Mga kalag ilalum sa halaran.

William Branham.

Basaha ang tibuok nga asoy sa...
Ang Ikalimang Timri.

Pinadayag 6:9-11,
9 Ug sa pagbukhad niya sa ikalima nga timri, nakita ko nga sa ilalum sa halaran diha ang mga kalag sa mga gipamatay tungod sa pulong sa Dios ug sa pagpanghimatuod nga ilang gihimo:
10 Ug sila nanagsinggit sa makusog nga tingog nga nag-ingon, “O Labawng Magbuuot nga Ginoo, balaan ug tinuod, unsa ba kadugay ang dili pa nimo paghukom sa mga nanagpuyo sa yuta ug pagpanimalos batok kanila tungod sa among dugo?”
11 Ug ang matag usa kanila gihatagn ug maputi ug hatag-as nga bisti ug gisugo sa pagpahulay una sa makadiyot, hangtud nga mahusto na ang gidaghanon sa ilang mga masigkaulipon ug mga kaigsoonan nga pagapatyon usab maingon kanila.

Karon, mas labaw pa kini ka katingalahan. Ug karon, alang sa kaayohan sa mga teyp, ug ministro, ug mga magtotudlo nga naglingkod dinhi.... Karon kon aduna kamoy nagkalainlain nga panglalantaw gikan niini, mao usab ako. Apan gikotlo ko kini gikan sa insperasyon diin maoy nakapabag-o sa akong panglantaw niini. Unya akong nahibaloan, ingon nga nakita niniyo nga nadayag kini, tukma kaayo kini pabalik ug pagdala niining kapanahunan sa iglesia ug ang mga kasulatan nagkahiusa ug nagadugtong niini; ug mao kana ang hinungdan nga nagtoo ako nga gikan kini sa Dios.

-----
Himatikdi, walay nahisgutan nga laing mananap o usa ka buhing binuhat sa paghisgut niining ikalima nga timri. Karon hinumdumi, nga aduna sa ika upat nga timri. Aduna sa unang timri, sa ikaduha, sa ikatulo, ug sa ika-upat, apan wala dinhi. Nakita nimo? Karon, kung imong nahimatikdan.... Atong pagabasahon pagbalik ang usa sa mga timri. Atong pagabalikan ang ika-upat nga timri, ug sa ika-7 bersiculo. “Ug sa pagbukhad niya sa ika-upat nga timri, nadungog ko ang tingog sa ikaupat nga buhing binuhat nga naga-ingon, “Duol ngari...tan-awa.” “...sa pagbukhad niya sa ika-tulo nga timri, nadungog ko ang tingog sa ika-tulo nga binuhat nga nag-ingon, Duol ngari ug tan-awa.” O “ang ika-duha nga buhing binuhat, Duo lug tan-awa,” ug ang unang buhing binuhat nagingon, “Duol ngari ug tan-awa.”

Apan sa dihang nakaabot kita sa ikalima nga timri, walay mananap. Karon himatikdi lamang. “Ug sa pagbukhad niya sa ikalima nga timri, nakita ko nga sa ilalum sa halaran....” Diha-diha dayon, tan-awa, wala mananap didto, ug ang usa ka mananap nagaripresintar nga usa ka gahum. Nahibalo kita niana, tan-awa. Walay buhing binuhat. Karon, usa nianang mga binuhat.... Atong nakita sa pagtoon sa pinadayag sa mga kaiglesiahan, nga ang usa kanila mao ang usa ka leon; ug ang laing usa mao ang baka; ug ang laing usa mao ang tawo; ug ang laing usa mao ang agila. Atong makita sa panahon sa kaiglesiahan nga kadtong upat ka mga mananap, nagkahulogan nga upat ka mga gahum, nga nagapalibot sa mga Buhat sa mga apostoles sa maong paagi nga ang halaran sa kamingawan....

-----
Himatikdi. Apan dinhi sa dihang miabot kita niining ikalima nga timri karon, walay magkakabayo nga miabot, ug walay mananap nga nagasulti niini. Si Juan lamang... ang Cordero ang nag-abli niini, ug nakita kini ni Juan. Walay bisan usa didto nga nagasulti nga, “Karon, duol tan-awa; duol ngari ug tan-awa.” Himatikdi, walay gahum sa buhing binuhat. Ug sa ika-unom nga timri, walay mananap nga nagasulti niini. Ug sa ikapito nga timri, walay mananap nga nagasulti niini-walay gahum nga nagasulti niini, tan-awa. Walay nagahimo niini. Sa ika... tan-awa... sa ika.... Human sa ikaupat nga timri, walay nagasulti sa bisan asa nga gahum sa hayop gikan sa ika-lima, ika-unom, o ika-pito nga timri. Wala sa tanan.

