Akamanyiso Ka Kashatu.
<< prev
next >>
Embaraasi erikwiragura.
William Branham.Read the full account in...
Akamanyiso Ka Kashatu.Oo, Ruhanga otuyambe! Oo! Nitwija kurekyera aha. Kwonka, Ruhanga otuyambe kureeba hati, nikwo kushaba kwangye, nk'oku twaija hati. Habw'okuba, tindikwenda kubakyerereza munonga. Ruhanga atuyambe kureeba. Niinyikiriza shana, Omwoyo ari ahariitwe, kikaaba kihikire hati kugira ngu Naabaasa kutuyamba hati okushuuruura, okubambuura Akamanyiso aka. Reka tushome. Nk'oku turikureeba embeera ei ekanisa erimu, nitureeba ahu ebaire eri, twareeba eki baakozire, twareeba ahu yaabaire eshemereire kuhika, nitugireeba aho, kandi twareeba eki baabaire bashemereire kukora. Bakakora ekyo buzima. Hati nimureeba ahu turi? Imwe musharemu. Tinkaasharamu. Nyowe ninjunaanizibwa okureeta Ekigambo eki. Nk'oku Ndikukiheebwa, nikwo ndikubaasa Kukiheereza. Okuhitsya obu Ndaakiheebwe, tindikubaasa Kukiheereza; tihariho ondiijo weena orikubaasa.
Ku yaabambwire akamanyiso ka kashatu, naahurira ekihangirwe ekya kashatu nikigira kiti: Ija (oreebe)! Ku naimukize amaisho, naareeba embaraasi erikwiragura; kandi owaabaire agishutamiho akaba aine eminzaani omu ngaro ze;
Naahurira eiraka ahagati y'ebihangirwe ebiine amagara ebina, nirigamba riti: Endengo y'engano y'edenaari, n'endengo ishatu za sayiri z'edenaari; kwonka amajuta na... viinyo otabishiisha.-----
Hati, mureebe ahu turi, omwabazyo ogu, obwo busingye bw'ekanisa endiijo hati. Mwareeba? Nitwirira obusingye bwa kashatu bw'ekanisa hati. Mwareeba? Buzima kwo aha busingye bwa kashatu, obusingye bwa kashatu nibushushanira kimwe n'embaraasi ya kashatu. Mwareeba? Hati, obusingye bw'okubanza bw'ekanisa, bukaba buri ki? Abanikolaiti bakaba baine enyegyesa, mwareeba, obw'okubanza. Ni kirungi. Reero, ekintu eky'okubanza ekiturikumanya, enyegyesa egi ey'Abanikolaiti, ekaikirizibwa kandi yaaba ehikire, yaatandika kukora. Reero bakajweka ekirunga omuntu ogu. Bwanyima, omwoyo ogu, antikristo, gwataaha omu muntu. Mwareeba? Kandi nitushanga, bwanyima, yaahinduka Sitaane otaahire omu muntu, nawe; daimoni naarugaho agyenda, reero Sitaane ataahamu.Kandi nk'oku ekanisa egyo eri omu muringo ogwo, ekanisa ya antikristo, neekurakurana; nikwo n'Omugore aizire n'ebintu bitari bimwe: okuraba omu kwihwaho orubanja, okwezibwa, okubatizibwa n'Omwoyo Orikwera, kandi n'okugumizamu, mwareeba, batyo. Okwihaho, bakabanza kutunga okusisiimuka kwabo, kandi Ekanisa erikukutunga aha muheru. Emyaka eshatu yaabo ey'okubanza... Amatembezo ashatu g'okubanza g'abo abaarabire omu busingye bw'omwirima; bwanyima erya kashatu, amatembezo ashatu, Ekanisa neerugayo; kuruga omu kwihwaho orubanja, okwezibwa, okubatizibwa n'Omwoyo Orikwera, omuri Ruhanga ajwaire omubiri ayorekirwe omuriitwe.
