Icikakatikilo ca Cine.
Kabalwe uwa butulukila.
William Branham.Belengeni mu ili buku...
Icikakatikilo ca Cine.Nomba, ndeesha mukwishibisha kwandi nomba, kabili ilyo icintu cimo ... caingila mukati kesu, cilebomba cena inshila ya ciko, kabili.... Nomba twalaesha muno bushiku, ku nkumbu shakwa Lesa, ukusenda ici Cikakatikilo Ica Cine kabili no kumona ifyo Mupashi wa Mushilo alakwata ukusosa kuli ifwe muli cena. Nomba, nalabelenga Ukusokolola icipandwa ca 6 kabili ukutendeka na vesi ya 7 (7 na 8). Kwaba lyonse ama vesi yabili. Iya kubalilapo yaba kubilisha, kabili vesi iya cibili ni cilya ico amwene.
7 Kabili ilyo akakatwile icikakatikilo ica cine, naumfwile shiwi lya ca mweo ca cine ciletila, Isa umone.
8 Kabili naliloleshe, kabili moneni kabalwe uwa butuluka: ne shina lyakwe uwaikelepo ali ni Mfwa, na ku Mbo kwalemukonka... ena. Kabili kuli fyene kwapelwe amaka yapa cakaniko capali fine ica pe sonde, ku kwipaya ku lupanga, na kucipowe, na kumfwa, na ku... ifiswango fya pesonde.Nomba, Shikulu atwafwilishe nomba ukwiluke ci. Cena ni nkama.
Nomba, ukulangisha fye panono ku kubwekela kunuma, nge fyo twacitile nshita sha nkuta, aba abaninine kabili uku ukukakatula ukwa ifi fikakatikilo. Nomba, pa kutila ifwe tucibike fye mumano yesu, ukulanda panono mpaka twaumfwa ukutila yena ni nshita iyalinga ukulanda....
Nomba. Natumona nomba ukuti ukukakatula kwa fikakatikilo, lyena li buku lya Kulubula ilya kakatikwa. Elyo kabili ibuku lyalipombwa kwati mufungilo, nga filya cali umusango wa kale. Lyena talyali libuku lya uyu musango, pantu ili lyaishilepo fye ili line, ama buku ya uyu musango, mukulekelesha, owe, ndemona imyaka umwanda umo na makumi yasano atemwa icintu cimo, imyanda ibili. Kabili elyo bena baleipomba, no kushako akaputulwa akabula ukupombwa, nge fyo namwebele ifyo calecitwa, kabili amalembo, ukwa kuyasanga muli Yeremia, kabili na fimbipo. Elyo lyakonkelepo lyalepombwa kunse elyo akaputulwa akakulekelesha kaleshala nga filya. Kabili cila umo wali icikakatikilo, Kabili lyena lyali libuku ilya kakatikwa ne fikakatikilo cinelubali. Kabili lyena lyali i... takuli nangu umo... ilyo bena bali.... Lyena lyali li buku lya kulubula ilya kakatikwa ne fikakatikilo cinelubali.Kabili lyena takwali nangu umo mu mulu atemwa mwi sonde atemwa pe samba ye sonde uyo wali uwalinga ukwisula lyena atemwa nangula ukulolekesha pali lyena. Kabili Yohane aishile lila Pantu ena alifililwe ukusanga umuntu. Pantu nga lilye buku talya sendelwe ukufuma mu minwe ya Mwine uwa ntendekelo, uko lyena lyalufishiwe kuli Adamu na Efa, kabili lyalibwelelemo panuma ilyo balufishe insambu shabo ku Cebo (amabulayo, ubupyani bwabo)....
