Itunga kanuka EkiroriKe.

William Branham.

Naka oitabo...
Edeke loka atur kana nakaronon.

Kwana, akou naka akirotoka atupuruc na, erai: Edeke Loka Atur Kana Nakaronon. Kwape kisiomitor oni kotoma Nuiwadikatai Obaibuli, “edeke loka ikar kalu, atur na nakaronon.” Kwana, Aisiiraret na itoduunit nukaronok nuka atur kana nakaronon, ido ilosikino cut mama ejai adwaraanut kanuka atur kana nakaronon. Ido erai aiyuuneteka ebe ngini... ebe ejaatar Ebaibuli ka nginibongokinet kere kanuka nginitur, edaunitai sek aiwadikat toma Obaibuli, kanuka ikeyuunan yenikatur kangin. Eyuunit eong ebe nginibore kere yenikipuda oni iwadikatai cut Ne, bon ebe ipuda Emoyo Lokalaunan aijulun ngin. Mam eong eyuunit ebe ejai ediotunganan kakwap loejaatar kapedor na aibwaikin aijuluneteke toma Akirot. Mam Edeke ipuda idiotunganan aijulun AkirotoKe. Ngesi Elopet Obe nges erai Ekejulanike. Abala Ngesi ebe abuni aswam ngun, ido iswamai Ngesi ngin.

Kwape eneritor eong irwan ipu. Abala Ngesi, “Ebuni abekot apotuun,” abu Ngesi kiner ngun kotoma opon luka enabi, ido abu ngin kopotuu. Emamei itunganan ibusakinit aijulun ngin. Kotoma ageunet, kobala Ngesi ebe, “Kojaun aica,” ido abu kojaun. Emamei itunganan iburai aijulun Ngin. Abala Ngesi ebe, “Kotoma apaarasia nukawasia, abuni Ngesi abukokin awat kere Ekemoyo,” ido abu Ngesi kiswama. Mam ipuda idiotunganan aijulun Ngin. Abala Ngesi ebe, “Kotoma apaarasia nukawasia, iboro lu” (lukiseseni oni etakanete kwana) “apote ajaun ne.” Mam ngin ipuda aijulunet adio kere. Edaunitai aijulun sek. Ianyu?

Kwana, kosesen ejok noi kwape kisisia oni Akirot. Edeke Loka Atur Kana Nakaronon, nakijaria kwana oni. Emina araut naitegelikina, ibore yenitegelikina noi, kotoma atur na naka asianut, naejaar, “Edeke euta alemun itunga kanuka Ekekiror,” nges atemar ebe AteraniKe, kotoma atur na nakaronon naibusakinit anyarao atur naka aronis. Kwana kilosi oni aitogogong kede Ebaibuli ebe na nges atur naenera Ngesi nukeng. Erai ibore yenitegelikina noi aomoom ngun, ebe kotoma atur nakaronon kwa kana, ebe abuni Edeke kotoma apak kangin anyaraun AteraniKe.

Koanyutu yesi, abala Ngesi ebe, “itunga,” mere “ekanisa.” Kanukinyo? Konye ca, enyaritai Ngul Ekanisa, konye abuni Ngesi anyaraun “itunga.” Kwana, ekanisa erai atukot naka itunga luipu luka iponesio luegelegela. Konye ejai Edeke anyaraun idiopet kane... mam Nges abala ebe, “Abuni Eong anyaraun e Methodist, Baptist, Pentekostol.” Abala Ngesi ebe abuni Ngesi anyaraun itunga. Kanukinyo bo? Ekekiror. Teijo, itunga; idiopet kama ejai Methodist, idiopet kamaka Baptist, idiopet kama ejai Lutheran, idiopet kama ejai Catholic. Ianyu?

Konye ejai Ngesi anyaraun, mere egurupu loka ekanisa, konye “itunga kanuka EkiroriKe,” luijaunete EkiroriKe, isineritai kotoma OkiroriKe, alosit aiwen epeta araut luedukokina mama ejai Ngol, araun atutubeteKe nuimorikikina kaNges, teijo, kanuka ainerun nasek. Cut bala ekiliokit loeseuni aberu naibecokino kotoma aijar, kerai nakicorakinitai sek araut atutubet naka akuanake. Kwangin do, erai ebe, Ateran naka Kristo ebuni araut, ido erai da kwana, ameun kolosek, nakicorakinit Edeke araut atutubet naka Akuan kangin. Ianyu? Oo, ebarara noi iboro kotoma Nuiwadikatai Obaibuli, ileleba esik!

