Ang Kaliwat Sa Bitin.
<< kaniadto
sunod >>
Ang Malalangon Bitin.
William Branham.Basaha ang tibuok nga asoy sa...
Ang Kaliwat Sa Bitin.Genesis 3:1-7,
Karon, ang bitin malalangon labi pa kay sa ngatanan nga mga mananap sa kapatagan nga gubuhat ni Jehova nga Dios. Ug nag-ingon siya sa babaye: Diay nagingon ang Dios: dili kamo makakaon sa tanan nga mga kahoy sa tanaman? ...ang babaye mitubag sa bitin: Makakaon kami sa bunga sa mga kahoy sa tanaman: Apan sa bunga sa kahoy nga anaa sa tanaman, miingon ang Dios: Dili kamo magkaon bisan maghikap niana, aron kamo dili mamatay. Ug ang bitin miingon sa babaye: Dili gayud kamo mamatay. Kay hingbaloan sa Dios, nga sa adlaw nga kamo mokaon niini mangabuka ang inyong mga mata... (Nakita ninyo? Nagapangita ug bag-ong kahayag.)... ug mahimo kamo nga sama sa mga dios, nga manghibalo sa maayo ug sa dautan. Ug sa nakita babaye nga ang kahoy maayo nga kan-on, ug nga kini makalipay sa mga mata, ug nga ang kahoy makahimo-takus tinguhaon aron makapahimong makinaadmanon sa tawo, mikuha siya sa bunga niini ug mikaon; ug gihatagan usab niya ang iyang bana, kauban niya, ug mikaon siya. Ug nangabuka ang ilang mga mata, ug sila nahibalo... sila mga hubo; ug nanagtahi sila sa mga dahon sa higuera, ug nanagbuhat ug mga tapis alang sa ilang kaugalingon.Matikdi. Karon, mao kini ang nahitabo. Ako nagatoo, ug makasuporta niini pinaagi sa Biblia, nga ang bitin mao ang nagbuhat niini. Ang bitin mao kanang nawala nga persona taliwala sa unggoy nga chimpanzee ug sa tawo, tungod kay, paminaw, matikdi kini karon, nga ang bitin dili usa ka mananap nga nagakamang. Siya ang pinakamalalangon sa tanang mananap sa kapatagan. Karon, ako miadto ug mikuha ug mga diksyunaryo karong adlawa gikan sa tanang dapit sa pagpangita niining pulong, unsa ang kahulogan sa pulong “malalangon.” Kini nagkahulogan “nga mahimong maalamon, mahimong malimbongon.” Ug ang pinakamaayo nga paghubad sa-sa Hebreo gikan sa “m-a-h-a-h, mahah” nakahulogan “adunay kahibalo sa mga prinsipyo sa kinabuhi.”
Karon, atong bantayan kini sa makadiyut. Siya malaam, malimbongon. Bisan pa niana siya gitawag nga bitin. Apan hinumdumi, siya ang pinakamaalamon nga mananap, ug murag sama sa tawo kay sa bisan unsang butang nga anaa sa kapatagan: pinakaduol ngadto sa tawo. Siya dili usa ka mananap nga nagakamang. Ang tunglo nakapahimo kaniya nga mananap nga nagakamang, ug siya mao ang... Ang Biblia nag-ingon siya ang pinakatahum sa tanan. Ug bisan pa ang tunglo wala magakuha sa tanan sa iyang katahum, bisan ang mga bulok sa halas matahum. Ug bisan ang kaambong ug ang iyang pagkamalipatlipaton, bisan ang tunglo wala makakuha niini. Apan imong hinumduman Ang Dios nagsulti kaniya nga ang iyang mga tiil makuha gikan kaniya ug siya magakamang sa iyang tiyan. Ug dili ka makakaplag ug usa ka bukog diha sa halas nga sama sa tawo, ug mao kana ang hinungdan ang syensya nawala. Apan anaa ra siya.
Ang Dios nagtago niini gikan sa mga mata sa makinaadmanon ug masinabuton ug nagsaad nga ipadayag kini ngadto sa mga anak sa Dios sa katapusang mga adlaw, sa dihang ang mga anak sa Dios mapadayag. Sa dihang ang mga anak sa Dios nga nagkalipay kauban Niya sa wala pa matukod ang kalibutan, sa dihang ang dakung pinadayag sa Pagka Dios ug mga butang nga pagadal-on ngadto sa katapusang mga adlaw, Siya magapadayag niining mga butang ngadto sa mga anak sa Dios. Nahibalo kamo nga ang Kasulatan nagatudlo niana. Ug ania kita karon. Mao kana ang hinungdan nga ang Dios nagaabli niining mga butang kanato. Ang Dios magadala sa Iyang mga anak ngadto sa pagkapinadayag. Siya moadto lapas sa utlanan sa bisan unsang tawhanon nga kahibalo, ngadto sa espirituhanon nga mga pinadayag ug magadala niini paubos. Dili ba kita nagatudlo dinhi niining Biblia, “Mao kini ngadto kaniya nga dunay kaalam.' Dili ang iyang nakat-onan sa seminaryo, apan unsa ang iyang nakat-onan sa pagluhod diha sa atubangan sa Dios, ug unsa ang nahimut-an sa Dios sa paghatag ngadto kaniya: mga anak sa Dios nga igapadayag.
