Die sewe kerke van Asië.

William Branham.

Lees die volledige rekening in...
Die Efésiese Kerktydperk.

Ten einde vir julle om ten volle die boodskap van die Kerkeeue te verstaan wil ek graag die verskillende grondbeginsels verduidelik wat my gemaak het om uit te kom by die name van die boodskappers, die lengte van die eeue, en ander faktore daarby betrokke.

Aangesien hierdie studie die mees ernstige een is wat ek ooit onderneem het tot en met hierdie tyd, het ek God gesoek vir baie dae vir die inspirasie van die Heilige Gees. Toe het ek eers die Skrifte gelees oor die Kerkeeue en gedelf in die baie kerk geskiedenisse wat deur die mees onpartydige geskiedkundiges geskrywe is wat ek kon vind. God het nie gefaal om my gebed te beantwoord nie, want terwyl ek die Woord en die geskiedenis gelees het, was ek in staat gestel deur die Heilige Gees om 'n patroon te sien wat deur die eeue beweeg het en reg in hierdie huidige, laaste dag.

Die sleutel wat vir my gegee is van die Here waardeur ek in staat was om die boodskapper te bepaal vir elke eeu is 'n mees Skriftuurlike een. Inteendeel dit mag genoem word die Hoeksteen van die Bybel. Dit is die openbaring dat God nooit verander nie, en dat Sy weë net so onveranderlik is soos Hy. In Hebreërs 13:8 sê dit,

“Jesus Christus is gister en vandag dieselfde en tot in ewigheid.”

Prediker 3:14-15,
“Ek het ingesien dat alles wat God doen, vir ewig sal bestaan; daar kan niks bygevoeg en daar kan niks van weggeneem word nie; en God het dit so gemaak dat hulle moet vrees voor sy aangesig.
Alles wat is, was alreeds; en wat sal wees, was alreeds; en God soek weer op wat verbygegaan het.”

Hier is dit: 'n onveranderlike God met onveranderlike wyse. Wat Hy gedoen het met die EERSTE sal Hy moet aanhou doen totdat dit gedoen word vir die LAASTE keer. Daar sal nooit 'n verandering wees nie. Pas dit toe op die Kerk Eeue. Die soort mens wat God gekies het vir die eerste eeu, en hoe God gemanifesteer is in daardie man se bediening, sal die voorbeeld wees vir alle ander eeue. Wat God gedoen het in die eerste kerkeeu is wat Hy wil doen in alle ander eeue.

Nou ons weet presies van die Woord wat deur die Heilige Gees aangeteken is hoe die eerste, of oorspronklike kerk, gestig is en hoe God Homself in haar gemanifesteer het. Die Woord kan nie verander of verander word nie want die Woord is God. Johannes 1:1,

“In die begin was die Woord, en die Woord was by God, en die Woord was God.”

Om een woord daarvan te verander, soos Eva het, bring sonde en dood, net soos dit sê in Openbaring 22:18-19,

“... As iemand by hierdie dinge byvoeg, dan sal God oor hom die plae byvoeg waarvan in hierdie boek geskrywe is.
En as iemand iets van die woorde van die boek van hierdie profesie wegneem, dan sal God sy deel wegneem uit die boek van die lewe en uit die heilige stad en uit die dinge waarvan in hierdie boek geskrywe is.”

Dus, wat die kerk by Pinkster was is die standaard. Dit is die patroon. Daar is geen ander patroon nie. Ongeag wat die geleerdes sê, God het NIE daardie patroon verander nie. Wat God by Pinkster gedoen het moet Hy aanhou doen totdat die kerkeeue eindig.

Hoewel geleerdes jou miskien vertel dat die apostoliese eeu is verby moet jy dit nie glo nie. So 'n verklaring is verkeerd om twee redes. Eerste van als, dit is verkeerd om te dink dat daar nie meer apostels is nie, net omdat die oorspronklike twaalf dood is. 'n Apostel beteken 'n gestuurde een; en daar is baie wat gestuur is vandag, maar hulle word sendelinge genoem. Solank as mense geroep word en uitgestuur word met die Woord van die Lewe is daar 'n apostoliese tyd wat aangaan. Tweedens, hulle verwys na 'n eeu van gemanifesteerde Heilige Gees krag as verby aangesien die Bybel voltooi is. Dit is onwaar. Daar is nie eens een Skrif wat dit suggereer nie, maar baie stel dit beslis anders. Hier is ons bewys dat beide hierdie gevalle vals is. Handelinge 2:38-39,

“En Petrus sê vir hulle: Bekeer julle, en laat elkeen van julle gedoop word in die Naam van Jesus Christus tot vergewing van sondes, en julle sal die gawe van die Heilige Gees ontvang.
Want die belofte kom julle toe en julle kinders en almal wat daar ver is, die wat die Here onse God na Hom sal roep.”

Die belofte van krag waarmee die apostels toegerus is by Pinkster is vir “julle (Jode), en aan julle kinders (Jode), en aan almal wat daar ver is (Heidene), en aan soveel as wat die Here ons God sal roep (beide Jood en Heiden)”. Totdat Hy stop om te roep, sal die Pinkster boodskap en krag NIE OPHOU NIE.

Wat die kerk by Pinkster gehad het is haar onvervreembare reg. Oorspronklik, het sy die suiwer Woord van God gehad. Sy het die krag van die Gees gemanifesteer in verskillende tekens en wonders en gawes van die Heilige Gees.

