Aijulunet ebuni bon neejai enabi.

William Branham.

Asiomio eitabo...
Akiro Nukatinen Kwana Itacaunitai Kede Adwaraanut.

Kilimokinitai yes Ipentekotin, ikar akaisaongon-kikany, akaisakany luatuboros, nukatoto kus ka lukapapa kus, na araatar Ipentekotin lukabeit, apotu kolomutu kinga korionget kosodete aiken ibore ngin ka anyoun da alomun kinga naka ngun: Ido konyet bala ekingok loebongokini ainyam akelekan, apotu kobongosi bobo toma kangun, apotu kiswamata ibore ngipengin yenabu koar ekanisa ngol, ipotu yesi koarata lukus obe kanuka ibore ngipengin. Mam eong asuruokinit itunga luejaas toma nen, emamete nusuruokinet ngun, erai eiswamae loka ibore kangin nges ejai aswam ngun.

Ido, koany, apotu kesi kotwakiasi aanyun aitogogonget naka adwaranuto nuka Akirot naka Edeke ejaas aitodolikinio. Karai isasedotin ngul... Kedaunitos kesi asipokin cut becebec epone lokebeitor Mesia abunore, kejenete kesi nukebeit atakanun. Ipari-... kejaatar Iparisayon kede aomisioit kec, Isadukayon, Herodians, ka kere, kejaatar ngul kaomisiokec. Konye mama Ngol abu kobu... abu kobu kitegelikina kede nginidiopet kangun, konye becebec nepepe kAkirot. Abala Yesu ebe kejai ibore ngipengin ne: “Karai yesi kojenete Eong, ibusakinit yes tikojenete apaaraniKa. Karai yesi kojenunitos, ti yes... Ibalasi yesi ebe, 'Eebo, Musa! Ejai isio Musa.'” Kobala, “Kanukinyo, karai yesi kiyuunitosi Musa, ti yes kiyuutu Eong; naarai, abu ngol kiwadik nuKang.”

Konye, koanyutu, nakejaar Edeke aitogogong becebec nuesumunit Ngesi, kejaatar ngul kangin kopone loeyongong loamitai ebe abeitor Yesu abunio, ido e... Apeleikinit eong ebe Mesia. Kiburai Mesia abunore cut toma ogurupukec araimam mam do Ngol kerai Mesia. Eebo, erai kopone kangol, ibucit araut, lolo. “Arai mam jo iseseni kotoma alabiraika, mam do jo iseseni nepetai da.” Teijo, kwangin do erai ngolerai ngol nges epone ejaar ngin-ejaar ngin. Oni... Erai ngin abeit. Mam oni ikoto aomoom ngun, konye erai ngun cuticut Abeit.

Kotoma Iburanian 1:1, Edeke kapakio nukolosek abu kiwadik Ebaibuli koponeKe Kelopet loabu Ngesi koseu. Mam Nges abu kiwadik kitwasamae theologians, mam da Nges ijuluni kitwasamae theologians. Mam cut ejaunar apak na-na iiritotor theologians adesiar aijulunet naka Akirot naka Edeke. Aijulunet ebuni bon neejai enabi. Ido erot ediopet bon lokilosio oni alomun kinga kotoma aitolitoluna na erai kito Edeke aijukakin oni enabi ngol, cut becebec, epone bon loepedorere aswam ngun. Erai nadaun aiyuun, idaretoi, ido-ido ailelebikinio.

Teijo, mam erai etunganan iwadikat, konye erai Edeke nges abu kiwadik Ngin. Mam Nges erai eitabo loka etunganan, mam Nges erai eitabo loka theologian. Erai Ngesi Eitabo loka Edeke, lo da erai Eitabo loka adwaraanut lo iwadikatos inabin ido inabin kes ijulunete. Abala Ebaibuli ebe, “Ebuni Akirot naka Edeke nejaas inabin.” Cuticut!

