Embaraasi endiijo.

William Branham.

Read the full account in...
Akamanyiso Kakabiri.

Kandi hati, ekiro eki, nitwega Akamanyiso ka Kabiri aka. Kandi omu Bumanyiso buna obw'okubanza hariho abatembi b'embaraasi bana. Kandi nimbagambira, hariho ekyagaruka kukabaho eriizoba. Kandi, ni-ni, ekintu eki ndi... Ningyenda nkwata ebihandiiko ebya ira ebi naabaire nyine, ebi naabuuriireho, ebiro ebya ira munonga, reero nshutama oho. Kandi naateekateeka, “Mbwenu, nka-nkakora oku ndikubaasa.” Kandi n'abahandiiki baingi n'ebintu, kandi naateekateeka, “Mbwenu, ninza kushomaho kakye, reero ndanzye kandi ndeebe eki na kiri.” Kandi eky'okubanza noomanya, hagire ekyabaho, kandi kihindukiire kimwe munonga. Nikiija omu muringo gw'omutaano. Reero mbakure ekaraamu yangye jubajuba, haza ntandikye kuhandiika n'obwira oku ndikubaasa, Akiri aho.

-----
Hati, nyomwabazyo omu mwabazyo, nk'oku buriijo tukunda kukora, omu kwegyesa aha-aha Bumanyiso, tubwegyesa omu muringo nigwo gumwe oku okora aha-aha-busingye bw'ekanisa. Kandi ku twamazire kwegyesa obusingye bw'ekanisa, omurundi gw'aha muheru obu naateera ebishushani hanu byabwo aha-aha kituuti, aha rubaaho, nibangahe abarikwijuka ekyabaireho? Akashuumira kimwe, yaagyendera kimwe aha kisiika omu Mushana, reero yaabuteera ekishushani, We wenka, aho aho aha kisiika, omu maisho gaitu twena. Maraika wa Mukama akeemerera hanu hanu omu maisho g'abantu amagana. Kandi hati Na-Naakora ekintu buzima ekirengire eby'obuhangwa hati, nabwo, n'ahabw'ekyo twiniire ekihika ebintu bikuru. Titurikumanya... Nimukunda kutegyereza kwonka ebyo-ebyo ebi tweteekateekyeire, tutarikumanya ekirikuza kukurataho, nimumanya, kutegyereza-kutegyereza, kwonka.

Hati, reeba oku Ruhanga ari mukuru ahariitwe, kandi ow'okutangaaza! Nitumusiima munonga! Hati, omushororongo 1 n'ogwa 2, ninza Kukishoma, kwenda ngu nteho omusingye. Reero nitwija kukwata omushororongo gwa 3 n'ogwa 4, ahabw'Akamanyiso ka Kabiri. Reero kandi omushororongo gwa 5 n'ogwa 6 n'Akamanyiso ka Kashatu. Kandi ogwa 7 n'ogwa 8 nigwo... Emishororongo ibiri ahari buri mutembi w'embaraasi.

Kandi hati niinyenda ngu mureebe oku aba bantu... Ahari egi mbaraasi ya kisa, obundi... Ngigi yaija, neeguma neeyehindura oku erikugumizamu kugyenda. Reero ako Kamanyiso kakuru, ak'aha muheru ak'okubambuurwa, Ruhanga ku araakunde, Sande erikwija nyekiro! Ako, ku kaabaireho, hakaba hariho ekintu kimwe, kyonka ekyabaireho, “hakabaho akaceceko omu Iguru k'ekicweka ky'eshaaha.” Ruhanga atuhwere. Hati ninza kushoma omushororongo gwa 3 hati.

Ku yaabambwire akamanyiso ka kabiri, naahurira ekihangirwe ekya kabiri nikigira kiti: Ija (oreebe)! Haarugayo embaraasi endiijo... (omushororongo gwa 4) ...erikutukura; owaabaire agishutamiho (yaaheebwa obushoboorozi) yaikirizibwa kwiha obusingye omu nsi,... ngu abantu baitane;... abantu baitane; kandi yaaheebwa rurara mpango.

