Kinsa ba kining si Melquisedec?

William Branham.

Basaha ang tibuok nga asoy sa...
Kinsa ba kining si Melquisedec?

Hebreohanon 7:1-3,
1 Kay kini si Melquisedec, nga hari sa Salem, sacerdote sa labing halangdong Dios, misugat kang Abraham sa nagpauli kini gikan sa pagpamatay sa mga hari, ug nanalangin kaniya; 2 Ug alang kaniya gigahin ni Abraham ang ikapulo sa tanang butang; Una sa tanan, sumala sa hubad sa iyang ngalan, siya Hari sa katarungan, ug unya Hari usab siya sa Salem, nga sa ato pa, Hari sa kadaitan. 3 Siya walay amahan, ni inahan ni kagikanan, ug wala usab siyay sinugdanan sa mga adlaw ni katapusan sa kinabuhi, hinonoa ingon nga nahisama sa Anak sa Dios, magapadayon siya nga sacerdote hangtud sa kahangturan.

Hunahunaa kining bantugan nga Tawo, kung unsang pagkagamhanan niining Tawhana. Ug karon, ang pangutana mao kini: “Kinsa man kining Tawhana?” Ang mga batid sa tiyolohiya adunay nagkalinlaing mga hunahuna, apan sukad sa pag-abri sa pito ka mga Timri, ang Librong misteryoso nga kanhi gililong kanato... Sumala sa Pinadayag 10:1-7, ang tanang tinago nga nahisulat niini nga Libro nga gililong sa kapanahonan sa mga reformador igapadayag sa manulonda sa iglesia sa katapusang panahon. Pila man ang basayud nga husto kana? Mao kana. Gitoohan nga ibutyag... Ang tanang tinago sa Librong misteryoso igapadayag sa mensahero sa Laodicea nianang panahona.

Sa nakita nga adunay daghang lantugi bahin niining Tawhana, ug kining maong tema, sa akong pagtoo angayan kanato ang pagbahinbahin niini aron masuta kung Kinsa kini. Karon, anaay daghang mga tulonghaan sa kaalam bahin Kaniya. Usa sa mga tulonghaan—miingon nga Siya usa lamang ka tumo-tumo; Siya dili gayud usa ka tawo. Ug ang lain miingon nga usa kini ka linya sa pagkasacerdote, nga mao ang pagkasacerdote sa laray ni Melquisedec. Kana maoy labing sulosama nga daw maayo nianang bahina kay sa ilang giingon diha sa lain, tungod kay miingon man sila nga usa kadto ka laray sa pagkasacerdote. Kini maoy dili mahimo, tungod kay sa bersiculo 4 nag-ingon man kini nga Siya usa ka Tawo, usa ka Lalake. Busa ingon nga usa ka tawo Siya adunay panagway, usa ka Lalake, dili kun usa ka han-ay, kondili usa ka Tawo.

Nan dili Siya usa ka han-ay sa pagkasacerdote, ni usa Siya ka sulosugilanon, Siya usa ka Tawo. Ug ang Tawo nagpadayon. Kong inyong hingmatikdan, Siya walay amahan, Siya walay inahan, Siya walay panahon Siya walay sinugdanan, ug Siya walay panahon Siya walay katapusan. Ug bisan kung Kinsa man kini nagpabiling buhi niining gabhiona, tungod kay ang Biblia nag-ingon man dinhi nga Siya walay amahan, ni inahan, ni sinugdanan sa mga adlaw o katapusan sa kinabuhi. Busa kini dili lain kondili usa ka Tawo nga walay katapusan (Husto ba kana?), usa ka Tawong walay katapusan. Sa ingon usa ra gayud kini ka Tawo; nga mao ang Dios, tungod kay Siya mao ray Bugtong walay katapusan—ang Dios.

Karon, diha sa 1-Timoteo 6:15 ug 16, kong gusto ninyong basahon, gusto kong basahon ninyo kana. Karon, ang butang nga akong gipakigbisogan mao, nga Siya Dios, tungod kay Siya mao ray bugtong Tawo nga dili mamatay. Ug karon, ang Dios nagausab sa Iyang kaugalingon ngadto sa pagka-Persona; ingon Siya niana: walay amahan, walay inahan, walay sinugdan sa kinabuhi, walay katapusan sa mga adlaw. Karon, atong makita diha sa Kasulatan nga daghang mga katawhan ang nagtudlo sa tutulo ka dagway diha sa Pagkadios. Sa ingon dili ka makabaton ug dagway kung walay tawo. Nagkihanglan kini ug usa ka tawo aron makabaton ug dagway.

