Na tolu na i naki vuni oqo na Kalou.
<< sa oti o ya
kena e tarava >>
Na kavuni ni Kalou e mai vakatakila no Karisito.
William Branham.Mai na... Na kavuni ni Kalou e mai vakatakila no Karisito.
Raica, na Kalou ea sa tu vua e tolu na i naki vuni ena ka vuni cecere oqo. Na Kalou, ena Nona ka vuni cecere oqo ka a sa tu vua ni a bera nia se tauyavutaki ko vuravura, ea sa tu vata kina e tolu na i naki vuni. Ia oqo na ka eda na vinakata meda na lako kina, ena mataka oqo, sa i, na cava na tolu na i naki vuni oya? Raica? Ia oqo, au vakabauta, ena nona veivuke na Kalou, Ko koya ka sa tiko oqo, ia Ko koya— Ko koya ena vakaraitaka na ka oqo vei keda. Ia oqo, kevaka ea sa tiko vua na tolu na i naki vuni oqo, eda na vinakata meda na vakasaqara ka kunea na cava na tolu na i naki vuni oqo.
Na i matai ni ka, oya, ea vinakata na Kalou me vakatakilai koya vei ira na tamata. Ko koya ea sega ni rawa ni na cakava nia se ko Jiova na Kalou sa cecere ka a ubica na vei taba gauna kecega, gauna, kei na tawamudu. Ea sega ni rawata. Ko koya e sa rui ka levu ka cecere cake me na rawa ni na vakatakilai vei ira na tamata, e baleta ni sana rui ka vuni ka na veivakurabuitaki talega. Ena rawa vakacava na bula cecere ka a sega ni a vakaitekitekivu... oya ni oti na noda na lako lesuva ka sivia na i yatu kei nai valavala ni dua na drau na bilioni kei na tirilioni kei na tirilioni ni vei taba yabaki ni rarama kei na maliwa lala, ka lako yani kina sega ni vaka i yalayala se vakaivakarau, kina Tawamudu, kei na Ka cecere Ko koya ka sa i koya kece na veika koya, ka sa vaka kina oqo edaidai.
Ia na cava ea sa vinakata me na cakava Ko koya, ea dau taleitaka mena okati ena i tutu vakatama, ni ko Koya ea dua na Tama. Ia na gaunisala duadua ga mena rawa ni na vakaraitaka kina sa i koya me na yaco me na vakayacori me na luvena tagane, me na tamata. Oqori na vuna ko Jisu e tukuna wasoma ka kaya, “Na Luve ni tamata.” Raica, era a sega ni kila na veika ea tukuna tiko ko Koya, e vuqa vei ira. Ia oqo ko ni sa taura rawa? Raica? Ea vinakata ko Koya me vakaraitaki Koya. Koya ea Nona, e dua vei ira na tolu na Nona i naki cecere, oya me vakaraitaki koya, vakatakilakilataki koya vata kei ira na tamata, me na vakatakilai Koya ena loma i Karisito.
Kena i karua, me na tu ena nona i tutu cecere vakaveiliutaki ena Yagona ko ira tamata vakabauta, oya na, Ko koya na Watina, oya mena rawa ni na bula ena lomadra na tamata.
Ia oqo, ea rawa nia cakava koya vei Atama kei Ivi, ia na i valavala ca ea tawasei rau, ia oqo e sana dua na gaunisala me na rawa ni na vakalesui tale mai kina. Isa, noqu! Isa, na gauna au... Oqo, na ka oqo e sa rui vutuni yau, ki vei au, kevaka mada ga me'u na vakananuma na ka oqo. Raica? Raica na veika e sa i naki taumada tu ni Kalou? Ia oqo na cava ea sega ni maroroi Atama kei Ivi me vaka koya? Sa na qai ko Koya ena sega vakadua ni na rawa ni na vakaraitaka na Nona taucoko, na taucoko ni Nona lewe ni vakanananu. E baleta, ni Ko koya kea rawa ni a Tamana mai kea, e ka dina oya, ia e vakatalega kina Ko koya e dua na i Vakabula. Ko na kaya, “Ko na kila vakacava ni a vakakina ko koya?” Ko koya e vakakina, ' e baleta ni'u a sa lako curuma ka a sa sotava ka vakila na kena i vakadinadina. Raica? Raica? Ko koya na i Vakabula, ka ena dodonu ko Koya me na vakaraitaka koya. Ia ena rawata vakacava ko Koya ni na cakava? Ena vuku duadua ga i Karisito. Rawata vakacava ko Koya me na Luvena Tagane? Ena vuku duadua ga i Karisito. Rawata vakacava ko Koya me na Dauveivakabulai ? Ena vuku duadua ga i Karisito. Raica, na veika kecega sa umani vata kece ena dua ga na tamata, ko Jisu Karisito. Isa, noqu!
