Rusi, Amoabit.

William Branham.

Naka oitabo...
Ekalakunan Lopajan.

Akoto eong amaikin nges ebe: Ekalakunan Lopajan.
Kwana, alakun imodiobore, nges “ainyakun ibore ngin.” Yen lem eoliorit, bala aibwaikin toma oiduka loisiganarere iboro. Kosodi ijo alosit ngina kosodi alakun ibore ngin kede aitac etiai. Kanuka ngun erai do ibore yen ebeit ijo cut, akaulo na ilakunia ijo nges. Konye ekisil loka alakunio, ko Isirael, epajan nges alakuni iboro arai ibore yen lem awoliorit.

Egeuni eineriwok kotoma apak naka ikepugak luka Isirael, lu a araas ikatubok, akaulo na atwanare naka Yosua. Ido kanu adumun aitupuset naelai naka nu, kosiom nepetai isulai ikany arai ikanykape lusodit luka 1Samuel, ido idumuni ijo akirot alopet naka ngun.

-----
Kwana, itunga luipu esesenete Eitabo lo loka Rusi, kwape ebalatar kesi ebe, “Erai awaragan naka amin naejai toma Obaibuli.” Erai Ebaibuli awaragan naka amin. Ebaibuli kere erai awaragan naka amin. Mam erai awaragan naka amin bon, konye erai bobo enabi. Mam nges erai enabi bon, konye erai bobo ngesi akiro nukiswamas kolosek. Mam nges erai awaragan naka amin, enabi, akiro nueswamas kolosek, erai Ebaibuli Edeke Elopet. Naarai, “Kageunet ajai Akirot, ajai Akirot mama ejai Edeke, korai Akirot Edeke.” Kanuka ngun erai Akirot Edeke iwadikatai. Ekoto ngin kodau akiro kere, onac; Edeke iwadikatai. Yaweh, iwadikatai Oitabo. Ido emamei idiobore kotomake yenerai nuinerai einer bon, kere eraas Abeit. Kangoliwai loka Ebaibuli, arai ejai neebeit ijo aibwaikin etaukon. Erai nen. Erai ngin Abeit, ido ebuni Edeke aigang AkirotoKe.

Ido aponi kiwadikai akiro nu, kede kaiwadikaeta kere numojong. Ne asekununere Ebaibuli, itunga lukalaunak, neajaatar kesi etamitos aimorikikin Nges nepepe kotoma Aitutuket Namojong, Eitabo lo loka Rusi arai ediopet kOitabon lukapolok luapotu kesi kocamutu. Kanukinyo? Karai ngesi korai ebe akirot bon naka amin, kanukinyo apotu ikewadikak lukolo kocamuniatar Eitabo lo kwape loiyengakinitai? Naarai, ejai apukokinio naengopit kotomake. Ido kotoma apukokinio na naengopit, ijenuni ijo apolou alopet. Eyauni ijo die cut mama ejai Edeke.

Ido elipi eong, ketauka kere, atupuruc na, ebe ebuni Edeke ajenun ngolitau kere, lo ewenitai, aitodol ne apukoror Ngesi Elopet, cut ngun nuerai Ngesi, kotoma akirot kana: nuerai Ngesi mama ijai ijo; eipone locamunet Ngesi. Ido naidaunia ijo aanyun ngun irwan atipet bon, epatanar do noi, iwumokini ijo eipone ali ibu ijo kilamia ngun. Konye erai Emoyo Lokalaunan bon Nges epukokini.

-----
Kwana, egeunos akiro ngun koipone kangol, kwape aberu naeminana naejijim. Kerai ekirorike Naomi. Apolou naka Naomi nges ebe, “Naibus.” Elimelek kerai okilenike, apolouke ebe, “aima.” “aima naibus” nges kerai ekaleke. Ajatatar kesi kere okokukec, Malon, loerai apolouke ebe, “ariebo.” Nepepe ka Chilion, apolou kangol kerai ebe “aitegakin, anyoridid, aiturur.” Ngol nges arai ekaleke.

