Ekitabo eki ky'Obucunguzi.

William Branham.

Read the full account in...
Omwanya oguri Ahagati y’Obusingye Mushanju bw’Ekanisa n’Obumanyiso Mushanju.

Hati, nkaza eruguru omu nengo, kandi naatembera kimwe ahaiguru munonga ahu naabaire nimbaasa kuhika. Kandi nka-nka-nkabuuza Mukama, obwo nshutami ahaiguru okwo, eki ebi byona byabaire nibimanyisa, n'ebindi. Nkaba nk'owaarabanamu, kandi tindamanyire eky'okukora. N'ahabw'ekyo ku naabaire nishaba; ekintu eky'omutaano kikabaho. Ni-ni-niinyenda kuba omwesigwa. Hati, nimbaasa kuba naagwejegyeire. Nikibaasa kuba kyabaire kiri nk'oturo, nari kukaaba kwabaire kuri-o-ookworekwa. Niinyikiririza kimwe ngu kukaba kuri okworekwa. Kiri ngu, nkaba nyimukize emikono yaangye, ndikugamba nti, “Mukama, okubaruka oku nikumaanyisa ki? Kandi ekibiina kya Baamaraika aba mushanju abari omu kwebumburika kwa-kwa piramidi, nibanterura okunyiha ahansi n'okuhindukira buturukwa izooba, nikimanyisa ki?”

Nkaba nyemereire aho, niinshaba, kandi haagira ekyabaho. Kandi, hati, ekintu kyagwa omu ngaro zangye. Kandi nimmanya, mwaba mutarikwetegyereza ebintu by'omwoyo, nikibaasa kureebeka nk'ekitari kya buriijo. Kwonka ekintu kikagwa omu ngaro zangye. Kandi, ku naareebire, ekaaba eri rurara. Kandi ekirindi kyayo kikaba kikozirwe omu kyoma ky'eihunde ry'obuguzi bwingi, eihunde rirungi munonga eri ndareebire. Kandi e-ekicweka kya rurara ekirikuzibira, nimumanya, ahu... ninteebereza n'okurinda engaro zaawe kutasharwa, nimumanya, waaba no... a-abantu babiri abaabaire barwanisa za rurara kumaraho empaka; kikaba kiri ezaabu. Kandi ekyogi kya rurara egyo etari mpango kikaba kitari kiraingwa munonga, kwonka kikaba kiine obwogi nk'obw'egirita; kandi ekaba eri efeeza erikumurinkana. Kandi kikaba kiri ekintu ekirikukirayo oburungi eki ntakareebaga. Ekainganira kimwe na saizi y'engaro zangye. Kandi nkaba ngikwaitse.

Naagira nti, “Ekyo ti kirungi!” Nkagyetegyereza. Kandi naatekateeka nti, “Kwonka, nimumanya, nkaba ntuura nintiina rurara.” Nkaba ndi nk'oshemereirwe ahabw'okutatuura omu biro ebi baabaire bazikoresa, ahabw'okuba ni-nintiina omusyo. N'ahabw'ekyo obwo nka-nkateekateeka nti, “Ninza kugikozesa ki?” Kandi ku naabaire nkigikwatsire, omu ngaro zangye, Eiraka okuruga ahantu ryagira riti, “Egyo ni rurara y'ogwo Mugabe.” Reero rurara yandugaho.

-----
Mbwenu, ebintu ebyo nitu-nitufa kuteebereza, ahabw'okuba, ahabw'okutagira obwegyese, ninshushanisa. Nindanzya kandi ndeeba eki kiri, nari ekyabaireho omu Ndagaano eya Ira, nikyo ekirikushushanisa nari ekicuucu eky'Ensya, reero ntunga ekiteekateeko eki Ensya eri. Mwareeba? Nka ku... Noa akataaha omu meeri hatakabaireho okubonabona, ekirikushushanisa; kwonka nangwa na Noa, mwareeba, atakabaire kutaaha omu meeri, Enoka akatwarwa, mwareeba, hatakabaireho ekintu kyona. Kandi Looti akeetwa okuruga omuri Sodoma hatakabaireho okubonabona okurikwingana busha, okw'okucwekyerera; kwonka Abrahamu akaba ari, obwire bwona, aheeru yaakwo. Mwareeba, ebirikushushanisa.

