Niadtong Adlaw Sa Kalbaryo.
<< kaniadto
sunod >>
Niadtong Adlaw Sa Kalbaryo.
William Branham.
Basaha ang tibuok nga asoy sa...
Niadtong Adlaw Sa Kalbaryo.Lucas 23:33,
Ug sa pag-abut nila sa dapit nga ginganlan Ang Kalabira, didto ilang gilansang siya sa krus, ug ang mga kriminal, ang usa sa iyang too ug ang usa sa iyang wala.Usa kini sa labing importante nga mga adlaw nga ang Dios nagtugot gayud nga mobanagbanag sa yuta. Ug kung kini importante kaayo ngadto sa tawhanong kaliwat, ang Kalbaryo, ako nagtoo nga kini maayo alang kanato nga mobalik ug susihon ug tan-awon gayud unsay kahulogan niini alang kanato. Kay ako segurado dinhi niining ulahi nga takna nga atong gikinabuhian, kita nagapangita sa matag kahinungdanon sa Dios nga atong mahibaloan; ug ang tanan nga atong mahimong makaplagan, kita ania dinhi aron makakat-on niini: aron makita kung unsa ang alang kanato, ug unsa ang gibuhat sa Dios alang kanato, ug makita kung unsa ang Iyang gisaad nga buhaton alang kanato. Ug mao kana kung unsa ang atong gianhi sa simbahan.
Mao kana ngano ang magwawali nagawali. Mao kana ngano nga siya nagatuon ug nagapamalandong diha sa Kasulatan ug nagapangita sa dihug, tungod kay siya usa ka publiko nga sulogoon ngadto sa katawhan sa Dios, ug siya nagtinguha sa pagpangita sa usa ka butang nga-nga isulti sa Dios ngadto sa Iyang katawhan, usa ka butang nga makatabang kanila. Tingali kini maghukom kanila sa ilang mga sala, apan mahimong tabang sa pagpabangon kanila; nga hinaut sila mobiya sa ilang mga sala ug unya mobangon aron sa pag-alagad sa Ginoo. Ug ang mga ministro kinahanglang magapangita niining mga butanga.
Kung kini nga adlaw ingon nga importante kaayo, usa sa mga labing daku nga mga adlaw, magatan-aw kita sa tulo ka nagkalainlaing mga butang nga ipasabut nianang adlaw kanato. Makahimo kita sa pagkuha ug mga gatusan. Apan niining kabuntagon nagapili lamang ako ug tulo ka nagkalainlaing mahinungdanong mga butang nga atong buot tan-awon alang sa sunod pipila ka mga gutlo, kanang ipasabut sa Kalbaryo kanato. Ug ako nagaampo nga kini magahukom sa matag makasasala nga ania karon, kini makahimo sa matag balaan nga moluhod, nga makahimo sa matag tawong masakiton nga mopausbaw sa iyang pagtoo ngadto sa Dios ug mobiya nga naayo, matag makasasala maluwas, matag backslider mobalik ug maulaw sa iyang kaugalingon, ug ang matag balaan magakalipay ug modawat sa bag-ong paghambin ug bag-ong paglaum.
Ang usa ka dakung importanting butang nga ipasabut sa Kalbaryo kanato ug sa kalibutan mao nga kini ang magsulbad sa suliran sa sala sa makausa alang sa tanan. Ang tawo nakaplagan nga sad-an tungod sa sala, ug ang sala usa ka silot nga dili mabayaran sa tawo. Ang silot daku kaayo hangtud walay bisan kinsa nga makabayad sa silot. Sa tinuoray ako nagatoo nga ang Dios nagpahimutang niini niana nga paagi, nga ang silot mahimong daku kaayo nga walay tawo nga makahimo sa pagbayad niini, aron Siya makahimo niini sa Iyang kaugalingon. Karon, ang silot sa sala mao ang kamatayon. Ug kitang tanan natawo diha sa sala, naumol diha sa kasal-anan, mitungha sa kalibutan nga nagapamulong ug mga bakak. Tungod niana, walay usa kanato nga takus, kon dili sila makakaplag ug usa diha sa yuta nga takus.
