Pula nga kabayo sa nagkabayo.

William Branham.

Basaha ang tibuok nga asoy sa...
Ang Ikaduhang Timri.

Ug karon, niining kagabhion atong tun-an kining Ikaduhang Timri. Ug e... Diha sa unang upat ka mga Timri anaay upat ka mga magkakabayo. Ug sultihan ko kamo nga karon anaay butang nahitabo na usab, ug a-akong... Usa ka butang nga akong... Miadto ako ug gikuha ang karaang sinulat nga gihuptan ko nga akong gihisgotan sa dugay nang panahon. Ug didto milingkud ako, ug namalandong, “Hinuon, a-ako nang nahimo ang labing maayo nga nahimo ko.” Ug daghan kaayong mga manunulat ug uban pa... Ug namalandong ako, “Hinuon, nakabasa na man akog gamay, ug nagsusi ug nahita kini ug kana,” ug ang unang butang nahibalo kamo, dihay butang nahitabo, ug kining tanan nagakalahi gayud. Miabot kini nga nagakalahi. Ug unya mikuha akog lapis pagdalidali ug misugod pagsulat kutob sa akong mahimo samtang diha sa pa Siya.

-----
Karon, sa miaging gabii maingon nga gusto ta kanunay sa pagtudlo diha sa-sa mga Timri, atong-gitudlo kini sa mao rang paagiha nga inyong gibuhat diha sa-diha sa-sa mga kapanahonan sa iglesia. Ug... Sa natapos nato ang pagtudlo sa panahon sa iglesia, sa miaging panahon samtang gidibuho ko sila dinhi niini sa- sa pulpito diha sa pisara, pila man ang nahinumdum pa kung unsay nahitabo? Nanaug Siya dihadiha, ug miadto didto sa bungbong ingon nga usa ka Kahayag ug Siya mismo maoy nagdibuho niini, diha gayud sa bungbong sa atubangan natong tanan. Ang Manolunda sa Ginoo mitindog atubangan sa gatusan ka mga katawhan.

Ug karon, Si-Siya nagbuhat na usab ug usa ka butang nga labaw sa kinaiyanhon. Ug tungod niini nagpaabot ta ug dagkung mga butang. Wala kita masayud... Gusto ba ninyong magpaabot nianang-nianang labing kulbahinam, sa walay pagkasayud kung unsay mosunod nga panghitabo, nasayud na kamo, di--- diha sa pagpaabot? Karon, unsa kadaku ang Dios alang kanato. Ug unsang pagkakahibulongan, atong ginadayeg Siya.

Karon, ang nahauna ug ikaduhang bersiculo, akong basahon kini aron paghatag ug gamayng paghulagway, ug unya atong hisgotan ang ikatulo ug ikaupat nga bersiculo alang sa Ikaduhang Timri, ug unya sa ikalima ug ikaunom nga bersiculo sa Ikatulong Timri. Ug sa ikapito ug ikawalo mao ang-ang duroha ka mga bersiculo alang sa matag magkakabayo. Ug karon, gusto kong inyong himatikdan kung unsa kining tawo diha sa luspad nga kabayo, tingalig ania na kini, nga nanag-usabusab lamang samtang nagpadayon sa unahan,

Ug unya kanang daku ug katapusang Timri pagaablihan, kong itugot sa Dios, sa sunod nga Dominggo sa gabii, nga kung mahitabo man kini nan diha niana, ang bugtong butang nga mahitabo mao ang kahilum sa langit sulod sa tunga sa takna. Tabangan ta sa Dios. Karon, ako nang basahon ang ikatulong bersiculo karon.

Ug sa pagbukhad niya sa ikaduhang timri, nadungog ko ang ikaduhang buhing binuhat nga nag-ingon, Umari ka. Ug migula ang lain na usab nga kabayo nga mapula: ug gang nagkabayo niini gitugotan sa pagwagtang sa pagdinaitay gikan sa yuta, aron ang mga tawo magpinatyanay ang usa sa usa; ug siya gihatagan ug usa ka dakung espada.

