Obusingye bwÉkanisa ya Laodikea.

William Branham.

Read the full account in...
Obusingye bwÉkanisa ya Laodikea.

Okushuuruurwa 3:20-22,
20 Reeba, Nyemereire aha rwigi, nindukongoota niinyiguza; omuntu weena, ku araahurire eiraka Ryangye yaanyigurira, Niinyija kutaaha omu nju ye, Ndye nawe, nawe arye Naanye.
21 Orikusingura, Ndyamwikiriza kushutama aha kitebe Kyangye ky'obukama, Nkaanye oku naasingwire, nkashutama hamwe na Tata aha kitebe ky'obukama Bwe.
22 Oine amatu, ahurire eki Omwoyo arikugambira amakanisa.

Hati hariho okubuzabuzibwa kwingi aha mushororongo ogu ahabw'okuba baingi munonga abarikukora ahabwabo bagukozesa obwo buri omwe arikubuurira engiri y'aheeru orikushusha oti Yesu ari aha rwigi rw'omutima gwa buri musiisi naakongoota kwikirizibwa ngu ataahemu. Obwo kikagambirwe ngu omusiisi ku arikwigura orwigi, Mukama naataahamu. Kwonka omushororongo ogu tigurikugamba ahari buri musiisi okwe. Obutumwa obu bwona bufunziibwe nk'obundi butumwa bwona omu busingye bwona. Omu mushororongo gwa 22 nihagira hati, “Oine amatu ahurire eki Omwoyo arikugambira AMAKANISA.” Mbwenu obu n'obutumwa bw'ekanisa y'omu busingye bw'aha muheru. Egi n'embeera y'ekanisa ya Laodikea obwo omuheru gwayo gurikwirira haihi. Tiburi butumwa bw'omuntu okwe; n'Omwoyo orikutugambira ahu Yesu ari. KRISTO ATSIGIREHO EKANISA.

Eki tekirikurugamu nari omuheru Ekigambo ku kirikuteebwa aha rubaju ahabw'enyikiriza, Omwoyo Orikwera yaimuurwa ahabwa baapaapa, baabishopu, baapurezidenti, abahi b'obwengye, n'abandi obwo Omujuni atairwe aha rubaju ahabwa puroguraamu z'emirimo, nari okwegaita aha kanisa, nari omuringo ogundi ogw'okwikirizana n'entwaza y'ekanisa? N'enki ekindi ekyakubaasa kukorwa Kumurwanisa okukir'aho? Oku n'okuhaba kuruga aha Kigambo! Oku n'okutaana na Ruhanga! Oru n'orwigi orwiguriirwe antikristo, ahakuba Omwe ku yaizire omu Iziina ry'Ishe (Yesu) haza ataakiirwe, kureka akangwa, mbwenu haryaija ondiijo aine eiziina rye wenka (omubeihi, orikweshushaniriza) kandi we baryamwakiira, Yohaana 5:43. Ogwo muntu omugomi, ogwo mwana w'okuhwerekyerera aryategyeka.

Matayo 24, neegamba aha bumanyiso omu iguru oburikukwata aha biro ebi eby'aha muheru Yesu atakaizire. Niinyebuuza ku muraabe mureebire akamanyiso ako akaherize kuhikiirira kwenda kworeka ago mazima agu tubaire nitugambaho. Amazima ago ni ngu bagumiizemu nibahigika Yesu okuhitsya obu omu busingye obw'aha muheru Atairwe aheeru y'ekanisa. Ijuka ngu omu busingye bw'okubanza ekaba eri ekanisa haihi eijwiire amazima. Kwonka nabwo hakaba harimu enshobe nkye eyaabaire neeyetwa ebikorwa by'Abanikolaiti eyaazibiire enziga kuba eijwire. Reero omu busingye obwakuratsireho omwirima mwingi gukashoobookyeramu okuhitsya obu enziga y'omushana yaakyendereire, kandi omwirima gukashweka omwanya mwingi gw'enziga. Omu busingye bwa kashatu omwirima gukeeyongyera okukiraho kandi omu busingye bwa kana obwabaire buri Obusingye bw'Omwirima, omushana gukaba haihi gwona guhweireho. Hati teekateeka ahari eki. Ekanisa neeyakira omu mushana ogurikuruga ahari Kristo. Kristo niwe IZOOBA. Ekanisa n'OKWEZI. Okwo nikwo egi nziga y'omushana eri okwezi. Ekaba yaakyendereire kuruga aha kwezi haihi okwijwire omu busingye by'okubanza kuhika aha kwezi okurikwaka akacweka kakye omu busingye bwa kana.