Hebreërs 2:1-4,
“Daarom moet ons des te meer ag gee op wat ons gehoor het, dat ons nie miskien wegdrywe nie.
Want as die Woord deur engele gespreek, onwankelbaar was, en elke oortreding en ongehoorsaamheid (aan die Woord) regverdige vergelding ontvang het,
hoe sal ons ontvlug as ons so 'n groot saligheid verontagsaam wat, nadat dit eers deur die Here verkondig is, aan ons bevestig is deur die wat dit gehoor het,
terwyl God ook nog saam getuig het deur tekens en wonders en met allerhande kragtige dade en bedelinge van die Heilige Gees volgens Sy wil?”

Daardie oorspronklike kerk was nie georganiseer deur mense nie. Dit is deur die Heilige Gees gelei. Dit was nie baie groot nie. Dit was gehaat en verag. Dit was onderdruk. Dit was vervolg tot die dood toe. Maar dit was getrou aan God. Dit het gebly by die oorspronklike Woord patroon.

Moenie nou verkeerd verstaan nie. Toe ek gesê het dat God en Sy weë nooit verander nie, het ek nie gesê dat die kerk en sy boodskappers nie kon verander nie. Die kerk is nie God nie. So sy kan verander. Maar wat ek gesê het was dat vanweë die onveranderlike God met onveranderlike wyse kan ons teruggaan na die begin en die eerste en perfekte daad sien van God en dan oordeel volgens daardie standaard. Dit is hoe dit gedoen word. Die Ware Kerk sal altyd probeer om te wees soos die oorspronklike by Pinkster. Die Ware Kerk van vandag sal daardie vroeë een probeer benader. En die boodskappers aan die kerke, wat dieselfde Gees van God in hulle het, sal soos die apostel Paulus wil maak. Hulle sal nie presies soos hy wees nie; maar die ware boodskappers sal diegene wees wat die naaste aan Paulus gekom het, wat vry was van alle mense, uitverkoop aan God, en net die Woord van God voortgebring, en die Heilige Gees van God in krag gemanifesteer. Niks anders sou doen nie. Jy moet werk van die oorspronklike. Dis soos soort word soort, die Ware Kerk sal altyd die een wees wat volg in die voetspore van haar stigters by Pinkster en haar boodskappers sal die apostel Paulus volg, die eerste boodskapper vir die eerste kerkeeu. Dit is so eenvoudig, en so wonderlik.

Met hierdie sleutel, so eenvoudig, tog so wonderlik, was ek in staat, deur die hulp van die Heilige Gees, om die Boek van Openbaring te lees en die geskiedenisse en daarin te vind elke eeu, elke boodskapper, die tydsduur van elke eeu, en die part wat elkeen gespeel het in die doel van God vanaf Pinkster tot die voltooiing van daardie eeue.

Aangesien julle nou verstaan hoe ons oordeel wat die Ware Kerk was so (wat sy by Pinkster was en wat sy in die apostoliese eeu was soos uiteengesit in die Woord in die Boek van Handelinge) kan ons dieselfde reël gebruik om ons te wys hoe die kerk gefaal het. Die basiese fout, of foute, wat ingekruip het in die eerste kerk en geopenbaar is in die Boek van Handelinge en Openbaring en ook in die Sendbriewe sal meer en meer sigbaar word en manifesteer in elke opvolgende eeu, totdat ons kom by die totale verduistering van die waarheid in die laaste, of Laodicése Eeu.

Nou uit hierdie eerste sleutel wat ons ontvang het van die Here, kom daar 'n ander en effens minder wonderlike waarheid. Ek het gesê dat die Ware Kerk altyd sou probeer wees soos dit was in die Boek van Handelinge. Dit is presies reg. Maar ons het ontdek dat die Woord ook leer 'n oorvalling of fout wat inkom totdat daar 'n volkome verduistering van die waarheid is in die laaste dag wanneer die Here reg is om te verskyn. Die vraag kom nou op in ons gedagtes; sal God Sy eie versaak en hulle laat val in 'n staat van algehele misleiding? Onder geen omstandighede nie, want die Skrif sê baie duidelik in Matthéüs 24:24, dat die Uitverkorenes KANNIE mislei word nie.

“Want daar sal valse christusse en valse profete opstaan, en hulle sal groot tekens en wonders doen om, AS DIT MOONTLIK WAS, ook die uitverkorenes te mislei.”

Wat dan? Die antwoord is duidelik voor ons. Daar is 'n Ware Kerk en 'n vals kerk. Daar is 'n Ware Wingerdstok en 'n vals wingerdstok. Maar natuurlik daardie vals kerk, vals wingerdstok liggaam, sal altyd probeer om die posisie van die Ware Kerk te eien en betwis dat sy, en nie die Uitverkorene, die ware en opregte is. Die valse sal probeer om die Ware dood te maak. Dit is hoe dit in die Boek van Handelinge was, dit is hoe dit in die sewe eeue uiteengesit is, en dit is hoe dit verklaar word in die verskillende Sendbriewe. Dit is hoe dit was. Dit is hoe dit nou is. Dit is hoe dit sal wees. Dit kan nie verander nie.

----
Hierdie sewe kerke wat in Klein-Asië is het sekere karaktertrekke binne-in hulle, op daardie ou tyd, wat die ryp vrugte van later eeue geword het. Wat net saad plantjies toe was het later in 'n ryp oes uitgekom, selfs soos Jesus gesê het,
“Want as hulle dit doen aan die groen hout, wat sal met die droë gebeur!” Lukas 23:31.

Lees die volledige rekening in...
Die Efésiese Kerktydperk.

En in dié dag sal daar geen lig wees nie, die sterre sal duister wees.

En dit sal ‘n enige dag wees wat aan die HERE bekend is— geen dag en geen nag nie; maar teen die aand sal dit lig word.

Sagaria 14:6-7