Aipucet Nakiwongonet.
<< abongor
ekaulo >>
Ebalasit loekwele.
William Branham.Naka oitabo... Aipucet Nakiwongonet.
Aso, atamit eong kwa apedoria kwana, ido naejaar icebore kotoma kidingwok iswamai ekerot aitor... Kwana kilosi oni aitam akuare na, kanuka asianut naka Edeke, alemun Aipucet na Nakiwongonet kasodete aanyun nunyoika ebuni Emoyo Lokalaunan alimokin oni kotomake.
Aso, alosi eong asiomun Apukokinio esula lo 6 ido ageun nepepe kekokoro lo 7 (lo 7 ka lo 8); eraas duc ikokoron iyarei. Losodit erai alimoret, ido ekokoro lokiyareikinet nges nuabu ngesi koany.Naapukoria ngesi aipucet nakiwongonet, keira eporoto loka lokajaran lokiwongonet ebala ebe, Bia,
Kaany, ido koany, ebalasit loekwele, ekebwanenitonike da ekekiror Atwanare, kotupa nges Okatwak; koinakinai kes apolou kama katutubet nakiwongonet naka akwap, koarete kekileng, ka ebeli, ka atular, ka itiang luededeng luka akwap.Aso, kingarak Ejakait oni kwana ajenun na. Erai aiyeiyea.
Kwana, bon airereor namotimot naka nuajaas sek ber kanu aigang, kwape kipou keswamaikiniata aturio nuka ekanisa— ikebwanenok lu ka abilio na naka Aipuceta kanu. Kwana, tetere oni kibwaikini ngin toma aomisiowok— kenerata ber motimot aitodol nakipupunio oni ebe erai apak naitemokino kanu einer.
Aso kijenu kwana oni ebe abilio naka Aipuceta kanu, erai Eitabo loka Alakunio loipucitai. Kosodi konyet enunukitai Eitabo lo bala anunuket— kwa ajaar eipone loasek. Mam kerai eitabo lokeipone kalo naarai eyapiei apak naelomunitor lo— eipone kiitabon kalu kotoma okar luatuboros, oo, aomit eong bala ikar akwatat ka akaisakany arai icebore, akwataarei. Ido kapak kangin anunukorete kesi ngin, konyet do kinyeikinete angeset ilajilaja. Kwape abu eong kalimokinitor yes eipone lokiswamaere ngin, ido iwaitin luka Nuiwadikatai Obaibuli, needumakina ngin— kotoma Yeremia ka ice da kwangin. Konyet do naatupakini anunukinio airimokin kosodete ainyekikin angeset ilajilaja kwangin, ido nginidiope kerai Aipucet, ido kerai ngol Eitabo loipucitai kAipuceta-akanykaarei. Ido kerai ngesi e... mam idio... nakejaatar kesi... Kerai ngol Eitabo loka Alakunio loipucitai kAipuceta-akanykaarei. Kitimoi eong.Kosodi konyet amamei idiotunganan kotoma Akuj arai kakwap arai kokwap kakwap ebusakinit apukor nges karaida asesen nges. Ido abu Yokana komony naarai mam ngesi abu kopedo adumun emodiotunganan, naarai arai mam aponio alemun Eitabo ngol kakan naka Elopet logeunet, ne da aponiata Adam ka Keba kitoolioroto, kosodi abongor akaulo naaponiata kesi kojaliata akecepedorosio nuka Akirot, aisumuneta, airumetekec...
Kiitu, ayaitosi kesi akwap. Kerai ngol edeke lodidi, naarai kerai ngesi okoku loka Edeke, ido yenerai okoku loka Edeke erai ideke yenididi. Aso mam kereka ngin itepegit Naiwadikatai Obaibuli. Ajeni eong epupo ngin itegelikina, konye abala Yesu, “Arai inyaritosi yesi ngul lukebunokini Akirot naka Edeke ...” Ido inyoika kereka kebunokini Akirot naka Edeke?— inabin. “Arai inyaritosi yesi ngul lukebunokini Akirot naka Edeke idekesio, kipedorete do yesi atubokin Eong biai kanu abalar arai Eong Okoku loka Edeke?” Iwany?