Epone loaponi kinomunere ngin kaibuses, arai, aponi kitodiarai naabunio Yesu akwap, ido Yokana nges arai enabi loka apaaran kangin, ido ajai ngol aidwar. Kobalasi kesi ebe, “Oo, ibala jo ebe elosi Edeke anyilinyil ikodeta kosi luepolok kwangin kane ka ibore lu kere? Ido ebe edolunit apak, na ikosi-mam bobo eponio aima kotoma oyekalun kosi?” Abala ngesi ebe abunit apak naebunio Edeke aiswamaun asubanit k'Imerekek yenika Edeke, Etunganan. Ido abala ngesi ebe-ebe abuni ngesi ajenun Ngol naebunio. Ido abala ngesi ebe... Ajeni cut ngesi noi nuka aisiirareteke, kobala ngesi ebe, “Ebwoi cut Ngol kokidingikus kopekwana kwabo mam yes ijenete.” Ejai cut Ngol kidingikus kwabo mam yes ijenete.

Ido kapaaran adiopet nalosio Yesu kinga, abu Yokana kongolia kuju ido abu koany aanyunet ngin kokuju naka Ngol, kotema ngesi, “Koanyutu Imerekek yenika Edeke yenelemari adiakaret naka akwapin.” Kotoma adakika ngipengin abu Yesu kojenu ebe etodiaar Nges kwape lokabeit kakonyen nuka itunga. Kwana, arai Ngesi Akirot, ipedori tope oni abuonokin ngun? Abala Ebaibuli ebe arai Ngesi Akirot, “Kageunet ajai Akirot, kojai Akirot neejai Edeke, ido korai Akirot Edeke. Kosodi koraun Akirot akuan kiboiororoi kamawok.” Ido Ngesi bo lo ejai ne, a... Enabona Akirot ejai akwap (kongolek! kaitekooro!) ebuni cut kinga toma akipi neejai enabi.

Erai ngin nakabeit, ebunene duc Akirot neejai enabiKe. Aso mam oni kimuno Ngin abunore nejaas theologians. Mam oni kimuno Ngin abunore nejaas idiinin. Ibusakinit Ngin aitorun orot loka aleles naka Edeke naedaunit sek Ngesi alimokin oni nukeng, ido ngol bon nges erot loepedoria Ngin abunore. Eponio alait Ngin, aimuarit, aigir. Naebunio Ngin, eponio acakar kinga osiep ediopet, ka nginibore, konye ebuni Edeke swam ngun karaida biai. Aponi kogiroi Ngin kotoma Yesu Kristo, aponi Ngin kogiroi kotoma Yokana, aponi kogiroi Ngin kanuka Yeremia, Aponi Ngin kogiroi kanuka Musa. Erai duc kopone kangol. Konye ejai Edeke aiyatakinit alosit akonye kopekwangin kopone jepeje loesumunitor Ngesi ebe abuni aswam ngun. Eebo, cut, mam cut Ngesi emeni aswam ngin kopone kangopengol.

-----
Kongolek jo kotoma Obaibuli, isesenete yesi aibo, atur nanyoin nakijari oni bodo, naianyuniata yesi iboro lukapolok lu itodianario. Nakisumunio Edeke aswam ngun, kiswamaenene duc Ngesi ngun. Kawasia naka nginitur naedolunio ekanisa aibois naibelokinor, ido ngul aibelokin kama ejai Akirot abongor toma adiakar ka atupar da akwapin... Atupar akwapin erai adiakar. Abala Ebaibuli ebe, “Arai imina jo akwapin arai iboro lukakwapin, emamei da ber amina naka Edeke kotomakon.”

Enera kakuar nabian, ajai eong enera nuka-asubanit asubanit kangin naaponi koinakinai, Imerekek. Kibusakinit araut apaarasia akanyikaarei, ebwoikinitos aturio akanyikaarei nuka ekanisa. Mam ebusakinit aitubuunet adumunio kotunga, komame aitubuunet adaun apaarasia akanyikaarei. Apolou naka ngin erai ebe mam ainyalakin idiobore nepepe kaNgin, erai Ngin namam itubuunitai, kopekwangin. Ido mam oni kikoto aiyuuneta adis kere, aitubuuneta ka iboro inyalitai nepepe kaoni. Mam oni ikoto akwapin kinyalakinai nepepe kaoni. Ekoto korai Emugati loka Edeke lomam itubuunitai, Akirot naka Edeke, Akirot naka Edeke namam isidotearitai, na da “Ibusakinit etunganan aijar kanuka Nginikirot naelomuni kaituk naka Edeke.”