Usa ka ministro nga Baptist ang miadto sa—sa akong balay—ug miingon, “Buot kong tarungon ka sa pagtudlo sa Pagkadios sa takna nga anaa ka nay panahon,” ang mitawag kanako diay. Giingna ko nga “anaa na akoy panahon karon, tungod kay buot kong matudloan, ug among gihikling ang tanan aron buhaton kini.” Ug miadto siya; ug miingon, “Igsoong Branham, nagtudlo ka nga adunay usa lamang ka Dios.” Giingnan ko, nga “Oo, sir.” Siya miingon, nga “Nan,” matud niya, “Nagtoo ako nga adunay usa ra ka Dios, apan usa ka sa tutulo ka personas.” Giingnan ko, nga “Sir, balika kana pag-usab.” Mitubag siya, nga “Usa ka Dios diha sa tulo ka personas.” Giingnan ko, “Diin ka man gikan nga tulonghaan? Nakita mo? Ug giingnan niya ako nga sa—sa coleheyo sa Biblia. Giingnan ko nga, “Motoo ako niana. Dili ka mahimong usa ka tawo kung walay panagway, ug kon ikaw usa ka dagway, usa ka dagway sa imong kaugalingon. Usa ka pinasahe nga laing linalang.” Ug miingon siya, “Nan, bisan gani ang mga batid sa tiyolohiya dili makasaysay niana.” Giingnan ko, nga “Pinaagi lamang kini sa pinadayag.” Ug miingon siya, “Dili ako makadawat ug pinadayag.”

Ug giingnan ko, “Nan walay mahimo sa Dios bisan gani sa pagdangat kanimo, tungod kay kini gililong man gikan sa mga mata sa maalam ug makinaadmanon ug gipadayag ngadto sa mga masuso (gipadayag, ang pinadayag) gipadayag sa mga masuso ug kanila nga magdawat niini, nga masinabtanon.” Ug giingnan ko, “Wala nay higayon alang sa Dios ang pagduol kanimo; tungod kay gitakpan mo ang imong kaugalingon gikan Kaniya. Ang tibuok Biblia mao ang pinadayag sa Dios. Ang tibuok nga iglesia natukod sa ibabaw sa pinadayag sa Dios. Walay laing paagi sa pagkasayud sa Dios sa pinadayag. ‘Diin ang Anak magpadayag kaniya sa pinadayag. Ang tanan lonlon mga pindayag. Busa ang—dili pagdawat sa pinadayag, nan mahimo kang usa ka mabugnaw nga batid sa tiyolohiya, ug wala nay paglaum alang kanimo.”

Karon, dinhi, atong makita nga kining Tawhana walay amahan, walay inahan, walay sinugdan sa mga adlaw ni katapusan sa kinabuhi. Kini mao ang Dios “En morfe.” Karon, ang kalibutan—ang pulong nagagikan—sa Griegong pulong nga nagkahulogan “nag-usab,” maoy gigamit sa pag-usab sa Iyang kaugalingon, “En morfe”, gikan sa usa ka tawo ngadto sa... Usa ka tawo... Ang Griegong pulong diha, “En morfe,” nagkahulogan... Kini kinuha gikan sa pasundayag sa tablado, “ kanang usa ka tawo nga nag-usab-usab sa iyang mascara aron mahimo siyang laing magdudula.” Sama kan—kanhi didto sa tulonghaan dili pa lang dugay—nagtoo ako, nga si Rebekah, sa wala pa siya magraduar, dihay ilang usa ka dula nga Shakeapeare. Ug ang usa ka batan-ong lalake kinahanglan mag-ilis-ilis sa iyang sanina sa daghang higayon, tungod kay nagdula siya ug duha o tulo ka mga bahin, apan mao ra nga tawo. Mogawas siya; sa usa ka higayon usa siya ka kriminal. Ug sa sunod niyang paggula, lain na usab siya nga tawo.

