Akamanyiso Ka Kana.
<< prev
next >>
Embaraasi kisa.
William Branham.Read the full account in...
Akamanyiso Ka Kana.Hati, ningyezaho oku ndikubaasa hati, kandi obu ekintu, eky'omunda, omuriitwe, Nikikora n'amaani kureebeka. Kandi hati twaza kugyezaho, ogu mwebazyo, ahabw'embabazi za Ruhanga, kukwata Akamanyiso ka Kana aka, reero tureebe eki Omwoyo Orikwera araije kutugambira, Omuriko. Hati naaza kushoma e-ekitabo ky'Okushuuruurwa, eshuura ya 6, kandi kutandika n'omushororongo gwa 7; ogwa 7 n'ogwa 8. Buriijo n'emishororongo ebiri; ogw'okubanza n'okurangirira kandi omushororongo gwa kabiri n'eki yaareebire.
Ku yaabambwire akamanyiso ka kana, naahurira eiraka ry'ekihangirwe ekya kana-ekya kana nikigira kiti: Ija (oreebe)!
Ku naimukize amaisho, naareeba embaraasi kisa, n'owaabaire agishutamiho (owaabaire ashutami) akaba naayetwa Rufu, Okuzimu... yaamukuratira, baaheebwa obushoboorozi aha bicweka bina eby'ensi okwitsa abantu rurara n'enjara na rufu n'... enyamaishwa mbi z'omu nsi.Hati, Mukama atuhwere hati kwetegyereza Eki. N'enaama.
Hati, okurabyamu amaisho kakye, kugaruka enyima, nk'oku twakozire obusingye bw'ekanisa, abatembi b'embaraasi aba kandi n'aba abarikubambuura Obumanyiso obu. Hati, n'ahabw'ekyo nitukitunga omu biteekateeko byaitu, tugambeho kakye okuhitsya obu turaayehuriremu ngu nibwo bwire obuhikire kugamba. Hati, twetegyereize hati, ngu okubambuurwa kw'Obumanyiso, ni Ekitabo kikomirwe ky'Obucungunzi. Reero Ekitabo kizingirwe nk'omuzingo, nk'omuringo ogwa ira oku gwabaire guri. [Ow'eishe-emwe Branham yaayorekyerera okuzinga n'okukomwa n'akamanyiso kw'omuzingo, naakoresa empapura -Omur.] Kikaba kitari kitabo eky'omuringo ogu; 'habw'okuba eki kitaahiremu juba, ebitabo eby'omuringo ogu, omu kuhereeruka, oo, ninteebereza emyaka kikumi na makumi ataano, nari ekintu nk'ekyo, magana abiri. Kandi bwanyima bakaba baguzinga, bwanyima batsiga aha muheru hatazingire. Nk'oku mbagambiire oku kyabaire kikorwa, kandi n'Ebyahandiikirwe, ah'okubishanga, kandi n'omuri Yeremia, n'ebindi nk'ebyo. Bwanyima ogundi gukaba guzingwaho, reero omuheru gukaba gutsigara gutazingirwe, kandi nagwo nka batyo. Kandi buri gumwe gukaba guri Akamanyiso. Kandi kikaba kiri Ekitabo ekikomirwe n'obumanyiso mushanju, kandi kikaba kiri... Tihariho n'omwe... Ku baabaire... Kikaba kiri Ekitabo ekikomirwe n'obumanyiso mushanju ky'Obucunguzi. Munsaasire.