Karon, ang usa ka butang nga puno sa tanghaga karon sa diha nga ang-ang buhing binuhat miingon kang Juan, “Umari ka ug tanawa.” Ug wala niya makita kung unsa kadto; mao ray iyang nakita ang simbolo. Ug kadtong maong simbolo, ang hinungdan nga kadto... Siya miingon, “Umari ka, ug tan-awa.” Apan simbolo lamang ang iyang nakita nga iya kining gihulagway sa iglesia sa kahimtang nga sila motan-aw hangtud nga mosangko kini sa katapusang panahon, ug unya ang Timri ablihan.

Karon, ug ang matag usa nakasabot na ba niana karon? Tan-awa, ang mga Timri bukharon na. Ug wala ba kamo malipay nga buhi pa niining panahona? Kana... Nakita mo? Dili lamang kay kana ra, mga higala, kondili hinumdumi kanunay karon; sa miaging Dominggo sa buntag diin ang kinatibuk-ang butang gipasukad diha niana, sa kayano (Nakita mo?), sa katataw, mapaubsanon. Nahitabo aron nga ang mga katawhan molabay lamang ug wala gani mahibalo nga kini nahitabo na. Ug hinumdumi, nga kita nagpaabot sa pagbalik sa Ginoo sa bisag unsang takna. Ug kung kita... Nakapamahayag ako nga tingalig ang paglalin mahitabo sa samang kahimtang. Molabay na kini, ug natapos, ug walay usang masayud bahin niini, ug nahitabo ra nga sama niana. Nakita mo? Ug kasagaran... Pagpadayon lamang ug balik sa Biblia ug tan-awa kung giunsa niini pagkahitabo nga sama niana (Nakita mo?),

Bisan pa maingon sa usa ka maayong butang sama sa pagbalik sa Ginoong Jesus. Walay usang nasayud bahin niini. Maoy ilang pagtuo, “Kanang kulangkulang, mga tawo...” Ang mga kasimbhanan nag-ingon, “Usa ka fanatico. Kita... Buangbuang gayud siya.” Miingon, “Usa Siya ka tawong buangbuang. Kami nasayud nga ikaw usa ka buangbuang.” “Kulangkulang” nagkahulogan “buangbuang.” “Kami nasayud nga ikaw giyawaan, ug mao kanay nakapabuang kanimo. Nagtinguha ka sa pagtudlo kanamo nga ikaw usa ka anak sa gawas. Tan-awa, gipanganak ka tungod sa pakighilawas, unya mosulay ka pagpanudlo sa katawhan nga sama kanamo, sa mga kaparian ug uban pa, sa templo.” Tan-awa, oo, kadto maoy u-usa ka insulto kanila.

Sa paghiabot ni Juan, maoy gihisgotan sa kapanahonan gikan pa kang Isaias hangtud kang Malaquias-napulog-duha kadto ka gatus-o pito ka gatus ug napulog-duha ka mga katuigan ang pagpapakita kaniya sa mga profeta nga moabot. Ang tanan nanaghulat kaniya nga moabot, ug nanaghulat niini sa tanang takna. Apan ang paagi sa iyang pag-abot, siya nagwali, ug gibuhat ang iyang bulohaton, ug mikayab ngadto sa himaya, Ug bisan ngani ang mga apostoles wala mahibalo niini. Tungod kay ilang gipangutana Siya; sila miingon, “Karon, ang Anak sa tawo moadto sa Jerusalem, ug tanan kining mga butanga igahalad,” ug miingon, “nganong ang Kasulatan nagaingon man nga si-nga si Elias moanhi pag-una?” Si Jesus miingon, “Nahianhi na siya; ug wala kamo masayud niini. Ug iyang gibuhat ang unsay giingon sa Kasulatan nga iyang pagabuhaton, ug ilang gibuhat kaniya kung unsay nahisulat.” Tan-awa, nakita mo? Ug wala sila makasabot niini. Siya miingon, “Kadto mao si Juan.”

