Aisiraret naka Alomar anaka akolong.
<< abongor
ekaulo >>
Moru alomar anaka akolong.
William Branham.Naka oitabo...
Inyobo aisupario naejai moru?Mam apak eoja, abwoi kotoma olutar, abu Emoyo lokalaunan kotema atiar, “Edolun apak nabunio eong asukunyun etube kiton Togo kon; epote kes aisukunyun erutekon. Tetere, ibuni ijo ailokony ngin, mere anyunyura.” Abu eong kaany eruteka ebilar kosodete aiperikin epuwai loka eukot. Abu eong kaany erongat koingarenika, kere kobokarai, apadei kede iceboro eperete kanen neabu icebore korutoranges awai. Abala nges...
Abu eong asesen ajai Ricky yenidid abu nges kodol ngina kosodi aikungukung korute kokinga, kiswama nu. Abu eong katema atiar, “Kanukinyo mam ijo ilimokinia ijo eong?” abu nges kojaun ibus kamaka, ido abu eong kenom nges. Ido neabu eong eswam kwangin, abu eong katema atiar, mam eong eswamator nu ageun neabu eong ajaar aiboisio nuenangere emakode, konye bon akoto eong ijo ajenun,“ ido abu eong kanang nges atipet. Ido neabu eong kanangia nges kwap, abu bobo eong ekeu nges kasodi ainanga nges bobo kiton kwap. Abu bobo eong ekeu nges, irwanaun karai aongon, kasodi apetor nges aikalam eukot. Kanen abu eong kaloto ngina, kasodi atemar atiar, ”mam ngin erai naejokuna.“ Abu eong ekeu nges kasodi ayogan akekan, atemar eong atiar, mam eong anyunyura kede ijo, konye akoto eong ijo ajenun ebe mam ijo ipedor ainer kede eong koipone kangol.”
Ido nebelokinor eong abongun, ajai Emoyo lokalaunan ebwoi kangina kotoma orute, ebala ebe, “kwana ilokony nu. Nebilakinere ngun kwap ibelokin to.”
Eitabo lo, idiobore yenepuda eong,
Eitabo lo erai loiteten,
Erot loitodun eipone loirimoret kau naka akationis. Amen!
Ido eitabo ngon nges akirot, ido akirot nges Edeke. Kilokony ationis kon, elimokin nges ijo nuibusakint aswam.Ikaru iuni kau abu eong kajaatar kede epaperoka, lokepiman eibuga, iboyei nges eiduny kede eong, ejai aipirokin epir kwap. Abu eong kaloto kasodi atemar atiar, “Inyobo ationis, Mud?” ejakait. Okoku loka ekabaka, opaperoka.
Ebala nges, “Billy, elosete kes anyaar erot.”
Iitunito yes kere. Abu eong atema atiar, “Epedor katicepak korai edaraca.” abu e’ng alimok Onac Wood, abala eong ebe, “Kidar ikoniboro. Katicepac epedor edaraca ngol adolun kiton ne, icebore.” Aponi kobilai erot lodid; amatapalin, amoru, aponi kocakanakina nediokere. Kanen abu nges kotema atiar, “koting ikonibore.” Ido neabu eong...
Ejakait. Ekabaka abu kalimokinite eong ebe apote ngun aiswamaun.
Abu eong kaloma toma, kasodi alimokin aberuka kiboyei kangina, “Naminat, ejai icebore yeniwadikatai yenikamunit ngun. Erai ngin ebe EBALA KWANATA EJAKAIT, kanenice.”Abu eong kaloma toma kasodi alemun ikatabo, abu eong kasesen tomake, kasodi eong atemar atiar, “Ebu ajaun ebe...” akaulo naka ikaru ikanykaun!
Ido neabu eong kasesena tomake, abu eong kalim, “Erai kwana apak, Naminat, ekoto kwana oni aibelokin to.”
Apaarasia aarei akaulo nakangin, abwoi kotoma agola nepetai isawan iwongon lukatupuruc, abu eong kaloma toma omoyo loka Edeke. Abu eong aanyu aputo naka ajele eporitoi, etakan bala ikweny. Kiitunito yes ngun. Abu eong kaany imalaikan ikanykarei kotoma aputo naka atunuru, epote kitebeto mamaka. Kobalas ebe, “Kibelokin ari nakoto, kolot kiton Tucson, nepetai amairon akaisangon ari nakagolitome. Ido ibuni ijo ajaun idotonor enyekimon,” arai bo itidok, enyarito kes nges kangina, “Kotoma ogoen kon.”Onac Fred Sothmann, iboyei kangina ejai esesen eong kopekwana, abu kojai ngina atupuruc ngin. Emurokinit eong ngin. Abu eong katema atiar, “Airetunet abu kojaun bala amaran naka akwap, nada abu kijanga nepetai kanginibore kere yen abu kojai akwap kangin. Mam eong ajen eipone loti epedor eitungan aiku kotomake.” Abu eong akurianar. Abu eong kabwoi kotoma Phoenix, yes kere luipupete kopekwana ipedorete ainakin ajenanut. Abu eong kalimonok akou naka akirot, luipa, nanyoen bo apak? “Aibo ijai oni?” abu eong kalot to. Luipu kayes kane ijaas kede ateep ngin, luipukayes iirarito ngin ebaa ebe, ekaru karaida adepar eroko ngin iswamauna.