Nukeiswamae wok nuka idiinin, ka atiakatiakaeta ka iboro, ebwaikis aitubuunet tomawok, kosodi na ka ngin ka akwapin ka enape. Ido, oo, adol kwangin do ebe ibucit araut Hollywood kanginiibois kere. Ebuni konyet do adolore ebe kawasia ikwaikini bala koEngland kangina, ebuni anyarario olutaari araut naka ileic. Ikatuan! Kwape abalar onac, “Biai ipedoria jo ayangaun lukecor toma ataker?” Erai ngin nakabeit.

Iburai oni alimonokin Akiro Nukajokak kotoma Alelebakec, nepepe kapedor naka Edeke tetere aitodiar kwape nakabeit ebe kwape ejaar aisumunet naka atur kangin ka aitogogong da ebe erai ngin cuticut Akote naka Edeke. Kinga naka Ngun irai bon jo imeeba yenika ekanisa, mam akiro arai itia jo ai itamit, itamit jo aijaanakin Edeke. Ipedori acepak jo alosit opucit loka aitudonokin-ka-aidony, ipedori jo ikar kere araut yenimunot mama ejai ekanisa; konye arai mam ikurut ngin yenika Aijar naka Ikar kere erai yen kicorakinitai kotomakon, kanu araut okoku arai akoku naka Edeke, ibuni jo apolo korai ibore ice yen engwalit; konye komam cut irai yeniteni, okoku arai akoku naka Edeke yenikabeit.

-----
Koanyutu, kidumuni lolo oni ebe itunga... Ipu noi itunga lumam epedorete aiyuun Ngin, karaida ber itunga luilelebasi-k'Emoyo. Alosi eong ainakin yes adiopet naebuni aimied yes. Aibatisao naka Emoyo Lokalaunan mam erai apolouke ebe ilosi jo toma, mam nepecep da, mere kangun, mam ngin idiobore iswamai kede ekonitau. Aibatisao nges ngin, teijo. Kane erai etau lokotoma, kotoma kane, erai ngol loicorakinitai abunore kama ejai Edeke. Konye bodo kokinga ijaatar jo kapupeta akany, ido akany kinga... nuelomarere toma akon... atironoria ekonire loka akwap. Kotoma, ijaatar jo kede emoyo, ido kotoma kanen ijaatar jo kede ipusian ikany: acoikina kon, ka amin, ka ice da kwangin, ipusian ikany mama ejai emoyo ngol. Kiitunito, kotoma omoyo ngol kipedorio aibatis jo kede Emoyo Lokalaunan lokabeit kwabo kosalite irai yeniwoliorit. Erai etau nges ejari, ngol lokicorakinit Edeke.

Mam kereka Yesu abala, “Epote luipu neajai Eong kapaaran kangin, ido etemarete atiar, 'Ejakait, mam kereka eong abu kerenge ajokin, abu keswama nuepolok, aswamisio nukagogong, abu kadwar, ainakineta nukapolok nuka Edeke'” abu Ngesi kotema atiar, “'Irwa kamaKa, yes lukeswamak nukepali, mam da ber Eong kajeni yes.' Epote luipu kapaaran kangin.”

Mam kereka Kaiapa abu kodwar? Arai ngol ajokit. Kidumuni oni kane...Ka isasedotin ngul, itunga ngul lukapolok, aomitai araut ikengarenok lukapolok kotoma apaarasia kangun, kede aiyapaara ka nginibore ice kere, konye abu komen aanyu Akirot naka Edeke Alopet itodiaritai kakonyekec. Kipedori ti oni ayangaar atukot naka ngul luewadikat eong ne. Idobo ber Balaam? Arai ngesi e...Ibala jo ebe, “Ijulanakini Edeke aomisioKe.” Mam Nges ijulanakini aomisioKe!

