Akipucet Ngina Angarei.
<< prev
next >>
Angole ngina arengan.
William Branham.Tosiomete alo akirot...
Akipucet ngina Angarei.Ka tokona, ataboong na, ikilosi iwon aripirip akipucet ngina angarei na. ka anguna angakipuceta anguna omwon anguna esiaunak eyiakasi ngikemetok ngimwon ngulu angangolei. Ka akalimokini ayong iyes, nakolongit na abu icebore nabo totakanu. Ka, ayong, idiobore ngini alosi ayong atolem ngakigireta nguna ngorok nguna ayiakar ayong, nguna aris ayong kerworio, apak ngina alunyar, ka abu ayong eboikin kwap nen. Ka atotamak, “Ejok, etiyia ayong nguna ajokak nooi nguna amaikina etiya.” Ka ngikegirak ngulu alalak ka ngiboro, ka abu ayong atotamakinite, “Ejok, asiomi ayong adiopak, ka engolik nu ka ngun.” Ka iyeni iyong ibore ngini ke ekingaren, abu idiobore totakanu, ka arai dadang ngulu agelaka. Abunit Inges alotoma agelanut. Ido abu ayong atolem akalam atipei, ka atogeu akigir kwap amunikinit lopite ngolo apedoritor, eringa Inges nen.
-----
Tokona, ataboong ngina alunyar, ikwa ngina ikiminar iwon jwijwi, alotoma akitatam nguna angakipuceta, ikitatami iwon ikes lopite ngolopei ikitiyaa iwon alotoma ngaturio angikanisai. Ka ngina erikakinere iwon anakitatam angina atur ekanisa, apak ngina esidion ngina egirakinia ayong ikes nen nalitare, kidiama abao, ngiai etamunito ngun itiyakinosi? Abu Inges bu jik kwap, tolot jik paka narwatata, alotoma akica, ido kigirak inges jik, Elope, nen jik narwatata, alokingaren yok dadang. Abu Emalaika ngolo Ekapolon towua jik anege alokingaren ngamiyai nguna alalak nguna angitunga. Ka tokona eyiai Inges itiyiai idiobore ngini erai ngini ekujuwanit tokona, ka ikitanit iwon ngiboro ngulu apolok. Nyikiyeni iwon... iminasi iyes akidareun anguna akitanit angina apolon ana, nyayeni ayong jik nguna elosete atakanun alongaren, iyeni iyong, jik akidarit bon. Tokona, epite ngolo erakor Akuj ngolo ejok nooi neni yok, ka epite ngolo eumokinokor Inges! Ikitalakarit iwon Inges nooi!Tokona, engaet ngolo ke epei ka ngolo angiarei, asiomuni ayong Inges, ikotere ikinakini awuetait ngini cici. Ka nai ikiyai iwon engaet ngolo 3th ka ngolo ka ngolo 4th, anguna akipucet angina angarei. Ka nai engaet ngolo 5th ka ngolo a 6th erai akipucet ngina angauni. Ka ngolo a 7th ka ngolo 8th erai... ngingaeta ngiarei neni angolo kameton angole. Ka acamit ayong iyes toanyut epite ngolo keponiata ngitunga lu...alotoma angolo ngina nyanga akwan, acepak... ebuni inges a ne, erubakini inges iloconokin ikwa ngina elosio.
Ka nai akipucet ngina apolon nooi ngin, akipucet ngina esidion angario, erai kecamaki Ekapolon, alotoma atabong ngina esabit angolo ebunit! Ebe ngina itiyakinotor ngun, ayiai nen bon, ibore bon ngini abu totakanu, “Arai akililing alotoma Anakuj alotoma atutubet ngina ke esaa. Ikingarak Akuj iwon. Tokona asiomi ayong engaet ngolo a 3th tokona.
