Ebalasit lokirionon.

William Branham.

Naka oitabo... Aipucet Nakiuniet.

Wu, Edeke, kingarakinai sio. Kiponi oni cut apaikin ne. Edeke, kingarak oni kaanyutu kwana, nges akailip, kwape kiponia oni kwana, naarai mam eong akoto aisiyap yes noi. Kingarak oni Edeke tetere kianyuni. Eyuunit eong, katicipak, Emoyo kama wok ejai cut kopekwana ebe ebuni Ngesi aingarakin oni apukokin- apukor aipucet na.

Aso kasiomata do oni kasesenete ejautene loejai ekanisa toma. Kianyuni oni nesek kejai Ngesi-kianyu nuapotu kwi kiswamata, kianyu neabeit ibore ngin abunore,- kaanyutu ngin kangina, ido kaanyutu ngun nuabeit ngul aiswamaun. Apotu ngul kiswamautu cut ngupengun. Kwana ianyutu yesi nekija oni? Kotub do ijo akiro. Mam eong apedori aitub. Ekamunit bon eong nu ayangaun Akirot na. Cut koipone kaloejaikinere Ngin mamakang, apedori eong da aijaikin Nges. Aitodol naijaikinere ngin mamakang, mam eong apedori aijaikin Ngin. Emamei idio icie yenepedori.

Naapukoria ngesi aipucet nakiuniet, keira lokajaran lokiwuniet ebala ebe, Bia! Kaatiy ido koany, ebalasit lokirionon, kejai ekebwanenitonike aitemis akanike.
Keira bala eporoto kokiding lukajarak luongon ebala ebe, Aitemis naka akiria naka adenari, ka aitemisio auni nuka esairi nuka adenari, kwabo mam imunaari akinyet karaida ebino!

-----
Kwana kosesen nekija oni akware na-atur nace ngin naka ekanisa kwana. Kijesun kwana oni kitoni atur nakiwuniet naka ekanisa kwana. Kwape ejaatar cuticut kotoma atur nakiwuniet eputosi cuticut kede ka ebalasit lokiwuniet.
Atur nasodit naka ekanisa kerai inyo?- kejaatar Inikolain ka nuikisisianakina, ngin nges nasodit. Ejok kere. Kosodi konyet ibore yenisodit ijeni ijo abu aisisianakin naka Inikolain na, aponi kocamakinai ido kedolit ngin- kolosi toma aswamisioit. Kitanapikinete kesi ekesa lo aboko. Kanen do emoyo lo, lokaasurup loka Kristo, abu konapak akuan kotoma etunganan. Ido kadumunete oni ekaulo ebe araun ngol satan enapit akuan, ngesi da. Enyouni emoyo lokaronon awai, ido kolomuni satan toma.

Ido cut kwape epoloo ekanisa ngol loka lokasurup loka Kristo, kwape kwangin nges abunio Ateran da nepepe ka aisiteteunio, aitojokio, aitalaunio, ka Aibatisao naka Emoyo Lokalaunan ido kolosi cut inyikokit - kilema bon ebe adautu kesi ayangaar aisikwarunio kec naka Emoyo agea, ido Ekanisa eyangari ngin ekaulo.

Ikar iuni lusodit... Adoketa kec auni nusodit apotu kitoroto Aturio nuka Amuton, kosodete konyet adoketa auni nukiuniet kolomuni Ekanisa kinga kamaejai aitojokio, aitalaunio ka Aibatisao naka Emoyo Lokalaunan Edeke iboie kotunganan itodiaritai bobo kokidingiwok.

Kane elomuni ngesi kwape lokasurup loka Kristo, kwape enabi lokaingal, kosodi konyer etiang, kosodi konyet Atur naka Amuton. Kosodi konyet Ekanisa alomun kinga kama kAtur kangin naka Amuton- aitojokio, aintalaunio, Aibatisao naka Emoyo Lokalaunan, Akirot enapit akuan, ikeyuunan; ido ijesar je kwap. Ijesar ngesi kwap, ido Ekanisa elosi kuju. Erai ngin naibecokono cut kwape epedoria. Oh, ibus. Amina cut eong ngin.