Abu eong kaloto to, aumokinit nualosete aiswamaun. Adiopepaaran abu eong adum anyarario kama ajai Ejakait. Abu eong alimok aberuka, abu eong atema atiar, “Naminat, nepetai angetakin aswamuka.” Mam eong ajen. Abu eong katema atiar, “Eong... Edeke, elosi Edeke arikan kede eong kwana ido abu eong ajaun alosi ore. Koloto ijo kede Billy, koyangas idwe. Einakin Edeke erot kanukus, ediopone kere. Koloto ngaren kosodete aijar iraas lumunon mama ejai Edeke. Koanyutu ebe elosete idwe osomero, kitopoloutu kes koraas lueyongito Edeke.”
Ebala nges, “Bill, mam ijo ijen ebe erai ngin nakabeit.”
Abu eong alim ebe, “Mam. Konye mam etunganan epedor aiku ngun.”
Adiopetupuruc abu Ejakait kitekweny eong, kobala ebe, “Koloto ngin toma Sabino Canyon.” Abu eong ayanga apapula adio kede ebaibuli ka.
Ebala aberu ebe, “aibo ilosi ijo?”
Abu eong kalim ebe, “Mam eong ajeni. Alimokin eong ijo arai abong eong.”Abu eong kaloto kiton Canyon, adokar kuju kiton neaporata imorukalei airimirim. Abu do eong ajai asesen adubu ace ebwoi kanen. Abu eong akukokin kwap ailip, kasodi arior akaninika, kosodi ekileny ainom akakan. Abu eong asesen arimor. Abu eong aomite, “Inyobo do ngin? Mam eong ajai kinga naka akakuan. Kane ajai ekileny toma akanika; ecai ido kimilia, kililia kotoma akolong.” Abu eong katema atiar, “Kwana, emameete itunga amairon kamaka, kangina kotoma Canyon kalo. Aibo do kebunio na?”
Abu eong keira eporoto ebala ebe, “Erai ngon ekileng loka ekabaka.”
Abu eong katema atiar, “Ekabaka aititing etunganan ekileny.”
Nges, eporoto, abu kobong bobo, ebala ebe, “Mere ekileny loka Ekabaka, konye, ‘Ekileny loka ekabaka’, Akirot naka Ejakait.” Ebe, “Sirikurianar. Erai bon Airiunet nakiuniet. Erai aitodiaret naka aijanakin kon.”Abu eong ajai alosi ameja kede epapero, komam ajeni nualosete aiswamaun. Kosodi icetungan aiworokin eong, ngol loabu koinyanak eong kanuka aputo kangin naka emalaika loka Ejakait, ngol loabu koyanga nges. Ayangaikin eong alosi kiton Hoston kanuka okokuke, narai ajai nges elosi toma okokoro loka atwanare, ido alosio aira nges kotoma apaarasia adis. Ido abu nges kiriamunos kede eong kangina kosodi atunar eong, kosodi atemar atiar, “Koomoom, etunganan lopo abu koinyanak abu kobu ebe koyu okokuka!” abu atukot naka Humane koinakinite eong ibore yenanyaritai ebe Oscar, arai eipone kere loipedoria ijo anyarit nges, kanuka ayunia aijar.
Kasodete isio abongor, abu eong kaloto kuju moru kanuka ameja. Kangina, Onac Fread kede eong, atupuruc adiopet neabu eong kalomunia kinga, ido adaunit eong adumun akanapito, ido abu eong asesen kasodi aanyun aiboisit napotu kesi koloto. Abu eong katema atiar, “Onac Fred, koloto toma Moru ngol tupuruc sek kwana, nepetai aiwalarete naka akwap, alosi eong da mama ejai ediopet ye. Mam eong apedor ainom eputir, ma aiara nges. Konye karai egeutu kes kowai kalo, esipan ngol, abun eong ainom ngarenikec kanuka ainyakar kes kau.”