Ania ang bitin. Karon, dinhi unsa ang bitin kaniadto. Ako magahatag kaninyo sa akong paghulagway kaniya. Kita adunay... kita nakaabut gikan sa ubos gikan sa baki ngadto niana, ang pitopito, ug ngadto paubos, ngadto, ug sa uban pa; kamo sa katapusan nakaabut sa unggoy nga chimpanzee; gikan sa chimpanzee didto kita milukso gikan sa chimpanzee nga unggoy ngadto sa tawo. Ug kita natingala ngano kaha. “Buyno,” ang syensya nag-ingon, “karon hulat, kita makapasanay sa babaye ngadto sa unggoy ug ngadto... ug pabalik, ang tawo makapasanay ngadto sa chimpanzee nga unggoy.” Dili kini magpulos. Ang pagpaliwat ngadto sa laing mananap: dili magpulos. Ang dugo dili magsagol. Kuhaa ang ilang dugo, kini lahi gayud nga dugo. Adunay ubang dugo taliwala dinhi, ug sila dili makakaplag sa mananap. Oh, Hallelujah. Akong gibati nga nagkaanam ako ug karelihiyoso karon.
Matikdi. Ngano? Ang Dios nagtago niini gikan kanila. Walay usa ka bukog diha sa halas nga tan-awon sama sa bukog sa tawo. Siya nagbutang sa butang sa halayo kaayo nga kini dili kini makaplagan sa mga maalamon nga tawo. Akong ipakita kaninyo asa kanang maalamon nga tawo gikan, asa siya-asa siya. Nakita ninyo? Dili siya makaabut latas niana. Kini moabut pinaagi sa pinadayag.“Ikaw mao si Cristo, ang anak... Ug sa ibabaw niining bato pagatukoron Ko ang Akong iglesia ug ang mga ganghaan sa hades dili makabontog niini”: espirituhanon nga pinadayag. Giunsa-giunsa ni Abel sa pagkahibalo sa paghalad ug carnero kay sa kang Cain nga naghalad ug mga bunga sa kapatagan? Kini sa epirituhanon gipadayag ngadto kaniya. Dili makuha nimo kini pinaagi sa mga seminaryo. Dili nimo makuha kini pinaagi sa mga denominasyon. Makuha nimo kini gikan sa langit.
Karon, bantayi ang bitin, kining bitin nga mao ang nahauna. Magahimo kita ug hulagway niya karon. Siya usa ka daku nga tawo. Siya ang tungatunga sa chimpanzee nga unggoyug sa tawo. Ug ang bitin, ang yawa, si Lucifer, nahibalo nga mao lang kana ang dugo nga makasagolsa dugo sa tawo. Ang bugtong persona nga iyang makasabut... Dili siya makahimo nga makigsabut sa chimpanzee nga unggoy. Ang dugo dili magsagol. Dili siya makahimo nga makigsabut sa nagkalaing mga butang. Siya dili makahimo nga makigsabut sa carnero. Siya dili makahimo nga makigsabut sa kabayo. Siya dili makahimo sa pakigsabut sa bisan unsang mananap. Siya kinahanglan makigsabut niining bitin. Atong kuhaon siya karon ug tan-awon kung sama sa unsa siya: Dakung tawo, wala pa ang kasaysayan nga higante. Mao kana asa nila nakaplagan kining dagkung mga bukog, ug akong ipakita kaninyo kini dinhi sa Biblia. Karon, bantayi pag-ayo. Buyno. Kining labing daku nga tawo, ingnon nato siya mao-siya napulo ka tiil ang gitas-on, labing daku nga mga abaga, tan-awon sama sa tawo. Ug ang iyang dugo, human sa pagkahulog, nagkatakdo sa usa ka mananap ngadto sa lain...