Kwonka omu busingye bwa kataano egyo nziga y'okwezi ekatandika kweyongyera kwaka. Omu bwa mukaaga ekateera entambo mpango omu kweyongyera kwaka. Omu kicweka ky'obusingye bwa mushanju ekaba neekyeyongyera kwaka, obu ahonaaho yaarekyeire aho, reero yaakyendeera haihi okuhweraho kimwe, kandi omu mwanya gw'omushana gukaba omwirima gw'okutsigaho amazima, kandi aha muheru gw'obusingye gukaba gwarekire kwaka ahakuba omwirima gukaba gwasingwire. Kristo hati akaba ari aheeru y'ekanisa. Hanu hariho akamanyiso omu mwanya. Obwira-kabiri bw'okwezi obwahereerukire okwezi kwona kukaba kushwekirwe omwirima. Bukahwererera omu mwirima ndindindi omu matembezo mushanju. Okwezi kukashwekyerwa kimwe omwirima gw'obwira-kabiri obu Paapa yaataayaayira Yerusaalemu.

Omu itembezo rya mushanju, hakabaho omwirima ndindindi obu Paapa wa Rooma (Paulo Owamukaaga) yaaza Palesitaini omu rutaayaayo orurikwera omuri Yerusaalemu. Niwe owaabaire paapa w'okubanza owaagiire Yerusaalemu. Paapa ogwo naayetwa Paulo owa Mukaaga. Paulo akaba ari entumwa y'okubanza kandi n'ogu mushaija naayetwa eiziina eryo. Yetegyereze n'owa mukaaga, nari enamba y'omuntu. Eki tikirafiire kubaho. Kandi ku yaagiire Yerusaalemu, okwezi nari ekanisa ekaza omu mwirima ndindindi. Nikyo eki. Egi n'emperu. Obusingye obu tiburihwaho okuhitsya obu ebi byona biribaho. Nikwo Mukama Yesu, ija juba!

Hati nitubaasa kureeba ahabw'enki haabaireho emizaabibu ebiri, gumwe ogw'amazima ogundi ogw'ebishuba. Hati nitubaasa kureeba ahabw'enki Abrahamu yaabaire aine abaana babiri, omwe ari owaarugire omu kwetenga kw'omubiri (owaahiiganiise Isaaka) kandi ondiijo ari owaaraganisiibwe. Hati nitubaasa kureeba oku okuruga omu bazaire bamwe aboojo babiri baazairwe bari empasha, omwe arikumanya kandi arikukunda ebintu bya Ruhanga, kandi ondiijo arikumanya bingi aha mazima ago gamwe, kwonka atari ow'Omwoyo omwe, n'ahabw'enshonga egyo akahiiganisa omwana ogwo owaabaire atoorainwe. Ruhanga tarangire kusiima ahabw'okwenda kwanga kusiima. Akanga kusiima ahabw'abatoorainwe. ENTOORE TERIKUBAASA kuhiiganisa entoore. ENTOORE TERIKUBAASA kukora kubi entoore. Abo abatarikusiimwa nibo barikuhiiganisa kandi bakacwekyereza entoore.

Oo, abo abatarikusiimwa n'abanyadiini. Baine obwengye. N'ab'omu ruzaaro rwa Kaini, oruzaaro rw'enjoka. Nibombeka za Babeeli zaabo, nibombeka endembo zaabo, nibombeka obukama bwabo, kandi obwire obwo bwona nibashaba Ruhanga. Banga oruzaaro rw'amazima, kandi nibaija kukora kyona eki barikubaasa, (nangwa n'omu Iziina rya Mukama) kucwekyereza entoore za Ruhanga. Kwonka nibeetengwa. “Ebishushunga aha ngano niki?” Hatariho bishushunga, tihakaabaho ngano. Kwonka aha muheru, n'enki ekiba aha bishushunga? Byokibwa omu muriro ogutaraara. Kandi Engano? Ziri nkahi? Nizihunikwa omu kitara Kye. Okwo Nawe niyo ari.

Eimwe ntoore za Ruhanga 'mwe, mwegyendesereze. Mwegye mutaireho omutima. Mwegyendesereze. Muhikiirize okujunwa kwanyu mwine obwoba n'okutetema. Mwesigye Ruhanga kandi mube ab'amaani omu bushoboorozi Bwe. Omuzigu waanyu, sitaane, naashooba nk'entare erikutsinda naasherura ou araarye. Mwezirikire kushaba kandi muhame. Obu n'obwire bw'emperu. Emizaabibu yombi ogw'amazima n'ogw'ebishuba neehika aha kukura, kwonka engano etakakuzire, ezo nkyenzi ezikuzire niziteekwa kubohwa zookibwe. Mureebe, boona nibeegaita omu Kibiina ky'Amakanisa g'omu Nsi yoona. Okwo nikwo kubohwa. Obwire obutari bwa hare okuhunikwa kw'engano kuryabaho. Kwonka hati egyo mwoyo ebiri neekorera omu mizaabibu ebiri. Murugye omu nkyenzi. Mutandikye kusingura nikwo mubaase kubarwa nk'abashemereire Mukama waanyu, kandi nk'abashemereire kwema n'okutegyeka Nawe.

Read the full account in...
Obusingye bwÉkanisa ya Laodikea.

Hurira, iwe Israeli! MUKAMA Ruhanga waitu n'omwe;

Eky'Ebiragiro 6:4