Kandi, bwanyima, tihariho n'omwe omu Iguru nari omu nsi, nari ahansi y'ensi, owaabaire ashemereire Kukishuuruura nari n'obu kwakuba Okukireebamu. Kandi Yohaana akarira, ahabw'okuba akaba atarikubaasa kubona omuntu weena... Ahabw'okuba, kuri Ekitabo ekyo kitariihirwe omu mukono gwa Nyinakyo owaabandize ...Ahu, Kikaba kinagirwe Adamu na Haawa, kandi kyagarukayo, bwanyima y'okufeerwa obugabe bwabo bw'Ekigambo, okuragaanisibwa, obuhunguzi bwabo. Bo, mwijukye, nibategyeka ensi. Adamu akaba ari e-akaba ari ruhanga omukye, ahakuba akaba ari omwana wa Ruhanga. Kandi omwana wa Ruhanga ni ruhanga o-o-omukye. Hati, ekyo tikitaine n'Ebyahandiikirwe. Nimmanya ekyo nikihurirwa kiri eky'omutaano. Kwonka Yesu akagira ati, “Ku muraabe nimweta abo, abaiziirwe Ekigambo kya Ruhanga...” Kandi Ekigambo kya Ruhanga kiizira baahi? [Abateeraine baagira bati, “Baanabi.”- Omur.] Baanabi. “Ku muraabe nimweta abo, abu Ekigambo kya Ruhanga kyaiziire, 'baaruhanga,' nimubaasa muta Kuncwera orubanja ku Ndaagire ngu ndi Omwana wa Ruhanga?” Mwareeba ?
-----
Hati, ekiro kya nyomwabazyo tugizire okubambuurwa kw'A-kw'Akamanyiso ka Kashatu. Ey'okubanza ekaba eri embaraasi erikwera, kandi erikukurataho ekaba eri embaraasi erikutukura, reeru embaraasi erikwiragura. Kandi nitushanga ngu abatembi b'embaraasi bakaba bari omutembi ogwo omwe, obwire bwona; kandi ogwo akaba ari antikristo, eky'okubandizaho. Akaba ataine-ataine ekirunga, kwonka akakitunga bwanyima. Kandi bwanyima nitushanga ngu obunaku obwo akaheebwa rurara, kwiha obusingye omu nsi, kandi nitushanga ngu ekyo akakikora. Bwanyima akataahamu n'ebigunjano by'ediini eby'okuha, ekanisa esente, ahabw'okupima edenaari emwe ahabw'eki, kandi edenaari ibiri ahabw'ekyo. Kwonka akazibirwa kukwata aha Majuta na viinyo, ebyabaire bitsigaireho bikye. Kandi bwanyima nituha, tutsigire ekiro kya nyomwabazyo, n'eky'okureeberaho eky'eki Amajuta na viinyo byabaire biri, kandi n'Eki byabaire nibikora. Kandi nitu... Nikibaasa kuba kyahuriirwe kubi, kwonka ni... buzima kyo n'Amazima. Mwareeba?-----
Mwijukye, Amazima ku garikushuuruurwa, Amazima nabwo nigahamibwa. Ruhanga, obutoosha, n'obu omuntu yaakuba orikwetegyereza oku arikubaasa, oku yaakubaasa kugira obwengye bwingi omu biteekateeko bye; Ruhanga yaaba atahamize eki arikugamba, hariho ekintu ekishobire. Mwareeba? Kihikire. Habw'okuba, n'Ekigambo. Hati, Musa ku yaagiire aheeru okwo naakoreesibwa Ruhanga, akagira ati, “Reka enshohera ziije.” Enshohera zaija. Akagira ati, “Reka ebikyere biije.” Ebikyere byaija. Mwareeba, kuri yaagizire ati, “Reka enshohera ziije,” haza zitaije? Mwareeba, obwo-taragambire Ekigambo kya Mukama, mwareeba; akagamba kwonka, akagamba ekigambo kye ahabwe. Naabaasa kuba yaateekateekire ngu hashemereire kubaho enshohera. Kwonka, tiha-tiharaizire nshohera yoona, ahabw'okuba Ruhanga akaba atamugambiire