Ang Ikaupat Nga Timri.
<< kaniadto
sunod >>
Maluspad nga kabayo sa nagkabayo.
William Branham.Basaha ang tibuok nga asoy sa...
Ang Ikaupat Nga Timri.Karon, naningkamot ako kutob sa akong mahimo karon, u-ug samtang dinhi sa atong kinasuloran nagapamuhat sa mga pamaagi niini pinasubay… Ug karon, atong sulayan niining gabhiona, pinaagi sa grasya sa Dios, ug tan-awon kung unsay isulti sa Espiritu Santo nganhi kanako bahin niini. Karon, akong basahon diha sa-Pinadayag capitulo 6 magsugod sa besiculo 7 (sa 7 ug sa 8); anaay duha kanunay ka mga bersiculo. Ang nahauna mao ang pagpahibalo, ug ang ikaduhang bersiculo kung unsay iyang nakita.
Ug sa pagbukhad niya sa ikaupat nga timri, nadungog ko ang tingug sa ikaupat nga buhing nga nag-ingon, “Umari ka!” Ug nakita ko,ug tan-awa, ang usa ka maluspad nga kabayo: ug ang nagkabayo niini ginganlag Kamatayon, ug ang Hades nagsunod kaniya; ug kini sila gihatagan ug kagahum aron ilang dag-on ang ikaupat ka bahin sa yuta, sa pagpamatay pinaagi sa espada ug sa gutom ug sa kamatay ug pinaagi sa mapintas nga mga mananap sa yuta.
Karon, ang Ginoo magtabang kanato karon sa pagsabot niini. Usa kini ka tinago.
Karon, alang sa gamayng paghulagway aron sa paglig-on, sama sa atong ginabuhat sa mga kapanahonan sa iglesia-kining mga magkakabayo ug niining pagbukhad sa mga Timri... Karon, aron motuhop kini sa atong mga salabotan, mosultig diyotay hangtud nga atong bation nga kini mao nay tukmang panahon sa pagsulti. Karon, atong hingmatikdan karon nga ang pagbukhad sa Timri, nga kini mao ang Libro sa Katubsanan. Ug ang maong Libro linukot sama sa usa ka basahong linukot sama sa karaang pamaagi. Dili kadto usa ka libro nga sama niini, tungod kay kini bag-o man lamang miabot, kining matanga sa mga libro ning katapusan, oh, sa akong pagtuo sulod na sa usa ka gatus ug kalim-an o ingon niana, mga duha ka gatus. Ug unya ila silang gilukot, ug gibilin ang tumoy niini. Sumala sa ako nang gisulti kaninyo kung giunsa kini paghimo, ug sa mga Kasulatan, kung asa kini makita, di-diha sa Jeremias ug sa uban pa. Ug unya ang ikaduha lukoton na usab ug ang tumoy niini luagan nga sama niana, Ug ang matag usa Tinimrihan, ug maoy usa ka Libro nga tinimrihan ug pito. Ug kadto mao ang... Walay usa… Samtang sila… Kadto maoy usa ka Libro sa Katubsanan nga tinimrihag-pito. Pasayloa ako.
Ug unya walay usa didto sa langit o dinhi sa yuta o sa ilalum sa yuta nga takus sa pagbukhad niini o bisan sa pagtan-aw niini. Ug mihilak si Juan tungod kay wala siyay usa ka tawong nakita, tungod kay kung kadtong Basahon dili makuha gikan sa kamot sa orihinal nga Tag-iya, diin giwala kadto ni Adan ug ni Eva, ug mipahilayo human nila usiki ang ilang mga katungod sa Pulong, sa mga saad, sa ilang panulondon... Sila… Hinumdumi, nga sila maoy nagbuot sa yuta. Usa siya ka- siya usa ka gamayng dios, tungod kay siya anak man sa Dios, ug ang anak sa Dios u-usa ka gamayng dios. Karon, dili kana supak sa Kasulatan. Nahibalo ako nga daw talagsaon kana paminawon, Apan si Jesus miingon, “Kong inyong gipagtawag sila diin ang Pulong sa Dios moadto...” Ug asa moduol ang Pulong sa Dios? Ngadto sa profeta. “Kong inyo man silang gitawag kang kinsa moduol ang Pulong sa Dios, nga mga dios, nan nganong pakasad-on man ninyo Ako kung Ako moingon nga Ako Anak sa Dios?” Nakita mo?