Kwonka hati nituza kushoma omushorongo ogwa 1. Ninza kushoma emishororongo ebiri nari eshatu y'okubanza Yaakyo.

Kandi omu mukono gwa buryo gw'ogwo oshutami aha kitebe ky'obukama naarebamu omuzingo gw'ekitabo ekihandiikirwe omunda n'enyima, kandi kikomirwe n'obumanyiso mushanju.
Bwanyima naareeba Maraika w'amaani naagamba n'eiraka rihango, ati; N'oha oshemereire kushuuruura ekitabo, n'okubambuura obumanyiso bwakyo?
Kwonka tihaabaho n'omwe omu iguru n'obu haakuba omu nsi n'obu haakuba ahansi-n'obu haakuba ahansi y'ensi, owaabaasa kushuuruura ekyo kitabo, n'obu kwakuba okukireebamu; (Ka n'Ekitabo!)
(Kandi) naarira munonga, ahabw'okutabaho waareebeka ashemereire kushuuruura ekyo kitabo, n'okukireeba(mu).
Hati, nimugamba aha kutaba oshemereire? “N'okutaba oshemereire okukireebaho; tihariho muntu, hoona hoona.”
Omwe ahari abo bakuru yangira ati: Otarira! Reeba, Entare y'omu ruganda rwa Yuda, Ekitsitsa kya Daudi, akasingura; n'ahabw'ekyo naabaasa kushuuruura ekyo kitabo n'okubambuura obumanyiso byakyo mushanju.
Kandi ahagati y'ekitebe ky'obukama n'ebihangirwe ebyo ebiine amagara ebina,... n'abo bakuru, naareebaho Omwana gw'Entaama ayemereire, naashusha oweitsirwe, aine amahembe mushanju n'amaisho mushanju, niyo Myoyo mushanju ya Ruhanga etumwa omu nsi zoona.
Yaija, yaiha ekitabo omu mukono gwa buryo gw'ogwo oshutami aha kitebe ky'obukama.

Nituza kwemereera aho akaanya, kushoma okuruga omu kitabo ky'Okushuuruurwa 5, kushuuma kutwariramu omushororongo gwa 7.

Ekitabo eki eky'Obumanyiso Mushanju nikishuuruurwa omu bwire bw'Ebirikuhinda Mushanju by'Okushuuruurwa 10.

-----
Hati, mwareeba, enaama y'Ekitabo eki ky'Obumanyiso Mushanju neija kushuuruurwa aha kugambwa kw'Obutumwa bwa maraika w'ekanisa eya Mushanju. Mwareeba? “Maraika owa mushanju kutandika kugamba,” kandi aho niho Obutumwa buhandiikirwe aho, kandi Tubwine aha ntambi z'amaraka kandi n'omu muringo gw'ebitabo. Hati, “Omu kutandika kugamba Obutumwa, enaama ya Ruhanga eshemereire kuhwa, mwareeba, omuri obwo bwire.” Hati nitwija kwetegyereza. Ekitabo, ky'enaama ya Ruhanga, tikirikushuuruurwa okuhitsya aha kugambwa kw'Obutumwa bwa maraika wa mushanju. Hati, enshonga ezi niziza kuba nkuru omu Bumanyiso, nimpamya, 'habw'okuba niziteekwa, buri emwe, nizigyenda hamwe. Hati, Kihandikiirwe omu naama, ahakuba tihariho muntu, hoona hoona, Orikukimanya. Ruhanga wenka, Yesu Kristo, mwareeba.

Hati, kwonka ni... N'Ekitabo, Ekitabo ky'enaama. N'Ekitabo ky'Obucunguzi. Nituza kukihikamu, omu kaanya kakye. Kandi hati nitumanya ngu Ekitabo eki ky'Obucunguzi tikirikwija kw'etegyerezibwa kimwe; kishwijumirwe, okuraba omu busingye bw'ekanisa mukaaga. Kwonka aha muheru, obu maraika owa mushanju aritandika kugamba enaama ye, naamariira ebintu byona ebi aba bantu batsigire batashobooroire gye. Kandi enaama niziruga ahari Ruhanga, nk'Ekigambo kya Ruhanga, kandi kishuuruure Okushuuruurwa kwona kw'Ekigambo kya Ruhanga, reero okumanya Obwaruhanga hamwe n'ebindi byona nibitereera. Enaama zoona, oruzaaro rw'enjoka, kandi n'ebindi nk'ebyo, nibiija kushuuruurwa.

