Aturi ngina a Laodekia.

William Branham.

Tosiomete alo akirot...
Aturi ngina a Laodekia.

Apukokino 3:20-22,
20 Toanyu, awoi ayong, ido ekongikongi: erai kiira itunganan idio etoil kang, ka tongaa ekek, alomuni ayong tooma neni keng, ido ikimuji kapei ka inges, inges dang ka ayong.
21 Inges ngini ipiyori, ainakini ayong inges akiboi kapei ka ayong alokicolong kang, ikwapei abunio ayong dang epiyoria ido eboikin kaapei ka papa kang lokicolong keng.
22 Inges ngini eyiai akit kiira nguna ebala Ekuwuam neni a ngikanisae.

Tokona, eyiai engodias ngolo apolon nakigiret na, anerai isitiyiaete inges ngikalalak analimonokin kec esibit eyiai Yesu ewoi alokek a etau ke edio kasecan a daadang ido kikongikongi anguna ka acamakino alomun tooma. Ketia ketemar robo ca ebe, erai kengaa nai ekasecan eketau, ebuni Ekapolon alomun tooma. Nai Akigiret naga emam nyirworo nguna ikamunito edio kasecan ikwa ipeitunganan, nai Erai eemut lo ngolo imorikinit ngakiro nguna alalak ikwapei eyiakar eemut alotooma nginaturi. Alotooma ngulu cicik 22 ebala, “Inges nguna ebala Ekuwuam neni a NGIKANISAE.” Aso erai na Akirot ngina elimokinitae ekanisa ngolo ka aturi a ngina ka awasia. Erai ngol epite ngolo eyiakar ekanisa ngolo a Laodekia anapaki a ngina eapunia asalun keng. Mam nyerai inges alimokinet neni a ngitunga ikwa neni a ipei a ipei. Erai Ekuwuam ikilimokinit iwon neni eyiai Yesu. ANYOU KRISTO ALO KANISA.

Meere mono kwana nu nguna etakanunete kori asealunet arai kiwaakin Akirot nawai anguna angakitatameta a ngitunga, kilunyokinai ata paapa nakibois ke Ekuwuam a ngolo Akuangan, ngipiskoopi, ngipresdentia, ngikansolai, ka nguluce dang, ka kisiboikinoi ekalakunan nawai anguna angiticisio ka ngapuroguramia, kori akimorikin ka ekanisa, kori nakisikwaanet adio ngina ke ekitiyae ke ekanisa-a? Anu ngace nguna erai kitiyakinai itoronere Inges? Erai nu nguna ata paapa! Erai na akimasar! Erai lo ekek ngolo engaara neni a eketepegan Kristo, naarai arai bu idio a Papa (Yesu) ka aponi nyijaun, ebunui nai ece alokiro keng a elope (ekaliokon, ngolo ke esoswai) ka ngol inges ijaunete ikes, Yokana 5:43. Ekile ngolo ka asecit, lokoku ngolo ka amunyario ngol ikamari dadang.

Matayo 24 elimarit ngakitaanyuneta anakuj kan nguna etapito akolongit ngina esidio na eringa Yesu nyebonguno. Nyayeni ayong erai kianyunitotor iyes akitaanyunet adio ngina abu kitodolikin ngirwa lupei lu ikotere itogogongi akiyookino nginapei ikirworo iwon nginapei jik. Akiyookino ngin inges ngina ka atemar ebe, eyiai Yesu erai ngolo ijukaritae jik kinga, akitodol ngina ejukarere inges jik kinga ekanisa, anapaki a ngina ka awasia a na. kiitu iyong atemar ebe anaturi a ngina engarenon alal akica noi aapikinit akilelebiar alulungu ngina ke ekanisa a ngolo ka akiyokino. Nai toyiai rika idiakar nginidio cici ngini anyaritae ebe, ngiticisio ngulu a Nginikolaitan, inges ainakinit akica pa ilelebikin nalulungu keng ngin. Ido anaturi a ngina atupakini, abu akirionut tololou akitodol ngina abunio akica ngina abeit kileleba alulungu ngin toditeunia, anaturi a ngina a ngauni abu akirionut kiyiatakin nabo noi, ka ani edoli naturi ngina a ngaomwon ngina arai Apaki ngina ka Akirionut, asir akica adaun jik kidong edit noi.

Tokona totamatamata nu. Ecai ekanisa alotooma akica ngina ikobunit inges aneni a Kristo. Inges erai AKOLONG. Erai ekanisa ELAP. Ido alulungu ngina ka akica ngin erai elap. Asir ekiditeu ngina ka akica ngin ameun alotoma akileleba keng sek anaturi angina esiunan kidong erai ingole ngini cici noi. Nai abu togeu apolore nabo anaturi a ngina a ngakan. Anaturi a ngina a ngakanikapei, abu akica ngin kiyiatakin nabo. Anaturi a ngina a ngakan-karei abu akica toyiai iyiata paka ngina esangakinia, ka abu dang akica ngin tosalu ido kikamari nai akirionut ngina co erai akirionut ngina ka apaar, ido anangetakinet ka aturi, abu akica tojongo akica anguna adaunia akirionut akikamar akwap. Eyiai tokona Kristo kinga ekanisa.