Ekebwanenitoni lo ngesi jepeje konye kotoma adoketait ace naka aijaanakinike. Adoketait nasodit- ebalasit loakwangan. Kerai bon ngesi ekesisianakinan, ekesisianakinan loerai bon lokasurup loka Kristo- asurokinit ngesi Akirot naka Edeke. Eipone ali lo ipedoria ijo araun yenikasurup yenika Kristo? KANGINITUNGANAN YEN EPEGI EBE NGINIKIROT KERE NAKA NA... MAM ERAI NAKAABEIT IDO IBURAI TI AISISIANAKIN KWAPE EJAAR ERAI YENIKASURUP YENIKA KRISTO, naarai egiritos kes Akirot, ido erai NGESI Akirot.

-----
Kwana, ena kane aiyeiyea naka ngun. Boboda kwana... Neabu Ngin kopukokinor mamakang atupuruc na eringa akwap kiwalaria. Kasodi do eong aiwonyar atipet mama ejaas Nuiwadikatai Obaibuli kasodi ageun angoliar- amoun Ngin. Kejai ngin nen. Auni kotomakec kes adaun apukor koipone loerai cuticut eiswamae loka Edeke. Kwana ena kane aiyeiyea naka ebalasit lokirionon kwape ejaatar nuaponi kapukokin eong.

Ageu ngol aiteker ngin kotoma apak naka Aturio Nukamuton. Ngun kes kebwoikinit ebalasit lokirionon -Aturio Nukamuton- naarai kerai ngin apak naka kiding kuare mama kejaasi ikeyuunak lukabeit luapotu koosikisi. Kosesen do kwana kotoma atur ngin naka ekanisa- atur ngin naka ekanisa nakokiding- atur naka ekanisa namutono. Kiteu kwa ebalar ngesi, “Ijaatar ijo kagogong bon naedit.” Kerai kiding kuare kama ajaasi kesi kanuka ikeyuunan yenikabeit.

Kwana, kiteu. Koraasi cut nueswamauna kedaunitai amuno kere alemar kama ajai ekanisa loka abeit naarai ekesa lo ayait ngesi aimoriarit ekanisa ka apugan da. Nunyoika do elosete kesi aswam? Iany? Kedaunit Eitulikane aikamar ayaite ekanisa ka apugan kaimoriarit, ido kere lumam kecamanara nepepe ka Eitulikane aario. Ngun nges ebwanenitor Ngesi ebalasit lokirionon. Ido kiteu ibore yenirionon biai yen abu ngesi kiswamau, nges konyet ianyuna ijo. Arai cut ikon ijo... Arai ijeni ijo akiro nueswamasi kolosek, kiteu ngin. Aso, mam ber ijo ibusakinit aijen ngun tetere ijenuni na.

Kwana kosesen. Kedaunit amun kere anyoun pit- ngol nges ebalasit ke lokirionon. Aso abu nges koker kibwanenite ebalasitike loakwangan, emodana; kosodi konyet aponi nges kijaikinai apedor kosodi alemar ainapakin- kotubutub imilionin. Ngun kes nualosikinit ngol aswam kwape akeria ngesi angetakin; ido eringa ngesi iswamai ngupengun. Iany? Kwana, ngesi lo kane ibwanenit ebalasitike lokirionon, kwana, euta alomun.
Atur naka Amuton- kerai apak ngin ngesi ngin, bala cut kotoma apak nadaunia ekanisa asipokin kosodi ageun aipuga, apotu kesi kimidicasi nginibore kere ido koloto kwangin adaun bala akwat ka akwat ka akwat nuka ikar kwape ejenia nginikasioman kere ebe keraasi ngun Aturio nuka Amuton.