Ngugu hanu naataahamu, nka antikristo, nka nabi ow'ebishuba, bwanyima enyamaishwa, bwanyima omu busingye bw'omwirima. Reero Ekanisa neeruga omuri obwo busingye bw'omwirima; okwihwaho orubanja, okwezibwa, okubatizibwa n'Omwoyo Orikwera, Ekigambo ekihindukire omuntu, nigwo muhanda hati. Kandi naashuuma. Ahaa. Nimureeba ekyo? Naashuuma. Ekanisa neeza ahaiguru. Mwareeba? Kihikiire kimwe nk'oku kirikubaasa. Oo, ni kirungi. Ninkikunda. Otembire embaraasi ogu niwe ogwo omwe, kureka omu idaara erindi omu buheereza bwe. Eitembezo ery'okubanza, embaraasi erikwera, mwareeba, akaba ari omwegyesa kusha, antikristo omwegyesa. Akaba naahakanisa Ekigambo kya Ruhanga. Kandi mbwenu noobaasa kuba antikristo ota? Weena oyehakana ngu buri Kigambo ky'eki tikiri ky'amazima, kandi akeegyesibwa atyo ni antikristo, 'habw'okuba bahakanisa E-E-Ekigambo. Kandi Niwe Kigambo.
-----
Hati, mbwenu ngigi enaama y'eki. Kandi hati, Kyo, ku Kyanshuuruuriirwe aka kasheeshe kare kare omu kasheeshe aka, butakasheeshire. Bwanyima ngiire jubajuba omu Byahandiikirwe kandi naatandika kureeba, okukisherura. Nkikyo kiri aho. Bushatu okuhitsya hati, bushuuruuriirwe kimwe, okurengire eby'obuhangwa. Yee. Mbwenu ngigi enaama y'embaraasi erikwiragura, kurugiirira aha ki naashuuruuriirwe.Akatandika kutemba embaraasi omu bwire bw'obusingye bw'omwirima. Ekyo nikyo embaraasi erikwiragura yaabaire neeshushanisa, obusingye bw'omwirima, ahakuba bukaba buri obwire bwa shaaha mukaaga z'ekiro omu itumbi aha baikiriza b'amazima abaabaire batsigaire. Mureebe hati omu busingye bw'ekanisa obwo, obusingye bw'ekanisa obwo bwa rwagati, obusingye bw'ekanisa bw'omwirima. Mureebe oku Arikugira, “Oine amaani makye.” Bukaba buri ny'ekiro omu itumbi aharibo, aha baikiriza.
Mbwenu mureebe. Omu mazima amatsiko goona gakaba gaihirwe aha Kanisa y'amazima, ahakuba omuntu ogu akaba naategyeka byombi ekanisa na gavumenti. Nibaza kukora ki? Mwareeba, Obukatoriki bukaba buhambire, byombi ekanisa na gavumenti. Kandi boona, abaabaire batarikwikirizana n'Obukatoriki, bakaitwa. Egyo niyo nshonga yaabaire ari aha mbaraasi erikwiragura. Kandi mureebe ekintu ekirikwiragura eki yaakozire, mwareeba, n'ahabw'ekyo nimubaasa kureeba. Kandi nimu... Mwaba nimumanya ebyafaayo byanyu, mubireebe, bwanyima nimwija... Mpao, timurikwija nangwa n'okukimanya, oku-okumanya Eki.
Mbwenu mureebe. Amatsiko goona gakaba gahweire. Egyo niyo mbaraasi ye erikwiragura. Hati, akatemba embaraasi ye erikwera, obwengye bw'oburyarya. Bwanyima akaheebwa obushoboorozi; akaihaho obusingye, yaita zaamirioni. Ekyo nikyo yaabaire naaza kukora atembire embaraasi arikugumizamu naarabamu. Kandi na hati naakikikora. Mwareeba? Hati, ngugu hanu aha mbaraasi ye erikwiragura hati, naija omumaisho.
