Aipucet Nakikanyet.
<< abongor
ekaulo >>
Imoyon lukejaasi kwap ketem.
William Branham.Naka oitabo... Aipucet Nakikanyet.
Apukokinio 6:9-11,
9 Naapukoria ngesi aipucet nakikanyet, kaany kokwap ketem, imoyon luka ngul kalukeario kanuka akirot naka Edeke, kanuka ajenanut da nakejaatar.
10 Kiworoto keporoto loepol ebe, “Ijo Ejakait, Lokalaunan, lokabeit, itodoli ai mam kitubokini, karaida ainyang aokotokosi kama ejaasi ngul luiboyete kakwap?”
11 Koinakinai kes nginidiopet anapito nakakwangan, kolimokinai da kes aiyengun bobo apak naedit, kiton naitodolikinor etiai loka ibulesin lukaupakec, ka ikeceinacan, luepote aario kwape kakesi.Kwana, erai na gwai naetiono ajenun. Ido kwana, kanuka ateepun, ido imakio luka ekanisa ka ikesisianakinak lukwana ejaasi iboyete- kwana arai ejai eipone lo isesenia ijo kogelara kamaejai lo, kijaar sek eong da, konye auta eong alemun ngin cut kamaejai aiyengakinet na abu kijulak eipone loasesenia eong ngin.
Kosodi konyet adumuni eong ebe, kwape iutar ijo asesen nu epukonorio, euta ainyakar cut kau kosodi ayangaun aturio ngun nuka ekanisa aisimorikikin ngun kede Nuiwadikatai Obaibuli kosodi aenikin ngin; erai kanukangun nges eyuunitor eong ebe ebunit kamaejai Edeke.-----
Koany, mam elimunitai nuka etiang ecie araibonat lokajaran kama ejai alimoret na naka Aipucet Nakikanyet. Kwana kiitutu, kejai ngin kotoma Aipucet Nakiwongonet, kejai ngin kotoma Aipucet Nasodit, Nakiyareit Nakiwuniet, ka Nakiwongonet, konye emamei adio kane. Iany? Kwana arai kiany ijo... Aso cani ber oni kasiomata adiopet k'Aipuceta. Kabongosi cani oni kau mama ejai Aipucet Nakiwongonet, ido ngol nges ekokoro lokikanyetekaarei.
Naapukoria ngesi aipucet nakiwongonet, keira eporoto loka lokajaran lokiwongonet ebala ebe, “Bia!” Naapukoria ngesi aipucet nakiwuniet, keira eporoto loka lokajaran lokiwuniet ebala ebe, “Bia!” ... lokajaran lokiareit ebala ebe, “Bia!” (ido...lokajaran losodit ebala,) ... “Bia!”Konye do nakidolunio oni mama ejai Aipucet Nakikanyet, emamei lokajaran edio. Kwana cut koany. “Naapukoria ngesi aipucet nakikanyet, kaany kokwap ketem...” Atipet do, koany, emamei etiang edio kanen, ido etiang itodiarit agogong. Kijeni bo oni ngun, koany. Emamei lokajaran edio.
Aso, ediope kangul lukajarak, kidumuni oni kotoma aisisia apukokinio nakotoma okanisan, ebe ediope kakesi kerai engatuny; kosodi loce kerai emong; ido loce kerai etunganan; kosodi loce kerai emorukalet. Kidumuni oni kotoma aturio nuka ekanisa ebe itiang ngul iwongon, naerai apolouke apedorosio aongon, atukokina kesi alukunit Eitabo loka Aswamisio nuka Ikiyakia koipone lope cut kejaar ewema kotoma amoding...-----
Koany, konye kane, nakidolunio oni mama ejai Aipucet na Nakikanyet kwana, emamei ekebwaneniton ebalasit loelomuni, emamei da etiang loelimori ngin. Imerekek nges abu kopuko nges, ido abu Yokana koany nges. Amamei imodiotunganan kangina yen abeit alimun, “Kwana, bia kongolia, bia kosesen.” Koany kemamei apedor naka lokajaran edio. Kosodi kotoma Aipucet Nakikanyetekape, kemamei etiang lokelimori ngin. Kosodi kotoma Aipucet Nakikanyetekaarei, kemamei etiang lokelimori ngin, kemamete apedorosio nukelimoritos ngin, emamei idio yen iswamauni ngin.
