Ebalasit loereng.

William Branham.

Naka oitabo... Aipucet Nakiyareit.

Aso, akuare lolo na kisisiai oni Aipucet na Nakiyareit. Kanuka Aipuceta aongon nusodit ejaasi ikebwanenok ibalasin iwongon. Aso kalimokini eong yes abu lolo icebore kiswamaun bobo, ido eong...icebore yen abu eong... alosi eong kasodi alemun aiwadikaet namojong najaatar eong naabu eong keneritor kolosek. Ido abu cut eong keboikin kwap kanen, kasodi eong awomoom, “Eebo, abu eong keswama nukajokak aitelekar nu tikapedo eong.” Kosodi ikewadikak luipu ka iboro... Kasodi eong aomoom, “Eebo, asiomi do ber eong apak edit motimot kasodi angolikin laije ka aanyun na ka ngin,” ido ibore yenisodit ijeni ijo, abu icebore cut kiswamaun, ido erai kere naegelara cut. Elomunit cut ngesi kogelara. Kanen do kakopuni eong ekalamu atipet noi ka ageun da aiwadik katipet noi kwape apedoria eong naaringar Ngesi ejai nen.

-----
Aso katiibong nabian kwape duc kilelakinitor oni kotoma aisisianakin Aipuceta, kisisianakini oni ngin koipone jepeje loiswama jo katurio nuka ekanisa. Nakidaunia oni aisisia atur naka ekanisa, apak nakawasia naabu eong kenomunia kesi kane kolutaari- kabao naiwadikao-imwasi bo ai luiitunitos nuapotu kotakanutu? Abu Ngesi kobu kwap cut, kolot abongor kau arwatat ka Aica kosodi ainomun ngin Ngesi Elopet, cut kanepekanen karwatat kakonyenewok kere. Abu Emalaika loka ejakait kobwo cut kanepekane kakonyen kitunga akwat nuipu. Kwana da ejai Ngesi aswam icebore yenerai yenikomoyo teni kwana, bobo da. Kwangin kimuno do oni iboro luepolok. Mam oni kijeni... ilelikit tope ijo aidareun akiro ngun nuepolok nuemunoi ajaun, mam cut kijeni inyo ebuni atupakin aiswamaun- ijeni ijo, erai bon aidarit?

Aso, eipone loepolor Edeke mamawok. Eumokina biai, kisiyalamikit noi oni Ngesi. Kwana do ekokoro losodit ka lokiyareit- asiomuni eong ngin tetere aisub bala kiijaikini nusek ber ajaasi eringa, konyet do kiyangari oni ekokoro lokiuniet ka lokiwongonet kanu Aipucet Nakiyareit, kosodi konyet ekokoro lokikanyet ka lokikanyetekape nges Aipucet Nakiuniet. Kosodi lokikanyetekaarei ka lokikanyetekauni kes eraasi... ikokoron iyarei mama ejai ngolikebwaneniton ebalasit.

Akoto eong ijo kosesen eipone loikoniata ikesa lu kobalasit kalo kaloekwele- motoko kane ebuni ngin, ijulanakin ngesi kwape elosio ngesi, kosodi konyet do Aipucet ngin nakapolon nakawasia apukorio, arai ekoto Edeke, Nasabiti ngin kuare, ebe naiswamaunor ngin ibore bon yenabu kotakanu kerai aililing kotoma Akuj adaun atutubet nakesawa. Kingarak Edeke oni. Kosodi kwana do, asiomuni eong ekokoro lokiuniet kwana.

Naapukoria ngesi aipucet nakiyareit, keira lokajaran lokiyareit ebala ebe, Bia!
Kolo ma do ebalasit ece... (ekokoro lokiwongonet)... loereng; koinakinai ekebwanenitonike alemar ainapakin kotoma akwap, tetere itunga earas; koinakinai da nges ekileng loepol.