Obusingye bw'omwirima, bukaba buri obwo bwire. Nk'omu bwire obu ekanisa yaatandika, kandi ekatunga obushoboorozi, bakaniga buri kintu kyona. Kandi ekarabamu haihi, emyaka amagana n'amagana n'amagana, nikyo buri mushomi arikumanya nk'obusingye bw'omwirima. Ni bangahi abarikumanya ekyo? [Abateeraine baagira bati, “Amiina”-Omur.] Buzima, obusingye bw'omwirima. Ngigyo embaraasi yaawe erikwiragura, erikushushanisa obusingye obwo obw'omwirima.
Hati, amatsiko goona gahweire; hatakiriho matsiko na kakye. Buri kintu kikareebeka nk'omwirima, aha baikiriza bakye. Hati, egyo niyo nshonga erikutuma bwayetwa, burikushushaniisibwa, n'embaraasi erikwiragura. “Eminzaani ye, nari ebipimiso bye, omu ngaro ze,” nimureeba. Naayeta ati, “Endengo y'engano y'edenaari, n'endengo ishatu za sayiri z'edenaari.” Mwareeba, buzima, nikimanyisa, engano na sayiri n'ebintu by'obuhangwa by'obutoosha by'amagara. Ebyo nibyo omugaati n'ebindi bikorwamu. Kwonka, nimureeba, akaba naabishashuza sente. Eki kirikumanyisa, ekyo, akaba naashashuza sente abantu be ahabw'omuringo gw'amatsiko g'amagara agu yaabaire naabooherereza, ahabw'okukora... Akatandikira omu bwire obwo bwonyini, okubateeraho kushashurira eshaara, kubashashuza esente ahabw'eshaara. Nibakikikora na hati; zaanovena. Habw'okuba, akaba naakora ki? Naanyaga obutungi bw'ensi. Ekipimiso, naapima, “Endengo y'engano y'edenaari; n'endengo ishatu za sayiri z'edenaari.” Otembire embaraasi erikwiragura, mwareeba, akaba naakora... naayaka abantu be esente. Obu, Baiburi neeranga ngu aine, haihi, obutungi bw'ensi. Nk'oku twagambire ekiro ekihweire ahari Russia, kandi n'ebyo byona, nibatwara esente zoona kandi baake abantu buri kintu eki baine, buri kintu. N'ahabw'ekyo, nkikyo aho.
-----
Mwetegyereze. Hanu hariho ekicweka kirungi hati. Mwetegyereze.... amajuta na viinyo ebi otabishiisha. “Ni nka makye Agatsigaireho aho, kwonka Ago otagakwataho!” Hati, amajuta ni... nigashushanisa Omwoyo, Omwoyo Orikwera. Niinyija kubaha emishororongo mikye mwaba nimwenda. Hariho Ebyahandiikirwe bibiri. Omu kitabo ky'Abaleevi, 8:12, ahu Arooni, atakataahiremu, akaba ayeetaagiisibwa kushukwaho amajuta, nimumanya. Kandi omuri Zekaria 4:12, eky'amajuta kwija, nigeeshuka kuraba omu nshekye, kandi yaagira ati, “Ogu n'Omwoyo Wangye, Amajuta.” Ekindi kintu, mwaba nimwenda kureeba Matayo, 14... 25, hakaba hariho omwishiki oshugaine omushema, nari 25:3, omwishiki oshugaine omushema akaba ataine Majuta, ataine Mwoyo. Kandi Matayo 25:4, omwishiki oshugaine ow'obwengye akaba aine Amajuta omu tabaaza ye, aijwire Omwoyo. Omwoyo! Amajuta garikushushanisa Omwoyo. Oo, ekitiinisa! [Ow'eishe-emwe Branham yaateera omu ngaro ze rimwe- Omur.] Ni kirungi. Mwakitunga? [Abateeraine baagira bati, “Amiina.”] Byona biri gye.Hati, amajuta nigashushanisa Omwoyo. Kandi viinyo neeshushanisa okwimutsya okukyamukirira kw'okushuuruurirwa. Oo, mbai-mbaire ndi haihi kwiruka hoona hoona omu mwanya ogwo. N'eky'okutangaaza tinsisiimwire abataahi, Mukama ku anyorekire ekyo, mwareeba, “okukyamukirira kw'okushuuruurirwa.” Mwareeba? Amajuta na viinyo, omu Baiburi, biine akakwate buriijo. Nkwatsire ekitabo ekirikuhwera omu kusherura Ebyahandiikirwe reero naareeba. Hariho orunyiriri rw'Ebyahandiikirwe oruri nka-nka batyo, ahu viinyo n'Amajuta biine akakwate, obwire bwona. Mwareeba?
