Ditiragalo tsa Motlha wa Gompieno di Tlhalosiwa sentle ka Seperofiso.
<< fetileng
latelang >>
Lefoko la Morena le tla kwa baperofiting.
William Branham.Balang molaetsa...
Ditiragalo tsa Motlha wa Gompieno di Tlhalosiwa sentle ka Seperofiso.Ba go reile ba re o MoPentekosete, dingwaga tse masome mane, dingwaga tse di masome matlhano tse di fetileng. Bommaalona le borraalona, fa ba ne ba le mapentekoseta a mmatota, ba tswa mo makokong mme ba a hutsa ba a tlogela. Mme jaaka ntsa ya ko matlhatseng a yone, ba boetse teng gape. Ba dirile selo se se tshwanang se se neng sa bolaya kereke e le, le bolaile ba galone ka selo se se tshwanang. Ga ke kgatlhanong le batho ba ba mo teng, ga ke na kgatlhano le bone, ke ditsamaiso tsa dilo tse di dirang.
Mme lebelela, ba ne ba tlhaela kana ba fetwa ke go bonago tlhomamisiwa ga seporofite sa Lefoko la Modimo se diragadiwa. Fa baperesiti bale... Ba ne ba ipoleletse ebile ba na le tsela e ba tlhaloganyang kana e ba dumelang gore Mesia o tsile go tla ka yone, ba ne ba itse se se tsileng go diragala. Ba BaPharasai ba ne ba na le kakanyo, Masadukae, MaHerota, le botlhe, ba ne ba na le dikakanyo tsa bone. Mme ga a tle... O tla a farologanye le mongwe le mongwe wa bone, mme ka fa Lefokong tota. Jeso o buile selo se se tshwanang fa: “Fa le ne le nkitsile, le tshwanetse go bo le itsile le letsatsi Lame. Fa lo ne lo tsile, le ka bo... O a re, 'Ee, Moshe! Re na le Moshe.'” A re, “Ka goreng, fa le ne le dumetse Moshe, le ka bo le ntumela; ka gore, o kwadile ka ga Nna.”
Mme le a bona, fa Modimo a rurufatsa ka mmatota se a sesolofeditseng, ba ne ba tlhaloganya gore Jeso o tsile go tla ka tsela e e seriti mme... Ke raya Mesia. Mesia o ne a tshwanelwa ke go tla kwa setlhopheng sa bone e seng jalo e ne e se Mesia. Ee, gontse ka tsela eo, letsatsi leno, “Fa o sa bone se ke se bonang ka na o sa akanye jaaka ke akanya, ga o bone gotlhelele.” Le a bona, mme ke ka — ka fa — go ntseng ka teng_ka teng. Re... Ke Boammaruri. Ga re batle go akanya jalo, mme ke Boammaruri jo bo feletseng.
Mo go Bahebere 1:1 'Modimo mo metlheng ya bogologolo o kwadile Baebela ka tsela ya Gagwe e a e kgethileng. Ga ise a e kwala ka baruti ba bodumedi, le fa e le go e ranola ka baruti ba bodumedi. Go ne go ise go nne le nako e baruta bodumedi ba kileng ba tlhole ba nna le thanolo ya Lefoko la Modimo. Boranodi bo tla fela ko moporofiting. Mme tsela e leng gore re tsileng go tswa mo tlhakatlhakanong e ke gore Modimo a re romelele moperofiti yoo, gontse fela jalo, ke yone tsela fela e go tlileng go dirwa ka teng. Go dumetswe, go lebeletswe, le—le go diragadiwa.
Le a bona, Ga e a kwalwa ke motho, mme e kwadile ke Modimo. Ga se lekwalo la motho, Gase lekwalo la thuto ya bodumedi. Ke Lokwalo la Modimo e e leng gore ke Lokwalo la seperofeso le le kwadilweng ke baporofiti gape la ranolwa ke baporofiti. Baebele e bua e re, “Lefoko la Morena le tla kwa baperofiting” Tota!
Go tshwantshitswe bontle jang, kana go bo bontshitswe fa Jeso a tlile mo lefatsheng, mme Johane e ne e le moporofita ka nako eo, mme o ne a perofesa. Ba rile, “Oo, o raya gore Modimo o tsile go thubakanya makoko a magolo a rona fa le dilo tse tsotlhe? Mme go tsile go nna nako, e fa tsa rona — fa re tla bong re sa obamele mo teng ga ditempeleng tsa rona?” O buile a re, “Go tsile go tla nako e Modimo a tla ntshang setlhabelo sa kwana ya Modimo, e leng motho.” Mme o buile gore — gore o tla Mo itse fa a tla . Mme a bua are... O ne a na le tshepho ka molaetsa wa gagwe, a re “O eme magareng ga lona mme ga le itse.” O teng magareng ga lona mme ga le itse.