-----
Aso, akuare nabian kipou oni kajaunotor kapukorio naka Aipucet Nakiuniet. Nasodit arai ebalasit lokakwangan, kosodi naatupakini arai ebalasit loereng, kosodi konyet ebalasit lokirionon. Ido kipou oni kadumutu ebe keraasi ikebwanenitok ngul ekebwaneniton ediopet jepeje apak kere, ido kerai ngol lokasurup loka Kristo ageuni ber, mam nges kejaatar kaboko, konye abu ngesi kodum konyet ekaulo. Kosodi konyet kidumuni oni ebe aponi konyet ngesi koinakinai ekileng kanu alemar ainapakin kakwap, ido kidumuni oni ebe abu ngesi kiswamau ngun. Abu do konyet ngesi kolomu nepepe kaiyuuneta kanu aikamun ekanisa kitwasamai apesan koipone lo aipima adenari kanuka ibore kayen kosodi adenarin aarei kanuka ngin, konye aponi nges kimikai atiror akinyet ka ebino, nu da araas adis nuedeuna.
Ido kipou oni kanyoutu alosit akuare nabian kede aitetemunet naka nuetodiaritos akinyet ka ebino ido nunyoika nuapotu kotupakis nukejaatar ngun. Katicepak abu kopupo bala adedeng motimot, konye erai ngin teni cuticut Abeit.-----
Kiitunite, arai kepukor Abeit, itodiario da Abeit. Edeke tiritir... Mam akiro arai epedori itunganan araut yenecobe biai, arai katicepak epiiriana ngesi biai kotoma aomisioke, arai mam Edeke igangit nuebala ngesi, ejai nen ibore yenerono. Eraas ngun abeit, naarai erai Akirot.
Boboda kwana naalomaria Musa kinga ngina kokwap na aiyengakinet naka Edeke kosodi atiar, “Mere kopotu icuc”; kopote icuc. Kotema ngesi atiar, “Mere kopotu aidodokai”; kopote aidodokai. Idobo arai ngesi kotemarite, “Mere kopotu icuc,” ido komam ti kes eponitosi? Iwany? Apolouke mam do nges abu kinerite Akirot naka Ejakait; abu bon ngesi kiner... abu ngesi kiner akekirot obe.
Motoko abu ngesi koomoomote ebe ti ibusakinit kojaunos icuc, konye mam kanen apotu idisicuc kopotu naarai mam Edeke alimokinit nges kwangin. Ido naelimokinia Edeke ijo imodiobore kosodi atiar, “Kolot jo kiswama nu, ido abuni Eong ajaut cut kangin naarai erai na AkirotoKang.” kosodi Ngesi aitodiun ngin Kobaibuli, apolouke ebwoi do Edeke cut kokau kangin. Ido arai mam iwadikatai ngin Obaibuli, ebwoi Edeke kokau kangin karaida biai, arai erai ngin Akirot naka Edeke. Iwany? Kosodi konyet arai ejai kinga naka ngin, apukokinio do inabin. Kijenu oni ebe nukaiyeiyea kere nuka Edeke eraas nuitejenikinio inabin ido ngul bon— (Amos 3:7).-----
Aso, nakepukoria Imerekek Aipucet Nakiwongonet... kapaikisi ber oni kwana nen— Aipucet Nakiwongonet. Aso ingai bo apukori ngin?— Imerekek. Kejai kereka bobo ice kibusakinit? Amamei ice bobo apedori aswam ngin. Mam. Imerekek nges abu kopuko Aipucet Nakiwongonet, kosodi lokajaran lokiwongonet, isubat yenikajaran yenasubit bala emorukalet, abu kotema Yokana atiar, “Bia koany aiyeiyea nakiwongonet naka aitemonokinet naka alakunio na ibwaitai lem kOitabo kalo,” (naarai keuta Imerekek apukor ngin). Kotoma akiro ace, ngun kes nuabala ngesi. Ejai aiyeiyea nakiwongonet ne. Adau eong aitodikin ijo kotoma ojenuneta. Aso Yokana, (mam eong ajeni arai imisiikit ngesi ngin araibo mam konye) abu ngesi kiwadik nuabu ngesi koany. Konye kerai aiyeiyea, kwangin abu do ngesi kiwadik nuabu ngesi koany. Auta Imerekek apukor Aipucet ngin, kwabo aroko Edeke mam ebuni apukor ngin, aponi ngin kinyeikinai kanuka apaarasia nukawasia, koany.Aso, kijaunor oni kijenuneta, ido kinganyingany oni ngin, kaiswamat da ejok noi kacepakio, koany; konye kijeni oni abu ngin kiyatakinite kopekwangin. Konye kwana, kotoma apaarasia nukawasia kipedori oni angoliar kau kasodete aanyun ne lem ajai ngin, ido erai ngin naaponio aiswamaikini kwangin kawasia naka atur naka ekanisa nape cut eringa Awuruporio.
