Kalvari, aanyun apolou ke kane ijai oni.

William Branham.
 

Naka oitabo...
Kaparan kangin kotoma Kalvari.

Luka 23:33,
Nakedolioto aibois naenyaritai Abelekek naka Akou, kibubukis ŋes nen, ka kwi ikeswamak nueroko, ediopet akanike nakoteten, ka ediopet da akanike nakokediany.

Erai adiopet kotoma apaarasia nuepolok noi kotoma apaarasia kere nuabu Edeke kocamak kotoma akwap. Ido arai erai naepol noi neejai ateker naka itunga, Kalvari, aomit eong tiejok oni alosit kau ido aingic, aanyun apolou ke kane ijai oni. Kanuka, Acamunit eong, kotoma osawa loiyapit loijaria oni, ijai oni imoi ngin ajokis naka Edeke naipedori oni ajenun. kosodi ngun kere nuipedori oni angicun, ijai oni ne kanu aisisia nukangun, kanu aanyun nuebeitos oni, ka ngun nuesoma Edeke kanuok. Ido ngun nges ibuniono oni okanisa.

Ngun nges elimonokina ekalimonokinan, ngun nges esiomia ngesi ka aitonor kotoma okokoron, ido aimo kanu aiyengakinio, erai naarai erai nges ebulesit loka itunga nejaasi itunga luka Edeke. Ido ejai ngesi etamit angicun icebore yenepedori... yenejaunotor Edeke kanu alimokin itungaKe, icebore yenepedori aingarakin kes. Acepak, epedorete araun, aitoron kes kotoma adiakanareta kec, konye tieraun agangat kanu aikeun kes kuju, tetere kes epedorete aijal adiakanareta kec ido aikeun kuju aijanakin Ejakait. Ido ejanakinak ibusakinit aimo iboro lu.

Ido apaaran na, araut naepol ajokis noi adiope apaarasia nuepolok noi, asesenata toma iboro iuni luegelegela luerai apaaran ngin neijai oni. Ipedori oni ayangaar akwat. Konye, atupuruc na, aseu eong bon iuni luegelegela, iboro luepolok luikoto oni asesen, kanu idakikan idis luetupakito, ebe apolou naka Kalvari neijai oni. Ido elipi eong ebe ketoronata ngin adiakanaran yen ejaine; einakini angin yenikalaunan alosit akungin ke; einakini angin adekan aikaun aiyuun ke nejai Edeke, ido anyoun alosit, engalai; angin diakanaran, eyunan; angin abongoran kau abongun, kosodi elopet aileicikin; ido angin yenikalaunan, ailel, kosodi alemun abwoetait naitetet ka amuno nakitetet.

Ibore idiopet yen epol,yen erai apolou naka kalvari mamawok ka akwap, nges, abu odau aingiset naka aronis, irwana atipet ido nawasia. Aponi odumunai etunganan ka adiakar. Ido arai adiakar aitisilaret na mam etunganan apedori aitac. Apol aitisilaret noi kitoni neamamiar idio tunganan yen apedori aitac aitisilaret. Acamunit engo ebe abu edeke osipok ngesi kwangin, ebe eraun aitisilaret na epolo noi ebe mam edio tunganan epedori aitac, kanuangun apedori Ngesi aswam ngun, Ngesi elopet. Kwana, aitisilaret na aronis arai atwanare. Ido oni kere iurikitai toma aronis, kosubutete kotoma opali, abunere akwap, eneras esabet. Kanuangun do amamei idio kaoni yen ebusakinit, arai, mam apedorete adumun idio kakwap yen ebusakinit.

Ido adiakar mam abu kogeu kotoma akwap. Abu adiakar ogeu kotoma Akuj. Luci... arai lucifa, ajokit, arai isubat yen etoronitai, kanu epali ke, eroko nges inoma akwap. Adiakar abu ogeu ko kuju, nebwaikit Edeke imalaikan, ka ice da, kotoma adoketait ngipengin nges abu Nges ibwaik itunga; acoa, ekitoi lo acoa, ekitoi lo aijar keda ekitoi lo acoa, neapedori etunganan ajaut keda aseunete ke. ido neainakinere lucifa aingarenikin, aseun ngesi elopet, akoto ngesi ibore icie yen ajok adepar yen ajatar Edeke. Ngun kes ageunete ationis.