Koany, mere nuelimunit icetunganan, yenenyaraunit icetunganan; konye ngul luabu Edeke koseu sek eringa kepesikina apetetait naka akwap, ido ejai Ngesi anyaraun itunga lu kotoma apaarasia nukawasia; mere erionget. “Itunga kanuka Ekekiror.” Ido atur na nakaronon nges ejaar Ngesi aswam ngun, atur cut na obe naka aingalanut.

Kosabiti loatubor, kotoma Matayo 24, kerai ngin atur naka aingalanut naepol kakere kotoma aturio kere. Aturio kere nuka aingalanut, ameun komanikor loka Eden, ape kiton kwap, mam iiritor atur ajaun naka aingalanut kwape katur kana. “Enyounete inabin lukengalak ido itodiarete aanyuneta ka nukaumokin, tikitapaasi Luseuna karai epedoros.” Ianyu? Kwana, ikanisan cut luelilim, lukaput, luiketara, ka ice da kwangin, luka aisisia Ebaibuli kopone loka etunganan, mam ngun tikepedosi; mam cut Luseuna tikepupokisi ngun. Konye erai kuju kanen neibucitor aputokin kede ibore ilopet. Bon erai ajalakin Akirot adiopet nges bon nuiswamai jo. Isumunitai nuka atur kana; apak naepol noi! Ikristayon, kanginiibois kere, kocoitos esawa lokijari oni! Kigirak ngin, ido kosiom, ido kopupok ejok.

Kanukinyo Edeke enyaraunia Edeke itunga, alomun kinga kotoma atur kana nakaronon, EkiroriKe? Akirot naejai nges ebe, aigimor Ngin, AteraniKe. Erai kanu... Kapak naitodiarere Ngin, kodaunitete aigimor, kodaunitete aitogogong, aitogogong mama ejai Satan. Bala kwape ajaar kageunet, kwapekwangin ejaunor kawasia.

Kwape egeunia icokat kotoma alupok, ebuni kuju kitorite toma adaketa, aijar naka ngin, konye engetakini erai icokat ngipengin yen arai ngesi nalosio toma alupok. Ido epone ngopengol loabu icokat yenika aingalanut kodoio toma alupok, kotoma Eden, erai epone ngopengol engetakinia ngesi kotoma apaarasia nukawasia. Cut kwape ajaatar Akiro Nukajokak na kocakakinotor toma odiini ko Nicaea, Rome, eraasi nuengetakinete koraas erionget loepol noi kaitelekarit. Cut kwape abu Icokat yenika Ekanisa kocakunor kokau kangina, nepepe ka aanyuneta, nukaumokin, ido kojai Kristo lokajaran akidingos kec, engetakin kotoma apaarasia nukawasia kokwap naka aijaanakin naka Malaki 4, ido inyakakini bobo Aiyuun nageunet naponi koinakinai irwan atipet.

Kidumuni kwana oni, atur nakaronon na erai atogogongio, mama ejai Satan, ebe mam Ngin erai bala Keba, ebe mam Ngin erai aberu naka epone kangol. Ido eponio ngin aigimor kede Akirot. Kwabo kiyuunit ateran naka Adam nginitutubet kere naka Akirot, kere, konye abu kitotolikin kotoma aisumuet adiopet, ebe, “Erai nges ngopengol bian, ka lolo, ido kiton ikar kere,” lolo, teijo; konye abu komen kotoma aisumunet adiopet, kokwap naka acodunet naka lokasurup, atereikin akonye ka akonye. Doodo kwana, itunga luenyaraunitai kanuka EkiroriKe, ejena bo sek, nges erai AteraniKe. Ibusakinit Ngin arucokin bobo kanuka ibore ngipengin; mere kanuka bon abeit naka idiinin arai ibore ice, konye Nginikirot!

Naarai, kotoma ageunet naka Ebaibuli, aponi etunganan koinakinai Akirot naka Edeke ajaria. Adiope Akirot, naponi kijulunai erono e-e etunganan loanyaritai Satan, kotoma otunganan loka etiang loanyaritai emun. Satan kotoma otunganan lo, abu kopedo ener neajai Keba, kosodi aijulakin Akirot erono mama ajai ngin, ido abu koolio. Teijo, ibusakinit Ngin korai Nginikirot.

