Tshifhinga tsha Laodekia.
Vhugala ha Mudzimu ho ṱuwa.
William Branham.Vhalani mulaedza...
Tshifhinga tsha Tshivhidzo tsha Laodekia.Nzumbululo 3:15-19,
15 U ri, Mishumo yau ndi a i ḓivha, zwauri hu u rothola a u rotholi, hu u fhisa a u fhisi. Khwine khee u sa rotholi zwau khamusi wa fhisa zwau!
16 Zwino u nga u tshi tou dudela, u rothola u sa rotholi na u fhisa u sa fhisi, ndi ṱuwa ndi tshi u pfela kule wa bva mulomoni wanga.
17 Ngauri uri ndi mupfumi, ndo pfuma a thi shai tshithu, u sa zwi ḓivhi zwauri wo dzhielwa, u a ṱungufhadza, u mushai, u bofu, u fhedzi.
18 Ndi u funzedza ndi ri khee u sa rengi kha nṋe musuku wo bviswaho manyelo nga mulilo, uri u pfume, na nguvho tshena uri u fuke hu si vhonale ṱhoni dzau, nge wa vha fhedzi na mushonga wa u ḓodza maṱo a u, uri u vhone.
19 Nṋe vhenevho vhane nda vha funa ndi a vha rovhedza nda vha laya. Vusa ha nungo, u shanduke.Sa u nga ro vhala roṱhe ndi a tenda uri no zwi vhona uri muya a wo ngo amba tshithu na tshithihi nga hetshi tshifhinga. U vhona mulandu kha zwithu zwivhili a amba fhungo nga hazwo.
(1) Nzumbululo 3:15-16,
15 U ri, Mishumo yau ndi a i ḓivha, zwauri hu u rothola a u rotholi, hu u fhisa a u fhisi. Khwine khee u sa rotholi zwau khamusi wa fhisa zwau!
16 Zwino u nga u tshi tou dudela, u rothola u sa rotholi na u fhisa u sa fhisi, ndi ṱuwa ndi tshi u pfela kule wa bva mulomoni wanga.“Ri khou ḓo sedza hezwi nga vhuronwani. I ri yone tshivhidzo tsha tshigwada tsha tshifhinga tsha Laodekia a tshi fhisi a tshi rotholi. U sa fhisa uho kana u sa rothola hu khou ṱoḓa ṱhamu u bva Mudzimuni. Mbadelo ya hone ndi ya uri vha ḓo pfiwa u bva mulomoni wawe. Afha ndi hone hune ri sa tei u xela hone sa u nga vhathu vhanzhi vha tshi xela. Vha ri vhone nga u shaya vhuṱali vha ri Mudzimu a nga u pfa u bva mulomoni wawe nahone hezwi zwi sumbedza uri a hu na tshithu tsha u raloho zwi tshi nga sa ngoho i re hone kha zwidayopfunzo zwa u konḓelela ha vhakhethwa. Ndi ṱoḓa u lulamisa kuhumbulele kwaṋu zwino. Hei ndima a yo ngo fhiwa muthu muthihi; yo ṋewa kha tshivhidzo. U khou amba na kereke. Ri tshi bvelaphanḓa, arali ni tshi nga vhulunga Ipfi muhumbuloni waṋu ni ḓo zwi elelwa a hu na na huṅwe fhethu hune ya ri ri nga ngomu MULOMONI wa Mudzimu. Ro ṅwaliwa zwanḓani zwawe. Rwo ṅwaliwa kha khana yawe. Murahu hangei kha tshifhinga tshi sa ḓivhalei hu sa athu u vha na tshifhinga ro vha ri kha muhumbulo wawe. Ri tshitumbani tshawe tsha nngu, ri kha mafulo awe, fhedzi a ri nga vhi ra vha ngomu mulomoni wawe. Fhedzi ndi mini tshi re mulomoni wa Murena? Ipfi ndi ḽone ḽi re kha mulomo wawe.
Matheo 4:4, “Ene a fhindula a ri, Ho ṅwaliwa u pfi, muthu ha tshili nga vhuswa fhedzi, u tshila nga maipfi oṱhe a bvaho mulomoni wa Mudzimu.”
Ipfi ḽo tea u vha milomoni yashu, na ḽone. Zwino ri a zwi ḓivha uri tshivhidzo ndi wone muvhili wawe. Tshi fhano u dzhia vhudzulo hawe. Ndi mini tshine tsha ḓo vha mulomoni wa tshivhidzo? Ndi IPFI Petro ya u I 4:11,
“Arali muṅwe e wa u amba, mafhungo awe a nge maipfi a Mudzimu.”
