Si Cristo mao ang tinago sa Dios nga gipadayag.

William Branham.

Basaha ang tibuok nga asoy sa...
Si Cristo mao ang tinago sa Dios nga gipadayag.

Matikdi, ang Dios dunay tulo ka pilo nga katuyoan dinhi niining dakung tinago nga gililong. Ang Dios, sa Iyang dakung tinago nga nalilong nga anaa Kaniya sa wala pa magsugod ang kalibutan, Siya adunay usa ka tulo ka pilo nga katuyoan diha niini. Ug karon, ang buot natong pagaadtoan niining kabuntagon mao ang: Unsa kanang tulo ka pilo nga katuyoan? Nakita ninyo? Karon, ako nagatoo pinaagi sa tabang sa Dios, Kini ania karon, ug Siya mapakita niini kanato karon.
Karon, kung Siya aduna niining tulo ka pilo nga katuyoan... Atong pangitaon unsa kining tulo ka pilo nga katuyoan.

Ang nahaunang butang nga ang Dios buot nga magpadayag sa Iyang kaugalingon ngadto sa katawhan. Dili Siya makahimo niini ingon nga dakung Jehovah nga Dios Kinsa nagalukop sa tanang kawanangan, panahon, ug sa walay katapusan. Dili Siya makahimo. Siya daku ra kaayo nga makapadayag ngadto sa katawhan, tungod kay kini misteryoso ra kaayo. Unsaon nianang dakung Dios walay sinugdanan gayud, nga human ka maadto sa luyo sa gatusan ka mga bilyon ug mga trilyon ug mga trilyon sa mga katuigan sa kawanangan, ug paingon ngadto sa walay kinutoban, ngadto sa walay katapusan, ug ang usa ka dakung Binuhat nga mao ang tanan niana, ug sa gihapon mao.

Apan unsa ang Iyang buot pagabuhaton, Iyang gihigugma ang Pagkaamahan, tungod kay Siya usa ka Amahan. Ug ang bugtong usa ka paagi nga Siya makapadayag niini mao nga mahimong Anak sa tawo. Mao kana ang hinungdan si Jesus nagapadayon sa pagsulti, “Ang Anak sa tawo.” Nakita ninyo, sila wala mahibalo unsa ang Iyang gipamulong, daghan kanila. Apan karon nakuha ba ninyo kini? Siya buot magpahayag sa Iyang kaugalingon. Mao kana ang Iyang, usa sa Iyang dakung tulo ka pilo ka mga katuyoan, mao ang pagpadayag sa Iyang kaugalingon, magpaila sa Iyang kaugalingon ngadto sa mga tawo, sa pagpadayag sa Iyang kaugalingon diha kang Cristo.

Sa ikaduha nga bahin: aron makaangkon ug pagkahimong labaw sa tanan diha sa Iyang lawas sa mga magtotoo, mao ang, Iyang Pangasaw-onon, nga Siya mahimong mopuyo diha katawhan.

Karon, Siya makahimo niana diha kang Adan ug Eva, apan ang sala nakapabulag kanila, busa karon kinahanglan adunay laing paagi aron mahibalik kini pag-usab. Oh, tan-awa.Oh, sa dihang ako... Kini datu alang kanako, bisan sa paghunahunalamang niini. Nakita ninyo? Nakita ba ninyo unsa ang katuyoan sa Dios?
Karon, nganong wala Niya gihimong magpabilin si Adan ug si Eva sama niana? Nan dili Siya gayud makahimo sa pagpadayag sa Iyang Kahupnganan, ang Iyang kinatibokang kinaiya, tungod kay... Siya mahimong usa ka Amahan didto; tinuod kana, apan Siya usab usa ka Manluluwas. Ikaw moingon, “Giunsa nimo sa pagkahibalo nga Siya mao kaniadto?” Siya mao, tungod kay ako nakabaton ug kasinatian. Nakita ninyo, nakita ninyo? Siya usa ka Manluluwas, ug kinahanglan Iyang ipadayag kana, ug unsaon Niya sa paghimo niini? Pinaagi lamang kang Cristo. Unsaon Niya sa pagkahimong usa ka Anak? Pinaagi lamang kang Cristo. Unsan Niya sa pakahimong usa ka Mananambal? Pinaagi lamang kang Cristo. Nakita ninyo, ang tanang butang mopaingon diha niana ngadto usa ka Persona nga mao si Jesu-Cristo. Oh, tan awa.

