Aoso Emun.

William Branham.

Tosiomete alo akirot...
Ekinyomit ngolo ka Emun.

Akisyakinet 3:1-7,
Arae emun etyang ngolo aratana ka aos nooi akilo ngityang daadang ngulu ka ariet ngulu abu Ekapolon Akuj tosub. Tolimok emun aberu tema erai mono kire atemar ikilimokinit iyes Akuj ebe, Nyinyam arait a ekitoe a edio alomanikor a? ...Tobongok aberu emun tema, ikicamakinitae isua akinyam ngaraito a ngolokitoe dadang alomanikor: Nai arait ngina a ekitoe a ngolo eyiai kiding emanikor, ebala Akuj, Nyinyam arait a ekitoe a ngol, kori nyitapa dang, anerai kinyamaa iyes itwakete. Nai tolimok emun aberu tema, kire jik nyitwakete iyes: Elimunit Akuj ngun, anerai eyeni atemar akolongit ngina inyamyata iyes arait ngin, engaarosi ngatameta kus toyenut nguna ajokak ka ngun aronok lopite ngolo eyenia Akuj.

Toaanyu tokona anege eyiai ibore ngini abu totakaun. Anupit ayong, ka apedor akitogogongu nguna kan Ebaibul, ebe erai etiang ngolo abu kityia ngun. erai etiang ituangan ngini eyiai kiding ecop ka itunganan. Anerai, kiira, toaanyu nu tokona, ebe emam pa arai etiang ngolo emarakinitiai lotiang ngulce. Arai inges ngolo “aoso” alotiang anguluce dadang a ngulu ka emainikor. Tokona, abu ayong atolot ka atoriamu adikiconari, nakuwaria, alotoma adiokiding dadang, akisak akirot na, ka nyo apolou ka akirot n angina erai aoso. Erai apolou keng ebe, “ayenut, araku ngolo apirianan,” ka akijulunio ngina iyookino alo Buranian ( lotoma m -a -h -a -h, mahah) apolou na ebe, “ayakaunor aosou ngina akire ngun angisilia ka akiyiar.”

Tokona kimiek ataanyutu nu ka awuriyanut. Erai inges ngolo aoson, ngoloepiriana, id obo tonyariatete inges, “etiang.” Nai totamunite, arai inges ibore ngini aoson anen, ka ikoni ikwapei itunganan akilo idiobore dadang ngini ayiai alomanikor; ayapikina neni a itunganan. Emam pa arai inges etiang ngoloce. Arai ngilam inges asubakinete inges torau etiang ngoloce. Ka arai nges... ebala Ebaibul ebe arai inges ngolo abuse nooi alotoma dadang.

Ka tar ngilam dang emam nyepona iyas akibuses keng; tar bo ekala ngolo ke emun erai ngolo ebuse nooi, ka ajokis keng ka eyakae keng. Tar dang ngilam emam nyepona tolemasi ngun. Nai, totamunite iyong ebe, abu Akuj tolimo inges ebe ngakejen keng elemar ka epedori inges alosit ka akook keng. Ka emam nyipedor iyong ariamun adio koit ngina ke emun ngina etakani ikwan ngina a itunganan, ka erai co alosikinet ngina ecakarakor science ngun. Nai eyai inges nen.

Adau Akuj akiwua ngun alotomanakonyen a ngulu aosok ka asileerek, ka a ekiik apukor ngun neni angidwe ka Akuj, alotoma ngirua ngulu esidiok ngina itoodiunere ngidwe ngulu ka Akuj, ngin, “Elelyanete ngidwe ka Akuj tar eroko apetetait ngina ka akwap.” Ngina eyaunere apukokino ngina ka Akujuanut ka ngiboro eyaunio alotoma ngirua ngulu esidiok, abuni Inges akitoodiun ngiboro lu alotoma ngidwe ka Akuj. Iyenete iyes ebe itatamete Ngakigiret ngun. Ka ikiyia iwon nege. Erai co inges alosikinete ngin angaaria Akuj ngiboro neni yok. Eyaunit Akuj ngidweKeng tooma nakitoodiuna. Elosi Inges ekikuaye nayenut ngina adiotunganan, erot toma napukokino ngina ke ekuwuan, ka ayau ngun kwap. Emam pa ikitatami iwon, alotoma Ebaibul lo, “eyiai nege neni keng aosou ngin”? meere ibore ngini asiomi inges alotoma ngisuku ngulu aseminari; nai ibore ngini asiomi inges anakungin keng alokingaren Akuj, ka ibore ngin etalakari Akuj ainakin inges. Lokoku ngolo ka Akuj. Abu tosubun kitoodiun!