Mme letsatsi lengwe fa Jeso a tsamaela kwa ntle, Johane o ne a leba ko godimo a bona sesupo fa godimo ga gagwe, a ba are, “Bonang, Kwana ya Modimo e e tlosang maleo a lefatshe.” Ka motsotso o ne oo Jeso o ne a itse gore o supilwe fa pele ga batho. Jaanong, O ne a le Lefoko, a o ka belaela seo? Baebele yare O ne a le Lefoko, “Mo tshimologong Lefoko a bo a ntse a le yo, mme Lefoko a bo a ntse a na le Modimo, mme Lefoko ya bo e le ene Modimo. Mme Lefoko a tla a nna nama, mme a aga mo go rona” Mme ke yo O fa,... Lefoko ke le mo lefatsheng (lebelela! sentle! a t,swa a thamalalela mo metsing ko moporofiting.
Go ntse jalo, Lefoko ka nako tsotlhe le tla wa Moporofiting wa One. Jalo ga re kake ra solofela gore le tle ko baithuting ba bodumedi. Ga re kake ra solofela gore e tle kwa makokong a diphuthego. Go tshwanetse go tla ka tsela ya Modimo e A setseng a re e boleletsepele ka ga yone, mme ke yone tsela fela e e tla tlang ka yone. E tsile go seka e ratwa, e nyadiwa, e ganwa. Fa e tla, e tsile go seegelwa thoko, le tsotlhe, mme Modimo o tla e dira go sa kgatlhalesege. E ne ya ganwa mo go Jeso Keresete, e ne ya ganwa mo go Johane, e ne ya ganwa mo go Jeremia, ene ya ganwa mogo Moshe. Go nna gontse fela jalo nako tsotlhe Mme Modimo o tsamaya sentle mo tseleng e a solofeditseng gore O tla tsamaya ka yone. Ee, rra, Ga a ke a palelwa ke go dira gotshwana jaaka a dira ka nako tsotlhe.
-----
Lebelela mo Baebeleng, o bona fa, paka e re tshelelang mo go yone ke efe, fa o o bona dilo tse dikgolo di supafadiwa. Fa Modimo a solofetsa go dira, O nna a go dira ko bofelong jwa paka e nngwe le e nngwe fa kereke e tla mo lefelong la go retologa, mme e retologile gotswa mo Lefoko ya bo e boela ko sebeng le Selefatshe. Selefatshe ke sebe. Baebele ya re, “Fa o rata lefatshe kana dilo tsa lefatshe, lerato la Modimo ga le yo mo go wena.”Fa ke bua bosigo ja maabane, Ke ne ke bua ka ga se — ka ga setlhabelo se se neng sa ntshiwa, Kwana. E ne e tshwanelwa ke go nna malatsi a a supa, a a emetseng dipaka tse supa. Go ne go sa tshwanela gore go fitlhelwe sebidiso mo gareng ga batho, go sena sebidisetso mo malatsing a a supa. Go raya gore ga go na sepe se se tlhakantsweng le lone, ga lena sebidiso, ka gale. Mme ga re bate ditumelo, dibidiso le dilo tse di tlhakatlhakanngwa le rona. Ga re batle lefatshe le tlhakana le rona. Le tshwanetse gore e nne Senkgwe sa Modimo se se senang sebidiso, Lefoko la Modimo le le sa tswakanngwang, le, “Motho o tshela ka Lefoko lengwe le lengwe le le tswang mo molomong wa Modimo.”
Ditsamaiso tsa rona tsa makoko a diphuthego, le dipharologanyo le dilo, di tsentse sebidiso mo go rona, le se le sele le lefatshe le segompieno. Mme, oo, go tsene mo seemong se esetseng ekare sa Hollywood gongwe le gongwe. Se setse se tsile go fitlhelela gonna e kare kwa Enyelane, go tla aletareng go tlhabisa ditlhong. Hei! Jaaka mokaulengwe a buile a re, “O ka tshwarela tlhapi mo mokorong jang?” Go ntse jalo.
Re tshwanetse go nna le Efangeli e e reriwang ka botlalo ja yone, ka maatla a Modimo go supa seo go ya ka tsholofetso ya paka eo le go bontsha gore seo ke gorata ga Modimo tota. Ntleng le moo o mokereki fela,go sa kgatlhalesege gore o leka go le kae, o leka go direla Modimo Tirelo. O ka tswa o ya ko moletlong, o ka tlhola o le boikanyego mo kerekeng; mme fa Botshelo jo bo sa Khutleng bo sa bonelwapele mo go wena, gonna morwa kana morwadia Modimo, o tla gola o le segole golo gongwe; mme o sa kake wa nna morwa kana morwadia Modimo wa boammaaruri.