Kotoma kiding naka Ebaibuli, abu Yesu kobu ido abala, “Mam etunganan ejari kanuka atap bon, dimarai kanuka Nginikirot,” kapa najaar Satan acodun Ngesi. Kwana, Edeke elimokinit oni kane kotoma apaarasia nukawasia, ebe, “Edeke loka akwap kana ebuni adakun kotoma apaarasia nukawasia.”

“Ido idiotunganan yen iyatakini akirot adiopet mama ejai Ngin, arai alemar Akirot adiopet kaneejai Ngin, elemario akorakineteke kotoma Oitabo loka Aijar.”
Edeke kitimoi isio! Ido siri kijalak isio alosit kwape igoen luiketara, luidedeuna atorubusio kinga, akou kuju, lukijeni ngun kere, naarai kirai oni da kapak adiopet lumam kirimaaka. Kalototo oni kede asianut, ka aitim, ka aipup da kotoma otauwok mama ejai Edeke, kapotu kaitasiono mama ejai Eicolong loka asianut.

Itegelikina kwana, akaulo naka ikar elukumit ka akwat akanyikaongon luka alimonokinio naka Akiro Nukajokak, kwana ngin, nges eiswamae loka akwapin, araun kwana loerono noi adepar kotoma apaarasia nuajaatar ngun, nuajaar Ngesi ne. Eyataki eiswamae loka akwap amunaun adepar. Ejai akwap alosit toma abelara naepol. Ijenete yesi ngun. Euta Ejakait aitodolikin AkirotoKe kanginikan kere.

Apukokinio 18:4-5,
4 Kasodi keira eporoto ece ebuni kotoma akuj ebala ebe, Ikatunga, kolomutu kotomakeng, kinyeis aimorikikin kadiakanaretake,... kinyeis ainakinio aiticanetake.
5 Naarai iculul adiakanaretake kiton akuj, eitu da Edeke amamus adoliteke.

----
Aikwenyaret bo na! Naecakarit ekanisa becebec cut toma Apukokinio 3:14, mama ejai atur naka Laodikia, amamus ayaikina; nakediini neteni, konye korai namam eyaikina. “Ijo, naarai ibala jo ebe, 'Kibarit isio, mam kipuda idiobore,' mam jo ijene ebe imujalal jo, kitimitoi, imudukana, kwabo mam ijeni ngun.” Ibecokino cuticut kede Naiwadikatai Obaibuli naka atur kana, mere kanuka Naiwadikatai Obaibuli naka atur naka Daniel, mere kanuka ngul lukotoma ekiror loka... atur naka Noa, konye kotoma na nakawasia, atur nakaronon.

Koanyutu kane, “Irai jo yenimudukana.” Kinyeis ngin koloma kaidules neteni. Ajeni eong ebe abuni eong adumun amamus acamanara naepol noi kotoma aomisioit kana, konye adol aibois naecicingiar Ekristayot alomun kinga kotogoke komam eyangaunio toma ajakut naka atur na nakaronon, kanuka angor nuenapitos kopone lomam ilesikino.

Angor, alosi eong alimun nu, ido akoto eong yes kopupokis. Ido, ikiliok ka angor, ipedorete acepak yesi amamus acamanar kede na, konye apupi eong aingarenikinio alimun. Ijenete tope yesi, ebe adioberu kere naelacari ikegoen kopone kangol mam aomisioke engalete? Ijenete tope yesi, ebe erai ngesi, arai iyuunit ngesi ngun arai mam, arai eomit ebe mam, erai ngesi amalayat? Karaida acepak epedori aberu ngin aibwo kakekan kakonyen nuka Edeke kosodi aiyapo ebe mam ediotunganan ece bobo loetiroritor nges kilema okilenike, ido acepak erai ngin abeit nacut, konyeca erai ngesi amalayat kopekwangin. Abala Yesu ebe, “Ngolitunganan loengolekini aberu kaingobel adau aswam adoteu nepepe kangin.” Ido aberu ngin kacepak erai...

Teijo, “imujalal” ngesi, abala Ebaibuli ebe, “kwabo komam ejeni.” Emoyo loinyonyoikinit nges aswam iboro kwa kangul erai emoyo lokaronon, loka eimalayane. Ejautenekeng lokokinga, akekuan, akuanake, epedori bo nges araut naelai. Mam kacepak nges ebuni aswam adoteu adio kere, ido epedori ti aiyapo neejai Edeke ido korai abeit, ebe mam cut ngesi iswamator, konye emoyoke erai emoyo loka eimalayane. Erai ngesi na etumudukan edeke loka akwapin kanu loka enape; kebu akesa ya konap kopone loisingobeli aelo kogeuni do alomar kinga nen.