Eyiai nege etiang, tokona ayiai nege ibore neni ikon etiang; alosi ayong akitoodikin iyes eyakae keng. Ikiyiakar iwon... ikipotu iwon kwap, alotomaa akidodok, paka neni ka nikidodok, ka kingaren kwap ka ngaren, ka ngun ka nugu, paka jik ngina idolunio iyong neni ke elwala, paka neni ke ecom. Ka alotoma alocom, tokona toporo alotoma locom neni a itunganan, ka ikiumokini iwon kotere nyo. “Iyookino,” ebala science ebe, “tokona kidarak! Ikipedori iwon akinyalakin aberu ka elwala ka neni a kecom, ka nait ikwapei kongin, itunganan inyalakin ka ecom.” Emam nyitiyiakinete ngun. Kinyialak ngun ka etiang ece; emam nyityiakin ngun. emam nyepedrete ngaokot akinyalakin, yamones ngaokot kon, erai ikes ngaokot nguna egelaaka dadang. Eyia ngace okot kiding nege, ka emam nyipedorete ikes ariamun etiang. Okoe, Alleliya, apupunit ayong anupit kire jik tokona.

Toaanyu. Kotere nyo? Abuni Akuj kiwuaya ngun alotooma kec. Emam akoit alotoma emun ngina ikwan ka akoit a itunganan. Abu Inges kiwuak ngiboro arai ngulu elwaka kotere pa epedor ariamun kan ngitunga ngulu aosok. Ka alosi ayong akitoodikin iyes neni abunio itunganan ngini aoson ne, neni - neni eyiai inges, adiopite dadang. Ingolikia, emam nyepedor inges abunore alotoma ngun. Emaikina bu kan apukokino, “Irai Iyong Kristo, Lokoku ka Akuj...” “Kidiama ataaba na adukokini Ayong Ekinasakang; ka ngidorin ngulu ka akibois a ngikatwak nyipiyorete inges,” apukokino ngina ke ekuwuam. Lopite ali etiya -lopite ali ayenunia Abel ebe erai Imesek ainakino erai amuronot, akilo ainakinet ngina Kaino ngaraito nguna ke emainikor? Arai apukokino ngina ke ekuwuam neni keng. Emam nyiriamuni iyong inges kan asiomit ngina aseminari. Emam nyiriamuni iyong ngun alotoma ngidinio. Iiriamuni iyong ngun alotoma Nakuj.

Tokona toaanyu etiang, etiang ngolo eseunan lo. Kimiek akigirakis etorume keng tokona. Erai inges erukitos ngolo apolon. Eyiai inges kiding ecom ka itunganan. Ka, etiang, eomit satan, Lucipa, abu toyenu ebe erai ngaokot ngun bon epedorete akinyalakin kaapei ka angaokot nguna itunganan, arai itunganan ngini apedorit inges akityia ngin. Emam pa apedroti inges akimorikin ka ecom, ngaokot ngun emam pa apedor akinyalakin. Emam pa apedorit inges akityia kaapei ka ibore ngini egelaana. Emam pa apedori inges akityia kaapei ka amesek. Emam pa apedori inges arucokin kaapei ka agole. Emam pa apedori inges akityia kaapei ka edio etiang; arai inges arucokin kaapei ka etiang lo.

Kimiek ayasi inges tokona ka engolikis ibore ngini ikwaanatar inges. erai inges erukitos ngolo apolon, neni apolon nooi. Erai neni eriamuniata ikes ngakoyo nguna apolok, ka alosi ayong akitonikin iyes nugu alotoma Ebaibul. Tokona toaanyu. Iyookino dadang. Erukitos lo ngolo apolon, kimiek atemas ebe inges - arai awoyau keng ngakejen ngatomon, ngikeperin ngulu apolok; etakani inges ikwaan ka itunganan. Ka ngaokot keng, kedaut aponere kwap, kitiyiata alotoma epei tiang paka neni anginice;

Ipedor iyong akinyalakin ngitiang; ka erubakinit ariamunit ngaokot nguna ikikeyara akiyiar ngina ikiyara, eyakae ngolo epolo, paka ngina adokakinia toma loyakae a itungnana. Nai arucokina ngina esidio anege, alokiding anege, aponi totuboi. Ngai eyenete ebe nyepedor aosou ngina ka asiomit ariamun arucokina ngina emame? Iyenete iyes dadang ngun. Kotere nyo? Ayai inges nege etiang. Eyiai inges nege, arukitos ngolo apolon. Ka abu emot satan bu kwap, tokona, ebala inges ebe, “Apedore inges akitoyenun.”