Ni'u vakananuma na ka koya, Au raica ga na vei soqosoqo lotu vakayavubuli era sa sivita na buturara ni taba gauna qoka, kei na veika kece sara tale eso era sa yaco tiko, raica, Ni'u sa raica na i naki cecere ni Kalou. Vakatakilai Koya, ia mena, liu taumada, me na vakatakilai Koya mai ena loma i Karisito, “na taucoko ni Kalou ena bula vakayago.” Ia, ni na oti o ya, me na kauta mai na “taucoko ni Kalou ena bula vakayago” ki na loma ni dua na i taba tamata, ni na rawata ko Koya me na taura na i tutu cecere vaka veiliutaki, vei vakatulewataki rai raraba, ena veiliutaki.
E dua tale, na bogi, kevaka o a sega ni a se taura na i vunau katoni, au a vunautaka eke ena dua na bogi, ena “Na bobula i Jisu Karisito.” Ko Paula, na bobula kai vesu! Raica? Ena gauna ena vakayacori iko kina na Kalou mo sana Nona bobula kai vesu, mai na gauna koya ko sana sega ni na rawa ni na qai cakava e dua na ka, ia na ka ga e sana tukuna na Yalo Tabu mo na vakayacora. Ko Paula, ena taucoko ni nona kilaka cecere, ko Koya e a vulica... e a vakavulici mai vei Kamalieli me a rawa ni a dua na bete levu ka cecere se i vakavuvuli, ena dua na siga. Ia ko koya e a sa dau tu vua na rai ni sasaga cecere. Ea dua Ko koya e a tamata kila ka cecere, dau vakatulewa cecere, tamata cecere dokai e na matanitu. Ia ea vakayacori ko koya me a vakacabora na veitiki kecega ni ka koya, raica, me sa vakayacori kina me tiki ni Vosa, me vakaraitaki Jisu Karisito. Ea sa kila ko Koya na cava na ka me na tukuna...
Ea sa tu vei koya e dua na lalawaka, navuna me na lako vaka kina so na vanua, vei ira eso na veitacini era a kacivi koya, ia ea vakatabui koya na Yalotabu me a vakayacora na lomana ga. Isa, ke— kevaka ko ira na tamata mera a vakayalo veimama mena rawa ni ra na tomika cake! Raica? Ea vakatabui Ko koya me sa vakayacora na lomana ga. Ko koya ea rawa ga ni a vakayacora... “Na Yalo Tabu ea vakatabui au.” Raica? Ko koya ea bobula na kaivesu vei Karisito.
Ia, oqo ko koya na dautukutuku lailai oqo ena dua na siga, ko koya ea a kila, ko Paula ea kila ni sa tu vua na kaukauwa me vakaseva tani yani na tevoro koya, ia ena rawa ga ni a na vakayacora ko koya ena nona vei vakatarai na Kalou. Mai na siga ka dua kina siga ka tarava ea muri koya tiko na yalewa koya, ka a sa tagi vaka domoilevu ka muri koya tiko, ia ena dua na siga na Yalo Tabu sa qai solia vua na veivakadonui. Sa qai vosa rukaki koya na yalewa Ko koya, na yalo ka a sa tiko vua. Raica? Ea kila ko Koya na cava na bula mena vaka na bobula, kaivesu.
