Emyoyo eri ahansi y'eitambiro.

William Branham.

Read the full account in...
Akamanyiso Ka Kataano.

Okushuuruurirwa 6:9-11,
9 Ku yaabambwire akamanyiso ka kataano, naareeba ahansi y'eitambiro emyoyo y'abaitsirwe ahabw'ekigambo kya Ruhanga n'ahabw'obujurizi obu baahaire;
10 Baataka n'eiraka rihango nibagira bati: Ai bambe, Mukama waitu orikwera kandi ow'amazima, oryahitsya hi... cwera orubanja abatuura omu nsi n'okubahoora enzigu ahabw'eshagama yaitu?
11 Bwanyima buri omwe yaaheebwa ekijwaro ekirikwera, kandi baaragiirwa kumara ogundi mwanya mukye bahuumwire, okuhitsya omuhendo gw'abaheereza bagyenzi baabo... beene waabo, abarikwija kwitwa nk'abo, obu gurihika.

Hati, eki n'ekintu ekiri nk'enaama. Kandi hati ahabw'entambi z'amaraka, kandi n'ahabw'abakuru b'ediini abatendekirwe n'abegyesa abashutami hanu, hati, ku muraabe mwine ekiteekateeko ekitaanukaine n'Eki; nikwo mbaire ndi, naanye. Kwonka ninkiiha omu kwebemberwa, okuhinduriire kimwe ekiteekateeko kyangye Aharikyo. Mwareeba? Kandi obwo ninshanga, mwaba nimureeba ebi nibishuuruurwa, Nikigarukira kimwe enyima kandi nikireeta obwo busingye bw'ekanisa n'Ebyahandiikirwe hamwe, kandi n'Okubibuganisa. Mwareeba? Kandi egyo niyo nshonga ndikwikiriza ngu Nikiruga ahari Ruhanga.

-----
Mwetegyereze, tihariho Ekihangirwe ekindi ekyagambwaho, nari Ekihangirwe eki-ekiine amagara, aha kurangirira oku okw'Akamanyiso ka Kataano. Hati mwijukye, kikaba kiriho, aha Kamanyiso ka Kana. Kikaba kiriho, aha Kamanyiso k'Okubanza, aka Kabiri, aka Kashatu, n'aka Kana, kwonka tihariho na kimwe hanu. Mwareeba? Hati, ku muraayetegyereze, ka tushome enyimaho, kamwe aha Bumanyiso. Reka tugarukye enyima aha Kamanyiso ka Kana, mwareeba. Kandi ogwo n'omushororongo gwa 7. Ku yaabamwire akamanyiso ka kana, naahurira eiraka ry'ekihangirwe ekya kana nikigira kiti: Ija... (oreebe)!... ku... yaabambwire akamanyiso ka kashatu, naahurira eiraka ry'e-ekihangirwe ekya kashatu nikigira kiti: Ija (oreebe)!... ry'ekihangirwe ekya kabiri ... Ija... (oreebe)!... kandi ekihangirwe ky'okubanza kyagira kiti: Ija (oreebe)!

Kwonka kandi ku turaahikye aha Kamanyiso ka Kataano, tihariho Ekihangirwe. Hati mbwenu mwetegyereze. Ku yaabambwire akamanyiso ka kataano, naareeba ahansi y'eitambiro... Ahonaaho! Mwareeba, tiharihotihariho Ekihangirwe na kimwe aho. Kandi Ekihangirwe nikishushanisa amaani (obushoboorozi). Ekyo nitukimanya, mwareeba. Tihariho Ekihangirwe ekiine amagara na kimwe. Hati, kimwe aha Bihangirwe ebyo, nitushanga, omu kwega o-o-okushuuruurwa omu makanisa, ngu kimwe aharibyo kikaba kiine... kikaba kiri entare; kandi ekindi kikaba kiri enimi; kandi ekindi kikaba kiri omuntu; kandi ekindi kikaba kiri empungu. Nitushanga, omu busingye bw'ekanisa, ngu Ebihangirwe ebyo ebina, ekirikumanyisa obushoboorozi buna, bukaba bwetooroire Ebyakozirwe Entumwa, nk'omuringo ogu e-eihema ery'omu ihamba.