Karon himatikdi (Nakauyon ako niini), sama sa mga adlaw sa magkakabayo sa upat nga mga kabayo-ang magkakabayo, nag-inusara, sa upat ka nagkalainlain nga mga kabayo-adunay usa ka mananap nga magasulti sa gahum. Sa matag panahon nga ang magkakabayo nagasakay sa lain na usab nga kabayo ug moabot aron magkabayo, laing matang sa mananap nga mogawas ug magasulti niini. Usa kana ka dako nga misteryo. Mao kana ang tinago.... Ngano?... nagasulti sa tinago. Ngano nga walay usa dinhi sa ika-lima nga timri aron sa pagsulti niini? Mao kini. Basi sa pinadayag nga gihatag sa Ginoo Jesus kanako karon, o niining sayo sa kabuntagon, mao kana ang tinago sa kapanahonan sa iglesia nga natapos na niining panahona. Ang tinago ni anticristo gipadayag niining panahona. Gikuha ni anticristo ang iyang kataposang pagsakay ( ug ato siyang nakita sa usa ka maluspad nga kabayo nga sinagulan sa daghang mga kolor), ug nagsakay padulong ngadto sa kaalautan. (Nakuha nato kini sa mga trumpeta ug uban pa sa dihang ato kanang gitudlo. Moadto ako niini karon, apan nawala na usab kita sa atong gihisgutan.)

-----
Karon, alang kanila, niining panahona, kung imong nabantayan, kining ikalima nga timri nga naablihan, tan-awa, wala na ang iglesia. Dili mahimo nga kanang mga kalaga mailalum... sa unang iglesia. Karon, palihog, kung inyo lamang pagabuhaton nga hatagan kini ug pagtagad karon, tungod kay usa kini ka dako nga kabangian. Mao nga buot ko nga maminaw kamo pag-ayo karon, kon aduna kamoy mga papil ug mga butang nga kasulatan niini. Karon, buot ko nga inyong himatikdan. Karon, dili mahimo nga silang mga kalaga tungod kay ang mga kalag sa mga matarong nga gipangmartir, ug ang kalag sa mga tawong matarong, ang iglesia, ang pangasaw-onon, human na gisakgaw, busa dili sila ang anaa ilalum sa halaran. Anaa sila sa kahimayaan uban ang pangasaw-onon. Karon himatikdi, tungod kay nangawala na sila tungod sa pagsakgaw sa ika-4 nga capitulo sa Pinadayag. Gidala sila ngadto sa itaas. Karon, kinsa kining mga kalaga? Mao kana ang sunod nga butang. Kinsa sila kon dili sila ang unang iglesia? Mao kini ang Israel nga kinahanglan nga maluwas ingon nga usa ka nasud, silang tanan nga mga pinili. Mao kana ang Israel. Mao kana ang Israel mismo. Moingon ikaw, “Oh, kadiyot lang.” Moingon ka, “dili mahimo nga sila....”

Oh, Oo, kinahanglan sila nga maluwas. Ania atong husayon kini. Aduna akoy upat o lima ka mga kasulatan. Akong kutloon kining usa. Atong kutloon ang Mga Taga-Roma, kadiyot lang, aron makita kon sila ba gayod. Atong kutloon ang basahon sa Mga Taga-Roma ug moadto sa ika-11 nga capitulo sa Mga Taga-Roma, ug atong makita. Ato kining pagabasahon ug unya ato kining kuhaon sa atong mga kaugalingon. Mga Taga-Roma ang ika-11 nga capitulo, ang ika-25 ug ang ika-26 nga mga berseculo. Karon, paminawa si Pablo dinhi. Ug si Pablo miingon nga kon adunay usa, bisan ang usa ka manolunda, magawali ug lain nga ebanghelyo unsay ipabuhat kaniya? Ipatunglo siya. Tan-awa.
Basi magpakamakinaadmanon kamo diha sa inyong kaugalingong panghunahuna, buot ko, mga igsoon, nga inyong masabtan ang tinagoannga mao kini: nga ang katiga anha sa usa ka bahin sa Israelhangtud sa panahon nga mahisulod na ang hingpit gidaghanon sa mga Gentil.

-----
Himatikdi karon, buot ko nga inyong tan-awon kini pag-ayo. Gihatagan sila ug hatag-as nga mga bisti. Wala silay ingon niana. Gihatagn sila ug hatag-as nga mga bisti-maputi nga mga bisti, ang matag usa kanila. Karon, ang mga balaan karon karon adunay...adunay nay usa niini. Ilang nakuha kini dinhi. Apan didto gipanghatagan sila ug mga hatag-as nga bisti; ang mga balaan aduna na niini ug nagapadayon. Nakita nimo? Tan-awa, wala kanila ang kahigayonan tungod kay gipangbuta-an sila sa Dios, ang ilang kaugalingon nga Amahan, mao nga ang grasya sa Dios kinahanglan gayod matuman, aron ang pangasawonon magagikan sa mga Gentil. Husto ba kana?

