Khristo e Nnḓa ha Tshivhidzo.
Tshifhinga tsha Laodekia.
William Branham.Vhalani mulaedza...
Tshifhinga tsha Tshivhidzo tsha Laodekia.Nzumbululo 3:20-22,
20 Asizwo, ndo ima muṋangoni ndi khou omba-omba; ane a pfa ipfi ḽanga, a mvulela vothi, ndi ḓo dzhena khae nda ḽa tshilalelo nae, a tshi ḽa na nṋe.
21 Ane a kunda ndi ḓo mu fha a dzula na nṋe kha khuluṋoni yanga, u nga na nṋe ndo ri u kunda nda dzula na Khotsia-anga kha khuluṋoni yawe.
22 A re na nḓevhe dza u pfa kha a pfe zwine Muya wa vhudza zwivhidzo.Zwino hu na u ḓaḓa hu hulwane nga hei ndimana ngauri vha shumeli vhanzhi vha no ita mushumo vha vhoṱhe vha ya i shumisa kha ivangeli yavho vhe vhoṱhe sa u nga Yesu e kha muṋango wa mbilu ya muita zwivhi muṅwe na muṅwe a tshi khou khokhonya uri a dzhene. Hu khou pfi hone arali muita zwivhi a vula muṋango Murena ndi hone a tshi ḓo dzhena nga ngomu. Fhedzi hei ndimana a i khou amba nga mutshinyi muṅwe na muṅwe. Mulaedza woṱhe u na manweledzo sa zwine zwa ita mulaedza muṅwe muṅwe kha tshifhinga tshiṅwe na tshiṅswe. Kha ndimana 22 i khou ri, 'A re na nḓevhe nga a pfe zwine Muya wa vhudza ZWIVHIDZO'', ngauralo hoyu ndi mulaedza kha tshivhidzo tsha tshifhinga tsha u fhedzisela. Iyi ndi yone nyimele ya tshivhidzo tsha Laodekia tshi tshi swika magumoni atsho. A si mulaedza wa muthu muthihi u tshi ya kha muthu muthihi. Ndi Muya une wa khou ri vhudza hune Yesu a vha hone. YESU O NO SIYA TSHIVHIDZO.
Uri hedzi a si dzone mvelelo dzi pfalaho naa kana vhufhelo arali Ipfi ḽa kudzelwa kule hu tshi itelwa zwidayopfunzo, Muya Mukhethwa u tshi kudzelwa kule hu tshi itelwa Mupapa, mubishopo, vhaphuresidennde na dzikhansiḽara na vhaṅwevho; nahone Mutshidzi o iswa matungo hu tshi itelwa mbekanyamushumo ya mushumo kana uri u farana ha dzikereke, kana uri muṅwevho mufuda wa u tevhedzela maitele a tshivhidzo? Hu nga itwa zwi no fhira afha naa zwine zwa hanedzana nae? Hetshi ndi tshifhinga tsha vhufhelo! Hoyu ndi hone u ṱutshela lutendo! Hohu ndi hone u gunea! Hoyu ndi wone muṋango wo vuleaho u yaho kha mulwanakhristo, ngauri arali muthu a ḓa nga Dzina ḽa Khotsi awe ḽine ḽa vha (Yesu) a sa ṱanganedziwi, fhedzi a haniwa, zwino hu ḓo ḓa muṅwe a na dzina ḽawe ene muṋe (muzwifhi, muedziseli). Nahone ene vha ḓo muṱanganedza, Yohane 5:43. Munna wa tshivhi, uyo Murwa wa u yo ḽaṱwa u ḓo dzhia vhudzulo.