Kanen kobunokini ebeli akwap naka Isirael. Ido aibucaret adiopet na duc iswamauni Eyudayat, nges duc anyoun kakwap kangin. Abu Edeke koinak kes akwap ngin. Ne aponi kijaikinere Aburaam akwap ngin, abu Edeke kolimok nges mam aijal akwap ngin. Ido abu ngesi kibuca ne alosio ngesi Gerar, kodoi toma ationis. Mam abeit Eyudayat anyoun ko Palestine. Erai ngin aiboisitike na einakinitai nges. Ido erengear kes kinga, aisiarakin akwap kere. Ido kwana ejaas abongor bobo.

-----
Kwana, akoto eong aituput, atupuruc na, Naomi, aberu napolon kede ekanisa loka Orthodox, ekanisa loka Iyudayan loka Orthodox. Rusi, Amoabit, Amoit, kwape Ekanisa loka Ikristayon, Ekanisa Lokitetet. Ido akoto eong alosikin ngun kotoma owaitin iwongon luegelegela, Rusi. Ewadikat eong ne. Rusi, eseuni ewaike, asekun ewai; Rusi ijaanakini; Rusi iyenguni; Rusi eropio. Kwape kibonguna oni: Rusi, eseuni ewaike; Rusi akaulo na nges aseun ewaike, kosodi do Rusi ajaun nen ijanakini; kosodi Rusi ijanakini; kosodi Rusi iyenguni; kosodi Rusi eropio.

-----
Rusi elemuni aseuneteke. Kwana, Rusi ijanakini kwape ajaar aseuneteke. Kwana kosesen ber edakika ediopet. Kwana elosi ngesi omanikor, kanu airar. Kwana abu totoke kolimok nges; na, erai Aitutuket Namojong elimokini Nakitetet, ijeni bo jo. Abu totoke kolimok nges, ebala ebe, “Ejai oni Epajan, ido ekekiror erai Boas. Erai ngesi etunganan lokabaran. Ido erai ngesi Epajan lope eyapiei. Kolot ngina omanikorike. Ido aticepak... Siri kere kiliot bobo omanikor ece; kolot omanikorike.”
Epone lo elimokina oni Emoyo Lokalaunan mam alosit awai naka ecepone loka e-eitabo loka ekanisa, odiini ece, konye kolot omanikor loka Edeke, Aitutuket Namojong, Ebaibuli. Siri kitema ebe, “Mam ace, kilimuni oni nu. ido kilimuni oni nu kanu ailip. Ijaun oni kede na.” Kosalak toma omanikor. Koloma toma naka emanikor, naarai erai Ngesi Epajan loeyapiei.

Akirot naka Edeke, Aitutuket Namojong, erai Epajan loeyapiei mama ejai ngin Nakitetet. Ekanisa lomojong nges erai toto naka Ekanisa lokitetet, koany, Ikristayot, ikeyuunan, “Siri kilot bobo toma omanikor ece. Kosalak nepenen toma omanikor. Ido aticepak acepaaran ibuni ijo adumun asianut kakonyeneke.” Apaaran adiopet, kejai ngesi toma omanikor, kobuni etunganan lo, ekabaran, loenyaritai Boas, ekepugan, etunganan loabarit, kosodi aanyun Rusi. Oo, nekeanyunia nges, abu ngesi kominu Rusi. Awomit ngesi ebe kerai Rusi aberu nakaumokin. Abu kominu iponesio luka Rusi. Iitunit ijo, abu ngesi kotema, “Ajeni eong, apolouke ebe itunga da ejenete ebe irai ijo aberu na idarakina.” Abu Rusi kolem aseuneteke, naelai ido kocai. Abongun cut lailo, kosodi aijar koipone kalo abalar ngesi ebe elosi aswam.