Ibukisheni, baleteka isonde. Ena ali mulungu umunono, pantu ena ali mwana wakwa Lesa, Kabili umwana wakwa Lesa aba mulungu umunono. Nomba cilya tacili icapusana na Malembo. Ninjishiba cilya cileumfwika iceni, Lelo Yesu atile, “Nga mulabeta abo Icebo cakwa Lesa caishileko....” Kabili ni finshi ifyo Icebo cakwa Lesa cishilako? Bakasesema. “Nga mulabeta abo Icebo cakwa Lesa caishileko imilungu, musango nshi mwinga njebaula ine ilyo natila ndi Mwana wakwa Lesa?” Mwamona?-----
Nomba, mailo mu bushiku twakwete ukwisulwa ukwa cikakatikilo ica citatu. Icakubalilapo cali kabalwe uwabuta, kabili icakonkelepo cali kabalwe uwakashika, kabili elyo kabalwe uwafita. Kabili tulesango kutila abaikelepo bali uwaikelepo umo wine inshita fye yonse. Kabili ulya ali ni munkanya kristu icakubalilapo. Ena takwete icilongwe, lelo aishilepokelela cimo pa ntanshi. Kabili elyo tulesango kutila lilya aishilepelwa ulupanga ukusenda umutende pe sonde, kabili tulesango kutila alicitile cilya. Elyo aishileisamo ne fishilano ifya kupela ulukuta ne ndalama, pa kulinga umulingo uwandalama pali ici kabili indalama shibili pali cilya. Lelo bena bali mukenye ukwikata ku mafuta na ku mwangashi, ifyo fyali ifinono ifyo fyasheleko.
Kabili elyo twali fuminepo mailo mu bushiku no bulondoloshi bwafyo amafuta no mwangashi fyali kabili na maka ifyo yena yakwete. Kuti limbi caumfwike cintu icabipako panono, lelo cena ni filya fine icishinka.-----
Ibukisheni, nge cine casokololwa, icine nakabili cilashininkishiwa. Lesa lyonse lyonse.... Te mulandu ifyo muntu aba uwacenjela, ifyo aba uwa mano mu mano yakwe, nga Lesa taleshininkisha ifyo alesosa, kuliko icintu cimo icalubana. Cilya cishinka, Pantu cena Cebo.
Nomba ilyo Mose aile kulya ukupitila mukuputwa ukwa kwa Lesa kabili atile, “Nakube balunshi,” balunshi balishile. Atile, “Lekeni bacula bese”; bacula balishile. nga cakutila alisosele, “Lekeni balunshi bese,” kabili bena tabaishile? Mwamona? lyena ena talandile icebo cakwa Shikulu. Ena alandile fye... ena alandile icebo cakwe umwine. Ena limbi alitontonkenye kulya kwalingile ukuba balunshi, Lelo kulya takwaishile balunshi nangu bamo pamulandu Lesa tamwebele filya. Kabili ilyo Lesa amweba icintu icili conse no kusosa, “Imwe kabiyeni muye cite ci, kabili Ndi no kuba fye pamo naco, pantu ici Cebo candi,” kabili Ena alacilangisha muli Baibele, lyena Lesa aleminina kunuma fye ya cilya. Kabili nga tacalembwa muli Baibele, Lesa aleminina kunuma ya cena apaliponse, nga cena Cebo cakwa Lesa, mwamona. Kabili elyo nga cili kunse ka cilya, cilasokololwa kuli bakasesema. Ifwe tuleiluka ukutila inkama shonse ishakwa Lesa shilalengwa ukwishibikwa kuli bakasesema kabili bena fye beka. Amose 3:7.-----
Nomba, ilyo Mwana wa mpaanga aiswile Icikakatikilo ica Cine.... Lekeni twiminine palya nombaicikakatikilo ca cine. Nomba nani uwaiswile cena? Umwana wa mpaanga. Bushe kwaliko naumbi uwali uwalinga? Takwali nangu umo uwingacicita. Iyo. Umwana wa mpaanga aiswile icikakatikilo ca cine, kabili ica Mweo icalenga cine (icibumbwa ica mweo icapala nga kapumpe), asosele kuli Yohane, “Isa mona ifyo inkama iyalenga cine ye pange lya kulubula iyo yafiswa muli li Buku,” pamulandu Umwana wa mpaanga aleisula Lyena. Mu mashiwi yambi, filya efyo ena alesosa. “Kuliko inkama iyalenga cine pano. Ninkulangisha mu cilangililo.” Nomba Yohane, nshishibe nga cakutila na wiluka Yena atemwa iyo, lelo ena alilembele ifyo amwene. lelo cali ni nkama, e ico alilembele ico amwene. Umwana wa mpaanga alekakatule fikakatikilo, kabili Lesa nalyo line tali no kusokolola fyena. Fyena fyashililwe ku nshiku sha kulekelesha, Mwamona.Nomba, twalikwete ifilangililo, kabili twalifwailisha pali cena, kabili no kucita ifisuma nganshi inshita shimo, mwamona. Lelo twalishiba Cena calitwalilila ukuya pa ntanshi. Lelo nomba, mu nshiku sha kulekelesha ifwe kuti twalolekesha kunuma no kumona uko Cena cabelele. Kabili cilya calingile ukucitwa kulya ku mpela ya nshita ya lukuta, lintu fye ukusendwa takulacitika.