II Petro ya 1:21,
“Ahuna na vhuporofita ho simuwaho nga u funa ha muthu, vhathu vhakhethwa vha Mudzimu vho ita u amba, vho hwaliwa nga Muya Mukhethwa, zwi tshi bva ha Mudzimu.”
Zwino ho khakhea mini kha havha vhathu vha ḓuvha ḽa u fhedzisela. VHO NO ṰUTSHELA KULE KHA IPFI. A VHA TSHA DUGA NGA HAḼO. A VHA TSHA ROTHOLA KANA U FHISA NGA HAḼO. Ndi ḓo zwi bvisela khagala izwo zwithu zwino.Vhabaptist vha na milayo na zwidayopfunzo zwavho vho ḓitika nga Ipfi nahone u nga si vha dzinginyise. Vha ri maḓuvha a tshi aphostola a maḓembe o fhela, nahone a hu na ndovhedzo i na Muya Mukhethwa hezwo zwi ya ngauri u khou tenda zwifhio. Vha Metodist vha ri ' vho ḓitika nga Ipfi“ a hu na ndovhedzo ya maḓi (u shasha maḓi a si u lovhedza) na uri u ṱanzwiwa ndi u lovhedzwa nga Muya Mukhethwa. Kereke ya Khristo i ita zwa ndeme ndovhedzo i sa fheliho nahone kanzhikanzhi vha ya dzhena maḓini vho oma vhe vha tshinyi vha bva vho ṋukala. Ngeno vha tshi ri pfunzo yavho yo ḓitika nga Ipfi. Tshimbila u tse fhasi nga mutevhe u swika kha Vhaphenthekhostaḽa. Vha na Ipfi naa? Vha fhe mulingo wa Ipfi nahone u vhone. Vha ḓo rengisa Ipfi vha tshi itela u takadziwa tshifhinga tshoṱhe. Arali u tshi nga bveledza zwi vhonalaho zwi no nga mapfura, malofha na dzindimi na dziṅwe tsumbo, hu nga vha kha Ipfi kana u siho kana zwo ṱalutshedzwa zwavhuḓi u bva kha Ipfi vhanzhi vha ḓo fhurwa ngazwo.
Fhedzi ho itea mini kha Ipfi? Ipfi ḽo no vhewa thungo, ngauralo Mudzimu uri, “ndi khou hanedzana na vho inwi noṱhe. Ndi ḓo ni pfa u bva mulomoni Wanga. Aya ndi one magumo. Lwa miṅwaha sumbe u bva kha zwifhinga zwa sumbe, a tho ngo vhona tshithu fhedzi vhathu vha tshi khou takulela nṱha Ipfi ḽavho vhone vhaṋe u fhirisa Ḽanga. Ngauralo kha magumo a hetshi tshifhinga ndi ḓo ni pfa u bva mulomoni Wanga. Zwoṱhe zwi vha zwo fhela. Ndi khou ḓo amba zwoṱhe zwolugaho. Ndi zwone, ndi nṋe are fhano vhukati ha kereke. Ene Ameni wa Mudzimu, A fhulufhedzeaho nahone are wa ngoho u ḓo ḓidzumbulula Ene muṋe nahone HU ḒO VHA HU NGA MUPHOROFITA WANGA.” Oo ndi zwone, vhukuma. Zwenezwino maḓuvhani a Ipfi muruṅwa wa vhuṱanu na vhuvhili arali a tshi ḓo lidza phalaphala, ndi hone na tshiphiri tsha Mudzimu tshi tshi ḓo khunyelela, vhunga ene, Mudzimu, vhalanda vhawe vhukuma, vhaphorofita, o vha vhudza eneyo mafhungo maḓifha. Nzumbululo 10:7.
Khezwila u khou rumela muphorofita o nangiwaho nga murahu ha miṅwaha ya zwigidi zwivhili. U khou rumela muṅwe muthu are kule na madzangano, na pfunzo, na shango ḽa vhurereli, sa Yohane mulovhedzi na Elia wa kale u ḓo pfa fhedzi u bva kha Mudzimu nahone u ḓo vha na uri U RALO MURENA, nahone a ambela Mudzimu. U ḓo vha muambeli wa Mudzimu nahone Ene, sa u nga zwo ambiwa kha MALAKIA 4:6, U ḒO REMBULUSA DZIMBILU DZA VHANA DZA HUMELA MURAHU KHA VHOKHOTSI. U ḓo humisa murahu vha nangiwa vha ḓuvha ḽa u fhedzisela nahone vha ḓo pfa muphorofita o nangiwaho a tshi ṋea ngoho ya vhukuma sa zwe zwa vha zwi zwone kha Paulo. U ḓo humisela ngoho nga nḓila ye vha vha vhe nayo. Avho vhanagiwa vha no ḓo vha vhe nae nga iḽo ḓuvha vha ḓo vha vhone vhane vha sumbedza zwavhukuma Murena nahone vha vha muvhili wawe vha dovha vha vha Ipfi ḽawe vha ita mishumo yawe. Haleluya! Ni a zwi vhona naa?