Ug karon ang Griegong pulong nga “En morfe” nagkahulogan nga nag-usab siya sa Iyang mascara. Ug sama niana ang gibuhat sa Dios. Mao ra kini nga Dios sa tanang panahon. Ang Dios diha sa dagway sa Amahan, a— ang Espiritu, ang Haligi nga Kalayo, mao ra nga Dios ang nahimong unod ug mipuyo uban kanato: “En morfe,” ang nagdala aron Siya makita. Ug karon, kadtong mao ra nga Dios mao ang Espiritu Santo. Amahan, Anak, Espiritu Santo—dili kay tulo ka mga Dios, tulo ka mga buhatan, tulo ka mga pasundayag sa usa ka Dios. Ang Biblia nag-ingon nga anaay yusa ra ka Dios, dili tulo. Apan mao kana nga dili nila... Dili mo kini mahimong tarungon ug unya anaay tutulo ka dios. Dili mo gayud madani ang usa ka Judio niana; sultihan ko kamo niana, siya nga labing nasayud; siya nahibalo nga anaay usa ka Dios.

Himatikdi, nga sama sa usa ka magkukulit, siya nagtago pinaagi sa u—usa ka mascara niini. Mao kana ang gibuhat sa Dios niining panahona. Kini dugay nang gililong. Tanan kining mga butanga dugay nang gililong, ug gitoohan nga ipadayag dinhi niining panahona. Karon, ang Biblia nag-ingon nga sila igapadayag sa katapusang mga panahon. Sama kini sa usa ka magkukulit nga nagtabon sa i—iyang kinulit hangtud sa panahon nga iyang kuhaon ang mascara niini ug kini makita na. ug mao kana ang Biblia kaniadto. Kini mao ang buhat sa Dios nga kanhi gitaptapan. Ug kini gililong sukad sa pagtukod sa kalibutan, ug kini pito nga miteryo, ug ang Dios nagsaad niining adlawa, dinhi niining panahona sa iglesia sa Laodicea, Iyang kuhaon ang mascara sa tanang mga butang ug ato na kining makita.

Unsang ka mahimayaong butang, ang Dios, “En morfe,” nagmascara pinaagi sa Haligi nga Kalayo, ang Dios, “En morfe” diha sa usa ka Tawo nga ginganlag si Jesus, ang Dios, “En morfe” diha sa Iyang iglesia: ang Dios sa ibabaw nato, ang Dios uban kanato, ang Dios sa sulod nato, ang pagpasignunot sa Dios. Didto sa itaas balaan, walay usa ka makahikap Kaniya; Siya mipuyo sa ibabaw sa bukid, ug bisan ngani ang mananap nga moduol sa bukid kini mamatay. Ug unya nanaug ang Dios ug nag-usab sa Iyang tolda, ug nanaug Siya ug mipuyo ipon kanato, nga sama kanato, ug nahikap ta Siya. Ang Biblia nag-ingon, sa 1-timoteo 3:16, “Dili malalis, nga daku ang tinago sa pagkadios, kay ang Dios nadayag diha sa lawas,” mahikap sa mgha kamot. Ang Dios mikaon ug unod. Ang Dios miinum ug tubig. Ang Dios natulog. Ang Dios mihilak. Siya nahisama kanato: matahum, nga tipo diha sa Biblia. Mao kadto ang Dios sa ibabaw nato, ang Dios kauban nato; ug karon ang Dios ania sa sulod nato, ang Espiritu Santo, dili ang ikatulong persona, mao ra nga Persona.

Ang Dios nanaug ug nahimong unod ug namatay sa kamatayon diha kang Cristo aron Iyang kahinloan ang Iglesia aron makahimo kini sa pagpakighiusa. Ang Dios nahigugma sa pagpakig-ambitay. Mao kanay tuyo sa Iyang pagbuhat sa tawo sa unang higayon, aron makig-ambitay. Ang Dios nagpuyo kauban sa mga Quirobines.