Aso, ibore yenimunonitai kwana do naatemaria lokajaran Yokana atiar, “Bia caat ijo koany.” Kwabo mam nges abu koany kerai ngin inyo, abu bon ngesi koany ejenunet. Ido ejenunet ngol, akirot naikonia ngesi... Abala Ngesi ebe, “Bia koany,” konye abu ngesi koany ejenunet lokebeitor ngesi aitejenaria ngin neejai ekanisa koipone loaponiata ti kesi asesen ngin aitodol naedolunio ngin atur nakawasia, kosodi konyet aponio apukor Aipuceta. Aso emisiikinit tope nginitunganan ngin kwana? Koany, aponio apukor Aipuceta.

Mam kereka ijo iyalama araut yenijari kotoma apaaran kana? Mere ngin bon, ipapero, konye kiitunitosi duc kwana atupuruc Nasabiti naatubor neetobwoitere ibore yen kere: apatanu- epatana, itasiono. Iswamaun koipone loikoni nen ebe epote cut itunga alosit kariri kwabo komam da ber ejenete ebe iswamaunun. Ido kiitunitosi, kidarit oni abunore naka Ejakait kadiopak kere, ido na ikonia oni...Abu eong ketolomunite alimoret ebe katicepak abuni Awuruporio ajaun koipone kangopekangol. Ebuni atubor- adaun, ido mam idiotunganan ejenuni imodiobore kanuikamunitos ngin. Ibonguni ijo kau nepene cut. Etapit...

Kobongo bon ijo kau Obaibuli kosodi aanyun eipone loiswamaunor kwangin- karaida ber akirot nakapolon kwape abunore naka Ejakait Yesu. Kemamei idiotunganan kejeni imodiobore kanuikamunitosi ngin. Aomitosi kesi, “Ngol loijangakina akou, ecetunganan.” Kotemasi ikanisan atiar, “Yeniikerep tai. Ebwangarit do teni nges.” Kotemasi atiar, “Erai ngesi etunganan loikerepikinit. Kijeni sio ebe ikerepikinit ijo.” Aikerepikin apolouke abwangar. “Kijeni sio ebe ejai ijo ajokit, ido etekeria jo asikerepikin. Itamit ijo aisisianakin sio kwabo kourunitete ijo kangina kokale. Atiar inyo, kiwuritai ijo kotoma adoteu kwabo kotamite aisisianakin itunga kwa sio, isasedotin ka ice da kwangin luka eyekalu!” Atiar inyo, kerai ngin amorosit mamakec.

Naabunio Yokana, eneritai nuekamunitos nges anatar aturio ameun kama ka Isaia kiton Malaki- eraasi ngul ikar 712 keanyunitotor inabin nges ebunit. Kanginitunganan kejai idarit nges abunore, komuno ngin aiswamaun kadiopak kere. Konye eipone loabunio ngesi, abu ngesi kolimonok, ka aswam akeijaanakin, kosodi alosit alomar toma Aibuses, kwabo karaida ber ikiyakia mam apotu kojenutu ngin. Naarai apotu kesi kingita Ngesi; kotemasi kesi atiar, “Kwana do, elosi Okoku loka etunganan Yerusalem, iboro lu kere tetere aijaikinio, kanukinyo bo ebalar Naiwadikatai Obaibuli ebe ebeit ber Eliya aige abunore?”

Kotema Yesu atiar, “Adau ngesi abunore kwabo mam yes ipotu kojenutu ngin. Ido abu ngesi cuticut kiswama nuabalasi Nuiwadikatai Obaibuli ebe abuni ngesi aswam, ido apotu kesi kiswamaikisi ngesi cut kere nuakotos.” Mam kes apotu kopedosi amisiikin ngin. Kosodi do Ngesi atemar atiar, “Arai nges Yokana.”