Naalomaria Balaam kinga kwape enabi, kosodi alosit aijesar kwap ngina, ebishop, ekalimonokinan, kere nupe ikoto jo anyara ngol, arai ngesi etunganan lokapolon. Konye naengitunia ngesi Edeke nuekamunitos alosit ngin ido aiken Isirael, mam ber nges akoto ngul ageun da ber, aso naengitunia ngesi kanu alosit, abu Edeke kotema ebe, “Mam ilosi!”
Kosodete ngul aiyakiar ekapolon, ekodet, ice aticepak ipiskopin arai imakio, arai icebore, kwap, kobala, kede aisisiat naiyatakina, kanu aitingaikin nges. Abu ngesi kobongo kosodi aingit Edeke bobo. Mam iburai jo aingit Edeke irwan nakiareit! Kelimu Edeke ngun irwan nasodit, nges Ngin! Mam ibusakinit jo aidarite idiobore.

Mam Rebeka abu kidareu kanu adumun aicorakinet nakiareit. Apotu ngul kingita ngesi, kobalas, “Ilosi jo?”
“Kolim bo ngesi.”
Kotema ngin atiar, “Alosi eong!” Arai ngesi naeyengakinit Edeke kagogong. Abu ngin koraun adiopet kotoma akabakan nuko Obaibuli kanu aswam kotoma aiyeduk naka Emoyo loka Edeke loabu kodoik nges aijaun ngun nu araas cuticut abeit, kwape abu ngesi kiyuunia ngun.

Kwana kidumuni oni ebe, Balaam, ejena bo sek, mam apedorit aanyun. Abu ngesi koloma kinga kosodi asesen itunga ngul, kotema, “Kwana, kopala ber jo apak edit! Kirai oni lukapolok, itunga luepolok kane, iraas bon yesi atukot naisiarisiara.” Ianyutu yesi? “Ido oni kere-kiyuunit oni kere Edeke ediopet ngopengol.”
Erai ngin nakabeit. Kesi kere iyuunitosi Edeke ediopet. Kesi kere emaete Yawe. Kongolek asubanit naka Balaam: itemwan ikanyikaarei, enaaba loitekooro loka Edeke; ikanisan ikanyikaarei, teijo; imerekekin ikanyikaarei, inerasi nuka abunore naka Ejakait. Kotoma nugeunet, kerai ngol loka nugeunet kwape keraar Musa; konye, koanytu yesi, amamei aitodiaret naka Edeke. Kotoma kanen keraas kesi kere inabin.

Konye kokwap naka aijaanakin naka Musa, ajai kanen Epir loka Akim lokapedor nakomoyo, Aica nasalakinit nepepe ka iidukurun. Ajai nen aitangale naka Edeke, ajai aiworo naka Ekabaka toma oidukurun, aanyuneta nuepolok, aitangale naka Edeke, ka nukaumokin ka iboro da esawamao kamakec. Kerai ngin aanyunet naka Edeke lokajaran kotungaKe. Kotoma kanugeunet, keraas ngul kere lukedolitos. Ido abu Balaam kotam aitingaikin itunga, ido abu kiloga ngul kicudeta alomar toma kangun. Iwori bo? Cut nape eringa ngul kedolo toma akwap naisumunitai. Apaaran adiopet arai aarei, ti kes elomaritos toma akwap naesumunitai.

Asiomio eitabo...
Akiro Nukatinen Kwana Itacaunitai Kede Adwaraanut.

Abu kolo Edeke kinera kalukapapaawok koponesio luipu luegelegela kotoma onabin;

konye kapaarasia kanu nukawasia ener kaoni kotoma Okoku, loabu kodakak araun ekeruman loka kere, kanukeŋ da abu kosub akwapisinei.

Iburanian 1:1-2