Konye keja ace da, lolo, etemarete kesi atiar, “Kijeni ebe irai jo Ekristayot. Kijeni bobo da ebe irai ijo etunganan loitosomai Edeke, naarai emamei etunganan epedori aswam nukaumokin nu dimarai arai ejai Edeke ka nges.”
Ngun kes abu Nikodemu kolimok Yesu, ebale ebe, 'Rabi, kijeni ebe irai ijo ekasisianakinan loebunit kama ejai Edeke. Emamei etunganan epedori aswam iboro luiswamai Ijo lu dimarai ejai Edeke kanges.“ Ne, eboikinor ngesi nen kosodi asesen Nges emisiinikini aiyeiyea nakotauonokec. Abu aberu kotiro atwele naka anapitoKe. Kibelokin, kotema da atiar, “Ingai katiiro?” Apotu lukejaas nen kere kogiroto. Kongolekini mama ajai ekodet kosodi atemar atiar, “Ijo na ijaas kede ationis naka alele naka aokot, kitangaleu ijo aiyuunikon.”
Ebala ebe, “Emamei etunganan epedori aswam ngun dimarai ejai Edeke kanges. Kijeni ebe ibunit Ijo kama ejai Edeke. Mam sio ipedori acamun Jo, naarai irengeario sio kotoma okanisan kosi.” Iany? Emusabibu ngol loeropikina, Onac West, kwape kinerar oni akuare naatubor, epetorete ijo kinga. “Konye kokwap naka itauonokosi, kijeni ebe ibunit ijo kama ejai Emusabibu lokapolon.” Kristo nges erai Emusabibu; irai oni atenieik. “Ijeni sio, naarai kiseseni Aijar ngipengin naejai mama ejai Edeke, ejai tomaKon.”
Ngun nges nu aanyunit Boas kotoma naka Rusi, aseunet ngin naerai na ido kolai, ajokis naka aberu kangin naebwoi kangina. Kosodi ngesi aminun nges.

Kwana, akoto eong ijo amisiikin. Naomi, ekanisa lomojong, abu kogeu aitetemikin Rusi Ikisila kere luekamunitos ediinike, kwape keraar Aitutuket Namojong etoribe loka Aitutuket Nakitetet. Kwana, akoto eong yes adumakin akirot na nepene. Kwana, akoto eong aitodikin yes itoribei. Itetemunit Aitutuket Namojong Nakitetet, korai yes kopedorete asiomun ngun, naarai erai ngesi etoribe lokoingaren loka Aitutuket Nakitetet. Kwana, karai eong kajai alosit abear arwatat, ido komam eong aanyunitor akakuan, kasodi eong aanyun etoribeka, ti eong kajenu, ti eong kajaunos kaijen ace kanuikamunitos epone lo ajaar eong. Ido arai mam jo ijeni (ijo) nuerai Aitutuket Nakitetet, kosiom Aitutuket Namojong ido ianyuni ijo etoribe loka Aitutuket Nakitetet. Iany? Kosodi konye neelomunia Aitutuket Nakitetet toma, itemari ijo ebe, “Kanukinyo, Abeit, nges na.” Eitabo loka Iburanian, abongor kau, Paul ejai itetemuni nges.

Kwana, koany ejok kwana. Ne abu Rusi kotemaria, arai... Abu Naomi kotema Rusi atiar, “Epajanawok lo. Ido arai ipedori ijo adumun asianut kama ejai ngesi, idumuni ijo aiyengun.” Oo, otukui! “Arai ipedori ijo adumun asianut kama ejai ngesi, idumuni ijo aiyengun.” Abwoikinit Boas Kristo, Etunganan lokabaran, ekerumunan loka iboro kere, Ejakait loka aidweny. Oo, otukui! Biai, neabunia Boas kinga ngina ilato, kotoma kobalasitike, ejai imanimani emanikorike, kosodete akonyeneke aibirokin mama ejai Rusi! Kerai ngesi Lokapolon. Arai ngesi ejakait loka aidweny. Kosodi Rusi adumun asianut kakonyeneke.