Ifyo uuli onse enga senda ulukuta ukuya ukupita mu nshita ya Bucushi, nshaishiba. Lelo... cinshi ico Lwena luli no kupitila mu Bucushi, ilyo Lwena talwakwata ulubembu? Ndepilibula... Nshilepilibula ulukuta; ulukuta lukapita mu bucushi. Lelo ndelanda palwa kwa Nabwinga. Nabwinga takwete ulubembu pali cena nakalya. Lwena lwali sangululwa, kabili tapaba nangula icena ica lwena-nangu cimo icashalapo. Bena balipwililika ku cinso cakwa Lesa. E ico cinshi ubucushi bwinga sangulula bena? Lelo bambi bakacita. Ulukuta luleisa mukupita mu bucushi; lelo te nabwinga.
Nomba, nomba twalisendele cena mu misango yonse iya filangililo nomba kwati.... ulukuta, Noahicipasho cabasendelwe-baile mulya mu lubembu, mwamona. Nomba bena bali pitile mulya, lelo Enock alile intanshi. Cilya cali icipasho icaba mushilo abo abakengilamo ilyo nshita ya bucushi tailafika.-----
Nomba moneni, tapali nangu umbi uwaninine... tapali bakabalwe bambi, atemwa inshita imbi iyo uyu uwaikele atalile ukunina, bena tabakwete... ulyo muntu takwete ishina. Lelo nomba ena aleitwe Imfwa. Cena tacalumbulwa.... Ena nasokololwa nomba. Ifyo ena aba, ni mfwa. Cisuma, ifyo twingekala pali cilya pa mbila no kucilenga ukuba palwalala! Lelo icintu cili conse ico caba munkanya, ico caba icakususha icintuntulu, cilingile ukuba imfwa Pantu kwaba fye ifintu fibili. Cilya caba umweo ne mfwa. Kabili cilya cileshininkisha ukutila ubusokololo ubwa Mupashi wa Mushilo ubwa ici muli buno bushiku bwaba fye filya fine icine. Munkanya, ena ni mfwa, Pantu Icebo (nge fyo twalaisa mona pantanshi apa) cena Mweo, Mwamona. Kabili uyu muntu aleitwa Imfwa.-----
Nomba, moneni. moneni muli Baibele umu. Cena cisosa ishina lyakwe lyali ni Mbo... Ndepilibula ishina lyakwe lyali Imfwa, kabili kumbo kwale mukonka. Nomba, ku mbo lyonse kukonke mfwa mucifyalilwa. Ilyo muntu afwa uwa cifyalilwa, ku mbo kula mukonka. ilya ni nshishi, imanda, mwamona. cilya mucifyalilwa. Lelo muli bumupashi, cena ni bemba wa mulilo, mwamona. Cisuma. Kupatulwa ukwa muyayaya, uko bena bocewa. Kabili Malaki 4 itila takwakabashile umushila atemwa umusambo atemwa icintu icili conse. Cena musango isonde lyakwata ukuisangulwilamo iline nakabili pa mulandu wa Millennium, Mwamona.-----
Moneni. Ni cinshi uko ici conse cileisako? (Nomba, tukwete fye nalimo ikumi limo na yabili atemwa ikumi limo na fisano ama miniti pano, Ndemona.) Lolekesheni uko ici conse cilefumina. Cena ni cinshi? Cena cilebwelelamo fye umusango cacitilemo. Cena catendeke mu mulu. Cena cileisa ku bulwi ubwa nshita ya kulekelesha. Icintu ca ntanshi mu mulu kwali ubulwi. Lusifa alitamfiwe kabili aishile pe sonde. Elyo akoweshe Edeni. Elyo ena alekowesha ukutula lilya.
Kabili nomba, ukufuma ku bulwi mu mulu, cileisa ku bulwi pe sonde, kabili buli no kupwishiwa pe sonde pa nshita ya mpela mu bulwi ubwitwa Amagedon. Uuli onse alishiba cilya. Ubulwi bwatendeke mu mulu. Uwa mushilo, e ico bali batamfishe. Mikaele na ba malaika bakwe bali bacimfishe kabili... bali mubutwishe. Kabili ilyo bacitile, aishile ponena fye mu Edeni, kabili umu ubulwi bwalitendeke mulya.-----
Nomba, ubulwi bwatendeke mu mulu. Bwena bukapwishiwa pe sonde mu musango wa Amagedon. Nomba, lekeni tulolekeshe no kumona cena ukufungululwa. Nalimo ifwe kuti twafungulula cena. Shikulu atwafwilishe ino ine nshita ukucicita ici nomba. Lolekesheni cena ukufungululwa.