Ug ang sala wala nagsugod sa yuta. Ang sala nagsugod sa langit. Si Lucir-Lucifer, ang yawa, usa ka hinukman nga linalang tungod sa iyang pagkamasukihon sa wala pa gayud siya nahulog sa yuta. Ang sala nagsugod sa langit, diin ang Dios nagbutang sa mga manolunda ug uban pa ibabaw sa mao ra nga basihanan nga Iyang gibutang sa mga tawo. Ang kahibalo, ang kahoy sa kahibalo… Ang kahoy sa Kinabuhi, ug ang kahoy sa kahibalo, diin ang tawo makahimo sa iyang pagpili. Ug sa dihang si Lucifer gihatagan nga mahimong labaw aron makahimo sa iyang pagpili, buot siya nga makabaton ug usa ka butang nga mas maayo pa kay sa iya sa Dios. Mao kana ang pagsugod sa kagubot.
Ug adunay panilngon alang sa sala. Ang isingil mao ang kamatayon. Ang kamatayon mao ang silot, ug mao kana ang… Makahimo kita sa pag-adto sa mga dagkung mga detalye mahitungod niini, tungod kay ako dili motoo nga aduna pay lain gawas sa usa ka kamatayon. Adunay usa ka kinabuhi. Ug ako nagatoo nga ang tawo nga adunay Kinabuhing Dayon dili gayud mamatay, ug ako nagatoo nga adunay hingpit nga pagkawagtang nianang kalag nga makasala, kay ang Biblia miingon, “Ang kalag nga makasala, kini sa pagkamatuod mamatay,” dili ang tawo, ang kalag nga makasala. Busa si Satanas sa pagkamatuod kinahanglan mamatay aron hingpit nga malaglag. Dili ako mouyon sa universalist nga moingon nga si Satanas maluwas. Nakasala siya, ug siya mao ang sinugdanan sa sala. Ug ang iyang kalag nakasala ug siya usa ka espiritu. Kanang espiritu kinahanglan sa hingpit mawagtang aron walay mahibilin niini.
Ug sa diha nga ang sala miabut sa yuta balik sa sinugdan sama sa usa ka taklap sa kangitngit nga nahulog gikan sa langit, kini nakaparalisado sa yuta. Kini nagbalhug sa tanang binuhat sa yuta, ug sa tanang kabuhatan sa Dios, ngadto sa pagkaulipon. Ang tawo nailalum ngadto sa pagkaulipon sa kamatayon, mga balatian, mga kagubot, mga kagul-anan. Ang tanang kinaiyahan nahulog uban niini. Ang sala mao ang igpakatulog nga sa pagkatinuod nakaparalisado sa yuta. Ug unya kita nahimutang dinhi nga walay paglaum, tungod kay ang tanang binuhat sa yuta nailalum niini, ug ang matagusa nga natawo sa yuta nailalum niini. Busa nagkinahanglan kini nga moabut gikan sa ubang dapit nga diin walay sala. Dili kini mahimong gikan sa yuta.
Ang usa kanato dili makaluwas sa lain. Kinahanglan kini nga gikan sa lain. Tungod niana, sa dihang ang tawo nakaamgo nga siya nahimulag gikan sa Dios, siya nahimong ug ka lumalangyaw. Sila mihilak; sila mituaw; sila naghago; sila milangyaw latas sa mga kabukiran ug latas sa mga kamingawan nagapangita ug usa ka siyudad kansang Magtutukod ug Magbubuhat mao ang Dios. Kay siya nasayud nga kung siya makabalik gayud diha sa Presensya sa Dios, siya makasulti niini ngadto Kaniya. Apan walay paagi sa pagbalik. Siya nawala. Wala siya nahibalo kung asa moliso, busa siya gayud milakaw nga nasaag, nagtinguha nga makaplag ug usa ka dapit aron makakita ug dalan pabalik ngadto nianang dapita. Usa ka butang sa sulod niya nga nagsulti kaniya nga siya gikan sa-sa usa ka dapit nga hingpit.