-----
Ug karon, sa miaging gabii diha kita sa pagbukhad sa-sa Ikatulong Timri. Ang Nahauna mao ang maputi nga kabayo, ug misunod ang mapula nga kabayo, ug unya ang maitum nga kabayo. Ug atong nakita nga ang mga magkakabayo mao ra nga magkakabayo sa tanang panahon, ug mao kadto ang anticristo sa sinugdan. Wala siyay-walay corona, apan nakadawat ra siya sa kaulahian. Ug unya atong nasuta nga wala madugay gihatagan siya ug usa ka espada aron pagwagtang sa kalinaw dinhi sa yuta, ug atong nakita nga iyang gibuhat kadto. Ug unya misulod siya uban sa mga pagpatuotuo pinaagi sa paghatag sa iglesia ug salapi pinaagi sa pagtimbang ug usa ka sentabo sa-alang niini ug duha ka sentabo alang niana apan gidid-an siya sa paghilabot sa lana ug sa bino, diin gamay na lang ang nahibilin. Ug unya, atong gihatag-atong gibiyaan kagabii uban sa ilustrasyon kung unsa ang lana ug bino ug kung unsay nilungtaran niana. Ug atong... Ingon sa daw mabangis ra paminawon, apan ang tinuod mao kanay Kamatuoran.-----
Hinumdumi, nga kong ang Kamatuoran mahipadayag na, ang Kamatuoran mao ray magpaluyo usab. Ang Dios kanunayng... Bisan kung unsa pa kaigmat ang tawo, unsa pa ka manggialamon siya sa iyang salabotan, kong ang Dios dili mopamatuod kung unsay iyang ginaingon, nan anaay butang nga dili husto. Husto kana, tungod kay kini mao man ang Pulong. Karon, sa dihang migawas si Moises didto ubos sa lamdag sa Dios ug miingon, “Maanaay mga langaw,” ug miabot ang mga langaw. Siya miingon, “Moabot ang mga baki”; ang mga baki miabot. Tan-awa, unsa kaha kung siya miingon, “Moabot ang mga langaw,” unya walay miabot? Nakita mo? Sa ingon dili Pulong sa Ginoo ang iya-iyang gisulti (Nakita mo?); nagsulti lang si-siya sa iyang kinaugalingong pulong. Tingalig nagdahum siya nga anaa gayuy mga langaw, apan wa-walay langaw nga miabot tungod kay wala man ang Dios magsugo kaniya sa ingon. Ug kung ang Dios mosulti kanimog bisan unsang butang ug moingon, “Lakaw ug buhata kini, ug Ako magauban niini tungod kay kini mao ang Pulong Ko,” ug Iyang gipakita kini diha sa Biblia, ug diha ang Dios mopaluyo niana. Ug kong kini wala mahisulat diha sa Biblia, sa gihapon ang Dios mopaluyo niini, kong kini Pulong man sa Dios. Nakita mo? Ug kung kini wala may kalabotan diha, gipadayag kini sa mga profeta. Atong nasabot nga ang tanang mga tinago sa Dios igapadayag gayud sa mga profeta ug kanila lamang (Nakita mo?), Amos 3:7.-----
Karon, sa dihang gibukhad sa Nating Carnero ang Ikaupat nga Timri... Mohunong ta dinhi niini karon, ang Ikaupat nga Timri. Karon, Kinsay nagbukhad niini? Ang Nating Carnero. Diha bay usa nga nahimong takus? Walay bisan kinsa nga makahimo niini. Wala. Ang Nating Carnero maoy nagbukhad sa Ikaupat nga Timri, Ug a-ang ikaupat ka mananap, ang buhing binuhat nga sama sa agila, miingon kang Juan, “Umari ka, tan-awa kung unsay ikaupat nga tinago sa plano sa pagpanubos nga gililong ning Basahona,” tungod kay gibukhad na kini sa Nating Carnero. Sa laing pagkasulti, mao kanay iyang gisulti. Anaay ikaupat nga tinago dinhi. Akong nang gipakita kaninyo diha sa simbolo. Karon, si Juan... Ambot lang kung nakasabot ba kamo niini o wala, apan iyang gisulat ang unsay iyang nakita. Apan kadto maoy usa ka tinago, busa iyang gisulat kung unsay iyang nakita.Ang Nating Carnero mibukhad sa mga Timri, ug wala pa gihapon sa Dios ipadayag kini; gitagana ra kadto alang sa katapusang mga adlaw. Nakita mo? Karon, anaa tay mga simbolo, ug nasusi nato kini, ug usahay maayo ang linungtaran (Nakita mo?), apan nasayud ta nga miuswag kini dihadiha. Apan karon, ning katapusang mga adlaw mahimong molingi ta ug tan-awon kung diin kini gikan, ug gitoohan nga kana mahitabo sa katapusan sa panahon sa iglesia sa dili pa ang paglalin. Unsaon man ni bisan kinsa ang pagpa-apil sa Iglesia sa kasakitan, ambot lang. Apan... Unsa pa may ambitan niini sa kasakitan, kung kini wala-wala-nay sala? Ang akong gipasabot ang... Wala ako magpasabot sa iglesia; ang iglesia maoy moagi sa kasakitan. Apan maoy akong gihisgotan ang Pangasaw-onon. Ang Pangasaw-onon maoy dili, dili, wala na kini makasala batok niini. Tapos na kini hinloi, ug wala gani ing u-usa wala na gani bisan baho niini; wala nay nahibilin pa. Sila nangahingpit na sa atubangan sa Dios. Busa unsa pa man nga kasakitan ang magputli kanila, apan ang uban molatas gayud. Ang iglesia molabang gayud sa kasakitan, apan dili ang Pangasaw-onon. Karon, karon, atong gilambigit kini diha sa tanang matang sa mga simbolo sama sa-sa iglesia, si Noe nagdala ug tipo, milatas sa kasal-anan. Nakita mo? Karon, sila nanagpanglatas, apan si Enoc nahiuna na. Mao kadto ang tipo sa mga balaan nga mawala na sa-sa-sa dili pa ang panahon sa kasakitan.