Onac Fred abu koloto kingangina ido amameete iputiro. Abu nges ekeik eong Akan ido abu eong kaany. Abu eong kaloto toma Canyon, apany ace naeedul, ajai akolong aikeun kuju. Abu eong kerimo epuwai naka eukot, komam aomomoi idio bore yenekamunit nuadwaritai. Aiboikin kwap, kedarit, ajai aiyengun; abu eong kenoma, “inyobo eswamaikin ipegei ngun?”
Abu eong kalem eka... asipokin kwap kaiswamata Indians, ijen ijo, ailokonyikinit akeje. Abu eong kasesen akejen naka emorimorika, ido ajaas itidoko. Abu eong kagei adotonor. Abu eong katema atiar, “Erai ngin naitegelikina! Kwana ne ajai eong, nepetai amairon akaisangon agolitome kide naka Tucson. Ejai ikatelepat yenidid yena Joseph kidarit eong.” Ido kwape ageuna eong asesen, abu eong kaany atukot naka ipegei kalu elomunete nepetai iyadin elukumit ageun kane ajai eong, kokuju kotoma moru, abu eong kacakak itidok kwap. Kasodi eong atemar atiar, “abuni eong adumun kes. Alosi kwana eong nejai Fred, ido abun eong ailedokin apapula kanu nges ajenun ewai loebeit aitenar, kotoma okitoi lo kane, ido ibuni adumun Onac Fred.”
Ido abu eong kageu aidokar moru, akerit katipet kwape apedoria kere airimor owai je. Ido kanepekanen, abu eong kaomite ebe kenom eong icetunganan. Mam eong apupunitor airetunet kangin; abu kijangak akwap ngin kere. Ido, neabu kiswamaunor kwangin, ebwoete koingarenika arai imalaikan ikanykarei kotoma atunur.Abu eong keriamunos kede Onac Fred ked ekes, apak naedit akaulo. Ebala nges ebe, “Inyobo do bere ngin?”
Abu eong abongok, “Arai nges ngin.”
“Nuinyoka kwana ilosi ijo aswam?”
“Abongor ore. Kanuka, EBALA KWANATA EJAKAIT, nukayeaiya nukanykarei nuebwaitai kotoma obaibuli ikaru ngun kere, iriogeta ngun kede idiobore kere, elosi Edeke apukor nukayeiyea akanykarei mama ijai oni kotoma aipuceta akanykarei.”
Abu kojai ailunguret nabunit kotoma akwap, kwape elisina iswamaun. Neabu kiswamaunor, abu ikiar kiton moru, kogeun ailungurikin ari nakoto, kotoma owai lokebunio. Apotu luka science kodumutu nges akaulo naka apak nadit, amairon akaisaun kuju ido amairon akaisarei kede ikany airikin, bon kotoma ailunguret naka atunuru.Ido apaaran ya, abwoi kane, aibelokin aputo teten, ido ajai Yesu kwape ejaar kotoma aturio nuka ekanisa, kede ajulo nukakwangak enapit, itodiarit aswam naka araut ekatubon. Erai nges Alupa kede Omega; erai nges losodit kede lokawasia; erai nges ekatubon lokapolon loka amamus adaun kere, ebwoi kangina aitogogong aisiraret naka apak kana. Ido ejaun aica nepe ebong! Nuinyoka ngun kere? Inyobo ngin?
Abu eong kaloto ari nakoto. Kotoma omoru kangopekangon, atubor kotoma ariri naka amagoro kangina, ebe, “Kocaka amoru. Alimokin ejakait Wood, ‘EBALA KWANATA EJAKAIT, ibuni ijo aanyun aibuses naka Edeke.’”
Aparan napatupakin, kabwoi kane, abu etapipiro kobu kwap kosodi airetun komoru. Apotu amoru kotubonos kuju naka akito, nepetai iputin iuni arai iwongon adepar akouka. Kosodi aiswamaun airetuneta auni, kosodi onac abu nore ekeri. Ajaas nepetai inacan itomonakany ebwoete kanen, ikalimonokinak kede idiobore kere. “Inyobo ngin?” ebala nges, “arai bon gin inyo?”
Abu eong katema atiar ebuni atubokinio ainom ari nakoto.”Nepetai apaarasia aarei akaulo naka kangin, abu amaran naka akwap nepetai kibuc aitulumor Alaska. Arai kereka ngin aica ya najai moru loka Alomar naka akolong kotoma Coronado amagoro naka Arizona? Inyon bo ibore yenitegelikina yen yenabu kiswamaun kokuju kangina, ebe apotu itunga kokerete kide kiton to, elemunenete amoru kosodete aidokonokin ngina neabu nges kinom? Ido idio kere kotoma kakesi, kanginimoru, ajaatar kede isodai iuni kotomake, nada abu kobwang. (Iuni eraas idiopet.) Ejaas kesi idokonokinete abaoi, kotoma apapulai anatar akwap kere. Inyon bo ibore yenetegelikina kotoma moru loelomar akolong kotoma amogoro nako Coronado?