Ngun kes nuiswamai Ekanisa, lolo. Neejaar Ejakait loka aidweny etubor, mam Ngesi eseseni adukena nutiok, aiidin nuka adukena, ikayook luitutuoritai ejok. Ejai Ngesi emoot itunga idiopendiope, ikiliok kede angor lueiinakina ido kolemunitos aseununeta nuelaete nukajokak kanuka Kristo, ainakinos kanuka aijanakiniKe. “Edeke, eyuunit eong ngun, Kanginikirot kere kotoma kangun. Neelimuna AkirotoKon imodiobore, asalakini eong kede ngun. Erai Ngin AkirotoKon. Eyuunit eong Ngin, Nginikirot kere.” Ngul kes ejai Ngesi emoot; Ejakait loka aidweny. Mama ejaas ngul lueriebi etenge ka ngul luejakit akure. “Isirerengitai ngul lueriebi etengei ka luejakit akure, naarai isimonikinio.” Ejai Ngesi etamit amoun Ekanisa ngol, lolo.

Kwana, aponi kolimokinai Rusi aswam ibore yenikileic, konye akapakina ngesi aswam ngun naarai adaunit ngesi alemun aseuneteke. Otukui aitupuset naka ikeyuunan! Otukui aitupuset naitekooro! Abu Naomi, ekanisa lomojong, kotema, “Kolot kwap akuare nakalolo. Erai apak naka agwei.” Oo, otukui awomisioit naelai na ti ber oni kisalak toma apak edit! Apotu Naomi nepepe ka Rusi kobongutu kapak naasakere ikinyom. Apak naasakere ikinyom kerai apak naka agwei, apak na akorere emugati loitetet. Ido Ekanisa kotoma apaarasia nu nukawasia, kitorite toma okar ilukumin iarei luka aisisianakin naka ekapirone kede ibore kwanat kangin, ejai adolokin toma apak naka agwei, kede aisiteteunio naka Aijar, emugati loitetet, esike loebunit kotoma Akuj. (Inera Russell nuikamunitos emugati loimodimoditai esike!) nges Lo, Emugati loebunit kotoma Akuj. “Arai Eong Emugati Loka Aijar. Anyamenenete kolo lukapapakus emanu ido atwakata. Konye Eong arai Emugati loka Aijar Loebunit kama ejai Edeke, kotoma Akuj. Arai kenyam itunganan Emugati lo mam etwani bobo.” Ido Ekanisa kapaarasia nu nukawasia, eyaunitai toma, kwana, kotoma apak naka agwei.

Rusi, amoit, naagoloritai kinga, kirengearai da, ayaun kwana toma, acamunio kwape Ateran. Abu Kristo kolom toma, kotoma apak naka agwei. Kotema ngesi atiar, “Kwana, kibwaik inapenekon mam ijai ijo.” (mere ebe kolaca inapenekon kama ijai ijo.) epone loitegelikinar lolo! “Onapak inapenekokon ejok neilosia ijo airiamun nepepe ka Nges. Ejai Ngesi alosit aikoror ikinyom, akuare na. kolot kwap ido kibwaik inapenekon mamakon. Kimukor, kanu airiamun ka nges.”

Lolo, ekotosi kesi alemar inapen. Kimukor. “Kijesar kwap, naarai ikororoi ngesi ikinyom. Kosodi kojen aiboisit na eperi ngesi.” Ijo ibu kiswama ngun? Ko Gologota. Ikar luipu kolo, abu eong ekam kotoma otauka aiboisit naabu Ngesi kiperikinia aijaraka kwap, tetere Nges elemuni eong. Kojen aiboisit naeperio Ngesi. Kosesen neeperio Ngesi. Ngun nges ibusakinit nginikeyuunan aswam. Kojen ngun kere nueswama Ngesi kanukon. Aisiiraret naka Nasabiiti natubor, Aipejoikin Kalvari, kojen nuabu Ngesi kiswama kanukon.