Ri tshi sedza lwa tshifhinga nyana ḓivhazwakale ya kereke i ḓo sumbedza uri hoyu muhumbulo u khou rwa nṱha ha tshithoma. Nga tshifhinga tsha maswiswi Ipfi ḽo vha ḽi tshi tou nga ḽo xela lwa tshoṱhe kha vhathu. Fhedzi Mudzimu a rumela Luther na IPFI. Maḽuthere vho ambela Mudzimu nga tshe tshiḽa tshifhinga. Fhedzi vha ita dzangano, Ipfi ḽo ṱambaho ḽa mbo ḓi dovha ḽa xela, ngauri dzangano ḽi sendama nga zwidayopfunzo na kuitele hu si Ipfi ḽo leluwaho. Vho vha vha si tsha kona u ambela Mudzimu. Zwino Mudzimu a mbo ḓi ruma Wesley a mbo ḓi vha Ipfi ḽi na IPFI nga ḓuvha ḽawe. Vhathu vho dzhiaho nzumbululo yawe u bva kha Mudzimu vho ḓo vha Maṅwalo a tshilaho a vhalwaho nahone a ḓivhiwa nga vhathu vhoṱhe kha tshifhinga tshavho. Afho Vhameṱodist vha tshi kundelwa Mudzimu o vusa vhaṅwe; ngauralo zwa tshimbila nga u ralo zwa miṅwaha u swika ḓuvha ḽa u fhedzisela hu tshi vha na vhaṅwe vhathu kha shango, lune fhasi ha muḓinḓa wavho vha ḓo vha Ipfi ḽa u fhedzisela kha tshifhinga tsha u fhedzisela.
Ee muhali. Kereke a i tsha vha “tshiambeli” tsha Mudzimu. Kereke yo no vha tshiambeli tshayo yone iṋe ngauralo Mudzimu u vho i rembulutshela. U ḓo ḓaḓisa tshivhidzo nga muporofita na nga muselwa ngauri Ipfi ḽa Mudzimu ḽi ḓo vha ḽi khae. Ee ndi zwone, ngauri i khou amba kha ndima ya u fhedzisela ya Nzumbululo ndimana ya 17 “Muya na muselwa vhari I ḓa.”
Khathihi fhedzi hafhu shango ḽi ḓo dovha ḽa pfa u bva kha Mudzimu thwii u fana na kha phenthekhoste; fhedzi zwo ralo uyo Muselwa wa Ipfi u ḓo vha na kuitele kune kwa fana na kwa tshifhinga tsha u thoma.Zwino o no lilesa kha hetshi tshifhinga tsha u fhedzisela: “ni na Ipfi, ni na dzi Bivhiḽi u fhirisa tshiṅwe tshifhinga fhedzi a ni khou ita tshithu nga ha Ipfi nga nnḓa ha u ḽi khethekanya na u ḽi tumukana nga zwipiḓapiḓa ni tshi dzhia zwine na funa na sia zwine na si zwi fune. A ni na dzangalelo ḽa u ḽi tshila heli Ipfi, fhedzi u ṱaṱa khani nga haḽo. Ndi khwine ṱhaṅwe no vha ni tshi rothola kana u fhisa. Arali no vha ni tshi rothola na ḽi hana ndo vha ndi tshi ḓo zwi pfesesa hezwo. Arali ni tshi ḓo fhisa lwa u tshena na ḓivha ngoho na i tshila ndo vha ndi tshi ḓo ni fhululedzela zwenezwo. Fhedzi arali ni tshi sokou dzhia Ipfi Ḽanga na ḽi lelusa na sa ḽi ṱhonifhe na nṋevho ndi a humisedza nda hana u ni ṱhonifha. Ndi ḓo ni pfela nnḓa ngauri ni a ntsilingisa!”