Ka ani Engari Imesek akipucet ngina angarei, ka eira esubuna ngolo eyari ngolo angiarei ebala, Bua ka kingolek. Ka abu a nen tolomu angole ace... (engaet ngolo 4th)... ngina arengan: ka aponi inakinai inges apedor ngolo eboi anen alemar ekisil anakwap,... ikotere earasi ikes make: ka aponi inanakinai inges atum ngina apolon,
Tokona, ibore ngini eumokina tokona, ngina atemaria etiang Yokona ebe, “Bua ka kingolek.” Ka pa abun inges kingolek neni ekoni. Abu inges toanyu akitanyunet. Ka akitanyunet ngin, nguna abakor inges ebe... abu Inges tema, “Bua, toanyu,” nai abu inges kingolik akitanyunet, ngina amaikina inges kitanyiya neni ekanisa, alopite angolo emaikina ikes toanyuwariata; paka ngina edolunio natur ngina esidion, ka nai eponio nai angar akipucet.
Tokona, emisiunit nginitunganan dadang ngun tokona, kingolik, engario ngakipuceta. Ka nyilakara mono iyong akiyiar alotoma akolongit na-a? Ebe, toanyu, mere ngun bon, ngikonei, nai jwijwi totamunito tokona, ataparacu esabit angolo alunyar, neni ewuatar ngiboro dadang, apatanu, ingolik-a? Epatana, iyapara, etakanuni alorot angolo elosioto ngitunga kingaren ka nyeanyut tari dang etakanuni.
Ka, totamunito, ikitee iwon abunore ngina Ekapolon, ediosaa. Ka ngina edolio iwon... abu ayong atolim alimunet, ebe ikokini Auruporio dang nen alorot angolopei. Erauni ngina kelunyar, ka emam itunganan ngini eanyuni nguna ikamunito inges. Ebuni inges jik ikongina. Ingolik-a? ka jwijwi... tolot mono iyong kaku alotoma Ebaibul ka kingolik epite ngolo ketakanunia ikongina. Ingolik-a?
Tari ikwa ibore ngini apolon ngini ikoni abunore ngina Ekapolon Yesu, emam itunganan abu toanyunite ngadi nguna ikamunito ngun. Atamito ikes, “Agelanut ngin, idiotunganan.” Apotu ngikanisai temasi, “Erai ngolo ikonyoma. Erai ngolo emunara akou.” Ngolo angicen inges atemar ngolo “emunara akou” “ Ikiyeni isua ebe iyiakatar iyiakatar iyong ekipie, ka ikitobanganiya inges iyong. Ka ikatokinit iyong akitatam isua-a? Ngina, ikidouitere iyong alokinga anen, irai ngini ikilomunitai. Ikidounio iyong alotoma adoteu. Ikatokinit akitatam ngikiliok ngulu ikote isua, ngisacaradotin, ka ngulu dang, eyiakalu-a?” Ejok, ekang, arai neni emoronit neni kec.
Ngina abunio Yokona, arai ngolo erworere, alotoma ngaturio, ameun aneni ka Isaya paka neni a Malaki. Erai nen ngikaru ngamiyai ngatomon ka ngarei... kori ngamiyai ngakankarei ka ngikaru ngitomon ka ngiarei, keris Inges kingolikin alokadwarak, ebunit. Anginitunganan arai ngini ewarit Inges abunore, kitanite ngun alotoma adiopak. Nai epite ngolo abunio Inges, abu Inges tolimonok ka kirikak akidianakin Keng, ka tolot paka nasir.
Ka tari ngikiyakia nyepona toanyut Inges, naarai apotu ikes kingita Inges. Temasi, “Tokona, ani kelosi lokoku a itunganan paka Yorusalem, ngiboro lu dadang, akipotorio,” ebe “kaninyo nai ebakatar Ngakigiret ebe 'itemokino mono Elia bu ekigaren'?”
Tema Yesu ebe, “Adau inges abunore, ka nyepona iyes toanyut inges. Ka abu inges kitiyia jik nguna abasi Ngakigireta ebe ebuni inges akitiyia. Ka apotu ikes kitiyiata neni keng nguna egiritai.” Ingolik-a? ka nyepona ikes toyenut ngun. Tema Inges, “arai Yokona.”