Mosese, ena nona kila ka kece, ea vakayalia taucoko me na rawa kina ni kunei Karisito, me na nona bobula, kaivesu. Ia ni sa yaco na Kalou me kauti vuravura taucoko tani mai vua, kei na taucoko ni nona tamata qaqa ko koya, ka sa tu e na i Serau ni Duru Bukawaqa ena siga koya, ea kunei ga ni a sega ni a vosa rawa ko koya. Ea sega sara mada ga, a sega ni rawa mada ga ni vosa, ka kaya ko koya. Na Kalou ea sa kunea na nona bobula, kaivesu ena gauna koya. Raica? Ko na sega ni rawa ni na tovolea ena nomu vakasaqaqara ga vakataki iko. Sa qai na Kalou ea qai solia vua na tamata oqo, se, solia vua na kaukauwa me rauta ni lako sobu ki kea ko koya. Ka sa qai kaya ko koya, “Turaga, Au a sa tukuna vei Fero na ka ko ni a kaya, ia ea sega ni a rawa ni cakava ko koya.”
Ea qai kaya ko koya, “Ia mo qai kauta oqo, na nomu i titoko,” ea vosa na Kalou, oya na Vosa ni Kalou, “lako yani ki kea ka qai dusi vaka ki na Tokalau, ka kacivi ira na lago.” Ka ra sa qai lako mai na lago ni ra sa buli, e baleta ni Ko koya ea sa dua na nona bobula, kaivesu ka sega ni rawa ni sauma vakaoti ko Fero ena dua na ka. Ea sega ni a rawa ni na dua tale me na vagolei koya kina dua tale na sala. Ea sa dua ko Koya ea sa bobula, kaivesu tudei ena sinudodo ni Vosa ni Kalou, vauci cake duadua ga kina SA KAYA NA TURAGA.
O, kea rawa walega vua na Kalou me na rawata mai vua se kunea eso na bobula, kaivesu me vaka koya! Ia oqo, oya sa na rawata kina Ko koya me na vakaraitaka na vakasakiti ni nona veiliutaki lagilagi, ni sa raica. Ko koya, Ko koya e sa kunea se rawata na tagane, se na tamata, ka sa kila ko koya e sega tale ni dua na ka ia sa i Karisito ga. Ko ni sa taura na i balebale ni ka Au tukuna tiko? Sa donu. Koya na kena i karua.
I Matai, me na vakaraitaki Koya taucoko, na Kalou ena i lomai Karisito. I Karua, me sana tiko na nona veiliutaki vakasakiti cerecere, ena nona, ena lomani nona i Soqosoqo Lotu, ko koya na Watina Yalewa, me yacova ni sana rawata mai vei ira mai na lomadra na vakasakiti se na lagilagi ni nona veiliutaki me na vakaraitaki koya mai kina mai vei ira. Sa donu.
Kei na, kena i katolu, me na vakalesuya tale mai na Matanitu kina kena i tutu dodonu, ka a lutu ena i valavala ca mai vua na i matai ni Atama, lesu tale ki na vanua ea lako voli kina ko Koya ena rugurugua ni lomaloma ni mudremudre ni gauna ni yakavi, vata kei rau na nona tamata, veivosaki vata kei rau, veitokanitaki vata kei rau. Ia oqo na i valavala ca kei na mate sa tawasei rau tu mai na Nona i Serau kei na Nona i tuvatuva ni veika taucoko ea via vakaraitaka. Ni sa wilika oya? Ni bera ni a se vakayavutaki ko vuravura, me na vakavotukanataka na ka kecega ni Nona lewe, tiki, vua ni vakanananu, ni a cava tu ko Koya.
O koya gona, kevaka e dua vei ira na vakavuvulitaka se dau vakabauta na Tolu na Kalou eke mo ni na vakagalalataki kemuni mada ena dua na miniti, ko na rawa ni na qai raica na Tamana, na Luvena, kei na Yalo Tabu e sega ni tolu na Kalou. E tolu na i vakaraitaki, vakavotukanataki ni Kalou dua bau vata ga koya. Raica, ena nona vakaraitaka, vakavotukanataka. Tama, ea ko koya, ea vinakata mea dua na Tama, ni a Ko koya ea dua na Tama. Ko koya ea Luvena Tagane. Ka sa i Koya na Yalo Tabu. Kei na Tamana kei na Yalo Tabu sai koya e dua ga na Yalo. Sega beka li ni koni raica? Oni sa taura rawa? Sega ni tolu na Kalou. Na tevoro sa tukuna vei kemuni na veika koya, me rawa ni na cakava mai vei kemuni e dua na dausoro kina vei matakau. Raica? Oqo e dua ga na Kalou ka ea vakaraitaki ena tolu na i vakaraitaki ni kena vakavotui na vua ni nona vakanananu. Me na Tamana, me na i Vakabula, me na Luvena, me na Dauveivakabulai, raica, sai Koya ena nona veivakaraitaki, veivakavotukanataki.