Tokona ngina ilosio iyong akingolikin aberu ka ngipitesio ngulu ngaberu, itamuni iyong ebe, irai iyong ngolo ikinyonyot emoit satan ( ka emam nyarai akoniberu aleope). Toaanyu tokona, abu emoit satan bu kwap ka toloma tooma lotiang. Ka abu inges toriamu Epa alomanikor ngolo ke Eden, eleri, ka abu inges kirworo nguna ikamunito arait ngina alokiding. Kiding apolou keng na ebe, “Kiding,” ka ngace dang; iyenut iyes , alotoma atukot ngina inyalakina. Ka tema inges ebe, “Tokona, erai ngina ejok. Erai ngina ejoka aneni angakonyen.”

Nyo bo abu inges kityia? Abu togeik aminakin ka Epa, ka toyiar inges kaapei ka inges, ikwapei ekile ka aberu. Ka abu inges kingolik ngun ejokak, aso abu inges tolot ka tolimok neni alokilekeng, nai asir inges apotio, kan satan. Ka abu inges touru lokoku keng ngolo eseunan, ngolo erai ekiro keng Kaino, lokoku ngolo a satan. “Tokona,” ibasi iyes ebe, “ediakara ngun.” Iyookino dadang, ikiriamuni iwon erai keidiakar ngun kori mam. “Ka ekesimanakini ayong iyong ka ngikinyom kon ka ngikinyom a ketiang.” Nyo? Ngikinyom ke etiang! Ayiakar inges ngikinyom, ka ayiakar inges ngikinyom. “Ka ikiwani inges iyong akou ka iwani iyong inges atotinyo.” Ka iwani, anen, apolou na ebe “akitiyiaun amuronot.” Tokona eyiai neni “ekinyomit kon ngolo ke etiang. Tokona toaanyu, anege apotu pot ngikiliok ngiarei kinga. Tokona, etiang lo, ngina awuaia inges anen, etiang ngolo apolo lo erukitos abu towua anen, arai inges ngolo ailit nguna alomia aberu ka Adam. Neni eperioto ngasesicia nakuwarina? Nyo asubakini ngiboro alorot a ngolo eyiakaei ikes ngirua lu? Tokona, ayong.... Kire jik ipedorete yes akikamun ibore ngini erworo ayong. Ka anen ayiai inges.

Ka ngina tiyiai inges, tema Akuj ebe, togeikini anyarare Epa ka Adam. Ka tema inges ebe, “Aleri ayong.”
Ka tema Inges ebe, “Ngai ikilimokini iyong ebe ileri iyong?”
Nait togeikis ikes dang, eyiare a ngasiria, totubor alokau. Tema ebe, “Ejok, aberu ngina ikinakini iyong ayong, inges etiyia nugu. Erai inges eketocamuni ayong.”
Ka tema inges ebe, “Erai etiang akainakini ayong arait”? iyookino ngun dadang, ekalimonokinan, toriamu aneni akuwankon aelope.
Tema inges ebe, “erai etiang inges akamonikini ayong.” Iyeni mono iyong apolou ngina ka amonokinia a? apoloukeng na ebe “akiteper.”... inges... emam nyeinakin satan inges arait. “eketepr ayong etiang.” Ka nait pote ngilam.

Tema Inges ebe, “Naarai ikwapei iiraria iyong etiang akilo lokilekon, toyiar Akiyiar alotoma nakwap. Ka eyatakini ariebo nenikon; ka irubakini iitanit ekile kon,” ka ngace dang.
“Ka anguna ibunio iyong kiira ngakiro aberu kon, akilo Ayong (Akalemuni Ayong iyong analup; ekabila ngolo ikeyar), ibongori iyong nalup.”
“Ka tolomok Akuj etiang tema anguna ityiaa iyong ngun,eliarete ngakejen kon.ilyae iyong ka akook kon, ngirua dadang ngulu ka akonikiyiar. Ka ikimano iyong. Ka inyami iyong apuwa.” Neni iyiai iyong nen. Neni eyiai arucokina ngina ka adikaret nen.