Hati, ekintu ky'enaama hati, ekyo-ekyo Kihangirwe ekiine amagara ku kyagambiire Yohaana kiti, “Ija haza oreebe.” Kandi tarareebire eki kyabaire kiri. Akareeba ekirikushushanisa kyonka. Kandi ekirikushushanisa ekyo, enshonga ei... Akagira ati, “Ija, oreebe,” kwonka akareeba ekirikushushanisa, eki yaabaire naaza kushushanisa aha kanisa, omu muringo ogu baabaire nibaza kureeba; okuhitsya obu kyahikire omu busingye bw'aha muheru, reero Akamanyiso kakabona kubambuurwa. Hati, buri omwe naakyetegyereza hati, mwareeba. Obumanyiso bukaba nibuza kubambuurwa.

Mbwenu timushemereirwe kuba mutwire omu biro ebi? (Abateeraine baagira bati, “Amiina”-Omur.) Ekyo mwareeba, t'ekyo kyonka, banywani, kwonka buriijo mwijukye hati, akasheeshe ka Sande ehweire, ahu ebintu byona bibaire byegamiire, obwanguhi! Mwareeba? Okwanguha, okucureera, nikibaho omu muringo nk'ogwo kugira ngu abantu bagumizemu kandi batamanya nangwa ngu Nikibaho. Kandi, mwijukye, tutegyereize Okwija kwa Mukama, akaire koona. Kandi ku itwe... Nkashohoza ekigambo, nti obundi Okutwarwa nikwija kuba omu muringo ogwo. Kuryahingura, kuhwe, kandi tihariho n'omwe orikumanyaho ekintu kyona. Kuryaija omu muringo ogwo. Mwareeba? Kandi buriijo...

Garuka enyima omu Baiburi reero oreebe oku kibaho omu muringo ogwo. Nangwa nk'ekintu kikuru nk'okwija kwa Mukama Yesu, tihariho n'omwe owaakumanyireho ekintu kyona. Bakateekateeka bati, “Ogwo mugwa-iraro, omuntu nanka.” Amakanisa gakagira gati, “N'orikurengyesereza omu nyikiriza ye. Itwe... Buzima n'omugwairaro. Bati, ”N'omushaija omushazi.“ ”Nitumanya ngu ogwire-iraro.“ Okugwa-iraro nikimanyisa ”okutabuka omutwe.“ ”Nitumanya ngu oriho daimoni, mbwenu ekugwisize eiraro. Mbwenu Noogyezaho kutwegyesa? Kandi obwo, waazaariirwe aheeru y'obushwere. Itwe... Okazaarirwa omu bushambani. Haza ogyezeho kwegyesa abantu nkaitwe, abanyamurwa, n'ebindi nk'ebyo, omuri hekalu?“ Mpaho, mugyenzi, ekyo kikaba kiri ekijumo aharibo.

Yohaana ku yaizire, akaba yaabaire agambirweho, kushuuma kurabira omu busingye obwahingwire, kurugira kimwe ahari Isaaya kuhika ahari Malaki. Egyo n'emyaka rukumi na magana abiri... nari emyaka magana mushanju na ikumi na ibiri, akaba yaareebirweho baanabi, arikwija. Buri muntu akaba amutegyereize kwija, bakiiniire ekihika obwire bwona. Kwonka omuringo ogu yaiziremu, akabuurira kandi yaakora omurimo gwe, bwanyima yaaza omu Kitiinisa. Kandi nangwa n'entumwa tizirakimanyire, ahakuba zikamubuuza. Zikagira ziti, “Hati, ku-ku Omwana w'omutu araabe naaza Yerusaalemu, ebintu ebi byona, okuheebwayo,” bati, “ahabw'enki kiri ngu Ebyahandiikirwe bigira ngu, 'Eliya naaza kubanza kwija'?” Yesu akagira ati, “Yaaherize kwija, kandi timurakimanyire. Kandi akakora buzima eki Ebyahandiikirwe byagambire ngu akaba naaza kukora. Kandi bakamukorera ebyo ebyabaire bihandiikirwe.” Mwareeba? Kandi tibarabaasize kukyetegyereza. Akagira ati, “Akaba ari Yohaana.”