Kwana, adaun amun kere, emamei amun cut- kanginibore kere atakani emutono kama ejaasi ikeyuunak ngul ludis. Aso, erai kanuka angun nges enyaritere kes... etodiaritos ebalasit lokirionon. Kitingite aitemisioke araibo nat imisaninike kakaninike, koany ijo, kiworotoi, “Aitemis naka akiria naka adenari, ka aitemisio auni nuka esairi nuka adenari.” Kaitebeikin erai ngin... engano nepepe ka esair eraasi kasubunet luiswamanara nepepe ka aijar. Ngun nges iswamaunete emugati ka iceboro da. Konye koany ijo, auta ekesa lo aitatac kanu angun. Apolou kangin- ebe auta ngesi aitatac luepugat ngesi kanu eipone loka amun naka aijar na auta ngesi aiyakiarit kinga mama kec kanu aitaraun... abu ekesa je kogeu kotoma apak kangipekangin aitac kanu ailip- aitatac kanu ailip. Eringa kesi iswamaete ngin- ailipasia nuka novenas. Naarai, nunyoika nuauta ngesi aswam?- aikamar abar naka akwapin kere. Euta emisani aipimaun aitemis naka akiria naka adenari ka aitemisio auni nuka esair nuka adenari.

Ekebwaneniton ebalasit lokirionon, (koany) auta ngesi aitaraun... auta ngesi ademar itunga luepugat ngesi apesan kec, naedwaritor Ebaibuli ebe itingit ekesa ngol abar kere naka akwapin. Kwape kipou oni katemariata akuare nabian kanuikamunitos Russia ka ngun kere-eyangarete cut kesi apesan kere kosodete cut ademar itunga nginibore kere yenejaatar. Aso bodo konyet ijo.

-----
Koany... Ena kane atutubet najokan kwana. Koany, “Kwabo mam imunaari ebino lo ka akinyet da.” Erai cut edio tai loideuna, onac. “Siri ijo kitiro ngol.” Aso, akinyet erai aitejenunet naka Emoyo, Emoyo Lokalaunan.
Abuni eong aijaikin yes ikokoron idis arai ikotosi yesi, iwaitin idis luka Nuiwadikatai Obaibuli kotoma Ilebin 8:12, neabu Aaron, eringa nes kelomara toma ajai nges ainyonyoikinio kakinyet, ijenete bo yesi; kosodi Sakaria 4:12, nuka akinyet ebuni, ebukitoi kamodoi ido kobala, “Lo nges Emoyo Ka”- akinyet. Ibore bobo ice nges yenita arai ikoto ijo aanyun kotoma Mataya 14:25, ajai abekot nabang (25:3) abekot nabang amameatar ka akinyet, amameatar k'Emoyo. Kosodi Matayo 25:4, abekot nakepiriana kejaatar kakinyet otaalaike, elelebas k'Emoyo. Emoyo... akinyet itupusit Emoyo. Oo aibuses! Idumutu yesi ngin? Ejok kere.

Aso akinyet itupusit Emoyo, ido ebino itejenarit aisinyikokinet naka apukokinio. Ijoba, akoto eong bala ti aker airimor aiboisit kere! Erai na aumokin ebe mam eong abu ketwekeny idunyeta kapak kana abu Ejakait ketodikinia eong ngun. Aisinyikokinet naka apukokinio, koany. Akinyet nepepe ka ebino eupanara nepepe kotoma Obaibuli, duc. Nges eong alemun e concordance [araiboot eitabo loemounenere iwaitin luka Nuiwadikatai Obaibuli- Ekej.] kasodi aimo, ido ejai cut ekokoro kec loetia neta, neeupatar ebino ka akinyet nepepe kanginipak kere. Iany?