Ug unya, “Oh.” Tan-awa, nahigmata si-sila niini. Sila... Ug samtang... Bisan pa sa katapusan, tapos sa tanang mga butang nga Si- Siya nagbuhat ug mga ilhanan nga Iyang gipakita kanila, ug gipanagtawag sila, nga nagaingon, “Kinsa man kaninyo ang makasumbong Kanako batok sa sala (pagkawalay pagtuo)? Kong wala ko buhata ang unsay giingon sa Kasulatan nga maoy mahimong Akong buhatan inig-anhi Ko sa kalibutan, nan ipakita Kanako kung diin Ako makasala. (Nakita mo?) Kay A-Akong ipakita kaninyo kung unsa kamo, ug atong tan-awon kung motuo ba kamo niini o dili.” Nakita mo? Miabot Siya dihadiha ug miingon, “Angayan unta nga motuo kamo Kanako sa Akong paghiabot.” Wala nila buhata kini. Nakita mo? Busa labi pa silang nasayud kay sa pagdugtong niini Kaniya diha niana. Apan Siya miingon, “Kinsa ba kaninyo ang makasumbong Kanako nga walay pagtuo? (Nakita mo?) Wala Ko ba buhata kung unsa kini kaniadto?”

-----
Karon, una sa tanan gitawag siya nga anticristo. Sa ikaduhang hugna, gitawag siya nga mini nga profeta, tungod kay kadtong espiritu nga diha sa katawhan nahimo mang tawo. Inyong nahinumduman ang magkakabayo sa maputing kabayo walay korona sa iyang pagsugod, apan sa ulahi siya-gihatagan nag korona. Ngano man? Tungod kay siya sa sinugdan mao man ang espiritu sa Nicolaita. Ug unya misul-ob siya diha sa tawo, ug unya gikoronahan siya, ug midawat ug trono, ug gikoronahan. Ug diha atong nakita nga sulod sa hataas nga panahon si Satanas gihinginlan didto sa langit. Ug nanaug siya, sumala sa Kasulatan milingkod sa trono mismo. Hunahunaa lamang, mipahiluna sa iyang kaugalingon diha nianang tawhana ug nahimong mapintas nga mananap. Ug siya nakabaton ug gahum, sama sa usa ka hataas nga gahum, nga makahimo siya sa tanang mga milagro ug uban pa nga diha-ang pagpamatay ug sa dugoon nga mga away ug uban pang butang nga-nga mahimo sa Roma. Oo. Siya nanagpamatay pinaagi sa Romanhong kastigo.

-----
Karon, ania ang akong pinadayag niini: Si Satanas na usab kini. Ang yawa na usab kini nga diha sa laing kahimtang. Karon, nahibalo kita nga-nga ang mga Timri nagpasabot sa... (Sumala sa ako nang gikaingon sa miaging gabii) ug ang mga trumpeta nagpasabot sa-sa-sa sibel nga mga gubat (Nakita ba ninyo?), diha sa mga katawhan, o sa tali sa mga kanasuran. Apan inyong nakita dinhi nga kining tawhana anaay espada busa nagpasabot siya ngadto sa politikanhong gubat diha sa iglesia. Karon, tingalig wala ka maghunahuna niana, apan bantayi kini bisan kadali lang, bisan kadali lang. Himatikdi ang pagkausab sa color niining mga kabayo: mao ra nga magsasakay. Ang pagkausabusab sa color sa mga kabayo... Ug ang kabayo usa ka mananap, ug ang mananap diha sa Biblia ubos sa simbolo nagpasabot sa usa ka gahum. Mao ra nga sistema ang nagsakay ngadto sa laing color sa gahum gikan sa pagkainocente nga puti ngadto sa usa ka dugoon nga pula... Nakita mo? Bantayi siya karon kung giunsa niya pagabot.

Sa una niyang pagsugod, usa pa siya ka... Usa pa siya ka gamayng doctrina diha sa-diha sa ginatawag nga Nicolaitanismo. Dayag kaayo nga dili kini makahimo sa pagpamatay ug bisan unsa. (Mao kana ang Pinadayag 2:6, kong gusto ninyong isulat kini.) Dili siya makapatayg bisan unsang butanga. Usa pa kini ka doctrina, usa pa ka espiritu nga diha sa mga katawhan. Karon, dili pa siya makapamatay. Oh, inocente gayud siya kaayo nga nagsakay sa maputing kabayo. “Nan, nahibalo ba kamo, makaangkon ta ug usa ka gamhanang simbahan sa tibuok kalibutan. Atong tawgon kini nga usa ka simbahan sa tibuok kalibutan.” Nagpadayon pa sila. Oo. Nakita mo? Karon, “Makaangkon ta... Oh, inocente kini kaayo. Ug, oh, labihan kainocente niini. Usa lang kini ka pundok sa mga kalalakenhan. Managhiusa tang tanan alang sa panag-ambitay.” Tan-awa, inocente kaayo kini; maputi kini, ang maputing kabayo kanhi. Nakita mo? Karon.