Walay usa ka tawo dinhi niining makita nga mga tigpaminaw niining kabuntagon, kon sa tigpaminaw sa teyp, diin kini moadto palibot sa kalibutan; walay usa dinhi kon sa bisan asa nga dapit, apan kadtong nagapangita nianang pagkahingpit. Makabayad ka sa imong mga balayronon; nagtoo ka nga natapus na kini. Sa dihang nahuman na nimo ug bayad ang imong mga balayronon, unya adunay usa ka tawo sa imong pamilya nga nagsakit. Sa dihang maayo na ang mga sakit, unya adunay dugang mga balayronon nga pagabayran. Ang nahaunang butang nga imong mahibaloan ang imong buhok nahimong ubanon, ug unya buot ikaw nga mobalik ngadto sa pagkabatan-on. Ug adunay usa ka butang sa tanang panahon, sa kanunay, tungod nianang balud sa sala. Apan diha sa imong kasingkasing, tungod kay ikaw nagapangita niana, nagpakita kini nga adunay pagkahingpit sa usa ka dapit. Sa usa ka dapit adunay usa ka butang.
-----Sa katapusan usa niana ka adlaw, mao kana ang adlaw didto sa Kalbaryo, adunay mikanaug gikan sa himaya, pinaagi sa Ngalan ni Jesu-Cristo, ang Anak sa Dios Kinsa gikan sa himaya, ug ang Kalbaryo naporma. Mao kana ang adlaw nga ang bili gibayaran, ug ang suliran sa sala nahusay hangtud sa kahangturan, ug kini miabli sa dalan ngadto niining butang nga kita gigutom ug giuhaw. Nagdala kini sa usa ka dapit sa pagkatagbaw. Walay usa ka tawo nga nakaadto gayud sa Kalbaryo ug nakita kini sa paagi nga mao kini kaniadto, nga nahimong mao sa gihapon gayud. Ang tanang butang nga iyang gipangandoy kon gidahom natagbo sa dihang siya nakaabut nianang dapit. Usa kini ka importanting butang, ug usa ka mahinungdanong butang, kini mitay-og sa kalibutan. Mitay-og kini sa kalibutan nga kini wala gayud matay-og sa wala pa namatay si Jesus didto sa Kalbaryo ug mibayad sa suliran sa sala.
Kining makasasala nga kalibutan adunay kangitngit. Ang adlaw misalop sa udtong tutok; kini adunay nerbyosong pagkaluya. Ang mga pangpang nangatay-og, ang mga bukid napagan, ug ang mga patayng lawas mibutho gikan sa lubnganan. Unsay gibuhat niini? Ang Dios miataki didto sa Kalbaryo. Iyang gisamaran kanang mananap nga gitawag ug Satanas hangtud sa kahangturan. Karon, siya nahimong labing dautan sukad kaniadto, tungod kay kini nagdala ug Kahayag ngadto sa tawhanong kaliwat; ug si bisan kinsa nahibalo nga ang usa ka mananap mao ang labing dautan, nagakamang sa palibot uban sa iyang likod nga nadugmok. Karon, si Satanas napukan didto sa Kalbaryo. Ang yuta nagpamatuod nga mao kadto. Ang labing dakung bili nga gibayad gayud, ug ang makahimo sa pagbayad niini, miabut ug nagbuhat niini sa Kalbaryo. Mao kana kung diin ang dakung bili gibayran. Mao kana ang usa sa mga butang.
