Ti kina-Dios ni Jesu-Cristo.
Ti mysteryo ti Trinidad.
William Branham.Basaen ti account iti...
Ti Paltiing ni Jesus ti Christ.Paltiing 1:5-6,
“Aggapu pay ken ni Jesu-Cristo a mapagtalkan a saksi, inauna nga Anak a nagungar ken kangatoan kadagiti agtuturay iti lubong.
Ay-ayatennatayo ni Jesu-Cristo, ket inugasannatayo kadagiti basbasoltayo babaen iti darana.”Paltiing 1:8,
“Siak ti Alfa ken ti Omega, ti pagrugian ken kamaudyanan, kuna ti Apo, isu tatta, ken isu idi Kalman, ken isu ti umay, ti Mannakabalin-amin.”Tatta amin dagitoy nga expressions, ‘Isu Tatta, ken ‘Isu idi Kalman’, ken ‘Isu ti Umay’, ken ‘Matalek nga Saksi’, ken ‘Umuna a naiyanak gapu kadagiti Natay’, ken ‘Prinsipe dagiti Ar-ari iti Daga’, ken Ti Alfa ken Omega’, ken ‘Ti Mannakabalin-amin’, ket Titulo iladladawanna iti Maysa Ken Isumet Laeng Nga Persona. Nga isu ni Apo Jesu-Cristo, nga Isu ti nangugas kadatayo kadagiti basbasoltayo baben ti darana.
Ti Spiritu ti Dios adda kenni Juan ket ipakpakitana ti panangammo ti Supremo a kina-Dios ni Jesu-Cristo ken ipaltiingna ti Kina-Dios a maysa laeng ti Dios. Kadagitoy nga al-aldaw ket permi launay ti kamali. Ta isursuroda a tallo ti Dios embes nga maysa. Daytoy nga paltiing ket naited kenni Juan nagapu ken Jesus, isuna na lang, iayustayo dayta nga kamali. Haan nga tallo a Dios, no di ket maysa a Dios nga adda tallo a opisinana. Adda ti maysa a Dios nga adda tallo a titulona, Ti Ama, Ti Anak ken Ti Spiritu Santo. Daytoy naindaklan nga paltiing ket adda idi iti immuna nga iglesia, ket masapul nga maisubli a maisuro kadagitoy maudi nga aldaw a kaduana ti usto a pormula ti panakaitaneb ti danum.
Tatta dagitoy modern theologians dida umanamong kaniyak ta kastoy ti nakasurat diyay dakkel nga pagbasaan dagiti Cristyano. “Dayta sursuro (iti Trinidad) isu ti pinakapuso ken tenga iti Daan a Tulag. Imbilangda babassit a kasla pinakapuso ken tenga iti Baro Tulag. Ti Baro a tulag ket kasla met laeng ti Daan a Tulag nga ti panunot ti tao ket ad-adu pay ti Dios haan laeng nga maysa. Ngem ti Baro a Tulag ket adda ti maipada a kalawag ti isurona nga ti Ama ket Dios, ti Anak ket Dios, ken ti Spiritu Santo ket Dios, Ket daytoy tallo ket haan nga tallo nga aspeto ti parehas a tao, ngem tallo a persona a nakatkder iti agpayso a personal nga relasyon iti tumunggal maysa. Daytan ti dakkel nga doctina iti tallo nga persona ngem maysa a Dios.”
Kinunada pay, “Ti Dios, maibasar ti Biblia, haan laeng nga maysa a person, no di ket tallo isuna a tao iti maysa a Dios. Dayta ti dakkel a mysteryo ti Trinidad”.
Daytoy ket agpayso. Kasanu nga tallo a tao ti adda iti maysa a Dios? Haan laeng nga awan iti Biblia para ti daytoy, ngem mangipakpakita a kurang ti kinalaing a panagrason ti tao. Tallo a nagsasabali a persona, uray no agpaparehas nga banag, maaramid nga tallo a Dios, wenno panagsao ket napukawen ti amin a kayatna a saoen.
Denggento dagitoy sasao manen, “Siak ti Alfa ken Omega, Ti Pagrugian ken ti Kamaudyanan, kuna ti Apo, Isu ita, ken Isu Idi, ken Isu ti Umay, ti Manna-kabalin”. Daytoy ti Kina-Dios. Daytoy ket haan laeng nga propeta, haan la a tao. Daytoy ti Dios. Ket haan nga paltiing iti tallo a Dios, ngem Dios a maymaysa, ti Mannakabalin amin.
