Ingaibo Melukisadek Lo?

William Branham.

Naka oitabo...
Ingaibo Melukisadek Lo?

Iburanian 7:1-3,
1 Naarai Melukisadek Ngol, ekabaka loko Salem, esasedoti loka Edeke Loejai kuju kakuj, loeriamunos ka Aburaam naabongunio kajar ikabakan, abu kilipak nges arereng;
2 Loabu Aburaam kokorak idiopet kotomon koboroke kere. Nasodit, arai ijulakini ekekiror, erai ngesi ekabaka loka adolit, bobo da ekabaka loka Salem, nges atemar ebe ekabaka loka ainapakin.
3 Emamei nges papa, karaida toto, karaida lukapaapake, emamei ageunet naka apaarasiake, karaida esange loka aijarake, konye itupusitoi ka Okoku loka Edeke, esalakinit erai esasedoti apaarasia kere.

Kowomoom ber jo nuka Etunganan lo lokapolon, nuka epone loibusakinitor Etunganan korai loepol Etunganan lo! Kosodi kwana, aingiset nges na ebe, “Ingaibo ber Etunganan lo?” Ikesisiak luka Ebaibuli ajaununos kede awomisio nuegelegela. Konye ageun kapukorio naka Aipuceta Akanyikaarei, Eitabo lokaiyeiyea lo loationikinit lem oni ajenun...Kwape ebalar kApukokinio 10:1 kiton 7, nukaiyeyea kere nuiwadikatai toma Oitabo lo, nu lem ebwaitai anatar aturio kere nuka ikesiteteunak, ebeit ayangaun aisideleleun kamaka emalaika loka atur nakawasia naka ekanisa. Idi bo ejenete ebe erai ngin naabeit? [Kotemari atukos ebe, “Amen.”-Ekewa] Erai ngin naabeit, ebeit aisideleleunio. Nukaiyeyea kere nuka Eitabo lokaiyeyea ebeit apukokin ekiyakia loka Laodikia loka atur kangin.

Kwape kisesenia oni ebe epol noi epeget kanuikamunitos Etunganan lo ka akirot da na, aomit eong ebe ibusakinit do oni abelakin toma kangin, kanu adumun ebe Ingaibo erai lo. Kwana, ejaasi isomeroi luipu luka aomisio nuegelegela nuikamunitos Nges. Ediopet kotoma osomeroi eraasi, elimorit ebe, “Kerai bon Ngesi awaragan. Mam cut Nges kerai Etunganan teniteni.” Ido ebakasi luce kwi, ebe, “Kerai esasedotene. Arai ngon esasedotene loka Melukisadek.” Erai ngin nges naesubit bala, etakani ejokuna itia mama ejai ewai ngol adepar epone loeseseniata kesi ewai loce je, erai naarai ebalasi kesi ebe kerai esasedotene. Mam epedori araut ngun, naarai kotoma okokoron 4 ebala ebe, arai Ngesi Etunganan, “Etunganan.” Aso, tetere araut Etunganan, ibusakinit nges kojaatar kepitene, “Etunganan.” Mere ainapetait; konye Etunganan! Aso arai mam Nges kerai ainapetait naka esasedotene, mam da Nges kerai awaragan. Arai Ngesi Etunganan

Ido Etunganan lo erai loka Ikar Kere. Arai kianyu ijo, “Amameotor Ngesi kapapa. Amamei Nges toto. Mam Nges ajaatar kapak naegeunitor Ngesi. Ido emamei Nges apak naengetakinitor Ngesi.” Ido kere loerai Ngesi, eringa Ngesi ejari lolo, naarai ebala Ebaibuli kane ebe, “Amemeotor Ngesi kapapa, karaida toto, ageunet naka apaarasia, araibonat angetakinet naka aijar.” Aso ekoto korai ti Etunganan loka Ikar Kere. Ngin erai naabeit? [Kotemari atukos ebe, “Amen.”-Ekewa.] Etunganan loka ikaru kere! Aso epedori araut Etunganan ediopet bon, ngol nges Edeke, naarai erai Ngesi bon erai loka Ikaru Kere. Edeke! Kwana, kotoma 1 Timoteo 6:15 kede 16, arai ikoto jo aisiom ngun apak ace, akoto eong yes aisiom ngun. Kwana, ibore yenisodit yen auta eong egangit nges, ebe, Kerai Ngol Edeke, naarai arai Ngesi bon Etunganan loepedori araut lomam etwani. Kosodi kwana, Edeke ijulakin Elopet araun Etunganan; ngun nges nukerai Ngesi, “Amameotor kapapa, amameotor katoto, amameotor kageunet naka aijar, emameotor kangetakinet naka apaarasia.”