Imong mapa mestiso ang mga mananap. Sila makabaton ug mas hataas nga dugo, mas hataas nga matang sa kinabuhi, mas hataas nga matang, hangtud kini makasaka paingon ngadto sa ginsakpan sa tawo. Apan ang katapusang sumpay dinhi taliwala dinhi naputol. Pila ang nahibalo niana nga ang syensya dili makaplag sa nawala nga dugtong? Tanan kaninyo nahibalo niana. Ngano? Ania siya dinhi, ang bitin. Dinhi siya usa ka dakung tawo. Ug ang yawa miabut. Karon, siya miingon, “Ako makahimo sa pagpadasig.” Karon, sa dihang moadto ka ug magapangita ug mga babaye, hinumdumi ikaw gidihugan sa yawa, kung kini dili imong kaugalingon nga asawa. Matikdi, ang yawa miabut ug misulod sa bitin, ug nakita si Eva sa harden sa Eden nga hubo. Ug siya naghisgut mahitungod sa bunga diha sa taliwala, ang “taliwala” nagkahulogan nga “tungatunga” ug uban pa. Ikaw nahibalo diha sa nagkasagol nga katilingban. Ug siya miingon, “Karon, kini makalipay. Kini maayo sa mga mata.”
Unsa ang iyang gibuhat? Siya nagsugod sa pakighiusa ngadto kang Eva. Ug siya nagpuyo uban kang Eva ingon nga bana. Ug nakita ni Eva nga kini makalipay, busa miadto siya ug gisuginlan ang iyang bana; apan siya nabuntis na pinaagi kang Satanas. Ug siya nanganak sa iyang panganay nga anak kinsang ngalan mao si Cain, ang anak ni Satanas. “Karon,” ikaw moingon. “sayup kana.” Buyno, atong pangitaon kini kung kini sayup kon dili. “Ug ibutang ko ang panagkaaway taliwala kanimo ug sa babaye, ug sa taliwala sa imong kaliwat ug sa iyang kaliwat.” Unsa? Ang kaliwat sa bitin. Ang babaye adunay kaliwat ug ang bitin adunay kaliwat. Ug siya magasamad sa imong ulo, ug ikaw magasamad sa iyang tikod.“ Ang ”magasamad“ didto nagkahulogan ug ”paghimo sa pagtabon sa sala.“ Karon, anaa ang imong kaliwat sa bitin. Karon, matikdi, dinhi miabut kining duha ka mga tawo. Karon, kining bitin, sa dihang siya mibarug didto... Kining dakung higante nga tawo mibarug didto. Siya nakasala sa paghimog pagpanapaw sa asawa ni Adam. Asa ang sala nahimutang karong adlawa? Unsa ang nakapahimo sa mga butang sa ilang kahimtang karong adlawa? (Karon, ako-ako... Segurado madakpan ninyo unsa ang akong ginasulti).
Ug didto siya. Ug sa dihang gibuhat niya, Ang Dios miingon, nagsugod pagtawag kang Eva ug Adam. Ug siya miingon, “Ako hubo.” Ug Siya miingon, “Kinsa nagtug-an kanimo nga ikaw hubo?” Unya sila nagsugod sa-sa pamaagi nga sinundalo, nagpinasahay. Miingon, “Buyno, ang babaye nga Imong gihatag kanako nagbuhat niini. Siya mao ang nagdani kanako.” Ug siya miingon, “Ang bitin naghatag kanako sa mansanas.” Buyno, magwawali, bantayi imong kaugalingon. Siya miingon, “Ang bitin naglimbong kanako.” Nasayud ba kamo unsa ang kahulogan sa “limbong”? Nagkahulugan “nahugawan.” Ang... Ang yawa wala gayud naghatag kaniya ug mansanas. “Ang bitin naglimbong kanako.” Ug unya ang tunglo miabut.
Siya miingon, “Tungod kay nagpatalinghug ka sa bitin kay sa imong bana, ikaw nagkuha sa kinabuhi gikan sa kalibutan; ug ikaw-karon imong pagapadaghanon ang imong mga kagul-anan, ug ang imong pagpanamkon ngadto sa imong bana,” ug uban pa. “Ug tungod kay nagpatalinghug ka sa imong asawa kay Kanako-Ako nagkuha kanimo gikan sa abug ang pinakahataas nga matang-sa abog ikaw mopauli.” “Ug bitin, tungod kay gibuhat nimo kana, mawala ang imong mga tiil, pinaagi sa imong tiyan ikaw magakamang sa tanan nga mga adlaw sa imong knabuhi. Ug ikaw pagadumtan, ug ang abog mao ang imong pagkaon.” Tan-awa ninyo. Anaa kanang nawala nga dugtong.