-----
Karon, siya may usa ka ngalan nga gitawag kamatayon. Karon, himatikdi, walay laing magkakabayo... Walay lain pang mga kabayo o walay panahon nga niining magkakabayo misakay, sila wala-kadtong tawhana walay ngalan, apan karon siya ginganlan nag kamatayon. Wala kini isulti. Nakita mo? Siya gipadayag na karon kung kinsa siya-siya mao ang kamatayon. Tan-awa, alang sa usa ka wali mahimong malangan ta niana ug ipatin-aw kini pag-ayo. Apan ang bisan unsang butang nga anti, kasupak kana sa tinuod, kamatayon gayud kana tungod kay adunay duroha lamang ka mga mahinungdanong butang: mao kanang kinabuhi ug kamatayon. Ug mao kanay naglig-on nga ang pinadayag sa Espiritu Santo alang niini ning adlawa mao gayuy Kamatuoran. Ang anti, ang iyang kamatayon, tungod ka yang Pulong (sumala sa atong makita dinhi sa unahan) mao ang Kinabuhi. Nakita mo? Ug kining tawhana gihingalan ug kamatayon.-----
Karon, bantayi. Bantayi diha niana sa Biblia. Kini ginaingon nga ang iyang ngalan mao ang infierno, ug... ang iyang ngalan mao ang kamatayon maoy akong gipasabot, ug ang hades nagsunod kaniya. 274 Karon, ang infierno kanunayng pagasundan ug kamatayon diha sa natural. Kung ang natural nga tawo mamatay, ang hades magnunot kaniya; nga mao kanang lubnganan, hades (Nakita mo?); mao kana ang natural. Apan diha sa espirituhanon mao kanang linaw nga kalayo. Nakita mo? Oo. Tan-awa, mao kanang dayon nga pagkahimulag diin sila pagasunogon ug dayon... Ug sa Malaquias 4 nagaingon, “Kini dili gani magbilin ug tuod o sanga o unsa pa man.” Mao rang kahimtanga ang kalibutan nga pagahinloan sa kaugalingon pag-usab alang sa millenyum. Nakita mo?-----
Himatikdi. Unsa man kining tanan nga nagsingabot? (Karon, anaa na lang kitay hapit magdoce, o katursi minutos, tingali.) Tan-awa kung unsa kining tanan nga nagsingabot. Unsa kini? Mobalik kini dihadiha sa kahimtang sa paglihok niini. Kini nagsugod didto sa langit; kini nagpadulong ngadto sa katapusan sa panahon sa gubat. Ang unang butang didto sa langit mao ang gubat. Si Lucifer gihinginlan ug mianhi sa kalibutan; ug unya iyang gihugawan ang Eden. Unya nagmahugaw siya sukad pa sa sinugdan. Ug karon, gikan sa gubat didto sa langit, kini miabot sa gubat dinhi sa kalibutan, ug pagatapuson ra kini diha sa-sa kalibutan sa katapusang panahon diha sa gubat nga gitawag ug Armageddon. Karon, bisan kinsa nahibalo niana. Ang gubat nagsugod didto sa langit. Balaan... Ug busa, ilang gihinglan sila. Si Miquel ug ang Iyang mga manolunda maoy mitambog kanila-sa pagpalayas. Ug sa nahimo na nila, didto gihulog sa Eden, ug dinhi nagsugod ang gubat dinhi.-----