Koany, akaulo naka Aipucet Nakiwongonet, emamei amodiolimoret kamaejai amodiopedor kere naka emodiotiang agear kotoma Aipucet Nakikanyet, Nakikanyetekape, karaida Nakikanyetekaarei-emamei cut.Aso kwana koany, (amina eong na), kwape sek kejaar kotoma apakio nuka ekebwanenon loka ibalasin ngul luongon- ekebwanenon, ediopet, loka ibalasin ngul luongon lukegelegela, kejai etiang lokelimori apedor. Kanginipak nakibwaneno ekebwaneniton ngol ebalasit ecie kolomuni aiteker, alomuni eipone ecie loka etiang kosodi alimor ngin. Erai ngin nakaiyeiyea nakapolon. Erai ngin nakaiyeiyea. Kanukinyo?-alimor nakaiyeiyea.
Kanukinyo emamear edio kane k'Aipucet Nakikanyet tetere alimor ngin? Erai kwanata. Kwape ejaar kamaejai apukokinio ngin na abu Ejakait Yesu kejaik eong lolo, araibonat atupuruc naka lolo, tupuruc sek; erai ngesi ebe nukaiyeiyea nuka aturio nuka ekanisa angetakinos kapak kana. Aiyeiyea naka lokasurup loka Kristo erai naedaunitai apukor kapak kana. Abu lokasurup loka Kristo kiteker irwanake nakawasia, ido kipou oni adumutu nges ibwanenit ebalasit lokwele loinyalinyalitai iriagin luipu, kopaari akerit cut erot kere kiton amudiario. (Kidumuni oni ngin kotoma arupepen ka acieda nekibunio oni aisisianakin ngun. Ti bo eong kaloma tomakangin kopekwana, konye kinyouni bobo oni awai cut kamaejaasi nukinera oni.)
-----
Aso kwana, naarai kesi, kotoma apak kana, arai kicoik ijo aanyun, Aipucet na Nakikanyet naeutai apukor, adau Ekanisa aekar. Mam cut nges epedori araut imoyon lukokwap... ekanisa losodit. Kwana, okwe, arai lem ipupokitor ijo, kopupok do kwana na, naarai erai na naka epeget loepol noi, kanukangun akoto eong yes apupokin nu ejok kwana. Ido kijaatar yesi kapapulai kus nepepe ka iboro lukiwadikaet kede. Kwana. Akoto eong yes aanyun.Aso kwana, mam lu epedorete araut imoyon ngul naarai imoyon luka ikadolitok kalu aponi koarai nepepe ka itunga luaraasi ikadolitok, nges Ekanisa, Ateran, adaun ayangar kuju; kanukangun mam ti kes epedosi ajaut kwap ketem. Ejaasi ti ngul toma Aibuses nepepe ka Ateran. Kwana kosesen. Naarai adautu kesi alosit kotoma Awuruporio kosula kalo 4 loka Apukokinio; aponi kesi koyangaarai kuju. Kwana, lukangai bo do imoyon lu? Ngin nges akirot naetupakit. Luangai kesi bo do karai mam kesi eraasi ekanisa losodit? Na nges Isirael naebeit adumun aitajario kwape ateker- ngul kere luedaunitai aseun.Isirael nges ngin.Isirael ngesi ngin obe.
Itemari ijo atiar, “Oo, opala ber ijo.” Itemari ijo atiar, “Mam kesi epedorete...”Oo eebo, ebeit kes adumun aitajario. Kane, ketemokisi ber oni ngin. Kija eong nepepe ka iwaitin iwongon arai ikany luka Nuiwadikatai Obaibuli. Abuni eong ayangaar ediopet. Kayangasi ber oni Iromayon, apak edit, tetere aanyun arai ikonakitai kesi nen. Kayangasi ber oni Eitabo loka Iromayon, kasodete alosite toma osula lo 11 loka Iromayon, ido kibuni oni angicun. Kasiomata cani ber oni nges ido kijalakini do konyet oni nges elopet bon. (Iromayon esula lo 11, ikokoron lu 25 kede 26). Aso kwana kiirasi Paul kane. Ido abu Paul kotema ebe arai ebuni icetunganan, karaida Emalaika, kolimonok Akiro ace nukajokak nuegelara nunyoika apote ajaun?- ikenitoi. Kosesen. Naarai iinacan, akoto yes ajenun aiyeyea na kinyeis aomit bonik araut lukacoa; (aso do jo) ebe aninikar atutubet naka Isirael aitodol naelomunia etiai kere loka Imo.
-----
Koany kwana, akoto eong yes asesen na ejok noi. Aponi kes kijaikinai anapito. Kemameatar sek kesi kangul. Aponi kesi kijaikinai anapito,- anapito nakwangan, kanginidiope kakesi. Aso kwana, ejaatar Lukalaunak kwana kede... edaunitos adumunit ngin. Edumunete kesi ngin kanepekane. Konye kalaije, aponi kwi kijaikinai anapito, ido lukalaunak adaunitos sek adumunit lukec adaunitos da alosit aekar. Ianyutu? Koany, amameatar ngul karereng naarai etumudakit kes Edeke, Papakec cut obe, tetere asianut naka Edeke epedori aitodolokin tetere Ateran epedorio ti alemun kama ejaasi Imo. Mere abeit ngin?-----
Kwana kiteu. Apotu kesi kotoma amudukanutukec kodaunitos aiar Mesia kec, ido kwana autasi kesi aisak kanuka angun. Apotu kesi kojenikisi ibore ngin. Apotu kesi kojenikisi ibore ngin kodaunite aekar atubor. Apotu do konyet kesi koanyutu kapak na apotu kesi koponiatar ingaren ketem loka Edeke. Konye do kwana asianut naka Edeke ejai ebeit mamakec.
