Batisha mu menshi.
'Ala inshila ino kuno, eyo mukonke.'
Esaya 55:6-7,
6 “Fwayeni Yawe pa nshita engasangwa, mulemukuuta pa nshita ali mupepi.
7 Imwe mwe babifi lekeni imisango yenu, lekeni ukulapanga ifyabubifi mu mitima yenu. Bweleleni kuli Yawe pantu akamulangulukilako, kabili kuli Lesa wesu pantu alalekelela apakalamba.Pantu bonse tuli babembu.
Roma 3:23,
Abantu bonse balibifya kuli Lesa, kabili balafilwa no kufika ku bucindami Lesa abapekanishisha.Roma 3:10,
...Takwaba muntu nelyo umo uwakaele pa cinso cakwa Lesa, cinefye takwaba.Bonse tulingile ukulapila.
Luka 13:3
...Lelo na imwe bene nga tamulapile no kupilibuka, ninshi na imwe bene mukaloba ifyo fine.Imilimo 3:19,
Kanshi nomba lapileni, mwalukile na kuli Lesa, pakuti Lesa afuute ifyabubifi fyenu.Nangu fye ni filonganino fifwile ukulapila.
Ubusokololo 2:1,5,
1 “Lembela malaika wa lukuta lwa mu Efeso ukuti,...
5 Tontonkanya ifyo wali kale ilyo wali taulanenuka. Kanshi lapila no kupilibuka, ulecita nefyo walecita pakutampa. Ukumfwa nga taulapile no kupilibuka, nkesa kuli iwe, nkafumye pa ncende yaciko icakutekapo icisaniko cobe.Ubusokololo 3:19,
Bonse abantu abo natemwa ndabakalipila no kubalulula. Kanshi kalabana lapila no kupilibuka.Tulingile ukubatishiwa.
Mako 16:16,
Uwasumina no kubatishiwa abatishiwa, akapusuka. Lelo uwakaana ukusumina wena akaba no mulandu.1 Petelo 3:21,
Ici cena cilangililo ca lubatisho ulumupususha imwe nomba. Ulu lubatisho talusamba ifiko ifya mubili iyoo, lelo cilayo umuntu alaya kuli Lesa muli kampingu musuma wa mutima wakwe. Lubatisho elutupususha ku maka yakushukuka kwakwa Yesu Kristu.Ukupitila mu kuibika mu menshi.
Yoani 3:23,
Yoani nao alebatisha ku Enoni mupepi na ku Salimu, ico ekwali amenshi ayengi. Abantu nabo eko balaisa kukubatishiwa.Imilimo 8:36-39,
36 Nomba ilyo baleya mu musebo, basuka bafika na pali amenshi. Cilolo ati, “Amenshi aya, cinshi cingandesha ukubatishiwa?”
37 [Filipo amweba ati, “Kuti nakubatisha, kumfwa nga wasumina no mutima obe onse.” Cilolo ayasuka ati, “Ninsumina ukuti Yesu Kristu ni Mwana Lesa.”]
38 Elyo mutungwi aeba ukuti iceleta liminine. Awe bonse babili, Filipo na mutungwi wine baya mu menshi. Elyo Filipo amubatisha.
39 Cilya bafuma mu menshi na Mupashi wa Mfumu asenda Filipo. Cilolo tatalile amumona nakabili. Awe akonkanyapo ulwendo lwakwe nasansamuka nganshi.Ukulingana ne cilangililo ca Batumwa.
1 Samwele 15:22,
...Ukumfwila kwaliwama ukucila ilambo elyo ukunakila kwaliwama ukucila amafuta ayanona aya basukusuku.Luka 24:45-49,
45 Elyo alenga ukuti beluke mu mano yabo bomfwe ifyalembwa mu Malembo Yamushilo.
46 Alabeba ati, “Kanshi efyo calembwa ukuti, Kristu ali nokucula, elyo mu bushiku bwalenga shitatu, akabuuka ku bafwa.
47 Kabili ukuti bali nokutampila mu Yerusalemu, ukuya balebila ku bantu ba mishobo yonse ifyo Kristu alefunda ukuti, bali nokulapila no kupilibuka pakubelelwa uluse ku fyabubifi fyabo.