Ido ajaas nuakotoi kanu aronis. Nuakotoi arai atwanare. Atwanare arai aitisilaret. Ido, erai ngin, tioni kilot toma akiro nu epolok kanu, narai mam eong ayuunit ebe ejai konye atwanare adiope. Ejai aijar adiope. Ido eyuunit eong etunganan loejatar aijar naikaru kere mam epedori atwanare. Ido eyuunit eong ejai amudiaro cut na etau kangon loediakari, naarai ebala Ebaibuli, “Etau loediakar, abeit cut etwani.” Mere etunganan; “etau ngon lo ediakari.” Kanuangun, ebeit cut Satan atwanare, kanu amudiaro cut. Epone lo mam eong acamanara keda emorimorak luebakasi ebe itajaruno Satan! Abu ngesi odiaka, ido nges ageunan aronis. Ido abu eketau odiaka; ido korai ngesi emoyo. Emudiaro emoyo ngon cut, komam bobo ibore ideuna.

Ido nenomia adiakar akwap, kau kotoma ageunet, kwape aisuuka nairionut edouni kotoma akuj, abu kisumededeki akwap. Abu kocakak ngin subat kere, kotoma akwap, ka isuban luka Edeke kere, toma obulesene. Ajai etunganan toma obulesene loka atwanare, ariebo, ationis, aiturur. Isuban kere kapotu ibiroros keda nges. Arai adiakar ekia loisilioret lokobu cut isumadedek akwap. Ido kanen do eboikinos oni ne, komamei amuno, naarai nginisubat kotoma akwap anonokikit nges. Ido nginitunganan yenikaurio kotoma akwap anonokikit nges.
Kanuangun, ajai nges abunere kotoma aiboisit ace neamamei adiakar. Mam apedori abunere kotoma akwap. Idiope kasio mam apedor alakun yenice. Ajai abunere kanejai Ece.

Kanuangun, neajenuna etunganan ebe atiakara ngesi kanejai Edeke ke, kobu oraunos eiriak. Komonya kesi. Komonya kesi. Itarikinos kesi. Iiriata kesi, kotoma orongan ka amodingo, emoete Ere loarai adukon ka ekesuban Edeke. Naarai, ajeni ngesi ebe arai etam ngesi abongun toma akonyen nuka Edeke, abuni ngesi ainerun keda Nges. Konye amamei erot lobongunet. Kobu ngesi koolio. Mam nges ajeni anibo erot lokudoro, kanuangun onear do ngesi, airia, atamit adumun aceboisit naepedori ngesi adumun erot lobongoret toma aiboisit ngin. Olimok nges icebore kotoma ke ebe ebunit ngesi kotoma aiboisit naitekooro.

Emamei itunganan kane kotoma obiina lo etakani, atupuruc na, arai kotoma obiina loka ateepu, naelosi airimun akwapin, emamei idiope ane, arai adioboisit, konye nuemoete kanu aitekooro.
Otac apesenin kon, iomit ijo, “Nges itemokinete ngun.” Neidauna ijo atacar apesenin kon, kanen do ejai icetunganan erieba kotoma okalekon. Nedaunor ariebo, kanen do odumuni ijo apesenin ace aitac. Ibore yenisodit ijo ajenun, ejaasi itimakon akwanguun, ido kanen do ipudakin ijo akote abongor adisiar. Ido ejai icebore isawan kere, inyikokit, ido naarai kanu ekokoro angon loka adiakar. Konye kotoma otaukon, naarai imoi ijo ngun, itodiaritos ngun ebe ejai aitekooro nenice. Nenice, ejai icebore.

-----
Kawasia, adiope paaran, ngin nges apaaran naka Kalvari, ajai ediope lobu kwap kotoma aibuses. Ediope, koKiror loka Yesu Kristo, Okoku loka Edeke, loabu kobu kotoma aibuses, kosodete aiswamaun Kalvari. Ngin nges apaaran natacere etiai, kosodi aingiset naka aronis adaun ikaru kere. Ido abu kongaa erot nejai ibore yeni iyarit oni etenge ka aikureikit kanuke. Abu ngesi koyau aiboisit na aimonikin. Emamei etungenen lo ipejokitor kalvari, kosodi aanyun nges koipone kalo ajaar, na epedori aputokinor. Ngin ibore kere yen obu ngesi okotokin arai aipudakin, aponi kitodolokinai, nedolio ngesi aiboisit ngin.
Arai apak apaaran napol noi, ido orai ibore yeni epol, obu kijangak akwap. Obu kijangak akwap, eipone lo mam ejangakinar okau. Na atwania Yesu kokalvari kosodi aitac aingiset na adiakar,

