Anyoun Nakiuniet.
<< abongor
ekaulo >>
Anyoun nakomoyo.
William Branham.Asiomio eitabo...
Anyoun Nakiuniet.Kwana, ajaununotor ngul kede anyoununeta nuipu, ejena bo sek, konye enera eong nuka apak naabu Edeke konyaraunia anyoun, atiakunio kama kanekejaasi kesi, kapak kanapekana. Kane, ejai Edeke ekapanakin aitodolikin AkirotoKe naka Edeke nakisumunit naabu kijaikinite Aburaam, ido mama ejai Isaak, ido mama ejai Yakob. Ikar, akwat nuka ikar kes ketuboro, konye, ca, Edeke mam cut imuruokini aisumuneteKe. Kotoma apak, apak naedolit, Edeke duc itarauni aisumuneteKe nakabeit.
Kanuka ngun, ipedori jo aiyengunit kojeni cut ebe nu isumunit Edeke kotoma Obaibuli lo, ebuni Ngesi aswam ngun. Emamei cut eipud aomoom nuka ibore ice, ido atemar atiar, “Eebo, kerai enabi, acepak, lokibiroro,” arai, “mam ngun epedorete aiswamaun kotoma apaaran na.” Araas nu atakanete bala mam epedoros kapak kangin, keraas numam epedoros itia epone loejaatar kwana. Konye abu Edeke kiswama ngun, karaida kerai biai, naarai esumunit Ngesi ebe abuni Ngesi aswam ngun.
Ido ongoleik eipone loiswama Ngesi ngun. “Adokunit Eong. Abu Eong keira aimony ngin. Eitunit Eong aisumuneteKa. Ido adokunit Eong aswam ngun, ido eyakiari Eong jo. Kiswama jo ngun. Abuni Eong ajaut ka jo. Cuticut, abuni Eong ajaut ka jo. Ajakut Kang na mam cut-mam cut-etwaniari ebuni ajaut ka jo ne ilosi jo kere. Sirikiyong.” Teijo? “Adokunit Eong kwap ayuun.” Ajeni cut eong ebe aomisio nukomoyo ikamunete ngin. Teijo? Teijo? “Eong-arai eong-alosi Eong aiyakiar jo, ayangaun iKatunga toma anyoun. Anyaraun kesi kinga, ido abuni Eong ajaut nepepe ka jo.”
Kwana, epone -epone lo kipedoria oni aiyengunit, epone loepedoria aiyuun aikamun edobo ngol kanen. Teijo? Elosi Edeke aswam ngun. Abu Ngesi kisumun ngun. Komam apod epone ali, ijautenesio luejaasi. Arai inyo inera itunganan ice, elosi Edeke aswam ngun, karaida biai, naarai abu Ngesi kisumunite ngun. Ido iswamai Ngesi ngun kopatana noi, ebe ngun-ilamaros ngun aikalam aijen naka aomisio nuisisiatos nuetamito airwananar nuikamunito ngun, “Opone ali epedorotor?”
Mam kereka eong apeleikinit atemar ebe etunganan kwana, loejaatar ka awomisio nuejokuka, nuicasitos, aisiaisia naejokuna, ebe etunganan ngol mam epedori ajenun Ngun. Ejokuka ngun kere, ido eumokina, alemar bon namam ngesi itwasama ngun airwananaria, konye, aisisiate ngin naejaatar ngesi, aiyuunitor Edeke. Koraun ngin na ibelokinio toma apatanu naka aipup ngun nuedaunit Edeke ener, kosodi aiyuun Ngun. Ebuni aisisia ke aingarakin ngesi kapak kangin do.
Koany. Konye na etamia etunganan airwananar, “Mam ngun eraas nutikepedor aswam,” epote do ngun airengiar nges awai kama ejai Edeke, kopekwangin, apak kere, naejaar ngesi etamit a-a aipup ngun, aijen keng elopet. Teijo? Arai mam jo ijeni, ido kobala Ebaibuli ibore mutan, bon kekunyak Ngin, “Amen.” Kojalak ngin kopone kangol.
Eringa oni kedumunia nanyoin apolou naka anyoun kana, ido alosi eong aituput anyoun ngin kwana... anyoun kapak kangin, ka anyoun na kwana, ido koany arai mam eupanara cuticut. Adiopet kakesi erai nakakuan. Ido iboro ngupengul luabu Ngesi kiswama kakuan, ejai Ngesi ituputoorit bobo, aitaraun ngin ibore ilopet komoyo, anyoun nakomoyo.