-----
Mwetegyereze, Obumanyiso Mushanju aha kitabo, bwine e... Obumanyiso Mushanju obu nibwo bukomire Ekitabo. Mwareeba? Ekitabo kikomeirwe kimwe. Mwareeba? [Abateereine baagira bati, “Amiina-Omur.] Ekitabo eki n'Ekitabo ekikomeirwe kimwe okuhitsya obu Obumanyiso Mushanju buraabambuurwe. Kikomirwe n'Obumanyiso Mushanju. Hati, ekyo nikitaana n'Ebirikuhinda Mushanju. Mwareeba? Obu n'Obumanyiso Mushanju aha Kitabo. Kandi Ekitabo eki tikirikwija, Obumanyiso tiburikwija kuheebwa okuhitsya aha Butumwa bwa maraika owa mushanju. Mwareeba? Mbwenu nitu-nituteebereza; kwonka okushuuruurwa kw'amazima kwa Ruhanga nikwija kuhikiirira omu kugamba okwo, Amazima gahamiibwe. Hati, ekyo buzima nikyo Ekigambo kirikugamba, “Enaama eshemereire kuhwa omu bwire obwo.” Kandi Ekitabo eki ky'Obumanyiso, mwijukye, kikaba kishwekirwe hanu, omu kitabo ky'Okushuuruurwa eshuura ya 5, kandi ekitabo ky'Okushuuruurwa eshuura ya 10 kibiikwirwe.

Kandi hati nituza kureeba eki Ekitabo eki kirikugamba nk'oku kyabiikwirwe. Kandi tikimanyisiibwe okuhitsya obu Omwana gw'Entaama araakwate Ekitabo, kandi akabambuura Obumanyiso, kandi akabiikuura Ekitabo. Mwareeba? Omwana gw'Entaama aine kutwara Ekitabo. Esherekirwe. Hati mwijukye, “Tihariho muntu omu Iguru, tihariho muntu omu nsi,” paapa, bishopu, karidinaari Siteeti peresibeta, nainga owaaboneka weena, “Orikubaasa kubambuura obwo Bumanyiso, nainga kushuuruura Ekitabo, kureka Omwana gw'Entaama.” Kandi tucondoorize, kandi twateebereza, kandi twateera entsibo, kandi twayebuuza, kandi-kandi niyo nshonga turi omu kushobangirirwa nk'oku. Kwonka ahabw'okuragaanisibwa kwa Ruhanga ngu Ekitabo eki eky'Obucunguzi nikiza kubambuurwa hatarimu nshobi nari kamogo n'Omwana gw'Entaama, kandi n'Obumanyiso bwakyo bushuuruurwe n'Omwana gw'Entaama, omu biro by'aha muheru ebi tutwiremu hati. Kandi tiburimanyisibwa okuhitsya obu Omwana gw'Entaama araatware Ekitabo kandi akabambuura Obumanyiso. Ahabw'okuba, mwijukye, Ekitabo kikaba kiri omu ngaro z'Ogwo owaabaire ashutami aha Kitebe ky'Obukama. “Kandi Omwana gw'Entaama yaija ahari Ogwo oshutami aha kitebe ky'Obukama, kandi yaiha Ekitabo omu mukono Gwe gwa buryo.” Yaatwara Ekitabo!

Oo, ekyo kitsimbire emizi. Nituza kugyezaho kukishoboorora twaba nitubaasa, ahabw'okuhwerwa kw'Omwoyo Orikwera. Hati Niwe twegamiire. Kandi nitwija kureeba, ahanyima, n'omu bwire bw'aha muheru, “Obwire bwaheza kuhwayo.” Tihaine bigombe by'amadiini ebiine obugabe bw'okushoboorora Ekitabo eki. Tihaine muntu oine obugabe kukishoboorora. Omwana gw'Entaama Niwe orikukishoboorora. Kandi Omwana gw'Entaama Niwe orikukigamba, kandi Omwana gw'Entaama Niwe orikutuma Ekigambo kyamanywa, Arikukihamya n'okutuma Ekigambo kyagira Amagara. Mwareeba? Buzima!

