Kristu alaisokolola mu Cebo Cakwe Cine.
Ishintililo.
William Branham.Belengeni ili buku...
Kristu alaisokolola mu Cebo Cakwe Cine.Nomba nalalanda pali ili sambililo ilya: Kristu Ukusokolwa Mu Cebo Cakwe Cine. Ifyo, mu Mapalo, palya pali cikope cakwa Kristu, ukuba fye palya pene, icapala. Palya epo natontonkenye pali ili sambililo. Nomba, Kristu ne Cebo caba cimo cine. Mwamona?
Batila, “Yali shani Baibele....?” Abantu batila. Nalli muli motoka no mwaume te kale sana. Ena atile, “Tontonkanyeni pali cena. Ifwe pali ili sonde, umusango twabelamo, kabili ifwe twaishiba fye atemwa kuti twasosa fye ukutila ifwe twalipusushiwa ku kashimi ka ci Yuda aketwa Baibele.”
Natile, “Mukwai, nshaishiba umusango musoselamo cilya, lelo nshilecetekela cena kashimi ka ci Yuda,” efyo nasosele.
Atile, “Cisuma, iwe ulapepa, ni kuli cinshi upepako? Nalilombele ifi-ne-fi ne fintu fimo: nshapokelele cena.”Natile, “Iwe upepa mu cilubo. Ifwe tatulingile ukupepa ukupilibula amano yakwa Lesa; ifwe tulingile ukupepa ukupilibula amano yesu. Amano yakwa Lesa tayafwaikwa ukupilibulwa ukuli konse. Mwamona? Mwamona, cilifye bwino.” Natile, “Te filya wapepelepo...”
Naliishiba umulumendo Katolika, inshita imo, alikwete ibuku lya mapepo, ukusosa amapepo, kabili pali banyina ukuba no mweo. Kabili balifwile, kabili aposele ibuku lya mapepo mu mulilo. Cisuma, mwamona, shikonka ibuku lya mapepo; lelo, nangu cibe fyo, mwamona, imwe musenda imibele iya lubana. Muleesha ukweba Lesa ifyakucita.
Ipepo lingile ukuba, “Shikulu, mpilibuleni ukuti ningane ne Cebo Cenu.” Tacili, “Pilibuleni,” tacili, “lekeni mpilibule amano Yenu. Imwe pilibuleni amano yandi.” Mwamona? “Imwe pilibuleni amano yandi ku bufwayo Bwenu. Kabili ubufwayo Bwenu bwalilembwa muno mwi Buku. Kabili, Shikulu, mwikaleka ine ukuya mpaka Imwe mukasende amano yandi yakabikwe nga Amano Yenu. Kabili lyena ilyo amano yandi yabikwa nga amano Yenu, lyena ndi kucetekela Icebo conse Imwe mwalemba. Kabili Imwe mwatile, mulya, Imwe mwali no kulenga ifintu fyonse ukubombela capamo ku busuma kuli abo aba mutemwa Imwe. Kabili nalitemwa Imwe, Shikulu. Fyonse filebombela capamo kubusuma.”-----
Moneni nomba, ifwe twabwela, tulingile twakwata icintu cimo icibiye ico tulingile ukwikatililako. Icintu cimo cilingile ukuba icilu cakukakilako, mu mashiwi yambi, cena e cakulekelesha. Kabili cila muntu alingile ukukwata icakulekelesha, nangu ishintililo. Nali shimikile pali cena inshita imo, imyaka iyapitapo, pe shintililo, incende iyaba ishiwi lyakulekelesha.
Nga kangalila ku bwangalo wa mupila, nga atila naingila, filya ni filya fine ifyo cili. Temulandu ifyo imwe mumwene cena, kangalila atila naingila. Mwa cisosa, “Ine... Taya cingila. Naipita... Nacimona umu...” Te mulandu ifyo cili, ilyo asosele, “yaingila,” cilya eco, cilya cipwisha fye finshi. Ena, ena e shintililo.