Kwana kidumuni oni kotoma Kanuiwadikatai ebe itunga luipu isisianakinete ngun, “itunga iuni kotoma Eidekeone.” Aso, mam jo ipedori ajaut kede ejautenekon komam jo irai itunganan. Eyangaikini etunganan kanu asubun ejautene. Ekejaanakinan loka Baptist, isabiitin idis kokau, abu kobu togoka, kosodi atemar ebe, “Akoto eong aitetenar jo kotoma Eidekeone apak ace neidumunia jo apak.” Abu teni kinomak eong esimu. Abu eong katema ebe, “Ajaatar eong kapak kwapekwana, naarai akoto eong araut loitetenara, kasodete oni aperikin nginibore kere awai, kanu aswam ngun.”
Kosodi ngesi aikeun kuju, abu ngesi kotema ebe, “Onac Branham, isisianakini ijo ebe ejai Edeke ediopet bon.”
Abu eong katema ebe, “Eebo, ipa.”
Abu ngesi kotema ebe, “Eebo,” ebala ngesi, “Eyuunit eong ebe ejai Edeke ediopet, konye Edeke ediopet kotoma Itunga auni.”
Abu eong katema ebe, “Luipa, kobongok ber bobo jo ngun.”
Abu ngesi kotema ebe, “Edeke ediopet, kotoma Itunga iuni.”
Abu eong katema ebe, “Aibo ibu jo kolot asioman?” Itei jo? Ido abu ngesi kolimok eong ebe okolej loka Ebaibuli. Abu eong katema ebe, “Ti eong eyuu ngun. Mam jo ipedori araut etunganan komam jo irai loijai koponekon. Ido arai irai jo loijai koponekon, irai jo itunganan idiopet mama ijai jo ilopet. Irai jo loitiakuna jo, itunganan idiopet yenikajaran.”
Kosodi ngesi atemar, “Eebo, luisisiatos nuka ediini mam da ber epedorete aitetemun ngun.”
Abu eong katema ebe, “Erai ngin kanuka apukokinio.”
Kosodi ngesi atemar ebe, “Mam eong apedori acamun apukokinio.”

Abu eong katema ebe, “Apolouke emamei epone loepedoria Edeke adolokin mamakon, naarai, 'Ibwaitai kakonyen nuka lukacoa, ido epukokinitai mama ejaas idwe ludiddik,' epukokinitai, apukokinio, 'epukokinitai mama ejaas idwe ludidik luepedorete aisisia.”' Ido abu eong katema ebe, “Ti emamei epone lo Edeke adolokin mamakon; igolor ijo elopet awai kama ejai Ngesi.”
Ebaibuli kere erai apukokinio naka Edeke. Ekanisa kere erai loedukokinitai mama ejai apukokinio naka Edeke. Emamei bobo epone ece loka ajenun Edeke, erai bon kanuka apukokinio. “Mama ejai yenepukokini Okoku Ngesi.” Apukokinio; nginibore kere erai apukokinio. Aso, kanu ai-...Kanuka amamus acamun apukokinio, irai do bon jo ekesisian aisisianakineta nuka itunga, ido emamei amuno kanukon.

Kwana, kwana, idumuni oni ebe Etunganan lo “amamei papa, amamei toto, amamei ageunet naka apaarasia araibonat angetakinet naka aijar.” Kerai Edeke, en morphe
Kwana, akwapin, elomuni akirot, akirot naka Ayonanin, apolouke ebe “aijulakin,” aponi kitosomai. Aijulakin Elopet, en morphe, kama ejai Itunganan idiopet kiton...Itunganan idiopet, akirot ngin naka Ayonanin kanen, en morphe, apolouke...aponi kolemunai kotoma aitodiaret mutan ace kotoma abolia, itunganan idiopet ijulanakini ereeteke, kanu araun itunganan yen egelara.
Bala toma-toma, pac, eyuunit eong, Rebekah, nepe eringa nges kinumunuma angetakin asioman, ajaatar kesi kede adiopet kotoma aboliasio nuka Shakespeare. Ido ajai esapat ediopet aijulujul igoeneke irwan nuipu, naarai abu ngesi kobolia atutubena aarei arai auni nuegelegela; konye, itunganan idiopet ngipengin. Abu ngesi kolom kinga, apak adiopet, arai ngesi emokorat; ido neatupakini nealomunia ngesi kinga, arai bobo ngesi lokepone ece. Doodo kwana akirot naka Ayonanin ebe, en morphe, apolouke ngesi “abu kijulak aimukoreteke.”