atyo. Kandi Ruhanga yaakugambira ekintu kyona, kandi akagira ati, “Irooko ogyende okore eki, kandi ninza kuba buzima ndi nakyo, ahakuba eki n'Ekigambo Kyangye,” kandi Naakyoreka omuri Baiburi, bwanyima Ruhanga ahonaaho ekyo akishagika. Kandi ku kiraabe kitahandiikirwe omuri Baiburi, Ruhanga akishagika, omu muringo gwona, ku kiraabe kiri Ekigambo kya Ruhanga. Mwareeba? Reero ku kiraabe kiri aheeru y'ekyo, nikishuuruurirwa baanabi. Nitwetegyereza ngu enaama za Ruhanga zoona nizimanyisibwa baanabi, kandi bo bonka. Mwareeba, Amosi 3:7.-----
Hati, “Omwana gw'Entaama ku yaabambwire Akamanyiso ka Kana.” Reka turekyere aho hati. Akamanyiso ka Kana, hati, N'oha Owaakabambwire? Omwana gw'Entaama. Hakaba hariho ondiijo weena owaabaire ashemereire? Tihaine ondiijo weena owaabaire naabaasa kukikora. Ngaaha. Omwana gw'Entaama akabambuura Akamanyiso ka Kana. Kandi E-Ekihangirwe ekya kana, Ekihangirwe ekiine amagara ekirikushusha empungu, kyagambira Yohaana kiti, “Ija, oreebe eki enaama eya kana ya puraani y'obucunguzi, etuura esherekirwe omu Kitabo eki,” 'habw'okuba Omwana gw'Entaama akaba Naakishuuruura. Omu bigambo ebindi, ekyo nikyo yaabaire naagamba. “Hariho enaama eya kana hanu. Naagibooreka, omu kirikushushanisa. Hati, Yohaana, tindikumanya yaaba Mukyetegyereize, nari Mutakyetegyereize.” Kwonka, ebi yaareebire akabihandiika, kwonka bikaba biri enaama. N'ahabw'ekyo, akahandiika ebi yaareebire. Omwana gw'Entaama akaba naabambuura Obumanyiso, kandi nabwo Ruhanga akaba atarikuza Kubushuuruura. Bukatsigarira ebiro eby'aha muheru. Mwareeba?Hati, tutungire ebirikushushanisa, kandi tukishwijumire, kandi tukozire kurungi obumwe n'obumwe, mwareeba. Kwonka nitumanya ngu Kigumiizemu kishorongire. Kwonka hati, omu biro eby'aha muheru, nitubaasa kuranzya enyima kandi tureebe ei Kibaire kiri. Kandi ekyo kishemereire kukorwa, ekyo, aha muheru gw'obusingye bw'ekanisa, Okutwarwa kutakabaireho. Oku omuntu weena arikubaasa kugira ngu Ekanisa neeraba omu Kubonabona, tindikumanya. Kwonka n'enki Ekirikugirabya omu Kubonabona, kunu Etaine-etaine ekibi? Nimmanyisa... tindikumanyisa ekanisa; ekanisa neija kuraba omu Kubonabona. Kwonka ningmba aha Mugore. Omugore, ngaaha, Taine kibi Aharikyo, na kakye. Kimuhweiremu, kandi tihariho nangwa n'e-n'e... Tihariho nangwa n'akanuuko kaakyo, kandi tihariho ekitsigaire. Bahikiriire, omumaisho ga Ruhanga. N'ahabw'ekyo Okubonabona kwona n'okw'okubashemezaho ki? Kwonka abandi bo nibaraba omu Kubonabona. Ekanisa yo neeraba omu Kubonabona, kwonka atari Mugore. Hati, hati tukirabize omu birikushushanisa by'emiringo yoona hati. Nk'e-ekanisa, Noa, ni eky'okureeberaho ky'abo abaarabiremu, akahereerukira omu kibi. Mwareeba, hati, bakarabamu. Kwonka, Enoka akabanza kugyenda, ekyo kikaba kiri ekishushani ky'abarikwera abaabaire nibaza kutaahamu, kandi obunaku bw'Okubonabona butakabaireho.