Eipone loepedoria idiotunganan adumun Ekanisa elosi aitor ocan kwi, mam eong ajeni. Kanukinyo ibura ngesi aitor ocan ngul, kwabo komameatar ngesi kadiakar? Mam eong apeleikinit ekanisa; ebuni ekanisa aitor ocan ngul. Konye enera eong kanuikamunitos Ateran. Mam Ateran ejaatar kadiakar naikamunit nges nepecep da. Adaun ngin ailotar kede ebleach, mam da ber ejai asakat naka ngin- -mam idiobore ideuna. Eraasi kesi luitekoro kakonyen nuka Edeke. Mam eyangaikini ican kwi kanu aitalaun kesi, konye bo luce eyangaikini. Itori ekanisa toma ocan ngul, konye mere Ateran.
Aso, kiyangarit cut oni ngin kotoma ojenuneta lukiponesio kere kwana bala ekanisa, Noa, abu ngol koraun cut aput naitupusere— abu koloma kinga toma adiakar. Aso apotu bo kesi kilamaros, konye abu Enok kogeu ber alosite. Kerai ngol aitupuset naka ikalaunan yenabuni alosite kotoma... eringa apak naka ican kakwi.-----
Aso koany, emamei edio kotoma ikebwanenitok luce kwi... emamei edio kotoma obalasin luce kwi arai emamei adiopak naabu ekebwaneniton lo kiiria aibwanen mam kes ajaatar... amameatar etunganan ngol kekiror, konye kwana do enyaritai nges Atwanare. Mam elimoritai... Epukoritai kwana do ngesi nuerai ngesi— erai atwanare. “Ijoba, eipone lotikipedoria oni aiboikin neejai ngin kanuka alimonokin! Kanu aitacaun ngin teni, konye imodiobore yenerai iketusurupon, yenerai iketepegan ibore yeniteni, iburai korai atwanare naarai ejaasi ayaeta aarei bon ido kes aijar ka atwanare. Ido itogogongi do ngin ebe apukokinio naka Emoyo Lokalaunan kotoma apaaran kana erai cuticut Abeit. Loitusurupit— erai nges atwanare naarai Akirot (kwape kiponia oni aanyun ekaulo konyet kane) nges Aijar. Iwany? Kwabo etunganan lo enyaritai Atwanare.-----
Kwana, koany. Kosesen kotoma Obaibuli kane. Abala ebe kerai ekiror kangol Okatwak... Apeleikinit eong ebe kerai ekekiror Atwanare, ido abu okatwak kotupak ngesi. Aso, okatwak duc etupit atwanare kotoma akuan. Naetwania etunganan lokakuan, etupakini okatwak nges-ngin nges ates, ailit, koany; erai ngin kotoma akuan, konye kotoma nukomoyo, erai angolol naka akim. Iwany? Mam ace. Erai atiakario naka ikar kere ne da eponere kesi aiewear pit ido... Abala Malaki 4, “Mam da ideuni ariang arai atenu arai imodiobore ice bobo.” Ngol nges epone loejaatar akwap loka aitesegaar alopet bobo kanuka Apugan naka Ikar Elukumit, koany.-----
Koany. Ebuni bo na kere adolore ai? (Aso, kijaar bon oni kede bala adakikan atomon kaarei arai atomon kaongon kane, aomit eong.) Kongolik neepote nu kere adolore. Inyobo ngesi? Elosi ngin abongor cut kau erot lope eswama. Abu kogeun kotoma Akuj; ebuni adolore ojie loka apak-nakawasia. Ibore yenisodit kotoma AJkuj kerai ejie. Aponi Lusiferi koremoroi kinga kosodi abunore akwap; abu do ekesa je komunau Eden. Ameun kapak kangin ejai ngesi euta amunaar.
