Panagungar - dagiti kasuratan.
Panagungar - dagiti kasuratan.
David Shearer.Padto ti Panagungar.
Dagiti Aramid 2:25-27.
25 Ta kinuna ni David maipapan kenkuana, kankanayon a makitak ti Apo iti sangoanak, adda iti makannawanko tapno awan makagaraw kaniak.
26 Gapu iti daytoy naragsak toy pusok, napnoan rag-o toy dilak; sitatalgedak a mangnamnama.
27 Gapu ta dimonto baybay-an toy kararuak idiyay impyerno, dimonto ipalubos nga agrupsa toy nasantoan nga adipenmo.Dagiti Aramid 2:31.
Ammo ni David a mapasamakto daytoy ket nagsao ti maipapan iti panagungar ti Cristo idi kinunana, saan a nabaybay-an ti kararwana sadiay impiyerno, uray pay ti bagina saanna nga makita ti panagrupsa.Ni Jesus impakaammona ti panagungarna.
San Mateo 16:21
Manipud idin, impakaammo ni Jesus kadagiti adalanna, masapul a mapanak idiay Jerusalem, ket adu ti sagabaek a pamarparigat dagiti panglakayen ken dagiti panguloen a papadi ken dagiti mamaestro iti linteg, mapapatayakto ngem mapagungarakto iti maikatlo nga aldaw.San Mateo 17:22-23
22 Idi naguurnong dagiti adalan idiay Galilea, kinuna ni Jesus kadakuada, dandanin mayawat ti Anak ti Tao kadagiti im-imm ti tattao:
23 A mangpapatayto kenkuana, ngem mapagungarto iti maikatlo nga aldaw. Kasta unay ti ladingit dagiti adalan.San Lucas 9:22
Kinunana pay: Masapul nga agsagabanto iti napalalo ti Anak ti Tao, ken laksiden dagiti panglakayen dagiti panguloen a papadi ken dagiti mamaestro iti Linteg, mapapatayto, ngem mapagungarto iti maikatlo nga aldaw.San Marcos 9:9
Idi sumalsalogda iti bantay, imbilin ni Jesus kadakuada, Awan pangibagbagaanyo iti naimatanganyo, Ibagayonto laeng daytoy kalpasan ti panagungar ti Anak ti Tao.Dagiti haan a mamati nagsaludsodda ken Jesus...
San Mateo 22:23,28.
Iti dayta met la nga aldaw, napan ken ni Jesus ti sumagmamano a Saduceo, nga agkunkuna a saan nga agungar dagiti natay, sinaludsudda...
Ngarud, sinaludsodda, inton aldaw ti panagungar, siasinonto ti akin-asawa kenkuana? Ta nakikallaysada met amin kenkuana.Ni Jesus kinuna kadakuada...
San Mateo 22:30-32.
30 Inton agungar dagiti natay, mayarigdanto kadagiti angheles sadi langit, ket didanto mangasawa wenno makiasawa.
31 No, maipapan iti panagungar dagiti natay, diyo pay aya nabasa ti sinao kadakayo ti Dios, Kinunana,
32 Siak ti Dios ni Abraham, ti Dios ni Isaac ken ti Dios ni Jacob. Kayatna a sawen nga isu ti Dios dagiti sibibiag, saan a Dios dagiti natay.San Lucas 20:37.
Paneknekan ni Moises a mapagungarto dagiti natay. Iti paset ti Nasantoan a Surat a pakasaritaan ti sumsumged a kayo, kunana a ti Apo isu ti Dios ni Abraham, Dios ni Isaac, ken Dios ni Jacob.Ti resulta ti saan a Panamati.
San Lucas 16:31.
Ngem kinuna ni Abraham, ‘No dida denggen ni Moises ken dagiti propeta, didanto met la mamati, uray pay no adda agungar kadagiti natay’.Dagiti adalan isuda nakasaksi iti panagungar.
Dagiti Aramid 1:22.
Manipud idi pamautisar ni Juan, agingga ti aldaw a pannakayuli ni Jesus sadiay ngato, Kasapulan adda maysa kadatayo ti matudingan nga mangipaduyakyak ti panagungarna.Dagiti Aramid 2:30-33.