Erai lo emacar ngolo eyiai nadis. Ngina ajioto elap ka akolong abu toruwor yau akirionut ngina apolon. Abu toloma nakirionut ngina apolon alotooma ngadoketa ngakankaarei. Alotooma adoketait ngina a ngakankaarei, abu akirionut ngina apolon erai Paapa ngolo a Roma (Paulo ngolo angikan-kapei) abu tolot Palestin alosit apeyo ngina akuagan Yerusalem. Enyaritai Paapa ngolo Paulo ngolo angikan-kapei. Arai Paulo ekiakia ngolo esiaunan ka alosi ekile lo ka ekiro ngolopei ngol. Toripunite erai ngolo a ngikankapei, kori enamba ngolo a itunganan. Erai nu nguna eriamun tei. Ka ngina alosio inges Yerusalem, abu elap kori ekanisa toloma nakirionut ka akileleba. Ikes ngun. Erai na asalunet. Emam nyelunyar anyamet na akitodol ngina itodolikinotor dadang. Ikote nenepie Ekapolon Yesu, bua atipei!

Tokona ikiyianyuni iwon apolou ngina keyiakatar ngimusabibui ngulu yarei ngul, epei ngolo iyookino ka ngolo ka aliokonu. Ka dang ikiyianyuni iwon a ne apolou ngina ayiakatar Aburam ngisapa ngiarei, epei ngolo auritae alotooma akuwuan (Ngolo abu kisicanite Isako) ido epei tourunae alotooma akikonget. Tokona ikianyuni iwon atemar ebe aponi kidounoi ngimuu ngiarei ngul alotooma ngikauriak ngiarei ngul, epei kec arai ngolo ayeni ka tomina ngiboro ngulu ka Akuj, ka ngoloce dang toyeni kojokan nguna ka akiyookino a nginapei a ngin, ido nyeraakasi ngulu ke epei kuwuam, ido anen abu ngoloce kisicanite ikoku ngini arai ngini seuna. Pa abu Akuj tojamaki inges anguna ca ka ajamakin. Abu inges tojamaki a nguna a eseuna. NYEPEDORI ESEUNA akisican eseuna. NYEWANI ESEUNA eseuna. Erai ngulu ejamakinitae ikes isicanete ka akirikar dang ngulu eseunitae.

Okoe, ilipaka nai ngulu ejamakinitae lu. Eosok dang noi. Erai ikes ngulu itorunito nateker ngina a Kaino, a ngolo erai ekinyomit ngolo a etiang. Apotu ikes kolong toduko Babel kec, apotu dang toduko ngitaunio kec, toduko tar ngibukui kec, toyiakasi rika ikes enyarito Akuj. Itengerito ikes ekinyomit ngolo a kire, ido epedorito dang akitiyia daadang nguna ecamito ikes, (Tar a Lokiro a ngolo a Ekapolon) akirikar ngiseuna ka Akuj jik. torai bo iitana ikes. (Nyo nai epoida a ngamilo a neni a ngicok a ngakima?) erai kemamukaun ngamilo anakima apaki ngina iwakiniata ikes ngicok, inges robo atemar emamukaun ngicok anakima, ata kikote neni dang, nyo nai ibore ngini etakanikini ngamilo ekau? Eponio ikes akicunyar ka akim a ngina nyedunge. Ani bo ngakima? Ai eyiakaun ikes? Eponio akiudar ikes lodula Keng. Inges atemar neni eyiai Inges.

Okoe, ngiseuna ka Akuj, tokienyete. Tosiomete kojokan. Torakasi ngulu icoikina. Kitiyiautu akiteyiario kus alotooma akurianu ta amaran. Togongakinos neni ka Akuj ido togogongioto alotooma apedor Keng. Naarai ekusimoit Satan eyiai irimirimi ikwa engatuny iwarit ngini enyami. Tokienyete kilipete ka torakasi ngulu icasito. Erai na apaki ngina ka awasia. Adolokis tokona emusabibu ngolo iyookino ka ngolo ka aliokonu nakonore kec. Nai eroko ngakima nyekoniuno ejok, eponio aenuwuar etama ngolo adau akonore ngol a nguna ka akicunyo. Ingolik iyong a? eyiakasi daadang elomete natukot ngina a ekansol a ngolo a ngikanisae a ngulu ka akwap. (World council of churches). Aenio kec nai ngina. Alotoma apaki ngina eapi ebuni akiudaro ngina a ngakima ayiakaun. Nai tokona alosaa alo eyiakasi ngikuwuamin ngulu arei ngul daadang itiyiaete alotoma ngimusabibui ngulu arei ngul. Tolomutu alokiding etama togeutu akipikor ikotere ikimarakinio iyes dang araut ngulu itemokino ariamun akiturio a neni a Ekapolon kus, ka toraut dang ngulu itemokino akipuka kapei ka Inges.

Tosiomete alo akirot... Aturi ngina a Laodekia.

Kiirasi, okoe Ŋisirael, Ekapolon Akuj yok iŋes bon erae Ekapolon.

Ngikisila 6:4