Amazima g'Ekigambo kya Ruhanga ekiragaanisiibwe ku gaheeza kushuuruurwa omu mazima aha barikwera be abaijuziibwe Amajuta, boona nibakyamukirira. Viinyo ni okukyamukirira. Ekitiinisa! Ninkwehuriramu hati hati. Okukyamukirira n'amashemererwa, okuteera akaari! Mwareeba? Kandi, ku Kukikora, eki Kubakoraho nikishushana n'eki-n'eki viinyo ekora aha muntu w'obutoosha. Ahabw'okuba, okushuuruurirwa ku kuheza kuheebwa, okw'Amazima ga Ruhanga, kandi n'omwikiriza w'amazima oijwire Amajuta, kandi okushuuruurirwa kukashuuruurwa, okukyamukirira nikuba okw'amaani munonga okuhitsya obu Arikumureetera okutwaza okutari kwa buriijo. Kihikire. Ekitiinisa! [Abateeraine baayesiima.-Omur.] Mwareeba, ekyo nikyo kirikutuma baaba nk'oku bari bati. Ekyo kihikire, neebareetera kutwaza nk'okurikwitsa enshoni.
-----
Ku ndikureeba ngu Ruhanga akaragaanisa kukora ekintu nanka omu biro ebi, obu Yaaragaanisa kubambuura Obumanyiso obu omu biro ebi eby'aha muheru! Kandi timurikumanya okushemererwa, ekitiinisa, ku ndeebire Yaashuurura eki, nkeemerera aho kandi nkareeba nikibaho! Kandi n'okumanya ngu ndyatwara omuntu weena, aha rubanja: Takatugambiraga ekintu na kimwe haza kitabeho. Kandi bwanyima kureeba okushemererwa okuri omu mutima gwangye, naareeba okuragaanisa Kwe ahabw'ebiro ebi eby'aha muheru, nk'oku Yaaragaaniise kukikora. Kandi hanu ninkireeba kihamiibwe kandi kihikiire kimwe.Ndinka... Nimumpurira ningira nti, “Naahurira naataaha omu Omwoyo.” Egyo niyo nshonga. Okukyamukirira ni kwingi munonga, ndi-ndi-ndi nka-haihi kutandika kuteera orwari n'okutwaza nk'otaine bwengye, nimumanya. Okukyamukirira, okurikuruga omu kushuuruurirwa! Ni kirungi. Nibakyamukirira munonga, aha ku-kushuuruurirwa, oku baahamize, ni kirungi, okuragaanisibwa. Hati, oo, mugyenzi! Aho hakabaho okushemererwa kw'okukyamukirira, okuhitsya obu abantu baagambire ngu, “Basinzire viinyo y'omutahe,” Ruhanga ku yaashuurwire okuragaanisa Kwe aharibo. Kandi Tarakushuurwire kwonka, kureka Akakuhamya. Ekyo nikyo ntwire ningamba. Omuntu naabaasa kugamba ekintu kyona, yee, naabaasa kuba aine ekiconco ky'obuzaarwa kugamba ekintu kyona; kwonka Ruhanga yaija kandi ekyo akakihamya!
Hati, Baiburi ekagira eti, “Ku haribaho weena omuriimwe, orikwegambaho kuba ow'omwoyo nari nabi, ku arigamba ebintu ebi kandi bitaabaho, mutarimutaho omutima. Mutarimutiina, na kakye. Mutatiina ogwo muntu. Kwonka yaakigamba kandi kikabaho; ogwo Niinye, nimureeba. Nyowe, ekyo nkirimu. Ekyo nikyo kirikuhamya ku Niinye.”
Read the full account in...
Akamanyiso Ka Kashatu.
Obushwere n’Okushenda.