Kandi, obwo, “Oo!” Mwareeba, ba-bakasisiimuka, aharikyo. Bo... Kandi ku, nangwa, aha muheru, ahanyima y'ebintu byona ebi Ya-Yaabaire akozire, kandi n'obumanyiso obu Yaaboorekire, kandi Akaba nangwa abeetsire. Ati, “N'oha omuriimwe orikubaasa kuunyomesereza ekibi, obutaikiriza? Ku Ndaabe ntakozire buzima eki Ebyahandiikirwe byagambire ngu ofiisi Yangye ekaba neeza kukora ku Ndyaija omu nsi, mbwenu munyorekye ahu Nkozire ekibi? Mwareeba? Mbwenu Niinyija-Niinyija kubooreka eki mushemereire kuba, reero ka tureebe yaaba murikukiikiriza, nari ngaaha.” Mwareeba? Akaagarukire ahonaaho reero agira ati, “Mukaba mushemereire Kuunyikiriza obu Naija.” Tibarakikozire, mwareeba, n'ahabw'ekyo bakaba abanyabwengye ekirikumara kutamutega, ahari ekyo. Kwonka akagira ati, “N'oha omuriimwe orikubaasa kuunyomesereza obutaikiriza? Mwareeba? Tinkozire buzima eki kyabaire kiri?”

-----
Hati, akabanza kwetwa antikristo. Eidaara rya kabiri, akeetwa nabi w'ebishuba, ahabw'okuba ogwo mwoyo omu bantu gukataaha omu bantu. Nimwijuka, otembire aha mbaraasi erikwera hati akaba ataine kirunga obu yaatandika, kwonka bwanyima akaba naija... akaheebwa ekirunga. Ahabw'enki? Akaba ari omwoyo gw'Abanikolaiti, okubanza kwa byona; reero yaataaha omu muntu, reero yaajwekwa ekirunga, kandi yaatunga ekitebe ky'obukama kandi yaajwekwa ekirunga.

Reero ekyo yaakiheererezamu obwire buraingwa nk'oku turaije kureeba oku tu... Obumanyiso nibubambuurwa. Kandi bwanyima nitushanga, ahanyima y'obwo bwire buraingwa, Sitaane akabingwa omu Iguru. Kandi yaashuuma ahansi, kurugiirira omu Byahandiikirwe, kandi yaayeta aha kitebe ky'obukama. Teekateeka, yaayeta aha kitebe ky'obukama omu muntu ogwo, reero yaaba enyamaishwa. Kandi akaba aine obushoboorozi, obushoboorozi obw'ahaiguru, nk'ebi yaakozire, eby'amahano na buri kintu, eki-eki, nari okwita n'okurwana kw'okusheesha eshagama na buri kintu eki-eki Rooma yaabaasize kureetaho.

-----
Hati oku nikwo kushuuruurirwa kwangye kwakyo. Ogu ni Sitaane, omurundi ogundi. Ni Sitaane, omurundi ogundi, omu nshusha endiijo. Hati, nitumanya ngu-ngu Obumanyiso bwine akakwate... nk'oku ngambire ekiro kiri. Kandi enzamba ziine akakwate aha-aha-aha-aha ntaro z'ahagati y'ebibiina by'abantu omu ihanga, nimureeba, omu bantu, omu mahanga. Kwonka nimuza kushanga, hanu, ngu omushaija ogu aine rurara, n'ahabw'ekyo aine akakwate n'ekanisa, orutaro rw'eby'obutegyeki. Hati nimubaasa kutateekateeka ekyo, kwonka mukireebe edakiika emwe, edakiika nkyeho. Yetegyereze okuhinduka kw'erangi y'embaraasi ezi. Omutembi niwe omwe; okuhinduka kw'erangi y'embaraasi. Kandi embaraasi n'enyamaishwa. Kandi enyamaishwa, omu Baiburi, omu kushushanisa, n'akamanyiso k'obushoboorozi. Entwaza niyo emwe etembire aha rangi endiijo, obushoboorozi, kuruga omu rangi erikwera etaine nshonga kuza omu rangi erikutukura nk'eshagama. Mwareeba? Nimumureebe hati, oku arikwija.

Okubanza obu yaatandika, akaba ari, mpaho, akaba ari enyegyesa nkye omuri-omuri, omu, erikwetwa ebikorwa by'Abanikolaiti. Hatariho kubangaanisa, ekaba etarikubaasa kwita ekintu kyona. Okwo n'Okushuuruurwa 2:6, mwaba nimwenda kukihandiika. Akaba atarikubaasa kwita ekintu kyona. N'enyegyesa kwonka, omwoyo gwonka omu bantu. Hati, tihariho eki yaabaire naabaasa kwita kyona.