30 Maysa a profeta ni Ari David ket ammona ti inkari ti Dios kenkuana. Insapata ti Dios a pagbalinennanto nga ari a kas kenkuana ti maysa kadagiti kaputotanna.
31 Ammo ni David a mapasamakto daytoy ket nagsao ti maipapan iti panagungar ti Cristo idi kinunana: Saan a nabaybay-an iti lubong dagiti natay, Saan a nagrupsa ti bagina.
32 Daytoy met laeng a Jesus ti pinagungar ti Dios. Nasaksianmi amin daytoy a banag.
33 Ngarud naitan-ok iti makannawan ti Dios, ket inawatna kenkuana ti Espiritu Santo kas inkarina. Daytoy ti imbuyatna kas makitkita ken mangmangngegyo ita.Dagiti Aramid 17:32.
Idi mangngegda a nagsao ni Pablo maipapan iti panagungar ti natay, rinabrabak ti sumagmamano kadakuada, ngem kinuna met ti dadduma, Kayatmi ti dumngegto manen kenka maipapan iti daytoy.Ni Pablo mamati ti Panagungar.
Dagiti Aramid 23:6.
Idi nadlaw ni Pablo a sumagmamano kadakuada ti Saduceo ket Fariseo ti dadduma, kinunana iti Sanhedrin, Kakabsat, Fariseoak ket Fariseo met dagiti nagannak kaniak. Maus-usigak ditoy ta namnamaek nga agungarto dagiti natay.Dagiti Aramid 23:8.
Saan a mamati dagiti Saduceo a mapagungar dagiti natay, ken awan dagiti anghel ken espiritu. Ngem patien dagiti Fariseo nga adda amin dagitoy.Ti testimonya ni Pablo ti sango ni Felix.
Dagiti Aramid 24:21.
Malaksid daytoy nga ipukkawko idi sitatakderak iti sangoananda: Us-usigendak ita nga aldaw, gapu ta mamatiak nga agungarto dagiti natay.Ti panagungar nainayon iti Evanghelio.
San Lucas 7:15.
Nagtugaw daydi natay ket nagsao. Inyawat ni Jesus ken ni inana.San Mateo 11:5.
Makakita dagiti bulsek, makapagna dagiti pilay, mapaimbag dagiti agkukutel, makangngeg dagiti tuleng, mapagungar dagiti natay, ket maikaskasaba ti Naimbag a Damag kadagiti napanglaw.San Lucas 7:22.
Kinuna ni Jesus kadagiti imbaon ni Juan, Agsublikayo ken ni Juan ket ibagayo kenkuana dagiti nakita ken nangngegyo: makakita dagiti bulsek, makapagna dagiti pilay, mapaimbag dagiti agkukutel, makangngeg dagiti tuleng, mapagungar dagiti natay ken maikaskasaba ti Naimbag a Damag kadagiti napanglaw.Dagiti Aramid 4:2.
Napalalo ti rurodda gapu ta isursuroanda dagiti tattao, ket inkasabada gapu ken Jesus mapagungar dagiti natay.Dagiti Aramid 4:33.
Babaen iti naindaklan a pannakabalin, pinaneknekan dagiti apostoles a nagungar ni Apo Jesus. Ket nawadwad a parabur ti inted ti Dios kadakuada amin.Dagiti Aramid 17:18-19.
18 Nakisuppiat met kenkuana dagiti mamaestro nga Epicureo ken Estoico. Kinuna ti sumagmamano kadakuada, Ania ti salsalawasawen daytoy aginsisirib a tao? Kinuna met ti dadduma, Kasla sabali a dios ti ikaskasabana. Kinunada daytoy agsipud ta ikaskasaba ni Pablo ti maipapan ken ni Jesus ken iti panagungar.
19 Inawisda ni Pablo ket inkuyogda iti taripnong ti konseho ti siudad a maaw-awagan iti Areopago. Kayatmi nga ammoen daytoy baro a pannursuro a sarsaritaem, kinunada?Daytoy mangpaneknek iti kina Dios ni Jesus.