Abu akwap na nadiakar iilor. Abu akolong ijesun kwap kiding paaran, obu komaran ka arior. Kosodete imoru amaran, do irongan acicilun, ka luatwak abwangunun ka atesin.
Nunyoika obu ngesi kiswama? Obu Edeke ilungurikin toma, kokalvari. Abu Ngesi imusung etiang ngon, lo enyaritai Satan, ikaru kere. Kwana adepar amumu ke anyoun kanen do, naarai abu koyau aica nejai etunganan. Ido ngin tunganan ejeni ebe ne imusungunar etiang ngesi ededengar akere, koliai airimirim keda ekepur ebilil. Kwana, anangar Satan kinga, kokalvari. Abu akwap itogogong ebe arai. Etiai lo epol akere lo etacitere, ido lo bon apedori aitac nges, abu obu kosodi aswam ngun kokalvari. Nen nges atacere etiai lo apol noi. Ngesi idiope koboro.

Akoto Edeke. Amamei etunganan lo ebusakinit. Amamei etunganan lo apedori. Amamei etunganan lo apedori aswam ngun. Kosodi Edeke abunere, Ngesi elopet, ido oraun etunganan, kosodi aijar aijar na etunganan, kotoma opudesia lo etunganan, ido kibubukinai kokalvari. Ido angina, neawomitor Satan ebe mam Nges apedori aswam ngun, mam apedori aitor toma, abu Ngesi kitor Gethsemane ido angin acodunio na apedori edio tunganan abwoikin. Abu Ngesi kitor toma kwape ikiliok kere, konye abu Ngesi otac etiai.
Ido ngun kes apotu kisiiliosi akwap. Asubit bala ekia lo isiiliorere, kanu ajengio. Neinakina emuron etunganan ekia lo isiiliori, ejai ngesi ber anangar nges kwap, eroko nges iswamauna ngun. Ido neainakinia Edeke ajengio na ekanisa, obu akwap odum ekia lo isiiliori, ejautene loakwap abu kiilor. Mam erai nuaumokin! Edeke kotoma akuan, ajai atwanare. Arai esaawa lo amoot akwap, konye luipu kakesi mam ajenete.
Kwape ejaar lolo, amoata luipu iboro lu, ido mam epedoritos amisiikin kes, mam kes emisiikinete erot loitoro. Eringo etamitos amoote nuitelelete ka iboro luakwap, atamit adumun erot kec loitoro.

Ajai, ajaasi apadei nuipu nuetodiete apaaran ngin, itoribei luipu kanejai imerekek, kanejai emong, kanejai ajele, ido iboro lu kere, konye mam apedori aibil ngun. Mam apedori aibil eic loatwanare, najaatar Satan keda akwap.
Imoru ngupengun luabu ngesi kitorite, kuju-keda-kwap kotoma akwap, enoki keda acukuman! Arai lucifer okoku loka atupuruc, ido abu kolot kaakwap nearar akim naelelei. Imoru ngupengun luapotu kolilimoto, ne atwania Yesu kotoma Kalvari, aijeruno kinga na akwap. Etiai loaponi kotacai, keda ebulesene loka Satan aponi kobilai.

Abu inyakak akanin nuka etunganan, erot loebongori nejaas nuamoot ngesi. Mam bobo aimony. Inomitete, neabilia Ngesi egurake Satan, ngin kotoma Kalvari, egura loka adiakar, loka adeka! Ido eyauni ngin itunganan kere yen ejari, kotoma akwap, abongun akonyen nuka Edeke, keda adiakanareta itimitai. Aleluyia! Etimi awok arokisio. Mam bobo Satan epedori aisiilior oni kanejai Edeke.
Ejai erot loesubitai. Ejai esimu loesipokitai ngina. Ejai ekokoro toni aibuses, eyauni nginitunganan ayapuun keda ekokoro ngon. Arai ileleba etunganan aronis, abu orucok nges toma kokiding. Epedorio aitim nges kanu aronis angin. Mere ngun bon, konye aronis ngin etacitai. Oo! Mam ekoto jo alimun da, “mam 'eong' ebusakinit.” Abeit, mam ijo irai, mam ijo iraun da. Konye loebusakinit nges kobu koyanga aiboisit kon. Ilacakina ijo. Mam ijo ebeit airia bobo. Mam ijo ebeit araut etunganan loka amoan nuitelelete okinga ane kotoma akwap.