-----
Mwetegyereze. Kwonka, hanu, ku turaahikye aha Kamanyiso ka Kataano aka hati, tihariho-tihariho-tihariho otembire embaraasi orikurugayo, kandi tihariho kihangirwe ky'Okukarangirira. Yohaana aka... Omwana gw'Entaama Akakabambuura, kandi Yohaana Yaakareeba. Hakaba hatariho n'omwe aho ow'okugira ati, “Hati ija, ranzya. Ija, reeba.” Mwetegyereze, tihariho amaani g'Ekihangirwe ekiine amagara. Nari hariho... Kandi aha Kamanyiso ka Mukaaga, tihariho Kihangirwe eky'Okukarangirira. Kandi aha Kamanyiso ka Mushanju, tihariho Kihangirwe ky'okukarangirira. Tihariho maani na gamwe g'Okukarangirira. Mwareeba, tihariho n'omwe orikukikora. Aha ka... Mureebe. Aha ka... Ahanyima y'Akamanyiso ka Kana, tihariho amaani g'Ekihangirwe kyona agarikurangirira, okuruga aha ka Kataano, aka Mukaaga, nari Akamanyiso ka Mushanju, nangwa na busha.

Hati mwetegyereze. Eki ninkikunda. Nk'omu bwire bw'owaatembire embaraasi ina, otembire (omwe) embaraasi ina ezitarikushushana, hakaba hariho Ekihangirwe ekyabaire kirangirira amaani ago. Buri kaire otembire embaraasi ku yaabaire atandiika embaraasi endiijo kandi akarugayo kugitemba, Ekihangirwe ekindi eky'omuringo ogundi kirugayo kandi kikirangirira kiti, “Egyo n'enaama nkuru.” Mwareeba? “Egyo niyo naama.” Ahabw'enki? Okurangirira enaama. Ahabw'enki hatariho n'omwe hanu aha Kamanyiso ka Kataano, Okukarangirira? Nkiki hanu, okurugiirira aha kushuuruurirwa oku Mukama Yesu ampaire eriizooba, mwareeba, nari akasheeshe aka, kare. Ekyo ni, ngu, enaama y'obusingye bw'ekanisa bwahweire, aha bwire obu. Enaama ya antikristo eshuurwirwe, omu bwire obu. Antikristo akatemba embaraasi omurundi gwe ogw'aha muheru, kandi tumuboine aha mbaraasi ye ya kisa, ayejwangire n'amarangi ge maingi, kandi naatembera kimwe embaraasi okutaaha omu kuhwererekyera. Nitukitunga omu Nzamba, n'ahandi, ekyo ku turaakyegyese. Nkaakihikaho hati, kwonka niturugira kimwe aha ishomo omurundi ogundi.

-----
Hati, ahakuba bo, omu bwire obu, ku muraayetegyereze, Akamanyiso ka Kataano aka kaaba nikabambuurwa, mwareeba, Ekanisa yaaherize kugyenda. Tikirikubaasika, emyoyo ahansi y'E-Ekanisa eyaabandize. Mbwenu, hati, nyaaburamwe, ku muraabe murataireho omutima mugute ahari eki hati, 'habw'okuba eki n'eky'empa . . . empaka nyingi, n'ahabw'ekyo niinyenda ngu muhurikize mutaireho omutima hati. Kandi mwine empapura zaanyu, n'ebindi eby'okuhandiikisa. Hati, niinyenda ngu mwetegyereze. Hati, egi terikubaasa kuba emyoyo egyo. Ahabw'okuba, e-emyoyo y'a-y'abahikiriire, abaitiirwe okwikiriza, n'abantu abahikiriire, Ekanisa, Omugore, yaaherize kutwarwa omu kaabunga, n'ahabw'ekyo tibakaabaire bari ahansi y'eitambiro. Bakaabaire bari omu Kitiinisa, hamwe n'Omugore. Mbwenu mureebe. Ahakuba, baaherize kuza omu Kutwarwa, omu shuura ya 4 y'Okushuuruurwa. Bakaba baatwairwe omu kaabunga. Hati, emyoyo egi n'eha, kyaba kiri kityo? Ekyo nikyo kintu ekirikukurataho. Nibaahi, kyaba kiri kityo, ku baraabe batari Ekanisa eyaabandize? Egi ni Israeli erikwija kujunwa nk'eihanga, abo boona abaamanyirwe ira. Egyo ni Israeli. Egyo ni Israeli, yo yonka. Nimugira muti, “Oo, rindaho edakiika.” Nimugira muti, “Tibarikubaasa.”