-----
Hati aine eiziina eririkwetwa Rufu. Hati mwetegyereze. Tihariho n'omwe omu batembi abandi, tihariho n'emwe omu mbaraasi ezindi, nari tihariho bwire obu omutembi ogu aratembire embaraasi, bakaba bataziine; ogwo muntu akaba ataine iziina. Kwonka hati naayetwa Rufu. Tikigambirwe. Mwareeba? Ashurwirwe hati. Eki ari ni rufu. Mbwenu, ka twakubaasa kukyerererwa ahari ekyo nk'eishomo, kandi tukakishoboorora gye! Kwonka ekintu kyona ekirikuhakanisa, ekirikuhakanisa ekirikyo, nikiteekwa kuba rufu. Ahabw'okuba, hariho ebirikugambwaho bibiri, ebyo ni, Amagara na rufu. Kandi ekyo nikihamya ngu okushuuruurwa kw'Omwoyo Orikwera ahari eki, omu biro ebi, n'Amazima gonyini. Orikuhakanisa, ni rufu. Ahabw'okuba, Ekigambo, nk'oku turaije kureeba hanu bwanyima, n'Amagara. Mwareeba? Kandi omuntu ogu naayetwa Rufu.-----
Hati Mureebe, mureebe omuri Baiburi hanu. Kikagira ngu iziina rye rikaba riri Okuzimu, kandi... Nimmanyisa: ...eiziina rye rikaba riri Rufu, kandi okuzimu yaamukuratira. Hati, okuzimu buriijo ekuratira rufu, omu mbeera z'obutoosha. Omuntu ow'obuzaarwa bw'omubiri ku afa, okuzimu emukurata; ekyo nikyo kituuro, okuzimu, mwareeba, ekyo n'omu mbeera z'obuzaarwa bw'omubiri. Kwonka omu by'omwoyo, n'Enyanja y'Omuriro, mwareeba, ni kirungi, okuza omu kutaana Okutahwaho, ei barikwokibwa bakacwekyerezibwa. Kandi-kandi Malaki 4 hakagira hati, “Nangwa tiguribatsigira bitsintsi, nari eitaagi, nari ekintu kyona ekindi.” Nigwo muringo ogu ensi eine gw'okweshemerezamu omurundi ogundi, ahabw'Okutegyeka kwa Kristo kw'Emyaka Rukumi. Mwareeba?-----
Mwetegyereze. Eki kyona nikiherera hi? Hati, twine edakiika nka ikumi na ibiri, ikumi na ina hanu, ninteebereza. Muranzye ei eki kyona kirikuherera. Niki? Nikigyendera kimwe kigarukayo omuringo ogu kyakozire, kandi kikatandikira omu Iguru. Nikihika omu rutaro rw'obwire bw'aha muheru. -Ekintu ky'okubanza, omu Iguru, hakaba hariyo orutaro. Lusafeeri akanagwa aheeru, kandi yaija omu nsi. Bwanyima yaashiisha Edeni; kandi atwire naashiisha okwiha obunaku obwo. Kandi hati, okuruga omu rutaro omu Iguru, nikiija kuba orutaro omu nsi; kandi n'orw'okuhwera, omu nsi, omu bwire obw'aha muheru, omu rutaro orurikwetwa Haramagedoni. Hati, buri omwe ekyo naakimanya. Orutaro rukatandikira omu Iguru, aharikwera, n'ahabw'ekyo bakamunaga aheeru. Mikaeli na Baamaraika Be bakamusingura, baamubinga. Kandi ku baakikozire, yaagwa omuri Edeni honyini, reero hanu yaatandika orutaro ahansi hanu.-----