Ang Dios nagkinahanglan niini. Walay tawo nga takus. Walay tawo nga makahimo. Walay tawo nga makabuhat niini. Ug ang Dios mitungha sa Iyang kaugalingon, ug nagkinabuhi sa tawhanong kinabuhi ilalum sa mga tawhanong mga tinguha ug gilansang sa Kalbaryo ug didto, sa dihang si Satanas nagtoo nga dili Niya buhaton kini, dili Siya moadto pinaagi niini… Siya miadto sa Getsemane, ug ang matag tentasyon nga gibarugan gayud sa bisan kinsang tawo, Siya miagi niini sama lamang sa tanang tawo; apan Iyang gibayran ang bili; mao kana ang nakapangitngit sa yuta sama sa igpakatulog alang sa operasyon.
Sa dihang ang doktor magahatag sa tawo ug igpakatulog, tumbahon usa niya siya sa dili pa siya makahimo sa pagbuhat niini. Ug sa dihang ang Dios naghimo sa-sa operasyon sa iglesia, ang kalibutan nakakuha ug igpakatulog. Ang kinaiyahan gibidbid. Dili ikatingala, ang Dios diha sa tawhonong unod himalatyon. Mao kadto ang takna nga ginapaabut sa kalibutan, bisan pa man daghan kanila ang wala nahibalo niini. Sama kini karong panahona, daghan ang nagapangita niining mga butanga ug bisan pa sila wala makaila kanila. Wala sila makaamgo sa agianan pagawas. Sila sa gihapon nagtinguha sa pagpangita sa mga kalipayan ug mga butang sa kalibutan, nagtinguha nga makakaplag sa ilang agianan sa paggula.
Adunay daghang mga tultulanan nga nagpunting ngadto nianang adlaw, daghang mga dagkung landong daan. Kini gilandong daan pinaagi sa karnero, pinaagi sa vaca, pinaagi sa tokmo, ug sa tanan niining mga butang; apan bisan pa niini dili kini makabungkag niini. Dili kini makabungkag nianang kota sa kamatayon. Kay si Satanans adunay yuta, ang mga bato nga siya sa makausa nagalakaw pasaka ug kanaug sa yuta, ang nagdilaab nga azufre. Si Lucifer mao ang anak sa kabuntagon, ug siya nagalakaw sa yuta sa dihang kini usa ka nagdilaab nga bolkan. Kadtong mao gihapon nga mga bato nga wala nay kainit, sa dihang si Jesus namatay sa Kalbaryo, gibuga gikan sa yuta. Ang bili nga gibayran, ug ang pag-ulipon ni Satanas gibungkag.
Ang Dios nagbutang pagbalik ngadto sa mga kamot sa tawo sa agianan balik ngadto sa iyang ginapangita. Siya dili na kinahanglan maghilak gayud. Bisan pa niana, sa dihang Iyang gibuak ang dugokan ni Satanas didto sa Kalbaryo, ang dugokan sa sala, sa balatian… Ug kini nagdala sa tanang tawo sa yuta balik ngadto sa Presensya sa Dios uban sa mga sala nga gipasaylo. 53 Hallelujah. Ang atong mga sala gipasaylo. Dili na gayud makababag si Satanas kanato ngadto sa Dios. Adunay halapad nga dalan nga gihimo. Adunay telepono nga gibutang didto. Adunay linya paingon sa himaya. Makahimo kini sa tanang tawo nga makakab-ot nianang linya. 54 Kung ang usa ka tawo napuno sa sala, magadugtong kini kaniya diha sa “karaang sentral.” Mahimong mapasaylo siya nianang sala. Dili lang niana, apan kanang sala gibayaran na. Himaya. Dili ka na kinahanglan nga mosulti ug, “Dili ako takus.” Sa pagkatinuod ikaw dili. Dili ka gayud mahimo. Apan adunay takus nga mikuha sa imong dapit. Gawasnon ka na. Dili kana maglaaglaag gayud. Dili kana mahimong usa ka tawong nagapangita ug kalingawan dinhi sa yuta. Kay,
There is a fountain filled with blood,
Drawn from Emmanuel's veins;
Where sinners plunge beneath the flood,
Lose all their guilty stains.Dili na kinahanglan nga masaag ka; adunay dakung dalan ug agianan, ug gitawag kini nga dalan sa pagkabalaan. Ang mahugaw dili makaagi niini, kay siya moagi sa tuburan pag-una; unya siya moagi sa dakung dalan.