Ug ako-sa dihang ako-sa dihang ako naghunahuna mahitungod niini, akong nakita lamang ang mga denominasyon nga milabay sa talan-awon, ang tanang butang pa nagapadayon lamang. Nakita ninyo? Sa dihang akong nakita ang dakung katuyoan sa Dios: nga nagapadayag sa Iyang kaugalingon, ug nakabaton... Nahauna, aron sa pagpadayag sa Iyang kaugalingon diha kang Cristo, ang Kinatibok-an sa pagkaDios diha sa lawas, ug unya sa pagdala nianang Kinatibok-an sa pagkaDios sa lawas ngadto sa usa ka katawhan nga Siya mahimong labaw sa tanan, ang nagabantay, ang nagadumala.

Ug sa miaging- ang gabii... Kung wala kamo makakuha sa teyp nga akong giwali dinhi usa ka gabii sa “Usa ka Binilanggo ni Jesu-Cristo- si Pablo, usa ka Binilanggo...” Nakita ninyo? Sa dihang ang Dios naghimo kaninyo nga Iyang binilanggo, nan dili ka makahimo ug unsang butang gawas kung unsa ang gisulti sa Espiritu nga pagabuhaton. Si Pablo, uban sa tanan niyang dakung kinaadman... Siya nagtudlo- siya gitud-loan ni Gamaliel aron mahimong usa ka dakung sacerdote kon rabi sa umalabut nga adlaw. Ug siya adunay dagkung mga ambisyon. Siya sa kinaadman usa ka dakung tawo: dakung pagbulot-an, dakung tawo sa nasud. Apan kinahanglan iyang pagakuhaon ang matag gamayng bahin niini (Nakita ninyo?) aron mahimong bahin sa Pulong, aron sa pagpadayag kang Jesu- Cristo. Siya nasayud unsa ang isulti...

Siya adunay plano nga moadto sa ubang dapit (ang ubang tawo nagapaadto kaniya), apan gidi-an sa Espritu sa pagbuhat sa iyang kaugalingong kabubut-on. Oh, kung ang katawhan nga katunga lang ang pagka esprituhanon makahimo sa pagkuha niana... Nakita ninyo? Siya gidid-an sa pagbuhat sa iyang kaugalingong kabubut-on. Siya lamang makabuhat... “Ang Espiritu nagpugong kanako.” Nakita ninyo? Siya usa ka binilanggo ni Cristo.

Human niana, kining gamayng magtatag-an usa niana ka adlaw, kinsa siya nasayud... Si Pablo nasayud nga siya dunay kagahum sa pagpapahawa niana yawa, apan siya makahimo lamang niini sumala sa pag-abut sa Dios niini. Sa adlaw adlaw siya nagasunod kaniya, nagasinggit nga nagasunod kaniya, apan usa niana ka adlaw ang Espiritu nagahatag ug pagtugot kaniya. Unya siya nagbadlong kaniya, ang espiritu nga anaa sa sulod kaniya. Nakita ninyo? Siya nasayud unsa kini nga mahimong usa ka binilanggo.