Oo, eego, n'ab'okujunwa. Hanu, ka tukimare, edakiika yonka. Nyine Ebyahandiikirwe bina nari bitaano. Ninza kukwata kimwe. Reka tukwate Abarooma, edakiika yonka, reero tureebe ku baraabe baribo. Reka tukwate Ekitabo ky'Abarooma, kandi tuze o-omu shuura ya 11 y'Abarooma, kandi nituza kureeba. Haihi... Reka tukishome, kandi bwanyima nituza kukyetungira itwe twenka. Abarooma, eshuura ya 11, omushororongo gwa 25 na 26. Hati muhurikize Paulo hanu. Kandi Paulo akagira ati, “Omuntu weena ondiijo, n'obu yaakuba Maraika, ku yaakubuurira endiijo ngiri yoona,” (ki?) “akaba ari ow'okukyeenwa.” Mureebe. B'eishe-emwe, niinyenda ngu mushoboorokyerwe enaama egi (aha!), murekye kweyeta abanyabwengye (mpaho). Mumanye ku ekicweka ky'Abaisraeli kyagizire obugangaazi, okuhitsya obu Abanyamahanga baritaaha omu kanisa, bakahika omubaro oguhikire.

-----
Mwetegyereze. Hati niinyenda ngu mureebe eki mutaireho omutima. “Bakaheebwa ebijwaro.” Bakaba bataine ebijwaro. Bakaheebwa ebijwaro, ebijwaro ebirikwera, buri omwe omuribo. Hati, abarikwera hati baine, baaherize kukitunga; nibakitungira hanu. Kwonka, okwo, “Bakaheebwa ebijwaro.” Kandi abarikwera bakaba baaherize kutunga ebyabo, kandi baatwairwe. Mwareeba? Mwareeba? Bakaba baine-bataine... Bo, mwareeba, bakaba bataine mugisha (chance), ahabw'okuba bakahumisibwa Ruhanga, Ishebo; kugira ngu embabazi za Ruhanga zibaase kuhikiirizibwa, kugira ngu Omugore akaabaasa kwihwa omu Banyamahanga. Nikyo ekyo?

-----
Hati mureebe. Bakaba baine, omu kuhuma kwabo, baitsire Mesia waabo, kandi hati bakaba nibashaaruura ahabwakyo. Bakakimanya. Bakakyetegyereza, kyaherize kuhwaho. Bakamureeba obwo, obu baija omumaisho g'eitambiro rya Ruhanga. Kwonka hati embabazi za Ruhanga zibariho. Mureebe. Hati, bakaba batarikubaasa, na kakye, kuba abarikwera, 'habw'okuba bakaba baaherize kujwekwa ebijwaro. Kwonka mbaba hanu hati, nk' “emyoyo eri ahansi y'eitambiro, ahabw'Ekigambo kya Ruhanga, n'ahabw'obujurizi obu baahaire,” obw'okuba abantu ba Ruhanga, Abayudaaya. Kwonka hati, mureebe, embabazi za Ruhanga nizibaizira. Kandi Yesu naabaha, buri omwe, ekijwaro ekirikwera, (oo, mugyenzi, mureebe; okurengyera okwo, ahanyima y'Ekanisa kuheza kugyenda), ahabw'okuba bakaba bari abeesigwa aha kigyendererwa kyabo. Kandi bakahumisibwa, kandi tibarakimanyire. Tibarakimanyire. Bakaba nibahikiriza buzima ekicweka eki Ruhanga yaabaire abateereireho kuhikiriza. Kandi hanu, aha, Yohaana naaranzayo kandi areeba emyoyo ahansi y'eitambiro. Hati mureebe, naareeba emyoyo egyo. Mureebe eki arikugyeta. Nibataka bati, “Mukama, okuhitsya ryari?” Mureebe, “Ogundi mwanya mukye.” Mwareeba? Reka ekyo tukitungye, twaba nitugyenda omumaisho, kurabira kimwe omu Byahandiikirwe hati.