Kosodi kwana, ameun kojie loajai toma Akuj, ebuni kwana do ejie ajaikin kotoma akwap, ido eponio adaun kakwap kapak- nakawasia kotoma ojie loenyaritai Arumagedon. Imodiotunganan kere ejeni ngin. Abu ejie kogeun kotoma Akuj. Lokalaunan... kwangin, aponi kesi koremoroi kinga. Apotu Mikael kikemalaikan kipikosi kesi ka arukoria kinga. Ido na apotu ngun kiswamaunotor, abu kocakun kwap cut toma Eden, ido kane kogeun ejie kokwap kane.-----
Aso, abu ejie kogeun kotoma Akuj. Eponio nges angetakin kakwap koipone loka Arumagedon. Aso, mere do oni kasesenata ka aanyun da nges epukor. Diat kipedori oni apukor nges. Kingarak Ejakait oni cut kopekwana aiswamaun na kwana— kosesen nges epukor.
Ekebwaneniton je loemam ejena (kosesen nuiswamai ngesi kwana) abu kitepeg, abu kogir aitoronikin ka abongor da kau mama ejai Akirot naka aokot nugeunet. Abu Akirot koraun aokot ka akuan; abu ngesi kogir abongor kau neejai Ngin. Erai ngesi lokasurup loka Kristo. Ateran naka Akirot nakabeit... Erai ngesi loitepegi Ateran naka Akirot nakabeit. Elemuni ngesi aketeran obe (itepegi ngesi Ateran na nakabeit), ido elemuni ngesi aketeran obe kosodi ayangaun ngin mamake koipone lo edini loenyaritai aiyuuneta ka aicorakineta.
Kosodi kwana, aanyun Ateran nakalaunan, esurokinit ngesi ngin, konye iswamauni ngesi aketeran obe naenyaritai naitusurupit- Kristo, na da itepegit Kristo; (koany eipone loecoar ngesi) kosodi kwana, aibois naka ajaut ka eipeone loka amin naeyait aima kokwap Kaokot, ejaatar ngesi kedini. Aibois naka ajakut ka Akirot, abu ngesi koyanga aiyuuneta, aicorakineta, ka ace da kwangin.-----
Kosesen... etukokini kesi kobalasitikec loka ejese loinyalinyalitai, koany. Euta ngesi atukokokin ibore yen nepepe— inyalinyalitai kede aiyuuneta, idiinin, aisisianakineta nuiswamaunit-etunganan. Mere erai ngin naabeit? Cut bo, ejese loinyalinyala-ejese loinyalinyala loka lukatwak, ebalasit loekwele loka akwapin. Aso, erai ngin naabeit— ijesesio luinyalinyala luka lukatwak, aput naka akwapin naka ebalasit loekwele. Oo ijoba! Emameete aokot nukalaunak nuka Akirot nepetai da.
Ido kosesen, kama ka agoria aongon nuka akwap, etukokinete kesi ngul. Atukokin kes neejai Arumagedon, ebala Ebaibuli. Atamit eong aomoom nuka iwaitin luka Nuiwadikatai Obaibuli. Kijaar oni kakes iwadikatai ne. Mam eong eitunit ber kes konye bon... neewadikatai kesi-aanyun alu bo kesi. Etukokini kes nepepe mama ejai apaaran naepol naka ejie loka Ejakait Edeke. Kosesen!-----
Aso, kane eutasi kesi aimorikikin bonik nepepe, abunore mama ejai aretokin ngin naka Arumagedon ido kibwanenitos ebalasit lokejese loinyalinyala... nepepe kebalasit ediopet loka neakwangan, ebalasit ediopet loka nearengan, ebalasit ediopet loka neirionon- apedorosio auni nuegelegela nuka akiro nuka apugan, apedor nakomoyo koyaite apedor naka ajokin na da erai nakasurup naka Kristo- kinyalak ijo ngun kere nepepe, idumuni ijo ibore yenibwanenit ngesi yenikwele yenesubit bala edeka. Erai ngin naabeit. Aso koany. Kongolik inyo ibwanenit ngesi. Ebalasit lo loekwele, loepusiana, inyalitai nepepe neirionon, nereng, ka neekwang, ebunit ojie, etukonokini iketunga kama ka nginiteker kokwap Kakuj.Mam tope Daniel abu kijul airujasit kosodi aanyun ekokoro ngol loka asuat elomarit toma kanginijakanut— loka Rome? Elu eponitos, atukonokin. Aso, kiboi kopalarite kanuka agolokin apak edite bon ido kopupok ejok. Eutasi kesi atukonokin kwana kanu aiswamaun ngin, ayangaun iketunga kama kagoria aongon nuka akwap, ibwanenit ebalasit loekwele, loedeka, lokijesesio iuni inyalitai— etunganan jepeje.
Naka oitabo... Aipucet Nakiwongonet.
Edukone ka Elakit.