48 Imwe muli bakambone pali ifi fintu fyonse.
49 Kabili nkamutumina neco Tata alaya. Kanshi imwe mushale mu musumba, mpaka ilyo mukapoka amaka ukufuma ku mulu.”Imilimo 2:36-39,
36 “Kanshi abena Israeli bonse bashininkishe ukuti uyu Yesu, uo mwatanike, eo Lesa acita Imfumu kabili Kristu!”
37 Cilya abantu baumfwa ifyo Petelo alanda, imitima yabo yabilimuka. Balaipusha Petelo na basole bambi abati, “Bamunyinefwe, bushe tuli nokucita shani?”
38 Petelo abasuka ati, “Cila muntu ali nokulapila no kupilibuka, no kubatishiwa mwishina lyakwa Yesu Kristu, epakuti mubelelwe uluse ku fyabubifi fyenu. Elyo mwalapokelela Mupashi Wamushilo, ubupe bwakwa Lesa.
39 Pantu nimwe bene na bana benu Lesa alaya ubu bupe. Alaya na kuli bonse abali ukutali na bonsefye abo Imfumu Lesa wesu akuuta ukuti bese uko ali.”Abashabatishiwe mwi Shina lya cine,
bapeelwe ifunde lya kubatishiwa na kabili.Imilimo 8:14-17,
14 Ilyo abasole mu Yerusalemu baumfwa ukuti abena Samaria nabasekelela amashiwi yakwa Lesa, batumako Petelo na Yoani.
15 Cilya bafikako, Petelo na Yoani epakupepelela abasumina pakuti bapoke Mupashi Wamushilo.
16 Pantu Mupashi Wamushilo tali talaisa pali bene. Babatishiwefye mwishina lya Mfumu Yesu.
17 Elyo Petelo na Yoani babatambalikilapo amaboko, bapokelela na Mupashi Wamushilo.Imilimo 19:1-6,
1 Ilyo Apolo acili mu Kolinti, Paulo apitile ne nshila ya ku mulundu afika na ku Efeso. Asangako abasambi bamo.
2 Alabepusha ati, “Bushe ilyo mwasumine muli Yesu, mwalipokelele Mupashi Wamushilo?” Nabo bamwasuka abati, “Awe ifwe tatwatala atumfwa ukuti kwaliba Mupashi Wamushilo.”
3 Elyo Paulo abepusha ati, “Nga kanshi lubatisho nshi mwabatishiwe?” Nabo bayasuka abati, “Lubatisho lwakwa Yoani.”
4 Paulo abeba ati, “Ulubatisho lwakwa Yoani, lubatisho lwakulanga ukulapila no kupilibuka. Yoani aleeba abantu ukuti bali nokusumina uwali nokumukonka panuma, emukutila ni Yesu.”
5 Bati bomfwe ifi, epakubatishiwa ulubatisho lwa Mfumu Yesu.
6 Elyo Paulo abatambalikilapo amaboko, awe Mupashi Wamushilo aisa pali bena. Balanda indimi ishalekana lekana, balasesema na mashiwi yakwa Lesa.Imilimo 10:48,
Petelo epakubeba ukuti babatishiwe mwishina lyakwa Yesu Kristu...Bushe ni cilonganino nshi ica calici ico mfwile ukusangwako?
Takuli. - Ukubombela Yesu Kristu.Yoani 3:3,
Yesu amwasuka ati, “Ndekweba icine cine umuntu teti engile mu Bufumu bwakwa Lesa, kano afyalwa nakabili.”Galatia 1:8,
Lelo cibe nifwe nangu ni malaika ukufuma ku mulu nga aisa bila imbila imbi iyapusana ne Mbila Nsuma twabilile kuli imwe, ena uyo alapishiwe!Nangu fye ni kasesema te kuti aleke ukusuminishanya ne fyalembwa.
1 Kolinti 14:37,
Kanshi uyo onse uuletontonkanya ukuti ni kasesema, nangu aliba no bupe bumbi ubo Mupashi amupeela, ashininkishe ukuti ifyo namulembela efyo Imfumu yakonkomesha.Tufwile ukupokelela Umupashi wa Mushilo.