Iyang gibungkag ang mga gahum ni Satanas. Iyang giablihan ang mga pultahan sa prisohan sa hades. Ngadto sa tanang tawo nga gisirad-an diha sa mga prisohan dinhi sa yuta, nga nahadlok sa dihang siya namatay, kung unsa ang himoon sa kamatayon ngadto kaniya; didto sa Kalbaryo Iyang giablihan ang mga pultahan sa mga prisohan, ug gipagawas ang tanang binilanggo. Dili na kinahanglan nga kuniskunison ka sa sala. Dili na kinahanglan nga imong itugyan ang mga bahin sa imong lawas ngadto sa sala: pag-inom, pagsigarilyo, pagsugal, pagsulti ug mga bakak. Mahimo kang matinud-anon, matarung, ug matul-id; ug si Satanas dili makahimo ug bisan unsang butang mahitungod niini; tungod kay ikaw nakakupot sa linya, sa linya sa kinabuhi. Nakaangla kini sa Bato sa Kapanohan. Walay bisan unsang butang nga makatay-og kanimo gikan niini. Walay mga hangin nga makahimo sa pagtay-og kanimo gikan niini. Walay bisan unsang butang, bisan pa ang kamatayon sa iyang kaugalingon nga makabulag kanato gikan sa gugma sa Dios nga anaa diha kang Cristo Jesus.
Mao kana ang buot ipasabut sa Kalbaryo. Mga tawo nga anaa sa pagkaulipon gihatagan ug kagawasan. Mga tawo nga sa makausa nailalum sa kahadlok sa kamatayon dili na gayud mahadlok sa kamatayon. Ang usa ka tawo nga nagapangandoy sa usa siyudad kansang Magtutukod ug Magbubuhat mao ang Dios, siya makahimo sa pagtikang ngadto sa dakung dalan ug iyang ihangad ang iyang ulo paingon sa langit, tungod kay siya gawasnon na. Hallelujah. Siya gitubos na. Dili na siya kinahanglan nga masaag pa gayud, kay adunay usa ka dalan sa pagkahibalo kung ikaw sayup ba kon dili. Ang Dios naghatag kanato sa Kinabuhi. Ang atong mga sala wala na. Nianang adlaw sa Kalbaryo ang bili gibayran.
-----Nahauna, atong susihon unsay ipasabut nianang adlaw. Ikaduha, atong susihon unsay nabuhat nianang adlaw alang kanato. Karon, unsay nabuhat niini alang kanato… Karon, ikatulo, atong tan-awon kung unsay angay natong buhaton alang nianang adlaw, unsay angay natong buhaton. 71 Nahauna, kinahanglan susihon nato kini, kay mao kini ang usa ka dakung adlaw, ang labing daku sa tanang mga adlaw. Ang bili sa sala gibayran. Ang gahum ni Satanas nabungkag. Ug karon, atong tan-awon unsay kinahanglan buhaton nato agig balus. 72 Karon, agig balus, sa dihang si Jesus namatay didto sa Kalbaryo, sa Kalbaryo niadtong adlaw dili lamang Siya nagbayad sa bili sa atong mga sala, apan Siya usab nagbayad sa bili ug naghimo ug agianan nga kita makahimo sa pagsunod Kaniya. Kay kita, maingon nga ang pagkahulog ni Adam nga gitubos, maingon nga ang Espiritu nagmando kang Adam, ang nahaunang Adam, pinaagi sa Espiritu ug adunay pagbuot sa tanang kinaiyahan… Unya kita-ang ikaduhang Adam-kon ang tawo sa yuta gitubos ni Cristo gikan niadtong adlaw sa Kalbaryo, makahimo sa pagsunod Kaniya.
Basaha ang tibuok nga asoy sa...
Niadtong Adlaw Sa Kalbaryo.
Kaminyoon ug