Taga-Roma 1:4.
No maipapan iti panagtaudna iti Dios ken kinasantona, naipakita babaen iti naindaklan a pannakabalin nga isu ti Anak ti Dios gapu iti panagungarna.Dagiti Aramid 2:24.
Ngem pinagungar ti Dios agsipud ta winayawayaanna manipud pannakabalin ni pata: Saan ngamin a mabalin isuna nga iturayan ni patay.Daytoy iti namnama tayo...
Taga-Roma 6:5.
No nakipagmaymaysatayo kenkuana iti ipapatayna, makipagmaymaysatayto met kenkuana iti pannakapagungar.Dagiti Aramid 24:15.
Mangnamnamaak iti Dios a kas iti panangnamnamada, nga agungarto amin a tattao, dakes man wenno naimbag.1 Pedro 1:3.
Madaydayaw ti Dios ken Ama ni Apotayo a Jesu-Cristo! Gapu iti dakkel a kaasina, naipasngaytayo iti baro a biag babaen iti panagungar ni Jesu-Cristo. Sibibiag a namnama ti impaay kadatayo daytoy baro a biag.1 Taga-Tesalonica 4:13-14.
13 Kakabsat, kayatmi a maammoanyo ti pudno maipapan kadagiti natayen, tapno dikayto agladingit a kas kadagiti awanan namnama.
14 Mamatitayo a natay ni Jesus ngem nagungar met laeng. Isut' gapuna a patientayo nga alaento ti Dios dagiti natay a nagtalinaed iti pammati tapno makipagyanda ken ni Jesus.No awan ti panagungar ti panamati ket awan servina.
1 Taga-Corinto 15:12-13.
12 Ita, yantangay ta ikaskasabami ti pannakapagungar ni Cristo, apay a kuna ti sumagmamano kadakayo a saan a mapagungar dagiti natay?
13 No saan a mapagungar dagiti natay, saan ngarud a napagungar ni Cristo.1 Taga-Corinto 15:16-19.
16 Ta no saan a mapagungar dagiti natay, saan met ngarud a napagungar ni Cristo.
17 No di napagungar ni Cristo, awan serserbi ti pammatiyo ket agturay pay laeng ti basol iti biagyo.
18 Kaipapananna pay a sawen a napukawen dagiti natay a nagtalinaed iti pammatida ken ni Cristo.
19 No agpaay laeng iti daytoy a biag ti namnamatayo ken Cristo, ket awanen sabali, datayo dagiti nakakakaasi unay kadagiti amin a tao ditoy lubong.Ti original nga basol isu ti gapuna no apay a napagungar ni Cristo.
1 Taga-Corinto 15:21.
Ta kas iti yaay idi ti patay gapu iti maysa a tao, kastoyto met ti pannakapagungar dagiti natay.1 Taga-Corinto 15:42-43.
42 Kastoyto met inton mapagungar dagiti natay. Agrupsa ti bagi no maikali. Saanen nga agrupsa no mapagungar.
43 Nalaad ken nakapsut no maikali. Napintas ken napigsa no mapagungar.Ti tarigagay ni Pablo...
Taga-Filipos 3:10-11.
10 Ti la tarigagayak isu ti pannakaammok ken ni Cristo, ti pannakapadasko iti pannakabalin ti panagungarna, ti pannakipagsagabak kenkuana ken ti panagbalinko a kas kenkuana iti ipapatayna,
11 iti namnamak a mapagungarakto met.Maysa a Immuna a doctrina ti pannamati.
Hebreo 6:1-3.
1 Ngarud, umaddangtayo iti nangatngato a tukad ti sursuro ni Cristo ket ditayo pagsasaritaan manen dagiti umuna a pannursuro maipapan ken ni Cristo. Ditay agsubli manen iti nangrugiantayo a sursuro, kayatna a sawen, ti panangtallikudtayo kadagiti ubbaw nga aramid ken panamatitayo iti Dios;
2 pannursuro maipapan iti buniag ken ti seremonia ti panangipatay iti ima; ti panagungar dagiti natay ken ti agnanayon a pannakaukom.