Erai naeumokina, kanu aanyun Akirot naka Edeke! Epedori ti biai idiotunganan atiar ebe mam Ngin iyengakinitai? Erai na bala ikar akwat akaisaarei-kikanyauni luatuboros, ijeni jo. Ido epone loabu Ngesi kisumunio, ido nueswama Ngesi kosodi apesikin ngun kinga nen kwape nuwanyunet, epone Ngesi- Ngesi- Ngesi ijaikini etoribe loka ibore aitijenun nuka-ibore kangin ilopet.
Konye, ber, ibusakinit oni airereor Ageun kanu aanyun kanukinyo kejaatar kesi kwap toma Misiri. Kanukinyo kejaunotor itunga luka Edeke kinga naka akwap kangin? Konye kereka kakere, esumunit Edeke ngin, cut kangina nekejai ageunet, kede Aburaam, Isaak ka Yakob, kotoma Palestine, abu Edeke koinak kes akwap ngin, ido kobala, “Ngin nges na.” Oo, kanen do, kanukinyo mam itunga kejaatar toma aibois nakijaikinit Edeke kes? Erai ngin aingiset naka lolo, da. Abu Edeke kijaik oni Pentekosit. Abu Ngesi kijaik oni Eitabo loka Aswamisio. Abu Ngesi kijaik oni Emoyo Lokalaunan, aingarenikin oni ka aitetenarit da oni. Abu Ngesi koinak oni akwap. Dobodo kanukinyo kijaar oni kinga naka Ngin? Kanukinyo ejaar ekanisa kinga naka Ngin? Kanukinyo mam ekanisa loepol loka Ikristayon lolo ejaria bobo kwape kOitabo loka Aswamisio, aitolomunit ibore kwape kangin? Ejai akirot na einakinit ngun ikote nen.Kijeni oni kere ebe kitiakatiaka oni, ido kijai oni ojautene lo etiono noi. Ido ejautene loetiono kakere lo-lo iiritor Ekristayone ajaria kotoma, nges lolo. Ido kija oni o... kijai oni cut oreret arai die naka atubokinio naepol, naketasuro na eperi kanuka ekanisa. Ido eringa atubokinio na kejauna, ejai Edeke enyaraunit anyoun, kwape cut abu kiswama kapak kangin. Apotu aronisio nuka Imorain kicularos kuju, aso Ngesi-ejai Ngesi enyaraunit a-a anyoun nakomoyo. Kwana kabongosi ber oni kau apak edit, kotoma aituput, kasodete aanyun. Apotu kesi kijesaros toma Misiri, kere kanuka ekokote kanuka onac. Erai kanuka ngun nges kejaar Isirael toma Misiri kapak kangin, kinga naka akwap kaya. Kiitunito aisumuneta nuka Edeke kerai alemar bon nakesalitotor kesi toma akwap ngin.
Kwana ipedori keraka jo aanyun nukinera sek oni kotoma ailip, ipak idio yen atubor? Kanukinyo keinakini Edeke itininiki etau loka Parao? Kanu aibwaikin itunga ainyakar toma akwap naka aisumunet, eringa Ngesi kisirerengo ngul, kanu ainun kesi Mesia. Biai keraunor Ngesi aitininik etau loka Hitler, araut lo asurokinit Eyudayat, kwabo korai ngesi lokeuritos Eyudayat ka imoit, ngesi elopet? Kikwaikini ai Ngesi epedori aswam ngun kotoma Stalin, Mussolini? Teijo? Itunga lumam iyengakitai, kwape nat ateker, kesi-kesi... Erai Edeke ayangaar e-e ibore lu ejariata kesi, ikisila luka akwap, irwan ipu, kanu aijaikin aisumunetaKe ailelebikin. Aso, abu koraun Ngesi aitininik itauon luka ikepugak ngul lukadedengak, kanu arukoria Eyudayat toma akwap naka aisumunet. Kebu koraun kopone kangol.