Imilimo 1:4-5,
4 Kanshi bushiku bumo ilyo Yesu ali nabo pamo, abakonkomeshe ati, “Tamuli nakufuma mu Yerusalemu, lelo mupembele ico Tata alaya. Eco namwebelapo nati,
5 Yoani alebatisha ku menshi, lelo imwe mu nshikufye isha mpendwa mukabatishiwa kuli Mupashi Wamushilo.”Imilimo 5:32,
Ifwe tuli bakambone pali iyi milandu, pamo pene na Mupashi Wamushilo uo Lesa apeela ku bantu abamunakila.Yoani 16:7-14,
7 Kanshi ndemweba icine cine ukuti cikamuwamina nga naya. Pantu nga nshile, ninshi Kafwa takese kuli imwe. Lelo nga naya, ninshi nkaya mutuma kuli imwe.
8 Nomba ilyo akesa, akesa shinina abantu ba pano calo ifyo baluba pa mulandu wa bubifi, na pa mulandu wakucita ifyo Lesa afwaya, na pa mulandu wa bupingushi.
9 Pa mulandu wa bubifi, pantu balikaana ukunsumina.
10 Akabashinina pa mulandu wakucita ifyo Lesa afwaya, pantu ndeya kuli Tata elyo tamwakamone nakabili.
11 Pa mulandu wa bupingushi, pantu kateeka wa ba pano calo alipeelwa umulandu kale.
12 “Nali ne fyakumwebafye ifingi, lelo pali nomba teti mufiteshe.
13 Nomba ilyo Mupashi wacishinka akesa, akamutungulula mu fyacishinka fyonse. Pantu ifyo akalalanda te fya pa mutwe wakwe, lelo akalalandafye ifyo aumfwa. Kabili akamushimikila ne fintu ifili nokwisa.
14 Akalancindika, pantu fyonse ifyo akalamweba, fikalafuma kuli ine.Imilimo 1:8,
Lelo ilyo mukapoka amaka yakwa Mupashi Wamushilo, lyena mukaba bakambone bandi mu Yerusalemu, mu Yudeya monse, na mu Samaria, mpakafye no kwapelela icalo.Roma 8:9-11,
9 Lelo imwe tamwaikalila mukukonkelela ifyabuntunse. Mwaikalila mukukonka ifyo Mupashi amweba, nga Mupashi wakwa Lesa ekala muli imwe. Umuntu uushaba na Mupashi wakwa Kristu, ninshi uyo muntu te muntu wakwa Kristu iyoo.
10 Lelo nga Kristu ekala muli imwe, kanshi nangu imibili yenu ingafwa pa mulandu wa bubifi, lelo imipashi yenu yaba no mweo ico muli bakaele pa cinso cakwa Lesa.
11 Lelo nga Mupashi wakwa Lesa uwabushishe Yesu ku bafwa ekala muli imwe, ninshi Lesa uwabushishe Yesu ku bafwa akapeela umweo ku mibili yenu iyifwa. Pantu Mupashi wakwe ekala muli imwe.Imilimo 10:44-48,
44 Ilyo Petelo acili alesosa aya mashiwi, awe na Mupashi Wamushilo aisa pali bonse abaleumfwako.
45 Abayuda abasumina abaishile na Petelo ukufuma ku Yopa, balapapafye pali ico Lesa apeela Abenafyalo ubupe bwakwa Mupashi Wamushilo.
46 Baumfwa noko balelanda indimi ishalekana lekana, balelumbanya na Lesa. Elyo Petelo asosa ati,
47 “Nga nani engakaanya aba bantu ukubatishiwa ku menshi. Bapokelela Mupashi Wamushilo nga filya fine na ifwe twapokelele.”
48 Petelo epakubeba ukuti babatishiwe mwishina lyakwa Yesu Kristu...Tufwile ukwenda mu lubuuto lwa Cebo.
1 Yoani 1:5-7,
5 Aya e mashiwi twaumfwa kuli Mwane, kabili eyo tulemweba ayakuti Lesa lubuuto, elyo muli ena tamwaba mfifi nakalya.
6 Nga twasosa twatila ifwe twalyampana na Lesa ilyo tuli mu mfifi, ninshi tulebepafye ubufi, pantu tatwaba na cishinka mu bumi bwesu.
7 Lelo nga twenda mu lubuuto nga filya Lesa aba mu lubuuto, ninshi lyena twalyampana na banensu no mulopa wakwa Yesu Umwana wakwe ulatusamba ifyabubifi fyesu fyonse.Ipekanishisheni ukukumanya Lesa wenu,... (Amosi 4:12)
Ukufuma muli trakiti...
Iyi e Nshila. Muleenda muli ci.
na S.E. Johnson.