Kabili inyali ya ba motoka e shintililo, nga yatila, “pita.” Mwatila, “Cisuma, ine, ndebutukila, ninkwata...” Iyo, iyo. Litila, “Iminina shilili ilyo umubiye alepita.” Mwamona? Yena e shintililo.Nomba, kulingile kwaba apa kushintilila ku cintu conse ico mucita. Kwalingile ukubako apakushintilila ilyo mwalesala umukashi wenu. Kwalingile ukubako umwanakashi mwali no kusala.
Nomba, kwali nokubako inshita uko, ilyo mwali no kushita motoka, musango washani wa kushintililapo mwali no kupanga. Bushe ili nokuba Ford, Chevy, Plymouth, motoka ya kumbi, fyonse ifyo ili, mulingile mwakwata ishintililo.
Kabili efyo caba ne mikalile ya Bwinakristu. Kulingile kwabako ishintililo.-----
Cisuma, cila cilonganinino caba lishintililo lyabo ku bacetekela babo. Lelo, kuli ine, kabili na kuli abo ndesubila ukuti ndetungula kuli Kristu, kabili na Kristu, Baibele e shintililo lyesu. Te mulandu... Pantu, Lesa atile, “Lekeni ishiwi lya muntu onse libe ilya bufi, kabili ne Lyandi Icine.” Kabili nalicetekela ukuti Baibele e shintililo lya kwa Lesa. Te mulandu ifyo uuli onse asosa; Cena e shintililo.Baibele te buku lya mibombele. Iyo, mukwai. Lyena te buku lya mibombele, nangu ifunde lya mikalile. Baibele talyaba libuku lya mibombele, imibombele iingi nganshi, kabili na fimbipo. Iyo, mukwai. Te buku lya mikalile. Iyo, mukwai. Yena tayaba. Napamo lyena ukuba ibuku lye lyashi lyakale, lyonse. Atemwa, nangula Lyena lyaba li buku lya fya bulesa. Pantu, Lyena busokololo bwakwa Yesu Kristu. Nomba nga mulefwaya ukubelenga cilya, imwe mwebakwete amapepala, ukulemba yena, ilya lili Ukusokolola 1:1 ukushinta 3, ngefyo, Baibele yaba “Ukusokolola kwa kwa Yesu Kristu.”
-----
Nomba moneni iyi Baibele. Bamo muli bena batile, “Owe, cisuma, Cena calicita ici, Cena calicita cilya.” Lelo lekeni mwebe icintu cimo, lekeni fye... Natuleya mwilyashi lyakale lya Baibele, pali miniti fye, tumone uko Lyena lyafumine. Lyena lyalembelwe na bakalemba abapusana pusana amakumi yane. Abaume amakumi yane e balembele Baibele, ukucila pa ntamfu imyaka ikana limo ne myanda mutanda ukupusana, kabili pa nshita ishalekana lekana, ukulandila libela ifyakucitika ifikankala ifyo ifyatala citika mwi lyashi lyakale lye sonde, kabili, inshita ishingi, imyaka imyanda ilyo tacilacitika. Kabili tamwaba nangu cimo icilubo mu ma Buku yonse amakaumi mutanda na mutanda. Owe, mwe! Takuli kalemba kano Lesa Umwine kuti aba uwalungama nganshi. Tapaba Icebo cimo icipililika icibiye.Ibukisheni, imyaka ikana limo ne myanda mutanda ukutalukana, Baibele lyalilembelwe, ukutula pali Mose ukufika ku mfwa yakwa Yohane pa cishi, nangu icishi ca Patmo. Imyaka ikana limo ne myanda mutanda, kabili lyalembelwe na bakalemba amakumi yane abapusana; umo taishibe no mubiye, kabili bena tabatalile kwata Lyena nge “Cebo.” Bamo muli bena tabatala monapo ne “Cebo.” Lelo ilyo balembele Lyena, kabili baishibikwe nga bakasesema, lyena, ilyo babikile ubusesemo bwabo capamo, cila umo uwa yena bwalingene umo no biye.
-----
Nomba, tutitle nge fi, ukufuma... Nga cakutila twaliile nomba no kusenda amabuku ya miti amakumi mutanda na mutanda ayo ayabombela no mubili, ayalembwa na ma sukulu ya miti amakumi yane aya pusana, umwanda umo na mutanda...atemwa imyaka imyanda ikumi limo na mutanda ukutalukana? Ndesunguka umusango wakutwalilila uo twingakwata?