Nibeetegyereza ngu bakaba baitsire Mesia waabo. Mwareeba? Kandi tibaakimanyire, kwonka bwanyima bakamanya. Baka-bakagarurirwa, baitwa, okukishashurira, ahabw'okukora ebibi kwabo. Kandi hati mureebe ekintu eki baabaire bashemereire kukora! Mwareeba, bakasingwa orubanja rw'okwita, n'ahabw'ekyo bakaitwa. Mwareeba? Bakagamba munonga bati, “EshagamaYe etutukurire!” Mwareeba? Nikyo ekyo. Kandi bakahumisibwa. Hati, kuri baabaire batahumisiibwe; Ruhanga akagira ati, “Mubarekye. Tibashemereire.” Kwonka ahabw'okuba ngu bakahumisibwa Ruhanga, embabazi Ze zikashuuma zaabahikaho. Amiina! Kyo nimugambe aha mbabazi ezirikutangaaza! Kandi yaaha buri omwe aharibo ekijwaro, ahabw'okuba Israeli yoona eryajunwa, buri omwe ou eiziina rye rihandiikirwe. Nikyo ekyo.

-----
Hati mwetegyereze Abayudaaya aba. Ninteekwa kukora eki, okwenda ngu mureebe okushuuruurwa kw'Akamanyiso aka; mureebe eki kari, egi myoyo eri ahansi y'eitambiro, kandi n'abu bari. Hati mwetegyereze. Omu bwire bwa Danieli, hati, ekicweka kya kabiri ky'esaabiiti ya makumi mushanju. Hati mwijukye, “Mesia akaba ari ow'okwihwaho rwagati.” Aho ni ahagati. Mbwenu, kimwe kya kabiri kya mushanju niki? [Abateeraine baagira bati, “Eshatu n'ekicweka.”-Omur.] Eshatu n'ekicweka. Kristo akabuurira obwire burikwingana ki? [“Eshatu n'ekicweka”.] Ekyo kihikire. Hati, “Kwonka kiragiirwe nabwo, aha bantu,” (ki?) “endiijo myaka eshatu n'ekicweka.”

Mpaho, omu bwire obu, ahabw'enki, mwareeba, ekirikubaho, ni, Omugore Omunyamahanga naatooranwa omu busingye mushanju bw'ekanisa, reero atwarwe omu kaabunga. Kandi ku eraakore etyo, Abayudaaya aba boona abaafeereire okwikiriza kuriya ahabw'okuhuma, bari ahansi y'eitambiro, Ruhanga naija agire ati, “Nimureeba eki kyabaire kiri? Mbwenu nimpa buri omwe omuriimwe ekijwaro.” Bakagira bati, “Mukama, oryahitsya ryari? Nitutaahamu hati?” Yaagira ati, “Ngaaha, ngaaha, ngaaha, ngaaha. Bagyenzi baanyu, Abayudaaya, nibateekwa kubonabona kakyeho, nabwo. Nibateekwa kufeera okwikiriza nk'oku mwafeereire okwikiriza. Enyamaishwa neeteekwa kubakwata ku eraahende endagaano yaayo.”

-----
Ni-ni-niinyehuriramu okundi, mwareeba. Mwareeba? Mureebe, bamwe ku baraabe nibateekateeka... eki niinyenda ngu mukitungye hati, mwareeba. Bamwe ku baraabe na hati nibakiteekateeka ngu Malaki 4, “kugarura busya” abantu, nikyo kintu kimwe eki arikuza kukakora eifo okwo omu Bayudaaya, kandi bakateekateeka ngu byona nibishushana, ekyo reka nkibagororere, omu dakiika yonka. Mwareeba, kikaaba nikibuzabuza kakyeho. Habw'okuba, mwijukye, omuri Malaki 4, nihagira hati, “okugarura Okwikiraza kwa b'eishe... nimmanyisa abaana kugaruka ahari ishe.” Mwareeba, kugaruka ahari ishe!

