Ballasiw ti kurtina ti biag.

William Branham.

Idi napalabas nga agsapa agid-iddaak iti kamak. Kaririingko launay, inkabilko dagiti imak iti likod ti ulok, ket iyen-inanak toy ulok iti pungan. Ket pinapannunotko no anya ngata ti ikakastana idiyay ballasiw ti biag. Ammok a kageddua ti panagbiagko ket nalapasen. No agbiagak a kas kadagitoy nataengan nga tattaok. Ket kayatko nga ad-adupay ti maaramidko para ti Apo, sakbay a pumanawak iti daytoy a biag. Nangngegko ti Timek, a kunkunana, “Agrugrugi ka pay laeng. Itultuloymo a makidangadang. Itultuloymo.” Ket idi panpanutek dagitoy a sasao, pagarupek, nga nakangngegak laeng ti timek. Manen ti timek kinunana, “Itultuloymo a makidangadang. Itultuloymo. Itultuloymo.”

Diak paylang mamati, pinanunotko nga mabalin nga siak metlaeng ti nangisao. Inkabilko ti subilko iti nagtengaan ti ngipinko, ket inegemak ti ngiwatko, ket dimngegak. Ti timek kinuna manen. “Itultuloymo latta. No ammom la koma no anya ti adda iti murdong ti dalan.” Ket kasla nangngekko ti sao ken kanta nga kankantaentayo idi paylaeng.
Makaaw-awidak launayen, ken kayatko a makita ni Jesus... Apo, pabulusannak a mangkita iti ballasiw ti biag.
Ket ti timek sinaludsuknak, “Kayatmo kadi a makita diyay ballasiw ti biag?”
Kinunak, “Makatulong launay kanyak.”

Anya napasamak, diak maibaga. No adaak pay laeng ditoy a bagi, wenno naipangatoakon, haanko nga ammo. Ta haan a maiparihas datoy nga parmata kadagit immuna a parmatak. Makitkitak ti lugar nga naggapuak. Ket makitkitak ti bagik nga nakaidda iti kama.
Kinunkunak, “Nakakaskasdaaw daytoy a banag.” Aduda launay nga tattao, ket agtartarayda nga umay kanyak, nga agsasangitda, “Oh, napateg launay nga kabsat.” Umun-una immay dagiti babai, mabalin nga dagiti tawenda ket 20 laeng nga nasurok. Ket inarakupdak, a kunkunada, “Napateg launay nga kabsat,”

Dagiti lallaki ket nagtataerda nga tattao, nga dagiti matada ket agranyag a kas kadagiti bituen ti tangatang, ket dagiti ngipenda puraw a kas perlas, inarakupdak, a kunkunada, “Napateg launay a kabsat.” Ket naimatangak met nga uray siak, ket immubingak manen. Kinitak met sadyay baba, timmalikudak ket nakitak ti lumakayen nga bagik nga adda idyay kama ket dagiti imak nakakabil ti likod ti ulok. Kinunak, “Diak maawatan daytoy.” Ket pinadasko nga ammoen no sadino ti ayanko, ket naammoak nga awan ti kalman ken bigat idyay. Kasla awan ti mabanbannog idyay. Ket dagiti adu nga nagpipintas nga babbai awan ti makaasping kadakuada immaydak nga simmallabay, ket nadiskobrek, ti laeng naindaklan nga ayat ti nangituray kanyak, awan ti dakes a tarigagay a kas ugali ti tao. Nakitak nga dadgitoy babbai ket atiddog ti buokda agingga iti siketda. Ket dagiti paldada atiddog agingga ti sakada.

Kalpasanna daytoy, ni Hope, ti immuna nga asawak, inarakupnak ket kinuna, “Napateg nga kabsatko.” Ket maysa manen a babai inarakupnak. Ket ni Hope timalikud ket inarakupna ti babai.
Kinunak, “Diak maawatan daytoy. Daytoy ket naisabsabali nga talaga iti ayat ti tao. Diak kayat nga agsubli iti lumakayen nga bagik idyay kama.” Ket ti timek kinuna kanyak, “Daytoy ti inkaskasabam nga isu ti Santo nga Spiritu. Daytoy ti naan-anay nga ayat. Awan ti makastrek ditoy no awan kenkuana daytoy.”

Ti sumaruno innaladak ket nagtugawak iti nangato nga lugar. Ti naglikmotko ket adu nga di mabilang a lallaki ken babbai ti-ti panagbaritoda ken panagbalasangda. Makasangitda gapu ti ragsakda, “Oh, napateg nga kabsatmi, naragsak kami launay nga makakita kenka ditoy.”
Kinunak, “Haanak nga agtagtagainip, ta makitak dagitoy nga tattao, ken makitak ti bagik nga nakaidda idyay kama.”
Ti timek kinuna kanyak, “Ammom, nakasurat ti Biblia, nga dagiti propeta ket aguurnongda kadagit tattaoda?”
Kinunak, “Owen, malagipko dagitoy iti kasuratan. Ngem dagitoy ket haan nga kaadu ti pamilya ti Branham.”