-----
Ekiragiro kya Ruhanga kikeetaagisa eky'okuza omu mwanya gwakyo ekitaine rubanja. Kandi owaabaire ataine rubanja n'oha? Buri muntu weena akaba azairwe ahabw'okumanyana kw'omushaija n'omukazi, buri omwe. Kandi omwe wenka owaabaire atarikwo, akaba afeereirwe obugabe aha Magara Agatahwaho kandi n'okuba omugabe omu nsi. Oo, ku ndikuteekateeka aha Kyahandiikirwe ekyo, “Ahakuba atucungwire kugaruka ahari Ruhanga, kandi nitubaasa kutegyeka kandi tube abagabe n'abanyamurwa omu nsi.” Oo, mugyenzi! Niki? Omunyabuzaare Omucunguzi! Oo, ka n'ekitebyo eki twakutunga hanu! Mwetegyereze, ekiragiro kikeetaagisa Omunyabuzaare Omucunguzi kugura ekyabuzire. Embabazi zaaha ekirikwetaagisibwa omu Muntu Yesu Kristo. Omunyabuzaare naaragiirwa kuzaarwa omu ruganda rw'abantu.

Hati, tukaabaire tuta, ahu buri muntu ozairwe aine ku... Kandi buri muntu owaabaire atarikubaasa kukireeba ngu kikaba ari ekikorwa ky'omushaija kuteerana n'omukazi aho, mpaho, ahumiire kimwe, mwareeba, 'habw'okuba buri muntu owaazairwe akazaarwa omukazi. Kandi Ruhanga akeetaagisa Omunyabuzaare Omucunguzi, kandi ashemereire kuba omuntu. Oo, mugyenzi! Nooza kukora ki hati? Ekiragiro kikeetaagisa Omunyabuzaare Omucunguzi. Hati, Akaba atarikubaasa kukozesa Maraika. Akaba aine kutunga omuntu, 'habw'okuba titwine obuzaare na Maraika. Turi abanyabuzaare twena. Maraika taragwire. N'ekihangirwe eky'omutaano, aine omubiri ogw'omutaano. Tarasiisire nari ekindi kyona. N'ow'omutaano. Kwonka ebiragiro bikeetaagisa Omunyabuzaare Omucunguzi. Kandi buri muntu omu nsi akazaarwa ahabw'okumanyana kw'omushaija n'omukazi. Hati, timurikureeba, aho niho kyarugire. Aho niho ekibi kyatandikiire. Mbwenu nimureeba ahu kiri hati? Ngugwo naija, oruzaaro rwawe rw'enjoka, nirutahaamu. Mwareeba?

Hati, mwetegyereze, kikeetaagisa Omuryabuzaare Omucunguzi. Kandi Omucunguzi, Omunyabuzaare Omucungunzi, ashememereire kuzaarirwa omu ruganda rw'abantu. Hanu, ekyo nikitutsiga twenka. Kwonka murekye mbateerere Enzamba. Okuzaara kw'oshugaine kwine eki kwazaire. Amiina. Okuzaara kw'oshugaine kukareeta Omunyabuzaare Omucunguzi waitu. Tari ondiijo kureka Ruhanga Ow'obushoboorozi bwona yaaba Emanueli, omwe omuriitwe. Emmanueli! “Omunyabuzaare Omucunguzi” akaheebwa. Nimureeba oku Ruhanga arikutaho ekirikwetaagisibwa, kandi tihariho eki turikubaasa kukora. Kwonka kandi embabazi zaataahamu kandi zaashweka ekyo kiragiro, kandi zaazaara ekintu. Amiina!