Kosodi konyet do, “Oooo!” Koany, apotu kesi kokwenyutu aanyun ngin. Karaida ber kanakawasia, akaulo naka iboro kere lueswamat ngesi ka aanyuneta nuabu Ngesi kitodianakite kes; kenyararitor da ber Ngesi kesi kosodi atemar atiar, “Ingai bo kayesi kelepilepi Eong nuka adiakar?” (amamus aiyuun) “Arai mam Eong eswamat cut nuabalas Nuiwadikatai Obaibuli ebe abuni eyapesiKa aswam naabunio Eong akwap, aso do kitodikisi Eong neadiakaritor Eong. Eebo ketodikini kwana do Eong yesi nuabakai ebe ti yes araut, ido kaanyutu cani oni arai iyuunitosi yesi ngin araibo mam.” Ti Ngesi kebongu kosodi ti atemar atiar, “Ebakai yesi aiyuun Eong naabunio eong.”

Mam kesi apotu kiswamata ngin. Iwanyutu? Kwangin ajenete do kesi ejok noi itia ti aenikin kaNges kotoma kangin. Konye abu Ngesi kotema atiar, “Ingai bo kayesi epedori aosan Eong kanu amamus aiyuun? Mam tope Eong eswamat cut nukerai ngin?”

-----
Aso, aponi ber ngesi kogeunai anyara lokasurup loka Kristo. Adoketait nakiyareit, aponi nges konyarai enabi lokaingal, naarai emoyo ngol kotunga abu kiboikin otunganan. Iitunit ijo, ekebwaneniton ebalasit lokakwangan kwana, kemameatar kaboko kapak naageunia ngesi, konye do aponi koinakinai aboko. Kanukinyo? Kerai ngesi emoyo loka Einikolaine ageun sek da. Kosodi do kiboikin ngesi toma etunganan, kosodete konyet nges aitanap aboko, kosodi adumun eicolong, ido aponi kitanapai aboko.

Kijaanak konyet do ngesi ngin adaun apak naeoj, kwape kiponia oni aanyun kwa ebilatar Aipuceta, ido konyet kingicuni oni akaulo kangin apak naeoj aponi Satan kirutarai kotoma Akuj. Kosodi ngesi abunore kwap, kwape ejaar kotoma Kanuiwadikatai Obaibuli, kosodi adakakin elopet bon aiboikin oicolong. Koomoom ber jo, adakakin elopet bon aiboikin oicolong kotoma otunganan kangol kosodi araun etiang. Kejaatar ngesi kapedor, apedor-nakeipone loekabaka, ebe abu ngesi kiswama nukaumokin kere ka nginibore yen... iarito ka ijiisio luka abukor aokot ka nginibore yenapedori Rome aitolomun.

-----
Aso na kane nges apukokinioka naka ngin: Erai Satan nges lo kane bobo! Erai ajokit bobo kotoma aput ace. Aso kijeni oni ebe Aipucet ngin ikamunit... (kwape abu kalimunio kakuar kaya) ebe eraasi arupepen nuikamunitosi nuka ijiisio lukitunga bonik ka bonik kotunga, araibonat kakwapin. Konye idumuni ijo kane ebe ejaatar etunganan lo kekileng kanukangun ikamunito do ngesi nuka ejie loka akiro nuka apugan naka ekanisa. Mam ijo katicepak ibuni aomoom kwangin, konye bon kosesen ijo ngin apak edit, adaun adakikan adis bon.

Koany aijulakin naka iriagin luka ibalasin kalu- ekebwaneniton ediopet jepeje- aijulakinet naka iriagin luka ibalasin. Ido ebalasit erai etiang, boboda etiang kotoma Obaibuli kokwap naka ejenunet erai loebwoikinit apedor. Eiswamae ediopet ngopengol ibwanenit apedor naka eriagi ece- anyoun kama kakwangis namam nuagwanit alosit kiton arengis naka aokot. Kosesen nges kwana eipone loebunitor ngesi.

Naageunia ber ngesi, arai bon ngesi... nges atemar arai bon ngesi aisisianakin naadit nanyaritai Einikolaine. Ejena bo ajen ebe mam ngin tikear imodiobore! (Ngin nges Apukokinio 2:6, karai ikoto jo aiwadikaikin ngin.) Mam nges tikear imodiobore. Kerai bon ngin aisisianakin. Kerai bon ngol emoyo kokiding kitunga. Mam ngin tikear imodiobore.