Zwino muṅwe na muṅwe u a zwi ḓivha uri ndi maḓi a sa rotholiho a no ita uri muthu a lwale thumbuni. Arali ni tshi ṱoda u ṱanzwa dangani maḓi a sa fhisiho kana a sa rotholiho ndi one avhuḓi kha u nwa. Kereke i sa fhisiho kana i sa rotholiho yo ita uri Mudzimu a lwale nahone o zwi amba uri u ḓo i pfela nnḓa. Zwi ri humbudza uri o pfisa hani muḓalo u sa athu u ḓa, A si zwone naa?
Oo, zwo vha zwi tshi ḓo vha khwiṋe u ya nga ha Mudzimu uri Kereke i rothole kana uri i fhise. Fhedzi zwa khwiṋe kha zwoṱhe, yo tea uri i (fhise) nga maanḓa. Fhedzi ha khou fhisa. Tshigwevho tsho no ḓi ṋewa. Ha tshavha Ipfi ḽa Mudzimu kha shango. Tshivhidzo tshi ḓo hana tshi tshi ri ndi tshone, fhedzi Mudzimu uri hai a si tshone.
Oo, Mudzimu u tshe na Ipfi kha vhathu vha shango, sa u nga o ṋea Ipfi kha muselwa. Heḽo Ipfi ḽi kha muselwa sa u nga ro amba nahone ri ḓo amba nga ha zwinzhi nga haḽo nga vhuya.
(2) Nzumbululo 3:17-18,
17 Ngauri uri ndi mupfumi, ndo pfuma a thi shai tshithu, u sa zwi ḓivhi zwauri wo dzhielwa, u a ṱungufhadza, u mushai, u bofu, u fhedzi;
18 Ndi u funzedza ndi ri khee u sa rengi kha nṋe musuku wo bviswaho manyelo nga mulilo, uri u pfume, na nguvho tshena uri u fuke hu si vhonale ṱhoni dzau, nge wavha fhedzi na mushonga wa u ḓodza maṱo au, uri u vhone.Zwino sedzani kha ipfi ḽa u thoma ḽa hei ndima “ngauri iwe u khou ri…”. Ni a vhona, vha vha tshi khou amba. Vha khou amba sa tshiambeli tsha Mudzimu. Hezwi zwi ṋea vhuṱanzi vhukuma sa zwe nda amba kha 16-17 zwe ya vha i tshi khou amba. Naho vha zwi amba, hezwo a zwi itisi uri zwi pfi zwoluga. Kereke ya Khaṱoḽika i ri i ambela Mudzimu vha tshi ri ndi vhone Ipfi ḽo themendelwaho ḽa Murena. Uri vhathu vha nga vha vhavhi lwa muya nga nḓila ine nda fhirisa u ḓivha, fhedzi vha bveledza u ya nga ha mbeu i re khavho, nahone ri a zwi ḓivha uri heyo mbeu yo bva ngafhi, a ri zwi ḓivhi naa?
Tshivhidzo tsha Laodekia tshi khou ri “ndo pfuma nahone ndo ḓala nga thundu, a thi ṱodi tshithu.”' Henefho o vha o ḓi eḓanisa ene muṋe. O ḓi sedza nahone ndi zwone zwe a vhona, o ri ndo “pfuma,” zwi tshi amba uri o pfuma kha zwithu zwa ḽino shango.
U khou ḓihudza o sedzana na Yakobo 2:5-7,
Ipfani vharathu vhanga vha funwaho, Mudzimu ha ngo ṋanga vho tshinyalaho lwa shango a vha ita vhapfumi u tendani, vha vha maḽaifa ha vhuhosi He a ri, Ndi ḓo fha vha Mufunaho.
Inwi ha no nyadza mutshinyali. Naa a si vhone vhapfumi vha ni itelaho maanḓ, a si vhone vha ni kokodzelaho dzi tsengoni kani?
A si vhone vhane vha solisa dzina ḽa u naka le ḽa vhidzelwa kha inwi.
Zwino A THI KHOU ṱahisa uri muthu o pfumaho a nga si vhe wa muya fhedzi ri a zwi ḓivha uri Ipfi ḽi ri ndi vhaṱukusa vha re vha muya. Ndi vhashai vha re vhanzhi kha muvhili wa ngoho tshivhidzoni. Zwino ha, arali kereke ya ḓalelwa nga lupfumo, ri ḓivha tshithu tshithihi fhedzi “vhugala ha Mudzimu ho ṱuwa'' zwi vha zwo ṅwaliwa muṋangoni wawe! U nga si zwi hanedze hezwi ngauri heḽo ndi Ipfi.Vhalani mulaedza...
Tshifhinga tsha Tshivhidzo tsha Laodekia.