Ug himatikdi kini karon, Iyang gibuhat ang tawo, ug ang tawo nahulog. Busa nanaug Siya ug gitubos ang tawo, tungod kay ang Dios nagtinguha nga pagasimbahon. Ang maong pulong nga “dios” nagkahulogan nga “butang silimbahon.” Ug kining midangat kanato ingon nga Haligi nga Kalayo, ingon sa usa ka butang nga nakapabag-o sa atong mga kasingkasing, mao ra nga Dios ang nag-ingon, “Maanaay kahayag,” ug dihay kahayag. Siya mao sa gihapon kagahapon, karon ug hangtud sa kahangturan.

Karon, sa sinugdan ang Dios nagpuyo lamang diha sa Iyang mga kinaiya sumala sa akong gihisgotan kaganihang buntag. Mao kadto ang Iyang mga hunahuna. Walay lain, ang Dios lamang. Apan anaay Iyang mga hunahuna. Sama sa usa ka magkukulit nga mopasantop sa iyang hunahuna, ug dibuhoon kung unsay iyang gihunahuna ug kini—iyang ki—kini iyang tukoron, o buhaton. Karon, dili siya makahimo pagbuhat; apan makakuha siyag mga butang nga binuhat nang daan ug buhaton kini sa lain nga panagway, tungod kay ang Dios lamang maoy—maoy Bugtong makabuhat. Apan miabot sa iyang hunahuna ang unsay angay niyang pagabuhaton, ug mao kana ang iyang mga hunahuna; mao kana ang iyang mga tinguha.

Karon, kini maoy usa ka hunahuna, ug unya iya kining gipamulong, ug unya nahimo kining pulong. Ug a—ang pulong mao ang... Ang hunahuna kung kini madayag na, kini mahimong pulong. Ang hunahuna nga nadayag mao ang pulong. Apan kinahanglan nga magsugod kini sa hunahuna. Sama niini ang mga kinaiya sa Dios; ug unya nahimong hunahuna, ug dayon nahimong pulong. Himatikdi, sila niining gabhiona nga nakabaton sa Kinabuhing Dayon, uban na Kaniya ug diha Kaniya, diha sa Iyang salabotan, sa wala pay Manolunda, bituon, Quirobin, o bisan unsa pang butang. Mao kana ang walay katapusan. Ug kong nakabaton kag Kinabuhing Dayon, sa kanunay naglungtad ka an, dili tungod kay ania ka, kondili ang dagway ug kahimtang nga ang walay kinutoban nga Dios... Ug kon may kinutoban pa Siya, nan dili Siya Dios.

Ang Dios wala gayud ing kinutoban. Kita may kinutoban; Siya walay kinutoban. Ug Siya anaa sa tanan, nasayud sa tanan, ug gamhanan sa tanan. Ug kon dili man Siya, nan dili Siya mahimong Dios: nasayud sa tanang mga butang, sa tanang mga dapit tungod sa Iyang pagkaanaa sa tanan. Ang pagkasayud sa tanan maoy naghimo Kaniya nga anaa sa tanan. Usa Siya ka tawo; dili Siya sama sa hangin. Siya usa ka tawo; Siya nagpuyo sa balay, apan ingon nga anaa sa tanan, nasayud sa tanang mga butang, maoy naghimo Kaniya nga anaa sa tanan, tungod kay nasayud man Siya sa tanang butang nga malungtaron. Walay usa ka tagnok nga mamilok sa iyang mga mata nga wala Niya kini mahibaloi. Ug nahibalo Siya niini sa wala pa ang kalibutan, kung pila ka higayon mamilok kini sa iyang mga mata ug kung unsa ka kadaghan ang talo niini, bisan sa wala pa ang kalibutan. Mao kana ang walay kinutoban. Dili ta kamatugkad niini sa atong salabotan, apan mao kana ang Dios—Dios nga walay kinutoban.

Basaha ang tibuok nga asoy sa...
Kinsa ba kining si Melquisedec?

“Ug igaanak niya ang usa ka bata nga lalaki, ug siya imong paganganlan si Jesus, kay siya mao man ang magaluwas sa iyang katawhan gikan sa ilang mga sala.”

Kining tanan nahitabo tuman sa gisulti sa Ginoo pinaagi sa profeta, nga nag-ingon:

“Tan-awa, usa ka birhin magasamkon ug magaanak sa usa ka bata nga lalaki, ug ang iyang ngalan pagatawgon Emanuel” (nga ang kahulogan mao kini: Ang Dios uban kanato).

Mateo 1:21-23