Tokona anege abu Kaino bu. Kimiek atoaanyu eyiakae. Abu Kaino bu. Nyo bo inges?abu inges torau ekangelenaran. Abu inges toarau eketan. Ngolo aoson, a ngolo apiiriana;ekanupan, ngolo anupit nooi; toaanyu ngipitesio keng tokona. Erai iyes akiruk kaapei ka ayong alotoma ngadakikae ngadi. Anege abu inges bu. Ayeni inges ebe adiakarit. Ecamit inges alosit lokanisa. Abu todukok inges ekanisa, ka tolemak inges ainakinet. Yau toma nalitre ka dadang. Todukut alitare, ka kiwuak ngatur keng kidiama keng. Kiwuak... ngaraito nguna ke emanikor, ainak ikes neni ka Akuj. Tema ebe, “neni iyiai iyong nen. Ekapolon. ayeni ayong ebe ikinyamii iwon ngaraito, erai ibore ngini ayaun ngun ngin.” Ngirukitos keng adau ariamun ekabila ngolo ka atametai nginapei ngin. Kitoodikina neni aponita ngun. Abu yau arait na tooma, alotoma lomanikor, ka kiwuak inges kidiama nen, tema ebe, “erauni na amuronot.”
Tema Akuj ebe, “meere ngin arait.”
Nai, alotoma apukokino ngina ke ekuwuam, ayeni Abel ebe erai ngaokot. Aso abu inges yau imesek, tongun emosiring keng, ka abu totwan.

Ka abu Akuj tema ebe, “Iyookino ngun. erai ibore ngini erikak ngun ngin. Erai ngaokot.” Iyenete mono iyes ngokot nguna erworo ayong nguna. Iyookino dadang. “arai ngaokot etiyiaete ngun.” Tokona toaanyu. Ka ngina engolikin Kaino lokatokeng ecamunio alokiingaren Akuj, ka ngakitaanyunete ka angaumonokiniata etakanunete alokwap kama, abu inges kirakar anguna keng. Tema inges ebe, “ikitowuai iwon ngiboro kire jik tokona.” Toaanyu ngikaitotoikeng, kingolik ngidwe keng, alorua lau. “tokona, aoso ayong akilo inges, aso abu inges tonyunyurukin. Ai bo abuni angoit ngin? Ipedori iyong atemar angoit ngin...? Abu ingest oar lokatokeng. Erai inges ekaaran.

Ipedori mono iyong anyarare Akuj ekaaran a? Ka Adam arai lokoku ngolo ka Akuj, ebala Ebaibul ebe, “Arai Adam lokoku ngolo ka Akuj,” akiyookin ngin alotoma nakisyakinet kama. Arai Adam lokoku ka Akuj. Ka arakao ngin ka ngimanen, ka nginibore dadang, pa apedorete aponere alotoma aerot ngolo akuwangan ngol. Arai abunore alotoma ace kibois. Ka apote ngun alotoma Satan, ngolo arai ekaaran, alotoma nakisyakinet. Ebala Ebaibul ebe, “erai inges ekaliokon ka ekaaran alotoma nakisyakinet.” Ka eyia ngun nen. Ka abu ingest oar lokatokeng. Ka arai ngol ekabila ngolo ka atwanare a Kristo. Nait, alotoma ngun, anerai, abu Inges kinyou Seth akikamar akibois keng. Atwanare, anukio, ka ayiarun ngina a Kristo.

Ka toaanyua, nait anege apotu pot ngitunga kon ngulu aburok. Nait abu Kaino tolot toma nakwap ngina Nod. Ani erai kerai papakeng a etunganan ngolo aburon noi, nyo bo ikwanatar Kaino? Erai papakeng. Ka abu inges tolot nakwap ngina Nod, ka ya apei alotoma ngakaitotokeng. Erot bon ngolo epedorio inges akityia. Amamete nabo ngace beru nguna apedorete aponere, nai arai tooma Epa. Elimorito ikes ebe ayiakar ngidian ngatomonikaarei ka ngapeser. Ani -ani erai kemamete ngaberu... pa kigirit Ebaibul ngaberu ngina idounere, kerai ngikiliok. Ka ngina ani erai kemamete ngaberu adepar Epa, ngina atwani inges apa kerucorit alosit a itunganan kingaren. Ayiakar inges ngapeser atanakokukeng. Ka arai inges akiitar nakatokeng pei.
Abu inges tolot nakwap ngina Nod ka toriamu -ka toriamu aberu keng. Ka ngina eitaria inges inges aina, erai nen inges ariamuniata ikes ngitunga ngulu aburok apolok ngul, ngulu erai ngidwe ka Akuj ngulu emasarois; ngulu apote alotoma papakec, satan, alotoma Kaino. Neni eyiai adiakaret kon nen.

Tosiomete alo akirot... Ekinyomit ngolo ka Emun.

Erae lu ŋipitesyo ŋulu ka akaloman: Ani imuji iŋes, eninae akituk jik ido ebala, ‘Mam ibore ŋini aronon ŋini etiyat ayoŋ.’

Ngakitadapeta 30:20