Junior Jackson ejai epupokinit, kiitunito yes airujasit nabu nges kodumunite nada abu eong kejul, “Alosi mama elomar akolong”? ido apotu nu iswamaunos kotoma omuru luka Alomar naka akolong. Erai apak nakatibong, apak naka Alomar naka akolong. Aisiraret naka Alomar anaka akolong. Aisiraret naka Alomar anaka akolong kotoma angetakinet naka akiro, agetakinet naka adwaranut, nepetai, adaun aitodolikin. Ido ejaun aica kotoma apak nakatibong, kotoma moru loka Alomar naka akolong kotoma amagoro naka Coronado, amairon akaisangon to naka Tucson. Koloto toma kanuigirunitai kosodi aanyun Alomar naka akolong kangina. Erai nen cut nge sabu nges kiswamaunor. Mam eong abu kajenunite ne aitodol apaaran ngin.
Idiobore yen... yenimam etwan. Erai yeninyikokinit aikokoro akekuan. Kotoma obore ngipengin kiswama, kotoma aputo naka Yesu ebwoi kosesen oni; ido kwana kotoma omuru loka Alomar naka akolong, ido kede aica naka Alomar naka akolong. Adolu aica naka atibong, Edeke elopet kitodiar. Inyobo do ngin? Erai nakabeit ebe Edeke kede Kristo eraas ipe. Loka “Kwangan,” imwasai ai eanyunito ngin, anapito nakakwangan akouke, kwape kineritor kotoma Apukokin 1? Kiany, atubon lokapolon, loka apedor kere; emamei bobo eporoto ece, emamei bobo edeke ece, emamei bobo icebore! “Tomake ileleba edekeone kotoma akuan.” Karaida imalaikan ikulepek kes araas abebenokake. Amen.
Inyobo abu kiswamaun kotoma Moru loka Alomar naka akolong? Edeke itogogong akekirot. Ngun nges arau aruo ngin kere. Komisik, arai aitodolikin aisumuneteke naka akirot bobo, naka apukokinio 10: kiton 7 aisiraret nakawasia mama ejai atur nakawasia naka ekanisa. Aitodolikin kotenan, kotoma atur kana, Luka lokalaunan 17:30, “Apaaran naepukorere okoku loka etunganan.”
“Ido enyounete inabin luka engalak kede Ikriston lukangalak, itodunete aanyuneta nuepolok kede nukaumokin, ti aingalar kiton luseuna karai epedor.” Ido eroko ejaas toma abuonokin. Ido, kwape ejaar, ejai ekanisa toma aingiset.Ido luka Science, anatar Tucson kere da, ejaas kesi iwadikaete atutuben ido aibwainikin apapulai. Kokau kangina Moru Lemmon, acumen ngun nuikamete aputosia mam apotu koanyutu nges elomun kotoma kane kejai ebwoi; elosi ari nakoto, ejai aitodiar ebe adaun kwana apak. Mam bobo epedor abongor erai ibore yenidid ngina; ejai kwana toma ari nakoto. Abu atubokinio kino kotoma ari ngipengin nabu nges koloto. Elosi aitenar lailo Phoenix ido aitoro airikin, kotoma Prescott ido kiton omoru kiton ari nakoto, kiton kuju toma... aibo ajaas kes elosete? Laije toma Alaska, ido ejai nges irurumai, ingarenikinit erot.
Ido ikangicak ked ekes kere kotoma Tucson eroko ingisito, aingic naka Science etamito adumun ebe inyobo ngin. Erai naikiara noi mam kes epedorete amoun, elisina, arai emamei ibore kokuju kangina. “Inyobo abu iswamaun ngun? Aibo ejai nges?” erai ibore yenisumokinit yenika Emoyo ibore ikaja kokuju kangina kwape ajaatar lukacoa lukokide etupito acerit, ebalas ebe, “Aibo ejai ngol lourio ekabaka loka Iyudayan?” Inyobo do ngin? Edeke itodolikin akekirot, “Ido elomun aicet kotoma Yakob.”
Ido Edeke loka akuju abu kisumunik apak nakatibong abuni aica nakatibong. Ikaru iuni kau nukayeiyea nu araas adwarasit, “Nanyoen bo apak na, lukapa?” konye kwana eraas nuadaut aiswamaun. Atubor. Adaun aitodolikin aisumunet. Nanyoen bo apak, ipa, ido nanyoen bo aisupario? Edeke itodolikin akekirot! Erai nges ngopengon, lolo, kede ikaru kere.
Naka oitabo...
Inyobo aisupario naejai moru?
Edukone ka Elakit.