Ido ngun kes nuabu Edeke kiswama. Erai Edeke ediopet ngopengol apak kere. Edeke kotoma ojautene loka araut Papa, Emoyo, Epir loka Akim. Edeke ngopengol loabu kitodiar kosodi aiboiororoi kakidingos wok, en morphe, itolomunitai kinga tetere epedorio aanyun Ngesi. Kosodi kereka kwana Edeke ngopengol nges Emoyo Lokalaunan. Papa, Okoku, Emoyo...Mere Idekesio iuni; iyapiesin iuni, aswamisio auni nuka Edeke ediopet Ngopengol.
Abala Ebaibuli ebe, “Ejai Edeke ediopet,” mere iuni. Ido epone ngol ebe nges mam kes apotu kopedoriata...Mam jo ipedori araut yenitetenaara ido kojaatar jo ka Idekesio iuni. Mam ti jo kipedo aitwegelikin ngun mama ejai Eyudayat. Alimokini eong yes ngun. Ediopet loejeni ejok, ejeni ngesi ebe ejai Edeke ediopet bon.

Koany, bala aput naikeunitai, ibwai ngol, kede aimukoret kokuju naka ngin. Ngun kes nueswamaiki Edeke mama ejai atur na. Erai na lem ibwaitai. iboro lu kere ebwaitai lem, ido ebeit apukorio kotoma atur kana. Kwana, ebala Ebaibuli ebe epukorio kes kapakio nukokau. Esubit bala loikei aputosia idarit aswamuke erapitai kere kiton apak naelemaria ngesi aimukoret awai kama ejai ngin ido engin do kanen. Ido ngun kes nu lem arai Ebaibuli. Erai lem ngin aswam naka Edeke naemukoritai. Ido ibwaitai lem ageun kapetetait naka akwap, ido erai aiyeyea naejai kotoma atutubeta akanyikaarei. Ido abu Edeke kisumun kotoma apaaran kana, kotoma atur naka ekanisa loka Laodikia lo, abuni Ngesi alemar aimukoret awai kama ejai ibore ngin kere kasodete do oni apedor aanyun Ibore Ngin. Otukui ibore bo yen yenikaibuses!

Edeke, en morphe, imukoro kotoma Opir loka Akim. Edeke, en morphe, kotoma etunganan loenyaritai Yesu. Edeke, en morphe, kotoma OkanisaKe. Edeke kokuju wok, Edeke ejaasi kaoni, Edeke ejai tomawok; aijesitoi kwap naka Edeke. Kokuju Kangina, elaunit, amamei idiotunganan apedori atiror Ngesi; abu Ngesi kiboikin kuju naka emoru, ido da ber karai itiang kotirorite emoru ngon, kejai ngin atwanare.

Kosodi do Edeke adokun kwap kosodi aijulakin eidukuruKe, kosodi adokun kwap kosodi aiboi kaoni, araun idiopet kaoni. “Kasodete oni atiror Nges,” ebala Ebaibuli. 1 Timoteo 3:16, “Komam abuonokin epol noi aiyeyea naka ayongit Edeke; naarai abu Edeke kitodiar kotoma akuan, katirosi da Nges kede akanin wok.” Abu Edeke konyam akiring. Abu Edeke komat akipi. Abu Edeke kojotoor. Abu Edeke komony. Arai Edeke ediopet kaoni. Erai ngin naibus noi, itupusitai kotoma Obaibuli! Edeke ngon ajai kujuwok; kwana erai Edeke kotomawok, Emoyo Lokalaunan. Mere Etunganan Lokiuniet; Etunganan ediopet ngopengol!