Nga cakutila twalisendele...Lelo tamwaba Icebo nangu cimo muli Baibele icipililika icibiye. Takuli kasesema nangu umo uwatalile pililika umubiye. Bena bali, cila umo, abapwililika. Kabili ilyo umo aishilemo no kusesema, kabili ulya kasesema uwacine aliimine no kumukanya, lyena calengelwe uku monekela. Mwamona? Mwamona? E ico Baibele lyaba Icebo cakwa Lesa, kuli bonse abacetekela abacine.
-----
Kabili bena bakesasanga ukuti, ubushiku bumo, ukutila bena tabalemona imyaka ba million umwanda na makumi yasano aya lwelele ulwa lubuuto nalo. Bena baleenda fye ukushinguluka mu cashinguluka. Cilya ni filya fine.
Imwe muli no kwisa sanga, bumo muli ishi nshiku, ukuti ilyo mukaya ku Mulu, imwe tamwakapupukile ku cifulo cimbi. Imwe mucili pano pene, ifyo fine, ukuba fye mu ciputulwa cimbi icapulishamo ukucila cino. Ukupita fye muno mwine mu cipinda muleisa ilangi. Ilili lyonse ilangi, ilaya, indeleshi, icili conse ico mufwele, caba ca Muyayaya, fyabikwa pa fya kwambwilako, ukula shinguluku no kushinguluka pe sonde. Cila nshita mwakapakapa amenso yenu, kuli pafya kwambulwa. Moneni, television ili no kushininkisha cilya.-----
Nomba moneni, kabili tamwaba icilubo nangu cimo mu ma Malembo. Yesu, Icebo cakwa Lesa, alingulula itontonkanyo ilyo ilili mu mutima. “Icebo cakwa Lesa ca maka, caliluma,” Aba Hebere 4:12. “Icebo cakwa Lesa calitwa, ca maka nganshi kucilo lupanga ulwatwila kubili kubili, cilingulula amatontonkanyo na mapange ya mutima.” Mwamona? Cilaya mukati ka mutima, no kutintila kunse, no kulingulula. Ni cinshi ukulingula? “Ukulengwo ukwishibikwa, ukusokolola.” Kabili filya efyo Icebo cakwa Lesa cicita.
Ilelo tulasosa, “Ulukuta lwa Katolika e Cebo cakwa Lesa; ba Baptists, ba Methodists, ba Pentecostal, ba tabernacle.” Cilya cilubo. Icebo e busokololo; Lesa, ukusokololwa ne Cebo.-----
Ica pwililika nganshi, Icebo cakwa Lesa calipwililika nganshi, nangula ni ku Cakale ne Cipingo Cipya, ma hafu yabili na cimo icituntulu. Cilya cishinka. Icipingo Cakale ni hafu ya Cena, kabili Icipingo Cipya ni hafu ya Cena; bikeni Fyena pamo, imwe na mukwta ubusokololo bonse bwakwa Yesu Kristu. Balya palya bakasesema balelanda, kabili Uyu ali pano mu Muntu; mwamona, ba hafu babili na cimo icituntulu.Nomba, ibukisheni, Icipingo Cakale tacaba icapwililika ukwabula Icipya. Kabili Icipya teti cibe icapwililika ukwabula Icakale. Ulya e mulandu wine nacisosa ba hafu babili, na cimo icituntulu. Pantu, bakasesema batile, “Ena akaba pano! Ena akaba pano! Ena akaba pano; bena bali nokucita ici kuli Wene. Bena bakacita ici kuli Wene!” Kabili Uyu ali pano, “Ena ali pano! Ena ali pano, kabili bacitile ici kuli Wene, kabili bacitile ici kuli Wene.” Nashimikile fye pali cilya inshita sha bushiku ishapitapo ishinono.