Mateo 24 i amba nga ha tsumbo dzi re ḽiṱaḓulu maelana na ḓuvha ḽa u fhedzisela Yesu a sa athu ḓa. Ndi a mangala arali no zwi limuwa uri tsumbo ine ya fana na iyi yo vhuya ya khunyeledzwa hu si kale sa u sumbedza ngoho iyi ine ra khou amba nga hayo. Ngoho iyo ndi ya uri Yesu a sendedzwa thungo nga zwiṱuku nga zwiṱuku u swikela nga hetshi tshifhinga tsha u fhedzisela O khurumedzelwa nnḓa h a tshivhidzo. Ni a zwi humbula uri kha tshifhinga tsha u thoma zwo vha zwi tshi tou nga ngoho ya tshivhidzo yo vha yo ḓala u mona hoṱhe. Hu uri ho vha hu na vhukhakhi nyana he ha vha hu tshi vhidzwa uri ndi mushomo wa Vhanikolai ye ya hanisa tshitendeledzi uri tshi songo ḓala. Zwino kha tshifhinga tshi tevhelaho swiswi ḽo ḓo anda ḽa dzhena ngomu u swikela na bola ḽa tshedza ḽi tshi duga zwiṱukuṱuku, nahone swiswi ḽo no ḓadza fhethu hunzhi kha tshitendeledzi. Kha tshifhinga tsha vhuraru tshi tendeledzi tsho vha tsho ḓadziwa nga maanḓa nahone kha tshifhinga tsha vhuṋa tshine tsha vha tshifhinga tsha maswiswi, tshedza tshoṱhe tsho vha tsho no ṱuwa.
Zwino humbula nṱha ha hezwi. Tshivhidzo tshi a penya nga u vhonadzwa nga tshedza tsha Khristo. Ndi ene ḒUVHA. Tshivhidzo ndi tshone ṄWEDZI. Ngauralo u mona ha tshedza ndi hone ṅwedzi. Wo fhungudzea u bva kha u vha ṅwedzi wo ḓalaho kha tshifhinga tsha u thoma, u ya kha siḽivhere u ya kha tshifhinga tsha vhuṋa. Fhedzi nga tshifhinga tsha vhuṱanu wo thoma u aluwa. Nga tshifhinga tsha vhurathi wo dzhia ḽiga ḽihulwane ḽa nyaluwo i tshi ya phanḓa. Kha tshipiḓa tsha tshifhinga tsha vhusumbe wo vha u tshi kha ḓi aluwa henefho na henefho wo mbo ḓiima u aluwa, wa mbo ḓifhelela wa tou nga a hu na tshithu, ngauralo kha uri hu vhe na tshedza ho ḓo vha na swiswi ḽa vhufhelo, nahone magumoni a tshifhinga ho vha na swiswi ḽa u bva lutendoni, nahone kha mafhelo a tshifhinga wo vha wo no ima u penya ngauri swiswi ḽo vha ḽo no ḓala. Khristo o vha o no vha nnḓa ha tshivhidzo zwazwino. Khei tsumbo ya hone i re makoleni. Mutshakavhili wa u fhedzisela wa ṅwedzi wo vha u mutshakavhili wo fhelelaho. Wo fhelela wa vha swiswi ḽo ḓalaho nga zwipiḓa zwa sumbe. Kha tshipiḓa tsha vhusumbe swiswi ḽo ḓalaho ḽo ḓa sa mupapa wa Roma (Paul VI) o ya Palestine u yo ita nyendo ya muya Yerusalema. O vha ene Mupapa wa u thoma u ya Yerusalema. Mupapa hoyu u pfi Paul VI.
Paul o vha ene muḓinḓa wa u thoma na uyo munna u vhidzwa nga dzina ḽeḽi. Vhonani uri ndi nomboro rathi ndi nomboro ya muthu. Hezwi zwi fhirisa u vha khakho. Nahone o ri a tshi ya Yerusalema ṅwedzi, tshivhidzo, tsho dzhena kha swiswi ḽo ḓalaho. Ndi zwone hezwi. Aya ndi one mafhelo. Holwu lushaka lu si nga fhiri u swika hezwi zwoṱhe zwi tshi khunyelela. Naho zwo ralo Murena Yesu, iḓa nga u ṱavhanya!