-----
Karon tan-awa. Mga buta sila sa pagpatay nila sa ilang Mesias, ug karon ila kining giani. Ila kining nahunahuna. Ila kining naila human nga wala na kini. Usa pa nila nakita, sa pag-abot na nila sa atubangan sa halaran sa Dios. Apan karon ang grasya sa Dios anaa na kanila. Karon tan-awa. Karon dili nila mahimo, sa unsa man nga paagi, nga mahimo nga mga santo, tungod kay nagasul-ob na sila ug hatag-as nga bisti. Apan ania sila dinhi karon, mga kalag nga anaa ilalum sa halaran tungod sa Pulong sa Dios ug sa pagpanghimatuod nga ilang gihimo ingon nga mga katawhan sa Dios, ang mga Judio. Apan karon tan-awa. Ang grasya sa Dios miabot kanila, ug si Jesus naghatag sa matag usa kanila ug usa ka maputi ug tag-as nga bisti-tan-awa! Nahingpit human nga ang iglesia wala na-tungod kay matinumanon sila sa ilang katuyoan ug gipangbutaan sila, ug wala sila masayod niini. Wala sila masayod niini. Nagadula lamang sila sa bahin nga gipadula sa Dios ngadto kanila. Ug ania, si Juan mitan-aw ug nakita ang mga kalag nga anaa ilalum sa halaran. Karon tan-awa. Nakita niya kadtong mga kalag. Tan-awa kung unsay iyang gitawag kanila. Nagasinggit sila sa makusog, “O Labawng Magbubuot, unsa ba ka dugay?” Tan-awa! “Sa dili na madugay.” (Ato kanang kuhaon samtang magaadto kita sa kasulatan.)

Nakaamgo sila nga ilang gipatay ang ilang Mesias, tan-awa. Ug wala sila masayod niini, apan sa diha ilang nahibaloan. Kinahanglan nga pagapatyon usab sila aron sa pagbayad niini, sa pagbuhat ug sayop. Ug karon, tan-awa kung unsa nga butang ang ilang gibuhat. Tan-awa, nakasala sila sa pagpatay, mao nga kinahanglan nga pagapatyon usab sila, tan-awa. Nagasinggit sila, “Ang iyang dugo ipapaningil lang gikan kanamo!” Tinuod kana. Ug gipangbutaan sila. Karon, kon wala pa sila nabutaan, ang Dios maga-ingon, “Pasagdi lamang sila. Dili sila angayan.” Apan sa ingon niana nga gibutaan sila sa Dios, ang iyang grasya mikanaog ngadto kanila-amen! Nagahisgut mahitungod sa katingalahan nga grasya!-ug gihatagan ang matag usa kanila ug usa ka tag-as nga bisti, tungod ang tanan nga Israel mamaluwas. Ang matag usa nakasulat ang iyang ngalan. Tinuod kana.

-----
Karon himatikdi. Kining mga Judio.... Kinahanglan nga buhaton ko kini sa han-ay gayod aron inyong makita ang pinadayag niining timri, tan-awa kung unsa kini, kining mga kalag nga anaa ilalum sa halaran ug kinsa sila. Karon himatikdi. Sa panahon ni Daniel, karon, ang ikaduha nga katunga sa ikasetenta ka simana.... Karon hinumdumi, ang Mesias mawala sa tunga-tunga. Mao kana ang katunga. Bueno, unsa man ang katunga sa pito? Tulo ug tunga. Unsa ang gidugayon ang pagsangyaw ni Cristo? Husto. Apan aduna pay gitanyag ngadto sa mga tawo, unsa? Laing tulo ug tunga ka mga katauigan.

Apan niining panahona, tan-awa unsay mahitabo nga ang Gentil nga pangasaw-onon gipili sa pito ka kapanahonan sa iglesia ug ipaitaas. Ug sa dihang mahitabo kanang paagiha, kining tanang mga Judio nga gipangpataydidto, tungod sa pagkabuta (nahimutang ilalum sa halaran), miduol ang Dios ug miingon, “Nakita ninyo kung unsa kana? Karon, hatagan ko ang matag usa kaninyo ug usa ka bisti.” Unya miingon, “Hangtud kanus-a, Ginoo? Mosulod na ba kami karon?” Siya miingon, “Dili, dili, dili, dili. Ang imong isig kaulipon, ang mga Judio, kinahanglan nga mag-antos sa makadiyot. Kinahanglan pagapatyon usab sila maingon nga ikaw gipatay. Kinahanglan nga pagapatyon sila sa mananap sa dihang iya nang gub-on ang iyang pakigsaad.”