Karon, ania miabut si Cain. Atong bantayan ang mga kinaiya. Ania miabut si Cain. Unsa siya? Siya maalamon nga negosyante. Siya nagatikad sa mga kapatagan: maalam, utokan, relihiyoso, relihiyoso kaayo. Bantayi ang iyang-bantayi ang iyang mga kinaiya karon. Uban lang kanako sa pipila ka mga minuto nga kadugayon. Ania siya migula. Siya nasayud nga siya usa ka tawo. Gusto siya nga moadto sa simbahan. Siya nagtukod ug simbahan, naghimo siya ug usa ka halad, nagdala ug halaran-nagtukod ug usa ka halaran, nagbutang sa iyang mga bulak sa ibabaw niini, gibutang ang kapatagan-ang mga bunga sa kapatagan sa ibabaw niini, naghalad niini ngadto sa Dios, ug miingon, “Tan-awa kini, Ginoo.” Ako nahibalo nga kami nagkaon ug mansanas. Mao kana ang hinungdan niini.“ (Ang uban sa iyang kaliwat dunay samang panghunahuna. Nagpakita kung asa kini gikan.) Nagdala sa iyang mga mansanas gikan sa kapatagan, gibutang ibabaw didto, miingon, “Kini makahimo sa pagtabon sa sala” Ang Dios mingon, “Dili kini mga mansanas.” Apan pinaagi sa espirituhanon nga pinadayag si Abel nahibalo nga kini dugo. Busa siya nagdala ug carnero, gigulgol ang liog, ug kini namatay; ug ang Dios miingon, “Mao kana ang husto. Mao kana ang makabuhat niini. Mao kana ang dugo.” (Nasayud mo unsang dugo ang akong gihisgutan.) Buyno. Mao kana ang dugo nga nakahimo niini. Karon, bantayi.
Ug unya sa dihang si Cain nakakita sa iyang holy-roller nga igsoon nga gidawat atubangan sa Dios, ug ang mga ilhanan ug mga katingalahan nagakahitabo didto, siya nagselos kaniya. Siya miingon, “Atong pagahunongon kining butang karon dayon.” Nagtan-aw sa iyang mga igsoon. Nagtan-aw sa iyang mga kaanakan karong adlawa. “Karon, ako mas maalam kay kaniya.” Busa siya nasuko. Asa gikan ang kasuko? Masulti ba nimo nga kasuko kana? Iyang gipatay ang iyang igsoon. Siya usa ka mamumuno. Matawag ba nimo ang Dios nga usa ka mamumuno? Ug si Adam anak sa Dios. Ang Biblia nag-ingon nga si Adam anak sa Dios, kanang maputli nga sinugdanan balik didto. Si Adam mao ang anak sa Dios, ug kanang pagselos ug kasina ug tanang butang dili mahimo nga mogula nianang maputli nga sapa. Kini magagikan sa laing dapit. Ug kini naggikan pinaagi kang Satanas, nga mamumuno sukad sa sinugdan. Nakita ninyo. Ug siya nagpatay sa iyang igsoon. Ug niana ang tipo sa sa kamatayon ni Cristo. Ug gikan niana, Siya nagpabangon kang Seth sa pagpuli sa iyang dapit: kamatayon, paglubong, ug pagkabanhaw ni Cristo.
Ug bantayi, unya dinhi miabut ang inyong mga higante. Unya si Cain miadto sa yuta sa Nod. Kung ang iyang papa usa ka dakung higante, sa unsa man si Cain mahisama? Sa iyang papa. Ug siya miadto sa yuta sa Nod ug nagkuha sa usa sa iyang mga igsoong babaye. Mao lamang kana nga paagi nga iyang pagabuhaton, walay mga babaye nga moabut, pinaagi kang Eva lamang. Sila nag-angkon nga sila dunay kapitoan ka mga anak nga mga lalake ug mga anak nga mga babaye. Kung-kung walay mga babaye... Ang Biblia wala magbutang ug talaan sa mga babaye sa dihang sila natawo, ang lalake lamang. Kung walay mga babaye gawas kang Eva, sa dihang siya namatay ang tawhonon nga kaliwat mawala. Kinahanglan duna silay mga anak nga mga babaye. Siya kinahanglan maminyo sa iyang kaugalingong igsoong babaye. Siya miadto sa yuta sa Nod ug mikuha-ug mikuha sa iyang asawa; sa dihang siya nagkigminyo kaniya didto, didto kung asa nila nakaplagan kadtong dagkung mga higante, nga mao ang nahulog nga mga anak sa Dios pinaagi sa ilang amahan, ang yawa pinaagi kang Cain. Anaa ang inyong nawala nga dugtong.
Basaha ang tibuok nga asoy sa...
Ang Kaliwat Sa Bitin.
Kaminyoon ug