----
Etunganan lokokinga erai nges akuan naejai na da eyaitos apupeta akanyikape... arai apupeta akany, gwai ti. Etunganan lokotoma erai etunganan loerai emoyo lo da eyaitos apupeta akany; acoikina, ka amina, ka ace da kwangin. Etunganan lokokinga; asesen, aiir, atironor, ainguun, aipup. Konye toma naka emoyo kangol ejai etau, ido erai ngol loeyait ibore idiopet, alacakina naka akotekon. Ipedori jo acamun nuebala ajokit arai acamun nuebala Edeke. Ido erai ngol nges itojokaari inyo emoyo loejai toma nen. Arai erai Emoyo loka Edeke, ebuni ngol aimuj iboro luka Edeke, ido mam Ngol ecamuni aimuj idiobore kere yenika akwapin. Abala Yesu ebe, “Arai imina jo akwapin arai iboro luka akwapin, erai naarai mam da ber amin naka Edeke elomarit atutubet na nakotoma.” Etapaa Satan jo. “Kwabo mam etunganan ejari kanuka atap bon, nabarai kanuka Nginikirot naelomuni kaituk naka Edeke.”

Koanyutu kwana, kidumuni oni ebe “imujalal” ngin, isingobelono ido komam enapit igoen. Ido esubitos akwapin bala ajaunos toma atur nakaronon kakere naiiritor ajaun. Mam cut kotoma atur adio kere angor iiritotor aswam kopone kangol, mam cut konye nape cut eapuuni amudiario naka akwapin nuka akalele. Ido ejulirat Yesu ngun.

Amen kereka Edeke ayait araibo ejai bon Ngesi ecamakinit apedor ace ayait? Aumokinit eong. Abongokinet naka abeit naka aingiset kana erai, kotoma aomiteka, ebe ejaas imoyon iarei luitepegasi kotoma akwap lolo, ejaasi aswam. Kwana, mam epedorete adepar iarei, akwes aarei. Ido Ediopet kakesi erai Emoyo lokalaunan ejai toma aswam; loce je erai emoyo loka ajokit, ido, kotoma apaarasia nu nukawasia, kotoma aitapaar.

Imoyon luarei. Ediopet kakesi, Emoyo Lokalaunan loka Edeke; loce je, emoyo loka ajokit, iswamai kotoma aitapaar. Itunga luka akwap kwana ejaasi aiswamaun aseunetekec. Emoyo Lokalaunan ejai ne anyaraun Ateran naka Kristo alomun kinga. Ejai Ngesi aswam ngun kopone lo aitodiar AkirotoKe nakaisumunet neejai kaNgin, kanuka atur kana, aitodiarit ebe erai Ngol Kristo. Arai ebakai ebe ebokorit nges ebeit aiwotokin kotoma atur kana, ebuni bodo ebokorit aiwotokin. Arai ebakai ebe akeju nges ebeit aiwotokin kotoma atur kana, ebuni akeju aiwotokin. Arai ebeit akongu asesen kotoma atur kana, ebuni bodo akongu asesen. Ianyutu?

Emoyo loka Edeke, kwape apolounio Ngesi toma ojautene loileleba loka Edeke, nges atur nakijari kwana oni kotoma. Ejai Emoyo Lokalaunan ne aitodiarit kwape nakabeit Aisiiraret naka esawa kalo. Ido ejai Emoyo Lokalaunan iswamai nu, tetere itunga luiyuunitos Edeke eponio anyaraun kinga kotoma aipurujauna kana. Ejai emoyo lomam elaunit loka ajokit ne euta anyaraun ekanisake kede apaar, kwape duc, kanuka aitapaar Akirot naka Edeke, kwape abu ngesi kiswama kotoma ageunet. Koanyutu ngin ebonguni cut mama ejai apak ngin naka icokat bobo, ameun ko Eden? Ena kanen bobo.

Naka oitabo... Edeke loka atur kana nakaronon.

Akaulo kaŋun abu kaany emalaika ece ijesuni kotoma akuj, ejai kapolou naepol; kitacau aibusesuke akwap.

Kiworo keporoto loegogoŋ ebe, “Ebiror, ebiror Babulon lokapolon! Arau aibois naiboioto ajokin, Ka aidaris naka imoyon lueroko, Aidaris da naka ŋinikweny yenerono yenelaitai;

Apukokinio 18:1-2