Uwaninine uwakupapusha (lolekesheni ifyo alecita nomba) ukukanya, alikene ukulapila kabili ukubwekelamo ku Cebo ca mulopa ica ntendekelo. Icebo caishileba umulopa no mubili. Alikene ukubwelela kuli cena. Ena ni munkanyakristu. Nabwinga uwa cine uwa Cebo.... Ena alasusha nabwinga uwa Cebo ica cine. Ena alesenda nabwinga wakwe umwine (ena alekanya uyu nabwinga uwa cine), kabili ena alesenda nabwinga wakwe umwine no kuleta wene kuli wena mu musango wa bukapepa uwitwa icisumino ne fishilano, mwamona.
Kabili nomba, ukumona nabwinga wa mushilo, ena alesusha wena. Lelo ena alepanga nabwinga wakwe umwine-uwitwa munkanyakristu-ku kusambilisha kwa munkanyakristu, ico caba icapusana kuli Kristu. Mwamona ifyo aba uwacenjela? Kabili nomba, mu cifulo ca kukwata ukwampana kwa kutemwa ukutungulula ukupepa ukupitila mu mulopa, ena nakwata icilonganino. Mu cifulo cakukwata Icebo, ena asendele ifisumino, ifishilano, kabili na fimbipo.-----
Moneni... ...ukulongana pali kabalwe wabo uwabalala, mwamona. ena alelonganya icintu cakwe capamo ukusankanishiwa ne fisumino, icilonganino, amasambilisho ayapangwa no muntu. Bushe co cishinka? Mucine, ukubalala ukwasankanishiwa-ukubalala ukwasankanishiwa ku wafwa, kabalwe uwabutulukila uwe sonde. Nomba, cilya cishinka-ukubalala ukwasankanishiwa kwa cintu icafwa, mu musango wamimonekele ye sonde wa kabalwe uwa butulukila. Owe, mwe! Takuli umulopa uwa mushilo uwa Cebo nakalya.
Kabili moneni, ukufuma ku fifutu fine ifye sonde, bena balebalonganya. Balebalonganya kuli Amagedon, Baibele efyo yasosa. (Ndeesha ukutontonkanya pa malembo. Ifwe natuyalemba pano. Ine nshileyalumbula lelo palya... epo yalembwa-ukumona ifyo yaba.) Ukubalonganya capamo ku bushiku ubukalamba ubwa bulwi ubwakwa Shikulu Lesa. Moneni!-----
Nomba, aba bali pano ukuilunda abene capamo, ukwisa kuli cilye cilangisho, kuli Armagedon, no kunina pali kabalwe uwasankanishiwa amabala-na umo kabalwe uwa buta, umo kabalwe uwakashika, umo kabalwe uwafita-batatu abapusana amaka ya mapolitiki... Bupolitiki bwamaka, ya bumupashi ukutungululwa na maka ya ngulu ico cili munkanyakristu. Ukusankanya cilya capamo, kabili imwe na mukwata uwabutulukila, icintu icilemoneka-icilwele eco ena anininepo. Clya cishinka. Nomba moneni. Lolekesheni ico ena anininepo: ici cilemoneka icabutulukila, kabalwe uwa mabala mabala, ukusankanishiwa ne ca fita, ukukashika, no kubuta, ukwisa kubulwi, ukulonganya abantu bakwe ukufuma ku nko yonse mwi samba lya mulu.
Bushe Daniele tailwile iciloto kabili alimwene kulya ukusalangana kwa cela ukuya mu bufumu buli bonse, ubwa Rome? Aba baleisa, ukulongana. Nomba, ikaleni ifyo fine mukwisala pali miniti, kabili umfwikisheni. Bena balelonganya nomba ukucicita, ukuleta abantu bakwe ukufuma ku fifutu fine fye sonde, na nina pa wabutulukila, umulwele, uwa mabala yatatu kabalwe uwasankanishiwa-umuntu umo wine.Belengeni mu ili buku...
Icikakatikilo ca Cine.