Oo, kerai ngesi loalai noi kwangin ibwanenit ebalasit lo lokakwangan. “Konye ijeni jo, ti oni kipedo ajaut kekanisa loepol loiriamit akwap kere. Ti oni kipedo anyara ngesi Akeresia naka Akwap Kere.” Eringa kesi enyaritos! Oo, eebo! “Ti oni kijaunor... Oo, erai teni cut yen elai! Oo, erai yen elai kwangin. Erai bon ekodet loka itunga. Kiponi oni aimorikikin nepepe kanu eidicane.” Koany, elai ngesi noi- ekwang ngesi, ebalasit lokakwangan kerai.

-----
Kongolik: Naabu Satan... Aso kanginitunganan yen- ejeni ebe Satan nges eyait apedorosio kere nuka acoa naka apugan nuka akwapin. Abala Ngesi kwangin, (kotoma Matayo esula lo 4, ibuni ijo adumun ngin ekokoro da lo 8). Ajakanuto kere eraasi nukeng. Ngin nges akirot einakinit kes ejiosi, ejie, aiar.

Aso kiitu, mam kereka ngin erai naitegelikina- aponi koinakinai kes ekileng lo tetere earas bonik. Oo ikatunganan! Koany kwana: neabu ngesi kiswama ngun mam ber nges kejaatar kapedor naka aisisianakin naka apaar, ido abu aisisianakin ngin koraun aisisianakin naka edini. Abu aisisianakin ngin naka edini konap akuan kotoma enabi lokaingal, kosodi konyet do alosit aiboisit naabeit- mam kereka kwana ngesi abu kolot Isirael, abu ngol kolot Rome- Nicaea, Rome.

Aponi kitolotoi airiamun, ido apotu kesi koseutu ebishop loapolon. Konyet do kanu aiswamaun nu apotu do kesi kimorikikisi ekanisa ka apugan nepepe. Kanen do abu ngesi kocakak kwap akekabwa; abu ekesa je kodok kwap kama kebalasitike lokakwangan; kodokikini ebalasitike lokarengan, ido epedori do aiar imodiotunganan yenimam ecamanaros kangesi! Aipucetekon ngin kanen! Erai ekesa jepeje! Kosesen nges elosi cut kiton alomar nemam edaun kalaije nepepe kangin. Imorikikini ngesi apedorosioke kere nepepe. Erai ibore ngipengin nges eutasi kesi aswam cut kwapekwana! Ibore ngipengin!

-----
Aso kiitu ejaatar ngesi kekileng. Euta ngesi alomar kojaatar kekileng kotoma akanike, kibwanenite ebalasit loereng, aikwad kotoma aokot nuka nginitunganan yenimam ecamanoros kangesi. Aso imisiikisi kereka yesi ngin? Imwasi bo ai luemisiikitos nuerai Aipucet ngin kwana? Ejok kere. Nunyoika abala Yesu? “Ngul luekapito ikilenga emudiari ekileng.” Mere edolit ngin?

Mam ace. Ekebwaneniton lo ka iketunga kere luka ajakanutuke lu aari anatar atur lu awokoto aokot nu kere nuka ikajenak luka lukalaunak eponio aiar kekileng loka Yesu Kristo naebunio ngesi. “Ngul luekapito ikilenga emudiari ekileng.” Apotu kesi kokapata ekileng loka aiyuuneta ka lokasurup loka Kristo kosodete ajepakin kwap imilionin luka ikamaak luteni luka beit anatar aturio kere, ido naebunio Kristo Kekileng- naarai erai Akekirot nges elomuni kakitukuKeng- ebuni Ngesi aiyar imodiobore kere yenejai akonyeneKeng! Iyuunitos yesi ngin?

Naka oitabo... Aipucet Nakiyareit.

Sirikiyoŋ nukidoikinete aisirieb jo, Koany, elosi Satan acakakin ice kayes aidaris, tetere kitemio, kiticanio da yes apaarasia atomon. Koraenena lomunot kiton atwanare, eoŋ da kainakini jo aboko naka aijar,

Apukokinio 2:10