Kwana kiteutu. Aso kwana mam ti kes epedosi, kemodioipone kere, araut lukalaunak, naarai ti kes edaunitai aitanap inapen- konye ejaasi do kesi nee kwana, eraasi tai imoyon luejaasi kwap ketem kanuka Akirot naka Edeke ido kanuka ajenananut nakejaatar kesi kanu araut itunga luka Edeke, Iyudayan. Konye do kwana kiteutu. Asianut naka Edeke kebu kobu mamakec, kosodi Yesu ijaikini kes anapito nakwangan (kosesen!) kolwana noi neadaunitor Ekanisa aekar, kanu naarai apotu ngul koraasi luamunooko mama ejaasi nuetebeikinitai kes ido keponi kes kitumudakai, kwabo komam kes kejenete kwangin. Mam kesi kejenete kwangin. Autasi cut kesi aswam ewai je loetebeikinit Edeke kes aswam. Ido kane, abu Yokana kireik laije koanyuni imoyon ejaasi kwap ketem. Kwana kosesen. Aanyu ngesi imoyon ngul. Kiteu nuenyarit ngesi ngul.
Iworoete ngul, “Ejakait, itodoli ai?” Kiteu!
“Apak cut naedit noi” (kadumutu cani ber oni ngin kwape kilosio oni toma Kanuiwadikatai Obaibuli.)Apotu kojenikisi ebe adautu kesi aiar Mesia kec, koany. Kwabo komam kes kejenete ngin, konye bodo apotu kesi kojenutu ngin. Apotu do kesi kodumutu aario kwape ainyangaret atacia ngin, kanu aiswamaun nuebucara. Aso kwana, koany nueburai kesi aiswamaun. Koany, ekamunit kes emusaago loka aiar, kanukangun aponi kes koarai. Apotu kesi kiworoto, “Kodoikisi AokotoKe akwesikosi!” Eraasi ngun abeit. Ido etumudakitai kes.
Aso, arai kemam kes itumudakitai, ti Edeke etemarit atiar, “Kinyekikisi kes. Mam kesi eraasi luibusakinit.” Konye kwape keraar ebe keraasi ngul luetumudakit Edeke, abu asianutuKe kijesar adolere mamakec. Amen, kiner cani nuikamunitos asianut naisuumokit!- kosodi aijaikin kanginidiope kakesi anapito, naarai Isirael kere eponio aitajar. Kanginidiope ejaatar ka ekekiror iwadikatai. Eraasi ngun abeit.-----
Kwana, koanyutu. Iyudayan lu... Ejai eong aswam nu tetere ainakin yes ianyunete apukokinio naka Aipucet kana, aanyun inyo ngesi, imoyon lu luejaas kwap ketem ido luangaibo kesi. Kwana, koanyutu. Kotoma apak naka Daniel, kwana, atutubet nakiyareit naka asabato kana akaisakanyikaarei... Kwana kiitutu, abeit amudiar Mesia kokidingike. Ngesi kidingikiding. Aso, inyo erai kidingikiding naka ikanyikaarei?- iuni kede atutubet. Abu Kristo kolimonok adaun aojau naka apak anyoin? Abeit. Konye ecorakinitai inyo mama ejaasi itunga?- ikar iuni ice kede atutubet.Konye kotoma apak na, kanukinyo, koany nuiswamas erai ebe Ateran eseunio kotoma aturio ngun nukany kaarei ido elosi kuju, ido kiswamaunos ngun koipone kangol, Iyudayan lu lukeario kwape ikajenak kapakio kangun kere, kanuka amudukanut, (ejaasi eperete kokwap ketem) irimuni Edeke kosodi atemar atiar, “Kianyutu tope yesi ibore yenikeraasi ngun? Kwana, abuni eong aijaikin kanginidiopet kayesi anapito.”