Kotema ngesi atiar, “Kojen neeperi ngesi. Kosodido naejotooror ngesi, kanu aiyengun, kolosi ijo aperobkwap osiep naka akejeneke.” Mere akouke; akejeneke, apolouke amamus aibusakinit. “Kiriu eimukes”. “Loemukor ngesi, kosodi airiun mamakon.” Oo, itei jo ngun? Oo, ajeni eong ipedorete aticepak yesi awomoom ebe arai eong loikerep. Konye edolit eong ngin ejok cut, Emoyo Ngol loka Edeke. Kojen neabu Ngesi koper, Omusalaba; neabu Ngesi koperio kotoma ailit; ngina Getesemani. Kojen nen kosodi aliar kiton akejeneKe. Koper kwap nen kosodi atwanere, mama ijai ijo, mama ijo... Nges nen. Kimukor, cut, kede anapitoKe, ebala ngesi, “Anapito,” abu ngesi konyara kwangin.
Kotema Rusi atiar, “Nuibala ijo, ngun nges alosi eong aswam.”
Oo, otukui epone loka aseunet Naitekoro naelemuni ikeyuunan! “Nuinera Ebaibuli, ngun kes alosi eong aswam. Arai ebala ebe, “Kitoronikinos ido kibatisaunos, kOkiror loka Yesu Kristo, alosi eong aswam ngun. Arai ebala ngesi ebe, “Kolototo akwapin kere kolimonokisi Akiro Nukajokak, alosi eong aswam ngun. Arai ebala ebe, “Kere nuabu Ngesi kiner, Yesu Nges Ngopengol bian, lolo, ka ikar kere.’ Nuebala eong Ebaibuli aswam, alosi eong aswam ngun.” Koany, Ekanisa edumununei aicorakinetake kama ejai Akirot. Abu Rusi koper kwap.

Kwana, kiitutu, kerai ngin ibore yenikileic mama ajai apuserut ngin nadidi kanu aper kwap osiep loka ekiliokit, akejeneke. Ibore yenikileic, mama ejaas akwapin. Oo, ijo ipedori abwoikin ngun? Ejai ne. Koany. Koany. Nges na. Ekanisa, aberu naedit, etunganan loedit, luemojongitos, luedisiak, ilimokinitai kes atiakar kama ejaas akwapin, kosodete abunere toma aiboisit, Ajakanut naka Emoyo Lokalaunan, erai ngin ibore yenikileic mama ejaas akwapin. Konye, mama ejaas akwapin, eraunos kesi luka ikerep. Eraunos kesi lukalaunakluibelibelosi arai icebore yen ewomitos kesi, ekiror ece loileic. Konye elimokinitai Ekanisa aswam ngun. Ijo ikapakina ajenun aiboisit ngin, kosodi aper kwap nen? Kojalak akwapin konyarata ijo idiobore kere yen ekotosi kesi anyara jo.

Ekosio lomojong loimina isio ayoere.

Adau eong ageun alosit kede Yesu bon, (koany),
Ajaatar eong kamoru kwape amutete, bala Yakob;
Ido abuni eong ayangar ewai kede idis luka Edeke luicaaritai;
Adau eong aitegear kede Yesu. Ajai eong atubor.

-----
Kojen aiboisit ngin neabu Ngesi koperia kwap, kosodi jo da apero kwap nen nepepe ka Nges. Ijo ikapakina alosit omusalaba, atupuruc na, kwape abu eong kalimuna Nasabiiti natubor? Ijo ijeni aiboisit ngin kotoma aijarakon? Ijo iyangau aijarakon toma aiboisit ngin ne ebubuikinere Yesu?

Naka oitabo... Ekalakunan Lopajan.

Aso kosalak ne akuare na, kosodi kedol atupurue arai kiiswamak ŋesi jo aswam naka ekalakunan, ejok; kiswamak do ŋesi jo aswam naka ekalakunan; konye do arai mam ecamuni aiswamakin jo aswam naka ekalakunan, ŋes do keswamakinia eoŋ jo aswam naka ekalakunan, kwape ejaria EJAKAIT. Koper aitodol tupuruc.

Rusi 3:13