Dida nga mamati iti tallo a Dios ti iglesia idi nagrugida. Dimo mabirukan dayta a klase ti pammati kadagidyay apostoles. Idi nalpas ti panawen ti apostoles nga daytoy a teorya ket simrek ken talaga a nagbalin nga isyu ken cardinal nga doctrina diyay Nicene Council. Ti doctrine ti Kina-Dios ket nangited ti dua nga wagas ti panakagedua diyay Nicea. Ket manipud idi panagsina ket immay ti dua a extremes. Ti maysa ket mamati iti adu a Dios, mamatida ti tallo a Dios, ken ti dadduma mamatida ti maymaysa a Dios. Siyempre dayta ket apagbassit nga immay, ngem napasamak daytoy, ket adda kadatayo tattan nga al-aldaw. Ngem ti Paltiing a naited kenni Juan babaen ti Spiritu para kadagiti adu nga iglesia idi ket, “Siak ni Apo Jesu-Cristo, ken Siak ti AMIN aminen. Awanen ti sabali a Dios”. Ket Isuna kinargaanna ti selyo maipapan iti daytoy a Paltiing.
Anamungam daytoy: Siasino ti Ama ni Jesus? San Mateo 1:18 kunana, “Naammoan a masikogen ni Maria babaen iti pannakabalin ti Espiritu Santo”. Ngem ni Jesus mismo, ket imbagana nga ti Dios ket isu ti Amana. Dios Ama ken Dios Spiritu Santo, kas kanayontayo a naibagbaga, maaramid nga ti Ama ken ti Spiritu ket maymaysa. Agpayso dayta, no haan di dua ti Ama ni Jesus. Ket ammoentayo nga ni Jesus kunana nga isuna ken ti Ama ket maymaysa- haan a dua. Mangipakita a maymaysa ti Dios.
Gapu daytoy mapaneknekan babaen iti pagbasaan ti napalabas ken ti Kasuratan, dagiti tattao ket matikawda no naggapuanna ti tallo a sursuro. Nagbalin daytoy a pundasyon a doktrina idiyay Nicene Council idi 325 A.D. Daytoy Trinidad (agpaypayso nga awan basaranna iti kasuratan) naibasar idi iti adu a dios ti Roma. Dagiti Romano ket adu ti dios a pagkarkararaganda. Agkararagda pay kadagiti panguloenda idi a kas mangibabaet. Daytoy ket mangiturong tapnu dagiti baro a nagan dagiti daan a diosda, isunga adda dagiti sasanto tapnu aramidenda daytoy a mas Biblikal pay. Isunga, embes nga Jupeter, Venice, Mars, ken dadduma pay., addaen ni Pablo, Pedro, Fatima, Christopher, ken dadduma pay., dadduma pay. Haanda nga maaramidan ti pagano a relihiyonda ket maymaysa a Dios, isunga ti Dios ket pinagbalinda nga tallo, ket nagaramidda ti sasanto a mangibabaet kas inaramidda a dagiti panguloenda ket mangibabaetda met.
Manipud idin dagiti tattao ket dida maammoan nga adda laeng ti maymaysa a Dios nga adda ti tallo nga opisinana wenno panagpakitana. Ammoda nga adda maysa a Dios maigapu iti Kasuratan, ngem pinadasda ti nakaskasdaaw a teorya nga ti Dios ket kasla maysa a sapad ti ubas; tallo nga persona nga adda parehas a kina-Diosda nga agpadapada amin. Ngem nalawag ti kunkunana ditoy Apocalypses a ni Jesus ket “Isu Tatta”, “Isu Idi”, ken Isu ti Umay”. Isuna ti “Alfa ken Omega”, kayatna a saoen Isuna ti “A inggana Z” wenno Isuna ti Amin Amin. Isuna ti Amin- ti Mannakabalin amin. Isuna ti Rosas ti Sharon, ti Lily of the Valley, ti Naraniag ken Agsapa nga Bituin, ti Nalinteg nga Sanga, ti Ama, ti Anak. Ken ti Spiritu Santo. Isuna ti Dios, ti Mannakabalin amin a Dios. Maymaysa a Dios.
