubwakulisha no butali, ukupendelwa ukufuma ku mafoto amakumi cinekonsekonse ayapusana, nga Ama mailoshi amakumi yabili na mutanda mu ukufika pa muulu, Ama mailoshi amakumi yasano mu butali na Ama mailoshi amakumi yatatu mu bwipi.

Ukumona kwafumine ku Ama mailoshi imyanda ibili na makumi cinekonsekonse mu lubali lumo kabili abengi mu mbali shimbi ukufuma ku Ama mailoshi ukucila pali umwanda umo ukutali. Ukumona kwa kupapusha ukwa ili kumbi kwashele ukwabengeshima ku lubuuto lwa kasuba amaminiti amakumi yabili na cinekonsekonse pa numa ya kupona kwa kasuba. Pa muulu wa mupashi, pa muulu wa apo indeke kuti shapupuka, ukucila pa ncende apo umutonshi wingapanga no kufimba. Tacingacitika ukuti cafumine ku rocket pa mulandu wa bukulu bwa menshi ayo yali no kubamo, ikumbi ilikalamba lyashala lyaba ica kupapa ica sayansi.

-----
Nga mwapituluka mu cikope iya kumbi lya sayansi-inkama kuti wamona icinso ca kwa Shikulu Yesu Kristu muli ilyo. Alelolesha ku kabanga, ne nkanda nga boya, nga fintu Yohane Kasokolola amumwene. Tamoneke ngo mulumendo nga fintu ali ilyo alepampamikwa pa cimuti ca kucushiwilwapo pa myaka amakumi yatatu na itatu, lelo nga uyo uuli ni kapingula wa calo. Kuti caba icakosa ku bantu bamo ukupokelela, lelo bushe tacilanda mu malembo mu fifulo ifingi ukutila ilyo umwana wa muntu akasokololwa, ilyo akamoneka, kukaba amakumbi?

Nabilisha ku bantu ba ino nshita ukuti amalembo yalaya ukutila kukaba ikumbi ilyasuntinkanishiwa no kumoneka kwa mwana wa muntu pali ici calo. Nomba ndemuletela imbila iya kupapa iya kuti kwaliba ikumbi lya musango yo muli uyu mwanda wa myaka - ikumbi ilya kuti te kuti lilondolwelwe na sayansi. Nga kuti calondolwelwa ukupitila mu mafunde ya sayansi lyena tekuti nsumine ifyo ncita pali ici, lelo tapali ubulondoloshi. Naebelwe no muntu uo nasumina ukutila ni kasesema wakwa Lesa pali ino nshita, Munyina William Branham, ukuti bamalaika cinelubali baishile kuli wene no kusokolola inkama sha mu citabo ca Ukusokolola, bamupokele mu kati kabo, bapangiile ili kumbi. Tandi nakwata umulandu wa kutwishika uku kulondolola. Ikumbi lyali ilikulu nga nshi, ilyakulisha nga nshi, kabili lyali no kubamo umufula uukalamba nga nshi pa kuti libe ilya cine cine. lelo icine cashala - cali ica cine cine. Cali icacilapo kabili Lesa alicitumine nge cishibilo ku mukashi wa bwananyina.

Icapilibulwa ukufuma... Acts of the Prophet. - Pearry Green

Ukukopa (PDF IciNgeleshi):
  "Is this the sign of the end Sir"

  "The Cloud" - Pearry Green.

“Moneni ilyo ubo bushiku bukalamba kabili ubwakutiina ubwakwa Yawe bushilati bufike, nkatala nkatume kasesema Eliya.

Kabili akesa pilibwila imitima ya bashibo ku bana babo, ne mitima ya bana kuli bashibo, epakuti ine nshishile lapisha no konaula icalo cenu.”

Malaki 4:5-6

The Rapture

The Indictment

My Life Story (W.Branham)

How the Angel came to me

Anointed ones at the end time

Beyond the Curtain of Time