3 ket aramidentayo daytoy no ipalubos ti Dios.Panagungar a napasak ti napalabas.
Hebreo 11:35.
Inawat dagiti babbai dagiti napagungar a minatayda. Saan a kinayat dagiti dadduma ti mawayawayaan. Kinaykayatda ketdi ti maparparigat agingga a natayda tapno mapagungarda iti nasaysayaat a biag.San Mateo 27:52-53.
52 Naglukat dagiti tanem, ket napagungar dagiti adu a nasantoan a tattao.
53 Rimmuarda kadagiti tanem ket kalpasan ti panagungar ni Jesus, napanda iti Nasantoan a Siudad a nakakitaan kadakuada dagiti adu a tattao.Ni Marta namati ti panagungar.
San Juan 11:24-27.
24 “Ammok a mapagungarto inton maudi nga aldaw,” insungbat ni Marta.
25 “Siak ti panagungar ken ti biag”, kinuna ni Jesus. “Ti siasinoman a mamati kaniak, uray no matay, agbiagto pay.
26 Ket ti siasinoman nga agbiag ken mamati kaniak, pulos a dinto matay. Patiem daytoy?”
27 “Wen, Apo,” insungbatna. “Patiek a sika ti Cristo, ti Anak ti Dios nga umay ditoy lubong.”Ni Lazaro napagungar iti imatang dagiti adu nga nakasaksi...
San Juan 12:1.
Innem nga aldaw sakbay ti Fiesta ti Paskua idi mapan ni Jesus idiay Betania nga ili ni Lazaro, daydi lalaki a pinagungarna.San Juan 12:9.
Adu a tattao ti nakadamag nga adda ni Jesus idiay Betania. Iti kasta, napanda sadiay, saan laeng a gapu ken ni Jesus, no di ket kayatda pay a kitaen ni Lazaro a pinagungarna.San Juan 12:17.
Adda idi tattao a nakaimatang ken ni Jesus idi awaganna ni Lazaro iti tanem ket pinagungarna. Impadamagda ti napasamak.Bautisar ket irepesentarna ti panagungar.
1 Pedro 3:21.
Mayasping daytoy a danum iti bautisar a makaisalakan ita kadakayo. Saan a babaen iti pannakaugas ti rugit ti bagi, no di ket iti panagkari iti Dios babaen iti nadalus a konsensia. Isalakannakayo ti buniag babaen iti panagungar ni Jesu-Cristo.Panagagungar - maysa a mapasamak iti masakbayan.
2 Timoteo 2:18.
Simmiasidan iti dalan ti kinapudno ket rirriribukenda ti pammati dagiti dadduma babaen iti panagkunada a napasamaken ti panagungar.Ti gunggona dagiti mapangungar.
San Lucas 14:14.
Nagasatkanto, ta didaka masupapakan. Ngem gunggonaannakanto ti Dios inton agungar dagiti nalinteg a tattao.San Lucas 20:35-36.
35 Ngem saan nga agaassawa dagiti maikari nga agungar iti masakbayan.
36 Maipadadanto kadagiti angheles a saandan a matay. Annak ida ti Dios agsipud ta nagungardan.San Juan 5:29.
Agungardanto ket rummuarda kadagiti tantanemda. Agungarto a maipaay iti biag nga agnanayon dagiti nagaramid iti naimbag ngem agungarto a maipaay iti pannakadusa dagiti nagaramid iti dakes.Ti dua a panagungar.
Paltiing 20:5-6.
5 Saan a nagungar dagiti dadduma agingga a di malpas ti 1,000 a tawen. Daytoy ti umuna a pannakapagungar dagiti natay.
6 Nagasat ken nasantoan dagiti mairaman iti umuna a pannakapagungar. Awan pannakabalin ti maikadua nga ipapatay kadakuada. Agbalindanto a papadi ti Dios ken ni Cristo, ket makipagturaydanto kenkuana iti 1,000 a tawen.