1 Timoteo 3:16 kunana, “Ket awan ti contrabersiya anian a nagdakkel ti palimed ti kinasanto: Ti Dios ket naipaltiing iti lasag a tao, pinaneknekan ti Espiritu ti kinalintegna, ket nakita dagiti anghel, naikaskasaba kadagiti Hentiles, pinati dagiti tattao iti entero a lubong, ket nayuli sadi langit”. Dayta ti kinuna ti Biblia. Awan ti imbagana maipapan ti umuna wenno maikadua wenno maikatlo a persona ditoy. Ti kinuna ket ti Dios naiparang iti bagi a tao. Maymaysa a Dios. Ti Maymaysa a Dios ket naiparang iti bagi a tao. Dayta koma ket ayusen awan ti problema. Ti Dios ket immay iti porma a tao. Haanna nga inaramid nga sabali a Dios. Isuna idi ti Dios. Isu metlaeng a Dios. Maysa a naipaltiing idi, ken maysa a maipaltiing tatta. Maymaysa a Dios.
Agsubli tayo iti Biblia ket kitaentayo no anya Isuna idi punganay maigapu iti paltiing nga intedna mismo. Ti naindaklan a Jehovah nagpakita ti Israelita iti adigi nga apoy. Kas maysa nga Anghel ti katulagan nakipagteng isuna iti adigi nga apoy ket indaolona ida ti inaldaw. Idyay templo inpakaammona ti Iyuumayna a kaduana ti naindaklan nga ulep. Kalpasanna maysa nga aldaw naammoantayo nga naiyanak Isuna iti virhin ti bagi a naisagana para kenkuana. Ti Dios nga nagtaeng iti ngato ti tolda ti Israelita tatta nangala Isuna ti tolda iti bagi ket nakipagtaeng a kas tao kadagiti adu a tattao. Ngem Isuna met laeng ti Dios. Ti Bblia isursurona nga ti Dios ket adda ken Cristo. Ti Bagi ket ni Jesus. Agtataeng kenkuana ti amin a kina-Dios, iti Bagina. Awanen ti mas nalawlawag ngem dayta. Mysteryo, owen. Ngem ti agdadata nga kinapudno-- di mabalin nga nalawlawag. No ngarud haan nga tallo a tao Isuna idi, Di mabalin nga tallo tatta. Maymaysa ti Dios: Ket Isuna nga Dios ket nagbalin nga tao.
Kinuna ni Jesus, “Naggapuak ti Dios ken adgsubliak ti Dios”. San Juan 16:27-28. Dayta ti talaga nga napasamak. Nagpukaw Isuna ditoy daga babaen ti panakatayna, panakaitanemna, panagungarna, ken ti panakaipangatona sadi langit. Idin ni Pablo nagparang Isuna idyay dalan a mapan dyay Damascus ket nagsao ken Pablo ket kinunana, “Saulo, Saulo, apay nga parparigatennak?” Ni Pablo kinuna, “Siasino ka Apo? Kinuna, “Siak ni Jesus.” Isuna idi ti adigi ti apoy, ti makabulag nga silaw. Isuna ket nagsubli, a kas naibagana a mapasamak. Nagsubli Isuna iti dati nga kasasaadna sakbay nga nakipagtaeng a kas tao. Dayta ti exacto nga nakita ni Juan. San Juan 1:18 “Awan ti tao a nakakita ti Dios uray anya oras; Ti laeng bugbugtong nga anak, nga adda iti saklot ti Ama, Impakaammona Isuna”. Pansinentayo tay kuna ni Juan a ni Jesus Ket. Adda iti UNEG ti saklot ti Ama.
San Lucas 2:11 kunana, “Naipasngay kadakayo tatta nga aldaw ditoy ili ni David ti mangisalakan, Nga isu ni Cristo nga Apo”. Naipasngay nga isu ti Cristo, kalpasan ti walo nga aldaw ket nakugit naawagan ti nagan a Jesus, a kas kinuna met laeng ti anghel kadaida. Naiyanakak a Branham. Idi naipasngyak innikkandak ti nagan a William. Isuna ket CRISTO ngem naikkan ditoy daga ti nagan kadagiti ti tattao. Ti akinruar nga bagina dagiti tattao inawaganda isuna a Jesus. Isuna ti Dios dyay langit, ti Mannakabalin amin nagparang iti bagi. Isuna ti Dios Ama, ti Anak, ken ti Spiritu Santo. Isuna amin dayta.
Basaen ti account iti...
Ti Paltiing ni Jesus ti Christ.Download (PDF Ingles)... Godhead Explained