Si Moises: sa iyang mga kinaadman, kinahanglan iya kining pagawagtangon aron makaplagan si Cristo, aron mahimong binilanggo. Human niana sa dihang ang Dios nagkuha sa tanang kalibutan gikan kaniya ug sa tanan nga pagkabantugan niya, ug mibarug diha sa presensya nianang Haligi sa Kalayo nianang adlawa, siya nakaplagan lamang nga naamang. Siya dili gani- siya gani makasulti, siya miingon. Ug niana ang Dios dunay usa binilanggo. Nakita ninyo? Dili ka magsulay sa imong kaugalingon nga pagpangita. Human niana ang Dios nagtuga niining tawo- nagtuga kaniya sa gahum nga igo nga siya makahimo sa pag-adto didto. Ug siya miingon, “Ginoo, akong gisultian si Faraon kung unsa ang Imong gipamulong, ug dili siya magabuhat niini.”

Siya miingon, “Nan dal-a kini, ang imong sungkod (Ang Dios namulong; mao kana ang Pulong sa Dios); umadto ka didto ug ipunting kini paingon ngadto sa sidlakan ug tawaga ang mga langaw.” Ug ang mga langaw mitungha gikan sa paglalang, tungod kay Siya adunay usa ka binilanggo nga si Faraon dili makabayad sa bisan unsang butang. Walay bisan kinsa pa nga makapaliso kaniya sa laing dalan. Siya usa ka hingpit nga binilanggo diha sa mga talikala sa Pulong sa Dios, ginapus sa bug-os ngadto sa MAO KINI ANG GIPAMULONG SA GINOO.

Oh, kung ang Dios makahimo sa pagkuha sa Iyang mga binilanggo sama niana. Karon, mao kana sa dihang Siya makahimo sa pagpadayag sa pagkahimong labaw sa tanan. Nakita ninyo? Siya nagkuha sa tawo kon sa persona aron nga walay iyang nahibaloan gawas kang Cristo. Nakuha ba ninyo ang akong buot ipasabut? Buyno. Mao kana ang ikaduha.

Nahauna, sa pagpadayag sa Iyang kaugalingon sa bug-os: ang Dios diha kang Cristo. Ikaduha, aron mahimong labaw sa tanan pinaagi niini diha sa Iyang Iglesia (nga mao ang Iyang Lawas, Pangasaw-onon) aron... Siya mahimong makabaton ug pagka labaw sa tanan aron sa pagpadayag sa Iyang kaugalingon pinaagi kanila. Sa walay duhaduha.

Ug ikatulo, aron sa pagpahiuli sa Gingharian ngadto sa iyang eksaktong dapit nga nahulog pinaagi sa sala pinaagi sa nahaunang Adan, balik ngadto diin Siya nagalakaw sa kabugnaw sa kagabhion uban sa Iyang katawhan, nakighinabi uban kanila, nakiginambitay uban kanila. Ug karon ang sala ug kamatayon nakapabulag kanila gikan sa Iyang Presensya ug sa Iyang kinatibok-ang pagpadayag. Nabasa ba ninyo kini? Sa wala pa matukod ang kalibutan aron sa pagpadayag sa tanan sa Iyang mga kinaiya, kung unsa Siya.

Tungod niana, kung ang bisan kinsa nga nagatoo sa tulo ka persona sa usa ka Dios magaabli sa iyang kaugalingon sa makadiyut, inyong makita kanang Amahan, Anak, ug Espiritu Santo dili tulo ka mga dios; Kini ang tulo ka mga kinaiya sa mao ra nga Dios. Nakita ninyo? Mao kini ang pagpadayag. Amahan; Siya mao- buot nga mahimong Amahan. Siya mao ang Amahan; Siya mao ang Anak; ug Siya mao ang Espiritu Santo. Ug ang Amahan ug ang Espiritu Santo mao ra nga Espiritu. Wala ba ninyo makita? Nakuha ba ninyo kini? Dili tulo ka mga Dios, ang yawa nagsulti kaninyo nianang mga butanga aron kamo himoong magsisimba ug diosdios. Nakita ninyo? Kini usa ka Dios nga nagpadayag diha sa tulo ka mga kinaiya: aron mahimong Amahan, aron mahimong manluluwas, aron mahimong Anak, aron mahimong Mananambal (Nakita ninyo?) mao kini ang Iyang pagpadayag.