Kwana kidumuni oni, ebe, aijesar, Yosep... Kijeni oni akiro ngun, kwape kilosio abongor kau toma Ageun, ido ipedorete cut yesi aisiom ngun. Naarai eyapit eong motimot kanu ageun aisisia naeoj na naka Sunday school, ido abuni eong aitam aisunyakin. Kwana koany. Kosiom akiro ngun kapak naipedoria jo, nuka Yosep, kwape keuritere korai lodidi koinacanake, lo atupakinit lokawasia. Epedorete aomisio nukomoyo aikamun ngun kopekwana. Mam ngesi arai ikoku yenikawasia; Benyamin nges kerai. Konye, kotoma atiakario, kosesen. Yosep ka Benyamin kes araasi iinacan toto adiope, ido kesi bon iarei kakoikikec araas iinacan. Mam cut Benyamin abu kojenaar aitodol na eriamunotor ngesi ka Yosep. Ido aitelekaar luce ngul kakesi, aponi Benyamin kokorakinai aatenak aarei nuka nginibore yen abu Yosep kijaik. Mam ace. Kwana koany, kidumuni oni ngun kokwap kanen, aponi kes...
Aponi ngesi kolemarai kama ejaasi iinacanake naarai kerai ngesi lokomoyo. Kerai ngesi etunganan loepol, karaida kerai lokitasiono kakere kotoma kakesi. “Ido apotu kesi kolaata ngol komamete akiro.” Mam ebusakinit ti kesi aila ngol. Ebusakinit kesi ti ayongit ngol. Naarai, kanukinyo apotu kesi kolaatar ngol? Naarai kerai ngesi onac? Mam cuticut erai ngun. Apotu kolaata ngol naarai kejai Edeke aiswamanar ka ngol adepar idio kakesi. Teijo? Abu Ngesi kijaik ngol a-a-a-a aijen nakomoyo. Apedori ngesi aijul airujasia, ejok noi. Ido apedorit ngesi alimunun iboro lu etodolinikinos, becebec, cut kwape kopone lokejaatar ngun. Ido nges-ido mam nges engaingaitoi.
Abu ngesi koany a-airujasit naka ikes ngul ekukumete koingaren naka ikes keng, ido apotu ikeinacan konyunyurikis nges. Kobalas, “Aomit, konyet do, ijo ikeblibelon-yenikalaunan yen,” kotoma akiro ace, “mere ebeit isio akukum kongarenikon kacepaaran?” Konye kereka opone ngol apotu ngun kiswamaunotor. Biai tikepedoriata ikososoi ngul lukapolok akukum teniteni cut koingaren naka ikesa nginididi ngin, yenipe tai ebwoi kanen? Konye apotu kesi kiswamautu ngun, cut bo apotu kiswamautu, ido kilipitos aitimio. Konye mam ngesi kebunit kotoma apedor, ber, teijo. Kapak kangin kerai bon ngesi lokejai cut kotoma aputo naka ikoku.
Konyet do kidumuni oni ebe, kanu aswam nu, ebe aponi Yosep kolemarai awai koinacanake, idiinin, kosodete aibwaikin kinga ngesi elopet bon. Teijo? Iinacanake, kere kotoma akwap ngin. Kosodi konyet abu ibore yenapol noi kobu. Kianyuni oni ebe Isirael... alemar bon na eboioto kesi kotoma aiboisikec nakiboiet, ido kidarakina. Kwana erai ngin ibore yenejok, asalit toma aiboisit. Kaisiboikinio, erai ngin naedolit. Konye, apotu kesi kolemasi Emoyo.