Hati, orutaro rukatandikira omu Iguru. Ruryahwera omu nsi, omu muringo gwa Haramagedoni. Hati ka twegyendesereze haza tukireebe nikishwekuurwa. Kandi obundi nitubaasa kukishwekuura. Mukama atuhwere amagingo aga kukora eki hati. Mukireebe nikishwekuurwa. Omutembi w'embaraasi otarikwetegyerezibwa, mureebe eki arikukora hati; “akahakanisa,” akanga kweteisa kandi n'okugarukayo aha Kigambo ky'Eshagama ekyabandize. Ekigambo kikaba Eshagama n'omubiri. Mwareeba? Akanga kugarukayo ahari Kyo. Ni antikristo! Omugore Kigambo ow'amazima, naahaka- . . . naahakanisa Omugore Kigambo ow'amazima. Naatwara omugore we! Naahakanisa Omugore ogu ow'amazima, nawe. Kandi naatwara omugore we, kandi amwegarurire, omu muringo gw'ediini erikwetwa enyikiriza n'ebigunjano by'ediini. Mwareeba? Kandi hati, nitureeba Omugore orikwera, naahakanisa ogwo Mugore. Kwonka naakora omugore we, orikwetwa antikristo, n'enyegyesa ya antikristo, ekirikuhakanisa Kristo. Nimureeba oku ari omunyabwengye? Kandi hati, omu mwanya ogw'okugira obumwe bwa rukundo, burikutegyeka, okuramiza ahansi y'Eshagama, aine ekigombe ky'ediini. Omu mwanya gw'okugira Ekigambo, akatwara enyikiriza z'ediini, ebigunjano by'ediini, kandi n'ebindi nk'ebyo.-----
Mureebe... Okweteerana, aha mbaraasi yaabo ejwangire erangi. Kandi, mwareeba, naarundaana ekintu eki hamwe, kijwangire n'enyikiriza z'ediini, ekigombe ky'ediini, enyegyesa ezigunzirwe abantu. Ekyo kihikire? [Abateeraine bati, “Amiina.”-Omur.] Buzima, erangi ezijwangire, erangi ezijwangire z'abafu, embaraasi kisa y'ensi! Hati, ekyo kihikire. Erangi zijwangire z'abafu, enshusha y'ensi y'embaraasi kisa, oo, mugyenzi, tihariho Shagama erikwera ey'Ekigambo, na kakye! Kandi mureebe. Okuruga omu nshonda... “Okuruga omu nshonda ina z'ensi, nibabateerana; nibabateerana kuza ahari Haramagedoni,” nikwo Baiburi yaagizire. Ningyezaho kuteekateeka Ebyahandiikirwe, nk'oku mbihandiikire hanu. Tindikubigamba; kureka ahu bihandiikire, ndeebe eki biri. “Okubateeranira hamwe, aha kiro ekikuru eky'orutaro rwa Mukama Ruhanga.” Mureebe.-----
Hati mbaba hanu, nibeegaita hamwe, nibaizira akahayano ako, ahari Haramagedoni, kandi batembire embaraasi ey'erangi zijwangire; n'embaraasi emwe erikwera, embaraasi emwe erikutukura, embaraasi emwe erikwiragura. Ishatu, zitarikushushana: eby'obutegyeki-amaani g'eby'obutegyeki, amaani g'eby'omwoyo, nibitegyekwa amaani ga daimoni, niwe antikristo. Waajwanga ebyo byona hamwe, kandi nootunga ekintu kya kisa, ekirikureebeka nk'ekirwaire eki atembireho. Kihikire. Hati mwetegyereze. Mureebe eki atembireho, embaraasi egi erikureebeka ya kisa, y'erangi ya kihuura, ejwangire n'erikwiragura, erikutukura, kandi n'erikwera; naija omu rutaro, naateerana abantu be okuruga omuri buri ihanga eriri ahansi y'Eiguru! Danieli tararootoire ekiroto, kandi akareeba ogwo munyarara gw'ekyoma nigutomera buri bugabe, bwa Rooma? Mbaba baija, nibeeteerana. Hati mushutame mutebeekane ahabw'okuhendera, nk'edakiika, kandi muhurikize mufiireyo. Nibeeteeraniramu hati okukikora, naareeta abantu be okuruga omu nshonda ina z'ensi; atembire embaraasi kisa, eri nk'erwaire, y'erangi ishatu, zijwangire. Omuntu ogwo omwe!Read the full account in...
Akamanyiso Ka Kana.
Obushwere n’Okushenda.