Ka, nai, “Okoe!” kingolek, apotu ikes tokenyut, neni keng. Apotu ikes... Ka ngina, tari apak ngina esidion, kelunyar ngiboro dadang-ngulu keris Inges kitiyiak, ka akitanyunet ngina kebu Inges kitanyik neni kec, ka asir Inges tari kenyarau ikes. Tema, “Ngai alokiding kus akatubokini ayong anguna asecit, amamukau anupit? Erai paketiyat Ayong jik nguna abasi Ngakigiret ebe ebuni apis Kang akitiyia ngina abunio Ayong nakwap, ido nai kitodikinai Ayong neni asecitor Ayong. Ingolik-a? Ido eketodikini Ayong iyes neni emaikina iyes ikote, ka engolikisi erai kinupito iyes ngun, kori mam.” Ingolik-a? Kebongunit Inges tema, “Amaikina iyes itonupa Ayong ngina abunio Ayong.” Nyepona ikes kitiyiata ngun, kingolik, nai ayenete ikes ejok akilo aenikin ngun neni Keng, alotoma ngun. Nai abu Inges tema, “Ngai ipei dang alokiding kus ngini ekesiburai Ayong asecit-a? Ingolik-a? Nyitiyia Ayong jik nguna alimunitoi-a?”
-----
Tokona, aponi tonyarai inges ekingaren ebe eketepagan ngolo a Kristo. Adoketait ngina angarei, aponi tonyarai inges ebe ekadwaran ngolo aliokonon, naarai ekuwam ngolo alotoma ngitunga abu torau ngolo akuwan. Itamunito iyes, ekameton ngolo angole angina akwan tokona amamukar ebokot ngina ageunia inges, nai aponi inakinai inges ebokot. Kotere nyo? Arai inges ekuwam ngolo anginikolaitian, anageun; ka nai abu inges bu toloma toma itunganan; ka nai aponi kitanapai inges ebokot, ka abu toriam ekicolong ka kitonapai ebokot. Ka nai abu inges kidianak anen apak ngina aoyian, ikwa ngina ikingolikinia iwon iti ikilosi... engarosi ngakipuceta.Ka nai ikiriamuni iwon ebe, kelunyar apak ngina aoyian ngin, aponi topetunoi satan alotoma a Nakuj. ka abu inges bu kwap, alotoma Ngakigiret, ka abu inges kiwuakin lokicolong. Totamak, kiwuakin lokicolong alotunganan angol, ka abu torau etiang. Ka ayiakatar inges apedor, apedor ngina apolon, ikwa ngina kitiyator inges, ngakujuwanisia dadang ka nginibore dadang, ebe, akiyara ka ngijiesio ngulu aokot ka ngiboro dadang ngulu apedorit Roma aurun.
-----
Tokona eyiai nege apukokino kang anguna angun. Erai logo Satan, nabo. Erai ekipie nabo, aloyakae ece. Tokona, ikiyeni iwon ebe akipucet erai ngina eyiakar... Ikwa ngina alimunitor ayong ataboong nginace. Ka era arupepe ngina eyiakar ngijiesio, kingolikisi iyes, alokiding ngitunga, alokiding ngibukui. Nai iriamuni iyong, anege, ebe ayiakatar etunganan lo atum, nai isikwaniyaritai inges ka ekanisa, ngijiesio ngulu angapukasinei. Tokona nyipedori iyong atamakin ngun, nai toanyu ngun alotoma adakika, jik alotoma ngadakikai ngakudio.Toanyu akiloconokin ngina angirangi alotoma ngangolei nugu. Ekameton ngolopei; iloconokini erangi ngolo angangolei. Ka angole erai etiang. Ka etiang, alotoma Ebaibul alotoma emacar erai, ewuekinit apedor. Erwonget ngolopei ngol emiat erangi ece, apedor, ameun aneni akwangan paka narengis ngina angaokot. Ingolikis-a? toanyu inges tokona, epite ngolo ebunitor inges.