Luka nugeunet, lolo, kaisiboikinio ejenete kesi ibore yen eraasi kesi, kanu aomit naka akuan naka Ebaibuli, konye emamei Emoyo. Angeroto kesi Yosep, etolomasi Ngol kinga. Mam kesi akotosi ibore idio kere yenikamunit Ngol. “Erai abunget naka ikebelibelok-lukalaunak. Erai e...Mam isio ikoto idiobore yenikamunit Ngol.” Agolosi kesi Ngol kinga, agwelasi Ngesi, mama ejaasi akwapin. Kejaasi ngul kinga naka eidicane kec.Kwana, kanu aswam ngun, aponi kesi kolemarai kinga kaiboisit kangin, ayangaar kwap toma Misiri, konyet kokau. Kwana, akiro nu nuka iinacan lu ekokote erai cuticut loka aitupuset naepol kede ewaike lokomoyo lolo. Oni-oni kere kijeni ngun, ebe erai ekokote lo esegaara, mere lo esegaara. Erai ekokote lomojong, lo imodokok, lo esiliana. Ianyu? Emame asegaara kotoma ekokote. Teijo? Mam erai idiobore kilema ekokote loesiliana. Na, eanyuniata ngul Ebaibuli ngopengol, ka einono loka Edeke kangopekangol lokiwadikae Ebaibuli, itodiar Elopet, ido konyet aigir Ngun komamete akiro. Esegaara... Aibo, mam esegaara. Kwape abalar eong, erai ekokote lo imodokok. Asesen Edeke itangalei lukadekak, itajaruni lukatwak, Edeke ngopengol lokejari kotoma apaarasia nuka ikiyakia! Akiro Nukajokak ngupengun nuapotu kesi kiwadikata, kanuka erot lo lokomoyo, nges Edeke ngopengol loiswamai ibore ngipengin. Aso mam kes eraasi idiobore kilema ekokote, adau airengiar, “Ido mam isio ikoto Ngun kotungakosi.” Itei jo? Arukoria kes awai!
Aomitos kesi, iinacan ngul, ebe amamei ibore apote kesi aiswama etunganan kwa kangol, aso, “Kanukinyo mam aisukunyaar ngol?” Ngun kes nu, ibore ngipengin nges atakanu lolo. Eomitos kesi, ebe, “Naarai araunos ekanisan wok lukacoa, ebe oni kijaar kikodeta lu enapitos-ejok noi kakere, erionget lokapolon kakere, ikejaanakinak lu enapitos ejok noi kakere. Ebe emamei oi ibore kiswama Emoyo Lokalaunan kopone lokejaar Ngol kokau kangina.” Ebe, ileleba kesi. Kacekiro, inerai aswamisio keporoto loikeseuna itia akiro: Ebe seminariis kec, ka akec... adam nuka akec-akec aitemitem ibore yen, eraasi nuepedoritos noi, kede aomisio kec nuka akuan, aibwaikin Ekanisa toma ainapetait, ejok itia ne epedoria Emoyo Lokalaunan aswam ngun. Kanuka ngun, mam do boo kesi ipudasi Ngol. “Erai Ngin ibore yen mam isio kipuda lolo. Erai ngin, apaarasia nuka ngun atuboros.” Kwana, mam kereka ngun cut eraasi nukabeit? “Mam oni kipuda Emoyo Lokalaunan aitangale ikadekak. Kijaar oni kede imuruok luka adekis. Mam oni kipuda Emoyo Lokalaunan ener kede angajepa. Kirai oni kere itunga lukacoa.” Ido naiswama jo ngun, ilemari do jo, cut kopuremukon, ekokoro loka Aijar. Abu Yesu kolimok kes Iyudayan, kotoma apaarasiaKe, “Mam ca ma yes isiomitos ngun, 'Amoru naponi kongeroi nges amoru nakapolon naka Agor naesipor aduketait kere kamake'?”
Kwana, ianyutu yesi nuabala eong? Ajeni cut eong ebe yes-yes ipedorete yesi aikamun ngun. Ebe, a-a apolou naka ngun kereka kwana, erai naarai aomitos kesi ebe mam cut kesi epote aipudakin Ngol. “Mam isio ikoto ikerabak kede angajepa. Mam kwana bobo isio kipuda inabin luka Aitutuket Namojong aibwaikin isio toma ainapeta, kanuka Emoyo Lokalaunan. Kijeni isio Ngun.” Teijo? Adautu kesi arokun eiswamae-loka etunganan ayangaar aibois naka Emoyo Lokalaunan. Kanukangun, ejaasi itunga lueseunitai, ejaasi ikiroria kec Oitabo loka Imerekek loka Aijar, mam ecamunete ngun. Mam etitingikinete ngun, mam ace arai apotu lukapapakec ka nukatotokec kepotu lojaritos kotoma okanisa edio kere loka erionget.
Na iswamaunia ekanisa, kiswama... kacepak mam erasakini alimun ngun. Oo, mam. Mam cut ecopete alimun ngun, konye aswamisio kec itoduunete ngun. Akirot na kane. Kosodi Emoyo Lokalaunan aitodiar Ngin kokiding naka ngul, kepedo Ngesi atukokin kes nepepe, ebe eringa Ngesi itangaleunene lukadekak, ido itajarunene lukatwak, ido inerenena kotoma angajepa, ido irengeanari ajokin. Aso, ikamanara do kede... nuejaas toma naka itunganan.