-----
Paminaw, ug himatikdi. Sa diha nga si Satanas... Karon, ang matag usa nga nakaila nga si Satanas maoy nagbuot sa politikanhong gahum sa kalibutan... Gipamulong Niya kini (Mateo capitulo 4 ug makuha ninyo kini, ug sa bersiculo 8). Ang tanang mga gingharian iya. Mao kanay katarungan nga nanag-awayay sila, nanaggubat, nanagpatyanay. Karon, hinumdumi, dili talagsaon man kana? Sila gihatagan niining espada aron magpinatyanay ang usag usa. Oh, tan-awa. Himatikdi karon. Karon, sa nabuhat na niya kana wala pa niya maangkon ang relihiyosong gahum; kondili misugod siya diha sa usa ka demonyo pinaagi sa usa ka mini nga pagtulon-an, ug kadtong maong pagpanudlo nahimong usa ka doctrina. Kadtong maong doctrina nahimong misul-misul-ob diha sa usa ka mini nga profeta, Ug unya miadto siya sa maong dapit; wala gayud siya moadto karon sa Israel, kondili sa Roma, sa Nicaea, Roma.

Ang concillo gipahimutang, ug nagpili sila ug usa ka pangulo nga Obispo. Ug unya pinaagi sa pagbuhat niini ilang gihiusa ang simbahan ug ang nasud. Ug unya iyang gihulog ang iyang bosugan; ug nanaug siya sa iyang maputi nga kabayo; miadto siya sa iyang mapula nga kabayo, aron makahimo siya pagpatay kang bisan kinsa nga dili mouyon kaniya. Mao kana ang inyong Timri. Oh, tan-awa. Mao rang tawhana. Bantayi siya nga mopaingon ngadto sa eternidad sa unahan pa niini. Nakita mo? Gihiusa ang duroha niya ka mga gahum,...

-----
Karon, karon, hinumdumi nga siya anaay espada. Siya milakaw nga may espada diha sa iyang kamot, nagkabayo sa mapula nga kabayo, naglangoy sa dugo sa matag usa ka tawo nga mosupak kaniya. Karon, nakasabot ba kamo niini? Pila kaninyo ang nakasabot kung unsa kanang Timri karon? Oo. Karon, unsa may giingon ni Jesus? “Sila nga nagadaladalag espada mamatay pinaagi sa espada.” Husto ba kana? Oo. Mopadayon ta. Kining maong magkakabayo ug ang tanan niyang ginsakon sa gingharian nga gipamatay tadlas sa mga panahon nga nagpaagas sa tanan dugo sa mga marter sa mga balaan pagapatyon pinaagi sa espada ni Jesu-Cristo sa Iyang pag-abot. “Sila nga nagadala ug espada pagapatyon pinaagi sa espada.” Ilang gidala ang espada sa dogma ug anticristo ug gipamutol ang tinuod nga mga magsisimba tadlas sa mga kapanahonan sa mga minilyon, ug kung moabot na si Cristo pinaagi sa Espada (Kay kini mao ang Iyang Pulong nga magagula gikan sa Iyang baba.), Iyang pamatyon ang matag kaaway diha sa Iyang atubangan. Motuo ba kamo niini?

Basaha ang tibuok nga asoy sa...
Ang Ikaduhang Timri.

Ayaw kalisangi ang mga butang nga sa dili madugay imo nang pagaantuson. Tan-awa, ang uban kaninyo hapit na ibanlud sa yawa ngadto sa bilanggoan, aron masulayan kamo, ug pagasakiton kamo sulod sa napulo ka adlaw. Himoa ang pagkamaunongon kanako bisan pa sa kamatayon, ug hatagan ko ikaw sa purongpurong nga kinabuhi.

Pinadayag 2:10