Naarai ejai atan ileleba keda aokot,
Ematutai, kotoma amoori nuka Emmanuel,
Nelumoritos ikadiakanarak kwap nakalele,
Alacar amasikinet kes kere naitoronet.

Mam ebeit ijo aolior. Ejai erot loipajajai, ka erot, ido enyaritai erot loka alaunit. Lumam elaete mam itorete toma. Naarai, ebuni ngesi toma atan, nasodit, ido kanen do olomari ngesi orot loipajajai.

Kobu Ngesi kobil apedorosio nuka Satan. Kobu Ngesi ongaa ikekia luka ejeera nuka okatwak, neejai nginitunganan lo agolokitai toma, kotoma akwap na, kotoma ojeeran, okuriana ebe netwania ngesi, anibo atwanare ejaun neejai ngesi. Kotoma Kalvari, kobu Ngesi ongaa ikekia ngun luka awenis, alacakin ngin iwenat. Mam ibusakint bobo adiakar ainyaut ijo kwap. Mam ibusakinit bobo ijo alacakin atutubena kon toma adiakar, omasit, osigala, opiki, osabet. Ipedori ijo araut loimunono, ekadoliton, ido kitekooro. Kosodi mam ibore epedori Satan aswam kanuangun, naarai idau ijo aiting ekokoro, ekokoro loka aijar loesipokina toma Amoru naka Aturio. Emamei ibore ijangari ijo kotomaKe. Emameete ikwamin luepedorete aijangar ijo kotomaKe. Emamei ibore, mere ber atwanare da alopet, epedori aitiak oni kanejai amina naka Edeke naejai toma Kristo Yesu.

Ngin nges apolou naka Kalvari.
Ikiliok luajaasi toma obulesene aponi kolacakinai. Ikiliok luajaasi toma akuriau naka atwanare mam bobo ekuriaka atwanare. Etunganan loepuda ere, loerai adukon ka ekasuban, Edeke, epedori ngesi aicak erot loipajajai, ido aiteluor ereet ke aite Akuj, naarai elacakina ngesi. Haleluya! Alakun nges. Mam bobo nges ekotokin airia, naarai ejai eipone lo ajenun arai idolit ijo arai mam. Einakini Edeke oni aijar. Anyoutu adiakanaretawok. Apaaran gin kotoma Kalvari kotaci etiai.

-----
Nasodit, ekoto oni aimo inyobo apolou naka apaaran kangin. Naiareit, ekoto oni aanyun nunyoika eswamaiki oni apaaran ngin, kwana, nuabu kiswamaik oni. Kwana, naiuniet, aanyut ber oni nuibusakinit oni aswam kanu apaaran kangin. Nunyoika ebeit oni aswam?
Nasodit, ekoto oni airere tomake, naarai erai apaaran naepol, naepol kotoma apaarasia kere. Aponi kotacai etiai loka adiakar. Abili apedor naka Satan.
Ido kwana ikoto oni aanyun nuipedori oni aswam kanu ainyangar. Kwana, kanu ainyagar, neatwania Yesu koKalvari, kotoma Kalvari kapaaran kangin, mam Nges abu kotac bon etiai loka adiakanareta wok, konye abu Nges kotac da etiai keda aiswamaun erot tetere oni ipedori atupakin Nges; naarai oni, kwape Adamun luibiroro luaponi kolakunai. Kwape engarenikino Emoyo Adam (Adam losodit) kotoma Omoyo, lo epugat ejautene loka akwap kere, kasodete oni (Adam loiareit), arai ikiliok lukakwap adaun alakun kotoma Kristo, anyoun apaaran naka Kalvari, epedorete atupaar Nges.

Naka oitabo...
Kaparan kangin kotoma Kalvari.

Kanuka ŋun, arai ejai ituŋanan kotoma Kristo, arau isubat yenikitetet; atuboros nukolo; koany, araut nukitetiak.

2 Ikorinton 5:17