-----
Hati mureebe. Ekitabo... Ekitabo kya Ruusi nikiha ekishushani kirungi ahari eki, oku Boazi... Kandi Naomi akaba aburize ekibanja. Ni, nimumanya. Mukahurira ninkibuuriraho, tikwo? Mwimutsye emikono yaanyu ku muraabe mwampuriire ninkibuurira. Mbwenu, nimumanya, mwareeba. Boazi akaba ashemereire kuba omucunguzi. Kandi niwe wenka owaabaire naabaasa. Akaba naateekwa kuba omunyabuzaare, omunyabuzaare wa haihi. Kandi, omu kucungura Naomi, akatunga Ruusi. Ogwo akaba ari Yesu, Boazi arikushushanisibwa Kristo. Kandi ku Yaacungwire Israeli, Yaatunga Omugore Omunyamahanga. Mbwenu reeru, nimureeba, ni kirungi munonga! Tukiine aha rutambi rw'amaraka, nimpamya, hanu omu mwanya nanka, mukaayenzire kukitunga.

-----
Embabazi zikareeta Omuntu Yesu Kristo. Kandi nitushanga, Ekitabo eki hati... Ruhanga akajanjamura eihema Rye, kuruga ahari Ruhanga, kuba omuntu. Ruhanga akahindura enshusha Ye, kuruga aha kuba Ow'obushoboorozi bwona, kuba omuntu; kutwara enshusha y'omuntu, kugira ngu Abaase kufa, kucungura omuntu. Tegyereza okuhitsya obu Turaamureebe, obu hatariho weena oshemereire. Mwareeba?

Ni kirungi. Omu Baiburi, omu Kitabo kya Ruusi, mwaba nimukishoma, nimwija kushanga, omuntu nk'ogwo akaba naayetwa “goel,” g-o-e-l. Akaba naayetwa goel, nari, akaba ari omuntu orikubaasa kuhikiiriza ebirikwetengwa. Kandi goel ogwo akaba naateekwa kubaasa kukikora, naateekwa kwekundira kukikora, kandi naateekwa kuba omunyabuzaare, omunyabuzaare wa haihi, kukikora. Kandi Ruhanga, Omuhangi, ow'Omwoyo, akaba omunyabuzaare ahariitwe obu Yaaba omuntu, kugira ngu Abaase kwekorera ebibi byaitu, kandi ashashure omuhendo, kandi atucungure atugarure ahari Ruhanga omurundi ogundi. Nkikyo aho. Ngugwo Omucunguzi. Kristo yaatucungwire hati. Hati tucungwirwe. Kwonka Takeegaruriize Ebye. Hati, noobaasa kutaanuuka n'ekyo, kwonka tegyerezaho edakiika, mwareeba. Nituza kureeba. Mwareeba?

Takakyegaruriire. Mwareeba? Ku Araabe yaatweire Ekitabo ky'Obucunguzi, buri kimwe eki Adamu yaabaire aine na byona ebi yaaburize, Kristo naabicungura. Kandi yaaherize kutucungura. Kwonka Takatwaire ebye; Tarikubaasa okuhitsya obwire obwatairweho. Kandi obwo habeho okuzooka, kandi obwo ensi eryagarurwa busya omurundi ogundi. Kandi obwo aryatwara ebye, Ebye ebi Yaatungire obu yaatucungura, kwonka aryakikora omu bwire obwatairweho. Oo, Mugyenzi! Eki kishoboroirweho omu Kitabo eki ky'Obumanyiso Mushanju ebiturikugambaho hati. Ni kirungi. Ekitabo ky'Obucunguzi, byona bishoboroirweho hanu. Byona ebi Kristo arikora aha muheru nibiza kutushuuruurirwa omu saabiiti egi, omu Bumanyiso Mushanju, Ruhanga yaatubaasiisa. Mwareeba? Ni kirungi. Nikiija kushuuruurwa....

Read the full account in...
Omwanya oguri Ahagati y’Obusingye Mushanju bw’Ekanisa n’Obumanyiso Mushanju.

Yohaana okushuuruurirwa omuzingo gw'akatabo Kandi nkareeba maraika ondiijo ow'amaani naashuma naaruga omu iguru, ayefubikire ekicu, n'omuhangazima guri ahaiguru y'omutwe gwe; ah'amaisho ge nihaaka nk'eizooba, n'amaguru ge nk'enyomyo z'omuriro.

Akaba aine omuzingo gw'akatabo kashuurwirwe omu ngaro ze. Yaata ekigyere kye kya buryo aha nyanja n'ekya bumusho aha nsi;

yaagamba n'eiraka rihango nk'oku entare etsinda; kandi ku yaagambire, ebirikuhinda mushanju byagamba.

Okushuuruurirwa 10:1-3