Zwino ri a zwi vhona uri ndi ngani ho vha hu na miṱokola mivhili muṅwe wa ngoho na muṅwe wa mazwifhi. Zwino ri a zwivhona uri ndi nga mini Abrahamu o vha na vhana vhavhili, (muṅwe wa ṋama o vha tshi shengedza Isaka) nahone na muṅwe wa mbavhalelo. Zwino ri a zwi vhona uri u bva kha vhabebi vhathihi vhaṱhannga vhavhili vho bebwa vhe malwelavanḓa, muṅwe a ḓivha nahone a tshi funa zwithu zwa Mudzimu, na muṅwe a tshi ḓivha zwinzhi zwa ngoho yeneyo i fanaho, fhedzi vha si vha muya muthihi; ngauralo a shengedza ṅwana we a vha o nangiwa. Mudzimu ho ngo fha muhumbulo wa mudzia u sa tenda a tshi sokou ḓiitela fhedzi. O isa muhumbulo wa u humbula vhuvhi a tshi itela vho nangiwaho.
VHO NANGIWAHO VHA NGA SI KONE u shengedza vho nangiwaho. VHO NANGIWAHO VHA NGA SI huvhadzi vho nangiwaho. Ndi vha humbulaho vhuvhi vhane vha shengedza vha lozwa vho nangiwaho. Oo, ndi vhadzia u sa tenda ndi vha vhurereli! Vho ṱalifha. Vha kha mutevhe wa Kaini mbeu ya ṋowa, vha fhaṱa dzi Babele dzavho, vha a fhaṱa ḓorobo dzavho, vha fhaṱa mivhuso yavho, nahone vha tshi ita zwoṱhe hezwi vha tshi vhidzelela Mudzimu. Vha a vhenga mbeu ya ngoho, vha ḓo ita zwoṱhe zwine vha kona nga dzina ḽa Murena uri vha lozwe avho vho nangiwaho vha Mudzimu. Fhedzi vha a ṱoḓea. 'Mungu ndi mini kha gorosi?'' Arali hu si na mungu a hu na gorosi, fhedzi mafhedziseloni hu itea mini kha mungu? U khou fhisiwa nga mulilo u sa dzimiho. Zwino kha gorosi? I ngafhi? I khou vhewa ngafhi? I khou fhewa ḓuluni, ndi hone hune ya vha hone.
Oo, vhanangiwa vha Mudzimu ṱhogomelani. Vhalani ni vhalese. Ṱhogomelani. Ṱoḓani u tshidzwa haṋu nga u ofha na u tetemela. Ḓitike nga Mudzimu nahone u khwaṱhe kha maanḓa awe. Swina ḽau, diabolo u khou tshimbila tshimbila sa ndau i vhombaho i tshi ṱoḓa ane i nga mu mila. Linda u rabele, u wa ufulufhedzea. Hetsi ndi tshifhinga tsha vhufhelo. Woṱhe muṱokola wa ngoho na wa mazwifhi u vho ḓo vhibva, fhedzi arali goroi i sa athu u vhibva hoyo mufhunga wo tea u vhofhiwa uri u yo fhiswa. Ni a zwi vhona vhoṱhe vha vho ḓipaṱekanyisa na dzangano ḽa dzikereke ḽa shango ḽoṱhe. Ndi hone u vhofhiwa. Hu si kale u iswa ḓuluni ha gorosi hu ḓo ḓa. Fhedzi zwa zwino mimuya mivhili i mishumoni kha miṱokola mivhili. I bva nnḓa vhukati ha mufhunga. Thoma u kunda uri u kone u vhalwavho sa o lugelaho dzithendo dza Murena wau, nahone wo fanelwa u dzhia muvhuso wa vhusa Nae.
Vhalani mulaedza...
Tshifhinga tsha Tshivhidzo tsha Laodekia.