Ngina esiakinia inges ekingaren, arai inges jik, ejok, arai inges jik akitatam ngina cici alotoma, alokiding, ngina anyaritai ebe nginikolaitian. Naarai, pa apedori inges akiyara idiobore. Erai nen Apukokino 2:6, erai kicamit iyong akiwuakin ngun kwap. Papedori inges akiyara idiobore. Arai jik akitatam, jik ekuwam alokiding ngitunga. Tokona, emame ibore eari inges. Okoe, arai inges ngolo amame ibore ayeni, emiat angole keng ngina akwan. “Ejok, iyenete iyes, ikiyiakaunor iwon ekanisa ngolo apolon ngolo ka akwap adadang. Ikinyarai iwon inges ebe ekanisa ngolo ka akwap adadang.” Eroko ikes itiyaete. Iyookino dadang. Ingolikis-a? Tokona, “ikiyiakaunor iwon...” okoe, erai jik ngolo emame ibore eyeni. Ka, okoe, erai jik ngolo emame ibore eyeni. “Erai jik atukot ngina a ngikiliok. Ikicunakin iwon dadang anguna akimor.” Kingolikisi, erai ngolo emame ibore eyeni; erai ngina akwangan, arai angole ngina akwangan ngin. Ingolikis-a?
-----
Toanyuwasi. Kingolikisi. Ngina abunio satan... Tokona, nginitunganan dadang, emisiuni ebe erai satan epolokinit ngapukasinei dadang nguna ka akwap. Abu inges tolimu ngun. Matayo ekek 4th, iriamunete iyes ngun, ka engaet ngolo angikan kauni. Erai ngapukanisei dadang nguna eyiakasi neni keng. Inges nai ejioto ikes, ngijiesio, toaras. Totamutu tokona. Nyikitubulete ngun-a? Aponi inakinai ikes atum na, toaratar make. Okoe, okoe, okoe, ekang! Toanyu tokona. Tokona, ngina etiya inges ngun, aringa inges nyeriamuna apedor ngina limonokinet mono. Nai abu inges togeu kan ekipie ngolo ka akitatam angina aliokonon. Ka abu akitatam ngin torau erwonget. Ka abu erwonget ngol tonap akuwan alotoma ekadwaran angolo aliokonon. Ka nai abu inges tolot nakibois ngina eyookino. Nyebuno inges tolot neni angisirael, tokona. Abu inges tolot paka Roma; Nikae, Roma.Aponi kiwuakinai akiriamun ngina ka atukot, ka aponi toseunai ebisop ngolo apolon. Ka nai, anakitiyia nu, apotu ikes todocakis ekanisa ka apukan iwapei. Ido, abu inges kimasa akau keng. Abu inges tolema angole keng ngina akwan nawae. Ka abu todoka nangole keng ngina arengan, kotere earia ngini tunganan dadang ngini nyecamunosi kapei ka inges. Nen eyiai akipucet kon. Etunganan ngolopei ngolo! Toanyuwa inges emiat paka nakibois keng ngina ruba aloyaye, kapei ka ngun, kingolikisi, ecunakini ngapedorosio keng kapei.
-----
Tokona, totamunito tokona ebe, abu inges toriam atum. Eyiai inges elosi kingaren, kirumite atum anakan keng; tomete, angole ngina arengan, kiloununuye alotoma ngaokot anginitunganan adadang angina nyecamunosi kapei ka inges. Imisiut iyes ngun tokona-a? Ngitunga ngiai amisiyasi nguna eyiakatar akipucet tokona-a? iyookino dadang. Tokona, nyo nai abu Yesu tolimu ebe? “Ikes ngulu irumete atum etwakiyarete kan atum.” Iyookino ngun-a? iyookino dadang. Iookino dadang. Ekameton lo ka ngulu ka apukan keng dadang ngulu earete alotoma atur, ngulu apotu kiriut ngaokot nu dadang alokakwang ngulu aponi toarai, eponi toarai kan atum ngina a Yesu Kristo ngina ebunio Inges. Ido ikes ngulu apotu tolemut atum ngina akitatam ka atum ngina itepegit Kristo, ido kitelitelo ngulu akire, ngikelipak ngulu iyookino, alotoma ngaturio dadang, akitijokit ngabungei. Ka ngina ebunio Kristo kapei ka Atum, naarai erai Akirot Keng ngina abu tolomu akakituk Keng, ebuni Inges akiyara ngolo moit dadang ngolo eyiai kingaren Keng. Inupito iyes ngun-a?Tosiomete alo akirot... Akipucet Ngina Angarei.