Au vinakata me vakamaluaga ga vakalailai me rawa mada ga o ira na tamata ka vakarorogo ki na tepi e rawa ni taura na vakasama, ka rawa ni raica. Ena tauri au me'u wavokita, wavokita na kaloko koya, me baleti iratou yadua na nanuma ni rai oqori. Ia au sa nuitaka Ni'u sa na vakamatatataka tiko na veika koya mena rawa ni ko ni na raica na veika Au sa lako tiko mai kina. Raica? Na Kalou, ea vakaraitaki ena loma i Jisu Karisito, Ko Koya a Tamana, ka a Luvena ruarua kei na Yalo Tabu, “na taucoko ni Kalou ena bula vakayago.” Ia oqo “na i vakatasevu taucoko ni ulu ni Kalou ena bula vakayago” me sa mai tiko ka bula ena lomani nona i Soqosoqo Lotu, ena nona veiliutaki vakasakiti lagilagi cecere. Na ka kecega ea sa Kalou, ea sovaraka Ko Koya kina loma i Karisito; kei na veika kecega ea sinai kina na Karisito, ea sovaraki kina loma ni i Soqosoqo Lotu, ko ira na vakabauta. Sega ni Soqosoqo Lotu vakayavubuli vakatamata! Eda na yaco kina ena vica na miniti, ka na kau tani mai vakadua mai na nomuni vakasama, raica; me na vakaraitaka vei kemuni na cava ea vakavuna koya, ena veivuke na Kalou, kevaka ena vakatara Ko Koya vei keda.
Na cava na nona i naki ena gauna oqo? Vakaraitaki Koya me vaka e dua na Luvena Tagane, raica, kei na, oqo, me na rawa ena lomana mena tiko kina “na taucoko ni Ulu ni Kalou ena bula vakayago.” Koi Au, e tiko vei Au ena i vola ni kai Kolosa eke, ka a tiko saraga oqo e mataqu. Raica? Koya, ena i Vola ni Kalou taucoko, koya na cava ea i naki ni Kalou. Ia, ena vukuni Bula oqo nei koya na Luvena Tagane, ena Nona kauveilatai, “na Dra,” e tukuni eke, “ena Nona kauvelatai,” me na rawa ni na vakaveivinakata ki vei koya ena dua na yago, na yalewa me na watina; sai koya ko Ivi, na i karua ni Ivi. Ia na Kalou e solia vaka i yaloyalo ena dua na kena mataqali, me vaka ea vakayacora vei Mosese vata kei ira kece. Na ka vata ga koya ea vakayacora vei rau ko Atama kei Ivi, ka a solia vaka i yaloyalo e dua na kena mataqali, ni rau a dusi Karisito kei na watina yalewa. Sai Koya na i karua ni Atama; na i Soqosoqo Lotu na i karua ni Ivi.
Ia ena balavu ga ni gauna ko koya na i karua ni Ivi ena were ubiubi saqata kina na Vosa, ena sega beka ni ka vata ga koya ea cakava na i matai ni Ivi? Kevaka eda na tovolea me da na kaya, “Ia, oya e sa baleta e dua tale na i taba gauna.” Ka eda na yacova yani koya ena loma ni vica ga na miniti, se ea kaya ko Koya ni sa baleta e dua tale na i taba gauna. Ena rawa vakacava ni na dua tale na i taba gauna, ni ko Koya e sa i “koyakoya tikoga ena noa, nikua, ka tawa mudu”? Ia na Kalou ea sa nakita me vaka ka sa “vunitaka na ka koya mai na matadra na yalomatua kei na vuku, ka sa vakatakila vei ira na gone digitaki” era sa digitaki me ra na ciqoma na ka koya.