Nomba, pakutila twinga belenga Amalembo, Paulo aebele Timoti, “Belenga Yena, ukwa kanya bwino Icebo cakwa Lesa, ico icaba Icine.” Ifi fyaba ifishinka fitatu mu Malembo. Mu kubomfya Icebo ca kwa Lesa, kwaba ifintu fitatu ifyo tamulingile ukucita. Nomba lekeni tubelenge filya pali ba miniti abalekonkapo ikumi limo; ifintu fitatu ifyo tamulingile ukucita. Kabili bonse uko mu calo, konse kuntu muli, mu nko yonse, beni abashininkisha ukubika ifi mu mano yenu nga tamukwete icilembelo. Imwe tamulingile ukucita ifi fintu. Ifwe tulamweba inshita fye yonse ifyo mulingile ukucita, nomba nalamweba ifyo tamulingile ukucita.
Nomba, imwe tamulingile ukwilwila mumbi Icebo. Mwatila, “Cisuma, ndecetekela Cena cilepilibula ici.” Cena cipilibula fye ifyo Cena cisosa. Cena tacifwaikwa kelula. Kabili tamulingile ukubika pambi Icebo. Kabili tamulingile ukupatulanya Icebo. Kabili nga kuti twacita cimo ica ifi, ciposela Baibele yonse mu cimfulunganya na mu cimfulumfulu.
Moneni. Ukwilwila mumbi Yesu, mu musango wakwa Lesa mu muntu, imwe kuti mwamulenga ukuba Lesa umo ukufuma muli batatu. Ukwilwila mumbi Yesu Kristu pakuba Icebo, imwe kuti mwalenga Wene ukuba Lesa umo ukufuma muli batatu, nangu kuti mwalenga Wene ukuba Muntu wacibili mu mutwe wa Bulesa. Kabili ukucita cilya, kuti mwafulunganya yonse fye Amalembo. Imwe teti muye nangu kumo. E ico Yena tayalingile ukwilwila mumbi. Kabili nga mwasosa ukuti icintu cimo, imwe mwabikako ubwilulo kuli Cena, kabili mwabika Cena ku nshita imbi; atemwa Cena calibikwa ku nshita imbi, imwe nacimbi mulepanga ukwilula ukwalubana.
-----
Ifi fishinka fitatu filingile ukuba. Tatulingile ukwilwila mumbi, nangu ukufulunganya Cena, ukwilwila mumbi Cena, atemwa ukwi-... atemwa ukupatulanya Cena. Cena cilingile ukusungwa filya fine fye ngefyo Lesa asosele cena ukuba. Kwi sonde, Lyena li Buku lya nkama. Abantu bacetekela Yena li Buku fye lyakupapusha. Inshita imo nalelanda ku muntu uwalumbukwa nganshi muno mu musumba, uyo uwakwata ukwiminina ukukalamba kwa Bwinakristu, kabili atile, “Nalyeseshe ukubelenga Ibuku lya Kusokolola inshita imo ya bushiku.” Atile, “Yohane alingile aishilelya mpilimpili ishikali ishingi kabili aishilekwta iciloto cakutinya.” Mwamona, Ibuku lyankama.Lelo, ilyo ku wacetekela uwa cine, Cena busokololo bwa kwa Lesa ukusokolwelwa mu nshita iyo tuleikalamo. Ena atile, “Ifyebo Fyandi Mupashi kabili Mweo.” Yesu efyo asosele. Nakabili, “Icebo caba ni Mbuto iyo katanda atandile.” Ifwe twaliishiba ukutila cilya cishinka. Cena ni Lesa mu musango wa Cebo, kabili kuti cailulwa fye no Mwine.
Amano ya muntunse tayaba ayalinga ukwilula amano yakwa Lesa. Musangonshi amano aya shaishiba fyonse yengelula Amano ayaishibba fyonse, ilyo ifwe tekuti twilule amano aya umo no mubiye? Kabili moneni, Ena Eka fye e wingelula Cena, kabili Ena elula Cena kuli uyo Ena afwaya. Yena tayasosele, “Abena kufwa abakale, ilyo baleenda pe sonde mu nshita shakale mu misango iyalekana lekana.” “Lesa, mu nshita shakale ne misango iyalekana lekana aisokolwele Umwine kuli bakasesema Bakwe.” Mwamona?Belengeni ili buku...
Kristu alaisokolola mu Cebo Cakwe Cine.