Abu Edeke kodoku kwap kosodi araun akuan, kosodi atwanare atwanare ya, kotoma Kristo; tetere Nges epedori aitalaun Ekanisa, tetere elomari tomake, kanu aimor eidicane. Erai kanuka ngun nges abu Ngesi nasodit kosubunia etunganan, kerai kanuka eidicane; iboiei Edeke bon, kede Ikerubin. Ido koany kwana, abu Ngesi kiswamau etunganan, kosodi etunganan aibiror. Aso kosodi Ngesi abunore kwap alakun etunganan, naarai emina Edeke Amaio. Akirot ngipengin ebe edeke apolouke ebe, “ibore yen emaio.” Ido na naebunene akidingosiwok, kwape Epir loka Akim, kwape icebore yen ijulakini itauon wok, ngopengol nges Edeke loabu kotema ebe, “Kojaun aica,” ido abu aica kojaun. Arai Ngesi Ngopengol bian, lolo, ka ikaru kere.

Kwana kotoma ageunet eboie Edeke bon, kede ngun nuajaasi tomaKe, kwape abu eong keneritor katupuruc kana. Ngun kes aomisioKe. Amamei ibore ajai, kerai Edeke bon, konye ajaatar Ngesi kede awomisio. Kwape epedoria ekenoman epone loedukere itogoi aiboikin kwap, kotoma awomisioKe, kosodi ainomun nuewomit ngesi ebe erai ngin, ibore yen elosi ngesi adukun. Aisub, kwana mam nges epedori aisub. Epedori ngesi alemun icebore yen edaunitai aisub kosodi aijulakin ngin kojaun toma ojautene ece; naarai Edeke bon nges erot ediopet...Nges bon epedori aisub. Konye edumuni ngesi kotoma aomisioke ngun nuelosi ngesi aswam, ido ngun kes aomisioke, ngun kes nuipuda ngesi. Kwana erai ngin aomisioit, kosodi konyet ngesi alimun ngun, ido eraun do kwana akirot. Ido akirot erai aomisioit, neitodiaror, erai akirot. Aomisioit naitodiara nges akirot, konye ejai ber nges araun awomisioit ber. Aso, eraas ngun nuejaasi mama ejai Edeke, koraun do awomisioit, kosodi do akirot.

Koany. Ngul luejaatar, lolo, kAijar naka Ikaru kere, kejaasi nepepe ka Nges ido tomaKe, toma aomoomoKe, eringa ber kejauna Emalaika, aicerit, Ekerubit, araibonat idiobore kere. Erai Ngin nges naka Ikaru kere. Ido arai ijaatar jo kede Aijar naka Ikaru kere, kijai duc jo. Mere ajaut kon ne, konye epone ka aput naabu Edeke Loemamei eikor loka aijeneKe....
Ido arai mam Nges erai loemamei eikor loka aijeneKe, mam do Nges erai Edeke. Icorakinitai Edeke araut loemamei eikor loka aijeneKe. Kirai oni luikijaar ka eikor loka aijenewok; Ngesi erai loemamei eikor loka aijeneKe. Kerai Ngesi lokejai aiboisio kere, lokejeni iboro kere, ido lokapedor kere. Arai mam Nges erai, apolouke mam Ngesi epedori araut Edeke. Ejeni iboro kere, aiboisio kere, kanuka ajauteKe toma aiboisio kere. AijeneKe iboro kere einakini Nges ajaut toma aiboisio kere. Erai Ngesi Ekajaran; mam Nges esubit bala ekwam. Erai Ngesi Ekajaran; iboie Ngesi kotogo. Konye kanu araut loejeni iboro kere, aijen iboro kere, einakini ngin Nges araut loejai toma aiboisio kere, naarai ejeni Ngesi nginibore kere yen iswama. Mam epedori ilacit airwakakin akonyeneke konye komam Ngesi abu kojeni ngun. Ido abu Ngesi kojeni ngun eringa akwap kejauna, irwan nualosi ngin airwakanakinia akekonye, kede akinyet naetia ai ajaatar ngin toma akonyeke. Erai ngin amamus keikor loka aijen. Mam oni kipedori ainomanar ngun kasodete ajenun kotoma awomisiowok, konye Edeke Nges Ngol. Edeke, emamei eikor loka aijen!

Naka oitabo... Ingaibo Melukisadek Lo?

Idouni ŋesi ikoku yenisapat, imaikini ekekiror Yesu, naarai ŋes itajari iketuŋa kadiakanaretakec.”

Iswamatai nu kere, tetere edoli akirot naenerit Ejakait kama ka enabi ebe:

“Koany, epotuuni abekot, idouni ikoku yenisapat, Emaikinete ekekiror Imanuel” (apolouke ebe, Edeke ejai kaoni).

Matayo 1:21-23