Hati reka mboorekye entaanisa y'obuheereza. Ku araije kugarura Okwikiriza kw'abaana ahari baishebo, akaayehakana Kristo. Akaagaruka enyima omu biragiro. Ekyo kihikire? Baishebo bakaba nibarinda ebiragiro. Nimukitunga? [Abateeraine baagira bati, “Amiina.”-Omur.] Mwetegyereze, Elisa ku, ku araije kuhikiiriza obuheereza bwe omuri Malaki 4, mwareeba, nka Malaki 4, Eliya akaba ari wenka. Kwonka ku yaizire kuheereza aha Bayudaaya, ab'omu kitabo ky'Okushuuruurwa 11, ari hamwe na Musa. [Ow'eishe-emwe Branham yaateera omu ngaro ze kabiri-Omur.] N'ahabw'ekyo, tihariho kuburabuzibwa, nangwa na kakye. Mwareeba? Mwakitunga? [Abateeraine baagira bati, “Amiina.”] Elisa ku araije, owa Malaki 4, naaba ari wenka. Eliya aryairuka; atari Eliya na Musa. “Eliya” aryaimukaho.

Kwonka okushukwahwo nikwo kumwe, ngu, okwagambire ngu Eliya aryaija ahabw'ekicweka ky'aha muheru ky'obusingye bw'ekanisa, “okugarura busya Okwikiriza kw'abaana kugaruka aha kwikiriza okwabandize kwa baishebo,” okwikiriza kw'Entumwa, oku mushemereire kugarukira. Kandi antikristo boona abakwatsire yaabakurura yaabashohoza aheeru. “Okugarura busya byona,” nk'oku Ebyahandiikirwe byona ebyatsigara birikwikirizana. Mwareeba, naija ari wenka. Mwareeba? Kwonka ku araije aha Kanisa, Baiburi... nari akaija aha mitwaro ikumi na ina n'enkumi ina, Baiburi neegamba butunu ngu bombi we... Ni babiri, tari omwe. Babiri!

Kandi obuheereza bwe obw'okubanza bukaba butarikubaasa kutwara Abayudaaya kandi bukabagarura enyima omu biragiro, naaba we . . . 'habw'okuba naija, naabuurira Kristo aha mitwaro ikumi na ina n'enkumi ina, amiina, “Ngugwo aho, Mesia ogwo owaihirweho.” Amiina! Nikyo ekyo, n'ahabw'ekyo kitakaababuzabuza. Tikirikubuzabuza. Ekyahandiikirwe tikibeiha, nangwa na kakye. Ekitiinisa! Oo, ku ndeebire ekyo, mbaire ninguruka! Ngizire nti, “Yebare, Mukama,” obu mbaire ninkireeba nikibaho okwo. Ndeebire Eliya naarugayo ahabw'obw'obusingye bw'okubanza, kandi abaire ari wenka. Bwanyima ku mureebire naagaruka, okwo hare arikutoora ahandi hantu, babaire bari babiri okwo ekyo ku kibaireho. Nti, “Nkikyo aho. Ekyo, nikyo ekyo, Mukama. Amiina! Ninkireeba hati! Haleluya!” Ekyo n'amazima. Kuri naaba ntakigambire, kikaabaire nikibuzabuza kakyeho aha muntu. Kwonka A-Angambiire kukigamba, n'ahabw'ekyo naakigamba. Mwetegyereze, abantu aba nibaguma bari abahuriire ahabwa Ruhanga kuruga omu buheereza bwabo obwabandize, ahabw'omurimo gwa nyentsya; bakaheereza kurungi munonga. Mwareeba? Muteekateekye kwonka, ogwo mwoyo gwa Eliya niguheereza emirundi etaano; Musa, kabiri. Niki? Kuguma bahuriire ahabw'obuheereza bwabo obwa hare, obw'omumaisho. Tihariho n'omwe ahari baanabi abo babiri owaabaire afiire hati, ekyo mutakiikiriza. Bakareebwa bombi, bahuriire, nibagamba na Yesu aha Rushozi Rw'okuhindurirwaho. Kwonka, mwijukye, nibateekwa kufa.

Read the full account in...
Akamanyiso Ka Kataano.

Mbwenu tugambe ki? Tuti: Abaisraeli tibaraboine ki baasherwire; kureka abatoorainwe nibo baakiboine; kwonka abandi bakagangaazibwa.

Abarooma 11:7