Karon, ang gubat nagsugod didto sa langit. Kini matapos dinhi sa kalibutan diha sa dagway sa Armageddon. Karon, atong bantayan ug tan-awon ang pagbutyag niini. Ug tingalig atong mahisaysay kini kung tabangan ta sa Ginoo aron buhaton kini karon. Bantayi kini nga maablihan. Ang misteryosong nagsakay (Bantayi kung unsay iyang ginabuhat karon.) misupak, midumili sa paghinulsol ug sa pagbalik sa orihinal nga nagkadugo nga Pulong. Ang Pulong nahimong dugo ug unod (Nakita mo?); siya midumili sa pagbalik Niini. Ang anticristo... Ang tinuod nga Pangsaw- onon nga Pulong mao ang... Siya nagsupak sa tinuod nga Pulong nga Pangsaw- onon. Nagkuha sa iyang mga pangasaw- on (Siya nagasupak niining tinuod nga Pangasaw- onon usab.), ug iyang gikuha ang iyang kaugalingong pangasaw-onon ug gidala siya ngadto kaniya sa dagway nga relihiyon nga ginganlag kredo ug dogma. Nakita mo? Ug karon, sa hingkit-an ang balaang Pangasaw-onon, siya supak gayud kaniya, apan iyang gimugna ang iyang kaugalingong pangasaw-onon nga ginganlag anticristo pinaagig anticristo nga pagtulon-an, nga kasupak kang Cristo. Nakita mo kung unsang kaabtik niya? Ug karon, inay nga anaay usa ka panaghiusa sa gugma nga maoy magdumala sa pagsimba ilalum sa Dugo, siya anaay usa ka denominasyon. Inay nga magbaton sa Pulong, mga kredo ang iyang gidawat, ug mga dogma, ug uban pa.-----
Bantayi... Aron pagdala kanila diha sa ilang nagakasagol nga color sa mga kabayo... Nakita mo? Iya nang gitigum kining mga butanga pagtingub, sinagolan sa mga kredo, mga denominasyon, mga doctrinang tinawhonon. Husto ba kana? Oo, usa ka sinagol nga color-ang sinagol nga color sa mga patay, luspad nga kabayo sa kalibutan... Karon, husto kana. Sinagol nga mga color sa patay, kalibutanong dagway sa luspad nga kabayo. Oh, tan-awa. Wala nay balaan dugo sa Pulong. Ug bantayi, gikan sa suok-gikan sa upat ka mga suok sa kalibutan, ilang gipanagtapok sila. Gipanagtapok sila alang sa Armageddon, ang Biblia nag-ingon. Gihunahuna ko ang mga Kasulatan. Akong gipangsula sila dinhi. Wala ko sila hinganli apan igo lamang... diin sila nahisulat-aron pagtan-aw kung kinsa sila. Gipanagtapok sila alang sa dakung adlaw sa gubat sa Ginoong Dioa. Bantayi.-----
Karon, anaa na sila nakighiusa sa ilang kaugalingon pagtingub, nga nagpadulong nianang pasundayag diha sa Armageddon ug mikabayo diha sa nagakasagol nga mga color sa kabayo, pinaagi sa usa ka kabayo nga puti, usa ka kabayo nga pula, usa ka kabayo nga itum, ang tulo ka mga nagkalahing politikanhon-usa ka-politikanhong gahum, ug espirituhanong gahum nga gipalihok pinaagi sa gahum sa demonyo nga mao ang anticristo, kung sagolon kanang tanan, makabaton kag luspad, butang masakiton tan-awon nga iyang gikabay-an. Husto kana. Karon, himatikdi. Tan-awa kung unsay iyang gisakyan. Kining luspad tan-awon, abohon nga color nga kabayo, sinagolan sa maitum, pula, ug puti, nagpadulong ngadto sa gubat, gitigum ang iyang ginsakopan gikan sa matag nasud sa silong sa langit. Wala ba ni Daniel hubara ang damgo ug nakita kadtong lainlaing color sa puthaw nga nagpadulong sa matag gingharian, sa Roma? Ania na sila, nagkahiusa. Karon, pagpabilin sa palingkud alang sa pagtapus kadali na lang ug paminaw pag-ayo. Nagkahiusa na sila karon aron pagbuhat niini, nanguha sa iyang mga ginsakopan gikan sa upat ka mga suok sa kalibutan, nagkabayo sa luspad masakiton, tulo ka mga nagakasagol nga color sa kabayo: mao ra nga tawo.Basaha ang tibuok nga asoy sa...
Ang Ikaupat Nga Timri.
Kaminyoon ug