-----
Gibati ko ug gamayng kataw-anan, tan-awa. Tan-awa. Kon ang uban naghunahuna.... Buot ko nga inyo kining makuha karon. Kon ang uban naghunahuna nga ang Malaquias 4, pabalikon ang mga katawhan, mao sa gihapong mga butang ang iyang pagabuhaton ngadto sa mga Judio, ug gihunahuna nga mao sa gihapon kanang tanan, tuguti ako nga akong tul-iron kana alang kaninyo sa makadiyot. Tan-awa, mora ug makapalibog ug gamay, tungod kay imong hinumduman sa Malaquias 4, nagaingon “pabalikon ang ilang kasingkasing sa mga amahan... sa mga bata ngadto sa ilang mga amahan.” Tan-awa, “balik ngadto sa mga amahan.”

Karon, tuguti ako nga akong ipakita kaninyo ang kalainan sa buluhaton. Kon moanhi siya aron pabalikon ang kasingkasing sa mga bata nagdto sa mga amahan, iyang gilimod si Cristo. Mibalik siya ngadto sa kasugoan. Husto ba kana? Ang mga amahan nagasunod sa kasugoan. Inyo ba kining nakuha? Himatikdi. Sa dihang si Elias, sa dihang mianhi siya aron sa pagtumansa iyang buluhaton sa Malaquias 4, tan-awa, sa Malaquias 4, nag-inusara lamang si Elias. Apan sa dihang moabot siya aron sa pagpamuhat ngadto sa mga Judio sa Pinadayag 11, kauban niya si Moises. Mao nga walay pagkalibog, bisan gamay. Nakuha ninyo? Sa dihang moanhi si Elias sa Malaquias 4, siya lamang. Si Elias (dili si Elias ug si Moises), si Elias ang moabot.

Apan mao sa gihapon nga pahimangno nga nagaingon nga si Elias moabot alang sa katapusang bahin sa kapanahunan sa iglesia aron ipabalik ang pagtoo sa mga kaanakan balik sa orihinal nga pagtoo sa mga amahan, apostolik nga pagtoo-diin maoy kinahanglan nga balikan, ug nahimo ni anticristo ang pagpagawas nilang tanan.... Aron pabalikon, ingon nga ang tanan sa mga kasulatan nga nagkadugtong-dugtong, tanawa, mitungha siya nga siya lang. Nakita nimo? Apan inig abot niya sa iglesia, ang Biblia... moadto sa 144,000, ang Biblia hapsay nga nagsulti nga sila.... Adunay duha kanila. Dili usa kanila; duha kanila.

Ug ang una niyang buluhaton dili ang pagdala sa mga Judio balik ngadto sa kasugoan, tungod kay mianhi siya aron isangyaw si Cristo ngadto sa 144,000 (Amen!), kanang Mesias nga namatay. Amen! Mao kana! Mao nga ayaw kamo kalibog niini. Dili kini makalibog. Ang kasulatan dili mamakak, bisan gamay. Kahimayaan! Oh, inig kakita nako nianang kahayag akong....

Moingon ako, “Salamat, Ginoo,” sa dihang nagalantaw ako niini nga nahitabo didto-nakita kanang si Elias nga nagalakaw sa iyang unang kapanahunan. Ug siya lamang usa. Unya sa pagkakita nako niya pagusab, padulong kung diin, duha sila nga atua didto. Miingon ako, “Mao na kaini. Kana ang magbuhat niini, Ginoo. Amen! Akong nakita kini karon.” Hallelujah! Tingali adunay gamay nga kalibog ngadto sa mga tawo, apan miingon Siya kanako nga isulti kini. Mao nga akong gibuhat.

Himatikdi, gibuhi kining mga tawhan sa Dios gikan sa ilang orihinal nga pagpamuhat alang sa umalabot nga bulohaton, namuhat sila ug maayo, tan-awa. Hunahunaa kini, nga ang espiritu ni Elias namuhat sa makalima ka higayon; si Moises kaduha. Tan-awa, nagpabilin nga buhi alang sa umalabot nga bulohaton. Walay usa kanila nga patay karon. Dili kaba motoo niana. Silang duha nakita nga buhi, nakigsulti ni Jesus sa Bukid sa Pagkausab sa Dagway. Apan hinumdumi, kinahanglan nga sila mamatay.

Basaha ang tibuok nga asoy sa...
Ang Ikalimang Timri.

Busa, unsa man? Ang Israel napakyas sa pagkab-ot sa iyang gipangita. Ang mga pinili nakakab-ot hinoon niini, apan ang uban gipagahi.

Roma 11:7