-----
Lemoga gore, re fitlhela mo malatsing a no gore batho... Go na le batho ba le bantsi ga ba kgone go go dumela, le fa e le bone ba tladitsweng ka mowa o o boitshepho. Ke tsile go le bolelela sengwe se setsileng go le gakgamatsa. Kolobetswa ka Mowa o o Boitshepho ga go reye gore o ya go tsena mo teng, gotlhelele, ga go amane gope le mowa wa botshelo. Seo ke kolobetso, le a bona. Fano ke mowa wa botshelo, o o fano mo o go tswang kwa Modimong. Mme mo ko ntle kana mo mmeleng wa gago o na le ditemogo tse tlhano, le tse di tlhano kontle... metswedi go ya go ya gago... go amana le legae la gago la lefatshe eleng mmele. Mo teng, o na le mowa, mme mo teng mo o na le metswedi e e metlhano e e tswelang kwa ntle: letswalo la gago, le lerato, ka go latela jalo, metswedi e e tswelang kwa le go ya kwa moweng o o. Ga kologelwa, mo moweng o kgona go kolobetswa ka Mowa o o Boitshepho wa mmatota. Gopola, mme wa bo o ntse o latlhega. Ke mowa wa botshelo, bo tlhomamisitswe ke Modimo.A Jeso ga a re, “Bale bantsi ba tla tla kwa go nna ka letsatsi leo, mme ba re, 'Morena, a ga ke a koba bodiabolo, ga ke a dira dilo tse di kgolo, ditiro tsedi nonofileng ke perofesa mpho e e kgolo ya Modimo?'” O ne a re “Tlogang fa go nna, lona ba dira ditiro tsa boikepo, ga ke ise ke lo itse.: Ba le bantsi ba tla tla ka letsatsi leo.”
A Kaiafase ga a ka a perofesa? E ne e le diabolo. Re fitlhela fa... Mme baperesiti, banna ba ba golo, ba ne ba tshwanetse go re ba nne baeteledi ba ba golo, ka matsatsi ao, ka boikokobetso le sengwe le sengwe, mme ba palelwa ke go bona Lefoko la Modimo ka sebele le tlhomamisiwa mo matlhong a bone. Re ka tsaya bontsi jwa tsone ke dikwadile fano. Wa reng ka Balaame? E ne e le... Wa re, “Modimo o fetola mogopolo wa gagwe.” Ga a fetole mogopolo wa gagwe!
Fa Balaame a tswa jaaka moperofeti, a bo a ya teng kwa, mookami, moreri ,se o ka batlang go mmitsa sone, o ne a le monna yo mogolo. Mme fa a rerisanya le Modimo ka go tsamaela gone kwa go hutsa Iseraela; o ne a sa ba rate go tloga kwa tshimologong. Jalo fa a kopa go letelelwa go tsamaya, Modimo a re, “o seka wa tsamaya!”
Mme ba ne ba romela batlotlegi, segopa, bangwe mo go bone gongwe e le baokami kana bagolwane, kana sengwe, le dithuto tse dintsi go ba ngoka gore ba fetogele ditshwetso tsa bone. O ne a boela kwa morago a ya go botsa Modimo gape. Ga go tlhokafale gore o botse Modimo la bobodi! Fa Modimo a arabile lantllha, ke yone karabo go a bo go feletse! Ga go tlhokege gore o letlele sepe.Rebeka ga a ise a tlhole a re o emela gore a amogele taelo ya bobedi. Ba ne ba mmotsa, ba re, “A o tla tsamaya?”
“Ba mo letla go bua.”
A bo a re, “Ke tla tsamaya!” O ne a tlhotlheleditswe ke Modimo tota. O ne a nna mongwe wa bahumagadi ba Baebele ka gore o ne a sala tlholtheletso ya Mowa wa Modimo e e neng ya tla mo go ene gore a amogele se eneng e le nnete e e feletseng, mme a e dumela.Jaanong re fitlhela, Balaame, ka nnete o ne a sa tlhaloganye O ne a tswela fantle mme a lebelela batho, a boa re, “Jaanong, ntheetse motsotsonyana! Re lekoko le legolo, re na le batlotlegi fa, lona le segopa se se phatlaletseng.” Le a bona? “Gape ba rotlhe — ba rotlhe re dumela mo Modimong a le mongwe.”
Se o ke nnete. Botlhe ba ne ba dumela mo Modimong yo o tshwanang. Botlhe ba obamela Jehofa. Lebelela setlhabelo sa ga Balaame: di aletare tse supa, palo e e tlhomameng ya Modimo; dikereke tse supao a bona; diphelefu tse supa; tse di buang ka go tla ga Morena. Ka motheo, o ne a theilwe fela jaaka Moshe, mme, le a bona, go ne go sena tshupo ya SeModimo. Mme botlhe e ne e le baperofiti.Mme mo bodireding jwa ga Moshe, go ne go na le Pilara ya Molelo ya sefetatlholego, Lesedi le le neng le le teng magareng ga bothibelelo. Go ne go na le phodiso ya Bomodimo, go ne go na le loshalaba la Kgosi mo bothibelelong, ditshupo tse dikgolo, phodiso ya Bomodimo, le metlholo le dilo tse di neng di diragala magareng ga bone. E ne e le tshupo ya Modimo yo o tshelang magareng ga batho ba gagwe.
Mo motheong, botlhe ba ne ba siame. Mme Balaame a leka go ngoka batho, mme a ba lowa gore ba dumalane le ene. Leng? Pele ga ba goroga mo Lefatsheng la Tsholofetso. Go setse letsatsi kana a mabedi, ba ka bo ba ne ba gorogile mo Lefastheng la Tsholofetso.Balang molaetsa...
Ditiragalo tsa Motlha wa Gompieno di Tlhalosiwa sentle ka Seperofiso.