Kedaun Abeit naka Akirot naisumunitai naka Edeke kotoma abeit apukokin mama ejaasi ikalaunakaKe lu ilelebas ka akinyet, edumunete do kesi kere aisinyikokinet. Ebino erai ibore yen isinyikoikini. Aibuses, apupi eong ngin kopekwana!- aisinyikokina kede ka aiyalama ka acalanar. Ido naiswamauna ngin, eputos nuiswamai ngin kamaejaasi ngul kwape nuiswamai ebino kamaejai etunganan loetupit nuka akuan; naarai kapak naedaunere apukokinio aijaikin naka naerai Abeit naka Edeke ido ikeyuunan yen kabeit yen ilelebas kakinyet kosodete apukokinio apukokin, eraun aisinyikokinet naepol noi kwanign ebe einakini nges aikon bala mam engalei. Abeit ngun. Aibuses! Katicepak ngin nges ationis na ejaatar kesi kwana. Abeit ngin. Iduporit ngin kes iswamaete ikulepek bonik koipone kalomam ibusakinit.

-----
Ne abu eong kaanyunia ebe esumunit Edeke aiswamaun icebore kotoma apaaran kana, neabu Ngesi kisumunitor abilanar Aipuceta nu awai kotoma apaaran na nakwasia, kwabo komam ijo ijeni aiyalama ngin, aibusesu ngin, neabu eong kaanyunia Nges epukori na. Aibwo kangina kasodi asesen ngun iswamaunos, ido ajeni eong ebe abuni eong ayangaar imodiotunganan kere araibo nat aingitaar ngol, ebe mam Nges kilimokinitor oni imodiobore dimarai nupe cut apotu kojaunos koipone kangopekangol. Kosodi konyet aanyun aiyalama naejai toma otauka nasesenia eong aisumunet Ke naka apaarasia kanu nukawasia kwape abu Ngesi kisumunio aiswamaun ngin, ido kane aseseni eong ngin itigogongitai kosodete aitaraun ngin naitekoro cut.

Arai kipuputu yesi eong atemari ebe, “Apupi eong bala ti kekunyak mama ejai Edeke,” erai kanukangun. Aisinyikokinio erai ibore yen etiono kwangin, cut bala akapakina alosit atubutubun, ijeni ijo- aisinyikokinio naelomuni kama ejai apukokinio.
Ejok kere. Apotu kesi kodumutu aisinyikoikinet kwangin kamaejai apukokinio ebe apotu kesi kitogogongoto aisumunet ngin. Oo, ikatuan! Kangina abu kobulun kinga aiyalama ngin naka aisinyikoikinio kitoni itunga atemar ebe, “Emerasi ngul ebino lowinyiwiny,” neabu Edeke kopukokinia aisumunet Ke mamakec, ido mam bon Nges epukorit ngin, konye abu Ngesi kitogogong da ngin kwape na abeit. Ngun kes nupe duc alimununei eong: “Epedori etunganan alimun idiobore, (erai bo cut ngesi loetapit einer idiobore) konye nairimunio Edeke kosodi aitigogong ngin...”

Aso abala Ebaibuli ebe, “Arai ejai kidingikus idiopet yen ebala ebe erai yenikomoyo araiboot enabi, arai kiner ngesi iboro lu kosodi komam itodolikinos, mam konyet do ipupokinete ngol. Siri kiyongata ngol nepecep da. Sirikiyonga etunganan ngol. Konye arai kiner ngol ngin kosodi aitodolikin... erai Eong ngesi ngol;” Abala Ngesi, “Ajai Eong toma kangun. Itodiaritos ngun kanukinyo eraar ngin Eong.”

Naka oitabo... Aipucet Nakiuniet.

Konye ebuni apaaran naka Ejakait kwape ekokolan, kosodi edaun akuj kagat naepol, ecalaros nugeet kamwanis kanaidopit, kosodi icweio da akwap ka aswamisio nuejaas tomake.

Aso naarai ecalaros iboro ŋul kere kwaŋin, ibusakinit yes ajaun biai kotoma oponesio lukalaunak ka ayoŋit Edeke,

2 Petero 3:10-11