Kobalasi ngul ebe, “Itodoli ai, Ejakait? Ilosi isio kwana alomar toma?” Kotema ngesi ebe, “Mam, mam, mam, mam cut. Lukaupakus, Iyudayan, iburai aiticanio apak edit, ber. Iburai kesi aario kwape ikajenak kwape aponi yes koarere. Ejai etiang aikamun kes naebilia ngesi aitutuketekeng.”-----
Apupi eong cut eipone lo itegelikina mot, koany. Kongoliasi. Arai keomoomoete ice...akoto eong yes kodumutu na kopekwana. Arai eringa ice eomoomoete ebe Malaki 4, naebeit ainyakar itunga, ngesi ibore ngipengin yen ebuni ngol alosit aswam kalaije mama ejaasi Iyudayan kosodete aomit ebe ibore ngin ngipengin kere, akoto eong aitetenaar ngin kanukus apak naedit. Ebuni ngin araut motimot naitolitoli, naarai kiitutu, kotoma Malaki 4, inera ebe, “inyakari aiyuun naka idwe abongor mama ejaas lukapapa.” Koany, “abongor mamaejaas lukapapa.”Kwana, kocamakinai ketodik yes atiaketait naka aijaanakin. Arai kebu ngesi ainyakar aiyuun naka idwe abongor mama ejaas lukapapa, ti bodo nges kegir Kristo. Ti do nges kebongo kau Okisila. Mere abeit ngin? Apotu lukapapa koricata Ikisila. Kijenutu tope yesi ngin?
Koanyutu, naebunio Eliya, naebunio ngesi aitodolikin aijaanakinike nakotoma Malaki 4, (kianyutu?) kwape Malaki 4, kerai Eliya bon loajai. Konye neabu ngesi kobunio aijaanakin mama ejaasi Iyudayan luejaas toma Apukokinio 11, keupasi ngesi nepepe ka Musa. Kanukangun emamei do aitolutoluno, emamei adio da. Kijenutu yesi ngin? Naebunio Eliya lokotoma Malaki 4, erai ngesi bon. Ebuni Eliya (mere Eliya ka Musa), Ebuni Eliya adolun.Konye aiyengakinio ngipengin na abu kiner ebe abuni Eliya abunore kanuka atutubet nakawasia naka atur naka ekanisa kanu ainyakar aiyuun naka idwe abongor mama ejai aiyuun nageunet naka lukapapa, (aiyuun naka ikiyakia-luabeit ti kobongosi kau, ido adau lokasurup loka Kristo arutunun kesi kere... kanu ainyakakin bobo, kwape adauniata iwaitin luka Nuiwadikatai Obaibuli kere aruconokin nepepe. Kianyutu? Ebuni ngesi elopet ngesi bon. Kianyutu? Konye kapak naebunio ngol mama ejai ekanisa, Ebaibuli... ebuni mama ejaasi 144,000, itijenarit Ebaibuli kaidelel ebe kesi iyarei ngesi kede... eraasi kesi iyarei- kwabo mere ediopet, kesi iyarei.
Ido aijaanakinike nasodit mam ti kepedo ayangar Iyudayan kosodi ainyakar kes abongor toma Okisila, naarai ebuni ngesi elimonokini Kristo mama ejaasi 144,000. Amen! Messia Ngol losek aponi komudiarai. Amen! Ngesi ngin! Kwangin siri kitolotol ngin Mam ngin erai naitolitoli. Mam Nuiwadikatai Ebaibuli ingalaete, mam nepecep da. Kituritete! Oh, kapak na abu eong kaanyunia aica ngin abu eong cut...
Katema eong atiar, “Eyalama, Ejakait,” neajaar eong aseseni ngun iswamasi kalaije kokinga-kaany Eliya ngol elosi kokinga kalaije agear katur kanasodit korai ngesi bon. Kosodi konyet...Kerai ngesi ber bon kapak kangin, ido kapak na abu eong kaanyunia ngesi ebuni bobo kalaije kanenicie bobo, keraasi kesi iarei kangina. Katema eong atiar, “Ngesi ngol. Eswamau do ngin ibore, Ejakait. Amen! Aany eong ibore ngin kwana. Katicepak kebu ngin korai naitolitoli kama ejai icetunganan, konye abu Ngesi kalimok eong alimun ngun, kanukangun alim eong.
Koany, itunga lu eraasi luidarit Edeke ejarete ageun kotoma aijaanakinikec ya nasodit tetere ijaanakinete koingaren, apotu kesi kijaanakisi ejok noi. Iany? Koomom cut, emoyo ngol loka Eliya ijaanakini aatenak akany- Musa aarei. Kiteu, edaritai ejarete kanuka aiyatakin aijaanakin koingaren. Amamei karaida ediope kangul loatwanit kwana. Mam tope yes iyuunitos ngun? Aponi ngul iyarei koanyunai ejarete, inerasi nepepe ka Yesu ko Moru loka Aituluor. Konye kiitutu, iburai ngul atwakare.Naka oitabo... Aipucet Nakikanyet.
Edukone ka Elakit.