Buot ko nga mopabaybay sa makadiyut lamang aron bisan ang katawhan nga nagapaminaw sa teyp makakuha ug ideya, nga mahimong makakita. Makapahimo kini kanako sa pagtuyok, ug pagtuyok nianang orasan, sa usa lamang nianang mga butang hilisgutan. Apan ako naglaum ako nakahimo niini sa igo nga katin-aw nga kamo makahimo nga makakita unsa ang akong pagaadtoan. Nakita ninyo? Ang Dios nagpadayag diha kang Jesu-Cristo, Kinsa mao ang Amahan, Anak, ug Espiritu Santo, ang Kinatibok-an sa pagkaDios diha sa lawas. Karon, ang bug-os Kinatibok-an sa pagkaDios diha sa lawas nagapuyo diha sa Iyang Iglesia, ang molabaw gayud sa tanan. Ang tanan nga anaa sa Dios, Iyang gibubo ngadto kang Cristo; ang tanan nga anaa kang Cristo gibubo ngadto sa Iglesia, ang magtotoo. Dili denominasyon. Moadto kita ngadto niana sa pipila ka mga minuto, ug kini pagakuhaon gikan sa inyong hunahuna hangtud sa kahangturan. Nakita ninyo? magpakita kaninyo unsa ang hinungdan niana pinaagi sa tabang sa Dios, kung Siya magtugot lamang niini kanato.

Unsa ang Iyang katuyoan karon? Magpadayag sa Iyang kaugalingon ingon nga Anak (Nakita ninyo?), ug karon- nga diha Kaniya mahimong mopuyo ang Kinatibok-an sa pagkaDios diha sa lawas. Duna koy mga Taga Colosas nga napahiluna dinhi, atubangan gayud kanako. Nakita ninyo? Nga... Tanan sa tibook Kasulatan mao kana kung unsa ang katuyoan sa Dios.

Unya kining Kinabuhi niining Anak, Iyang krus (ang Dugo, nagaingon dinhi, sa Iyang krus), nga Siya makahimo sa pagpasig-uli ngadto sa Iyang kaugalingon usa ka Lawas, usa ka Pangasaw-onon (nga diin si Eva, ang ikaduha nga Eva); ug ang Dios naghatag niini sa usa ka tipo sama sa Iyang gibuhat kang Moises ug sa tanan kanila (ang maong butang nga Iyang gihimo diha kang Adan ug Eva, nagkuha ug tipo), nga sila mao ang Cristo ug ang Pangasaw-onon (Siya mao ang ikaduha nga Adan; ang Iglesia mao ang ikaduha nga Eva); Ug samtang ang ikaduhang Eva magakompromiso batok sa nahaunang Eva? Nagatinguha sa pagsulti niini... “Buyno, kini alang sa ubang laing kapanahonan.” Ug moadto kita niana sa pipila ka mga minuto, kon Siya miingon nga kini alang sa laing kapanahonan. Unsaon nga mahimo kini alang sa laing kapanahonan nga sa dihang Siya mao sa gihapon kagahapon, karon, ug hangtud sa kahangturan? Apan ang Dios adunay katuyoan niana ug gitago kini gikan sa mga mata sa mga makinaadmanon ug mga masinabuton ug gipadayag kini ngadto sa gipili nang daan nga mga bata, kinsa nga mga gipili nang daan sa padawat niini.

Basaha ang tibuok nga asoy sa...
Si Cristo mao ang tinago sa Dios nga gipadayag.

Kay maingon nga ang lawas usa ra ug nagabaton ug daghang mga bahin, ug nga kining tanang mga bahina sa lawas, bisan daghan sila, usa ra ka lawas, maingon man usab niana si Cristo.

Kay pinaagi sa usa ka Espiritu kitang tanan mga Judio o mga Gresyanhon, mga ulipon o mga tawong gawas nabautismo ngadto sa usa ka lawas; ug kitang tanan gipatuhop ug usa ka Espiritu.

1 Corinto 12:12-13