Ti timek kinunana, “Dagitoy ket haan nga pamilya ti Branham; dagitoy gagiti nagbalbaliw gapu kenka, isuda dagiti indalanmo a napan ti Apo. Dadduma kadagitoy babai kunaem nga ubing ken napipintasda ket nasurok nga 90 ti tawenda idi indalanmo daida ti Apo. Dayta ti gapuna no apay nga agsasangitda, Napateg launay nga kabsatmi.”
Ket dagiti adu a tattao naggigidanda nga nagpukkaw, “No haanka nga napan nangikasaba ti ebanghelio, ket awan kami koma ditoy.”
Nagsaludsudak, “Ayanna ni Jesus? Kayatko a makita.”
Dagiti tattao imbagada, “Isuna ket nangatngato laeng bassit. Inton tiempona umayto kenka. Naibaonka a kas mangidaulo, no umayto ti Dios, ukumennaka maipanggep iti insursurom.”
Nagsaludsudak, “Da kadi Pablo ken Pedro ket agtakder iti pangukuman met?”
Ti sungbat, “ket Owen.” Ket ammomi nga agsublikami sadiyay daga kaduami sika intono tiempona.

Kinunak, “Inkasabak no anya ti inkasabada. Haanak nga simmina a napan ti maysa a paset wenno iti sabali. No nagbautisarda iti nagan ni Jesus, kastaak met. No insuroda ti panakabautisar ti Spiritu-Santo, kastaak met. No anya ti insuroda, insurok met.”
“Ammomi dayta,” dagiti tattao impukkawda. “Ni Jesus umay ket ukumennaka babaen kadagiti sao nga inkasabam kadakami. Ket sika iturongmo dakami kenkuana, ket amintayo agsubli iti daga, ket abiagtayo nga awan patenggana.”
Nagsaludsudak, “Kasapulan kadi nga agsubliak idyay dagaen?” simmungbatda, “Owen, ngem itultuloymo.”

Ket idi nagrugiak nga magna iti dayta napintas ken naragsak a lugar, iti kaadayo ti makitak, immay dagiti adu a tattao immayda nangarakup kanyak nga agsangsangitda, “Napateg launay nga kabsatmi.”
Ket iti apagdarekmat nagsubliak iti kama manen. Kinunak, “O Apo, tulungannak. Uray anya ti mapasamak ket haanak nga ekompromisyo ti sao. Ipalubosmo nga agtalinaedak nga diretso iti sasao. Diak pagan-ano no anya ar-aramiden ti dadduma, Apo. Ipalubosmo nga itultuloyko agingga nga makagtengak iti dayta napintas ken naragsak nga lugar.”

Maslalaoak nga kombinsido tatta iti biagko, nga kasapulan ti naan-anay nga ayat tapno makastrekt iti dayta nga lugar. Awan ti im-imon, awan ti panakabannog, awan ti saksakit, awan ti mataengan, awan ti patay, adda laeng kinapintas ken ragsak. Anyaman nga aramidenyo, iwalinyo amin nga banbanag agingga nga maragpatyo ti naan-anay nga ayat. Mapanka nga ayaten amin nga tattao, uray pay ti kabusormo. Uray pay no ti eroplano ket agkintayeg, ti kimat ket agpakita, wenno ti paltog ti kabusor ket nakaturong kenka, dagitoy nga banbanag awan mamaayna; alaem ti naan-anay nga ayat. No di ka naisalakan, acceptarem ni Jesu-Cristo a kas mangisalakanmo, tatta. No di ka pay nabautisaran ti danum, agpautisarka tatta. No dimo pay naawat ti bautisar ti Santo nag Spiritu, awatem tatta. Itultuloymo agingga ti naan-anay nga ayat, nga isu ti mangiturong kenka iti dayta a lugar a napintas ken naragsak a lugar dyay ballasiw ti biag.

W. Branham.

Basaen ti account iti (PDF Ingles)...
Beyond the Curtain of Time.

  The Rejected King.

Naituding a matay ti tao iti maminsan, ket kalpasanna, ukomen ti Dios.

Kasta met a namimpinsan a naidaton ni Cristo a mangikkat iti basol ti adu. Agparangto iti maikadua a daras, ngem saanen a gapu iti basol, no di ket tapno isalakanna dagiti mangnamnama iti yaayna.

Hebreo 9:27,28