----
Epupi ekanisa ebe mam nges ipuda Emoyo Lokalaunan. Kilimokinete ekanisan jo ngun. Ido epedorete ikiliok aibwo kosodete aijaikin jo einer lokacobeu kwa kangol, epedori nepetai aapikin aijaikin jo aiyuun ngun. Kwana kapaikisi ber oni nen, adakika adiopet. Mam kereka Yesu abala ebe apote luarei aidunyakin noi nepepe, “Itapaari Luseuna arai epedoros”? Ineresinei lukacobeu apote araut luinapaara noi kwangin, ebe ti-ti kitapaasi itunga. Erai eijiri, erai ikiliok luepedorete aiting akirot ngin kopone lo, ebe ibucete ainakin itunganan kere yen ecobe, arai bon imunokina jo acobeukec, kesi- apote kesi aitoron Emoyo Lokalaunan, kosodete ayangaar erot loka etunganan. Kiseseni oni ngun.Kwana, ibore ngipengin nges aomitosi ngul kanuka Yosep, Ido apotu kesi kolemasi nges. Ido, oo, kokwap ko Misiri, oo, kipedori biai oni aomoom, epone lo tikapedoria eong ayangaikin isawan. Ipedorete yesi ti adaun ikar iuni ido komam cut ijalakinete akirot ngin, akuar ka akuar, ido koroko ca idumununete icok luka Emoyo Lokalaunan.
Epedorete aomisio nukomoyo angolekin kwap kotoma Misiri kosodete aanyun areio ngin edakun; epedorete aanyun Yosep elemario awai, tetere ebe epedori areio adakun. Kosodi konyet aanyun Edeke, kede aKekokoro kotoma akokoron, nginibore irimi ejok cut. Koany Potipar egiri Yosep; koany aingal ngin naponi kolimunoi. Ido koany Yosep kaidaris, ido abu epenekike kopoloor, irengearitai koinacanake. Konye bodo, atipet ngipengin, abu Edeke kobu toma.
Epone lokipedoria oni asesen akokoro ngin kotoma akokoron, iwosi! Aitemonokinet naepol naka Edeke ejai aisukunyikin nginibore toma anyoun na, toni apak na naebunio Ngesi anyaraar iKetunga ainyakar toma akwap ya bobo, abongor toma aiboisit, toma aiboisit naepedoria Ngesi aisirereng kes kosodi aibwaikin kidingikec ngol Ediopet loabu Ngesi kisumunite ebe abuni Ngesi aibwaikin kidingikec. Kibusakinit kesi ti ajaut toma akwapukec. Kiitunito, kiburai kesi alomun kinga kotoma akwap ngin nakejaasi kesi, kosodete alomar toma akwap naka aisumunet, eringa Mesia kec loesumunitai kepedoro abunore.
Ido iburai Ekanisa aswam ibore ngipengin; alomun kinga kama ejai atukos ngin naka ngun luegiritos, alomar toma aisumunet, eringa Mesia kepedoro aitodiario koingarenikec. Ianyutu yesi ngun? [Ebala atukot, “Amen.”-Ekewa.] Aijar naka Mesia ngol, itodiaritai, aisikapikin Ekanisa, Ateran. Kedukoki aberu etunganan, ido komam ecamanara kede ngol, ti eraun ibore yenika e-e ecelet, kopekwangin. Konye arai etunganan ka akeberu, apese apaperoke, naisinerit ngesi, naejaatar kesi ecamanara cuticut, kosubite bala etau ediopet ka aomit da adiopet, naarai elosete kesi araun akuan adiopet. Konyet do, naepedoria ekanisa alomar toma acamanara kwa kangin nepepe ka Edeke, aitodol aitodiario naka Eteran, naarai epote kesi araun idiopet! Oo, erai na aisisia naepol. Mam ace. Kwana, kiitunito, aomisio nukomoyo elemunete, epedori aanyun aitupuset kede naerai ibore ilopet, kasodi alemun ngun. Naarai adiopet, bon, tikipedo oni alosit adaun isawan ktoma kangin. Asesen nu iswamaunos.
Naka oitabo... Anyoun Nakiuniet.
Edukone ka Elakit.