Oo, akaba atainiire kimwe nshonga, atembire embaraasi erikwera egi. “Mbwenu, noomanya, nitubaasa kugira ekanisa ebugire ensi yoona. Nitubaasa kugyeta ekanisa ya boona.” Nibakikikora. Ni kirungi. Mwareeba? Hati, “Nitubaasa kugira . . .” Oo, tikiiniire kimwe nshonga. Kandi, oo, tikiiniire kimwe nshonga. “N'ekibiina ky'abantu kwonka. Twena nitwija kweteerana hamwe ahabw'okuramya.” Mwareeba, tikiiniire kimwe nshonga. ni erangi erikwera, ekaba eri embaraasi erikwera. Mwareeba?

-----
Mureebe. Mwetegyereze. Sitaane obu... Hati, buri muntu, ngu, naamanya ngu Sitaane naategyeka amaani g'eby'obutegyeki goona ag'ensi. [Abateeraine baagira bati, “Amiina”-Omur.] Nikwo Yaagambire. Matayo eshuura y a kana, nimukitunga, n'omushororongo gwa 8. Obugabe bwona n'obwe. Niyo nshonga barikurwana, entaro, kwita. Hati mwijukye. Ekyo t'eky'okutangaaza? Bakaheebwa rurara egi, okwitana. Oo, oo, oo, mugyenzi! Mwetegyereze hati. Hati, ku yaakozire ekyo, akaba atakagizire, amaani g'ekanisa. Kureka akatandika aine daimoni y'okwegyesa kw'ebishuba. Kandi okwegyesa okwo kwaba enyegyesa. Enyengesa egyo yaataaha omuri nabi w'ebishuba. Reero akaza omu mwanya oguhikire. Taragiire omuri Israeli, hati. Akaza Rooma; Niika, Rooma.

Orukiiko rukashutama, reero baatoorana bishopu omukuru. Reero, ahabw'okukora eki, bakageita ekanisa na gavumenti hamwe. Bwanyima, yaanaga obuta bwe. Akatemburuka aha mbaraasi ye erikwera. Yaatemba aha mbaraasi erikutukura, ahakuba naabaasa kwita buri muntu weena otarikwikirizana nawe. Nkako Akamanyiso kaawe. Omuntu niwe omwe! Mureebe atembire naagumizamu kuza omu butahwaho okwo, ari nayo, mwareeba, naateerana hamwe amaani ge gombi. Obu hati, nibagyezaho kukora ekintu nikyo kimwe, ekintu nikyo kimwe, ebiro ebi. Kandi ekintu eky'okutangaaza, obundi timurikukyetegyereza.

-----
Hati, hati mwijukye, aine rurara. Naagyenda omumaisho, rurara omu ngaro ze; atembire, embaraasi erikutukura, arikuribata omu shagama ya buri muntu otarikwirizana nawe. Hati nimukyetegyereza? [Abateeraine bati, “Amiina.”-Omur.] Ni bangahi abarikwetegyereza eki ako Kamanyiso kari hati? [“Amiina.”] Ni kirungi. Hati, Yesu akagamba ki? “Abo abatwara rurara baryaitwa na rurara.” Ekyo kihikire? Ni kirungi.

Ni kirungi. Otembire embaraasi ogu kandi n'abantu boona ab'obugabe bwe abarikwita okushuuma kurabira omu busingye, abaasheeshire eshagama egi yoona y'abarikwera abaafeereire okwikiriza, baryaitwa na Rurara ya Yesu Kristo ku Ariija. “Abo abatwara rurara baryaitwa na rurara.” Bakakwata rurara y'ekigunjano na antikristo, reero baatema baagwisa ahansi abarikuramya b'amazima, abahikire, okushuuma kuraba omu busingye, abarikubarirwa omuri zaamirioni. Kandi Kristo ku araije na Rurara, ahakuba n'Ekigambo Kye ekirikuruga omu kanwa Ke, Naija kwita buri muzigu ori omumaisho Ge. Nimukiikiriza?

Read the full account in...
Akamanyiso Kakabiri.

Otatiina ebi orikwija kubonabonesibwamu. Reeba, Sitaane naija kuta bamwe omuriimwe omu kihome, ngu mugyezibwe, kandi mumare ebiro ikumi nimubonabonesibwa. Guma ori omwesigwa okuhitsya aha kufa; naanye ndyakuha ekirunga ky'amagara.

Okushuuruurirwa 2:10