Esidion.
<< prev
next >>
Epukunitai Kristo alotooma Akekirot a Elope.
William Branham.Tosiomete alo akirot...
Epukunitai Kristo alotooma Akekirot a Elope.Kwana alosi ayong akirowor akou ka Akirot Epukunitai Kristo alotooma Akekirot a Elope-epite ngolo ewaar epikica a Kristo anakitererengieta, ewuoi aloking. Arai neni ariamunia ayong akou ka Akirot na. Tokona, erai Kristo kaapei ka Akirot ipei bore, kingolik.
Ebasi ikes, “ikoni Ebaibul ai…?” Ebasi ngitunga ebe... Ikikeri ayong kaapei ka ekile apaki ngina eyapi. Tema inges ebe, “totami anguna angun. Iwon anege anakwap, epite ngolo eyakare iwon, ka eyienio iwon bon kori ikipedorit alimun bon ebe ikilakunitai iwon alotooma ngice eemuto ngulu a Ngiyudayon ngulu enyaritae Ebaibul.”
Abu ayong atema ebe, “Ekapolon emam nyayeni ayong epite ngolo ilimunio iyong ngun, nai emam nyanupit ayong ngun atemar erai ngiemuto a Ngiyudayon ngul,” tema inges ebe...
Tema inges ebe “Ajokis, ilipenene iyong, neni angai ilipenen iyong? Abu ayong engit ati-ka- ti ka ngiceboro dang; emam pa abu ayong atoriamu ngun.”Abu ayong atema ebe, “Ilipi iyong erono. Nyemaikina iwon elipeneneete a nguna ka akilocokin ngatameta ka Akuj; emaikina iwon elipa kotere elocokisi ngayokotameta. Nyiitanito ngatameta ka Akuj akilocokino, Kingolik? kingolik. Iyookino ngun.” Otema ayong ebe, “meere nguna ilipia iyong...”
Ayeni ayong edia ngolo a katolikia, apei paki, ayiakar inges abuk ngina enyaritai ilipa Akuj toyiai akilip kotere eyiari atokeng. Ka abu totwana, ka abu inges tocakak elipa Akuj nakim. Ajokis, kingolik...Emam nyalosi ayong kan abuk ngina enyaritai elipa Akuj, nai keyia nguna dang...kingolik, iyait iyong eyiakae ngolo aronon. Iyiai iyong alimonokin Akuj nguna kitiyia. Ejoikinit akilip torai, “Ekapolon, kilocokinoi ayong kotere etemokin Nakirot Kon”, Meere kilocok... Meere, “Kimie elocok ayong ngakonitameta; kilocok Iyong ngakatameta. (Ingolik-a?) Kilocok ngakatameta Nacamit Kon, ka igiritai Akonicamit tooma Lobaibul ne. Ka Ekapolon, nyikicamak ayong alosit akitodol ngina isipokinia Iyong ngakatameta ikwa ngunakon. Ka tosipokinos ngakatameta ikwa Ngunakon, abuni nait ayong akiyiun Adiokirot dadang ngina ibu Iyong kigir. Ka ibu Yong tema alotooma aina ebe iinakini Iyong ngiboro kitiyata ajokis neni angulu ikiminasi Iyong, ka akamina ayong Yong, Ekapolon. Itiyaete dadang ajokis.”
-----
Toaanyu. Tokona, abonguni iwon kau, emaikina iwon ayiakaunotor icebore ngini ebeit iwon otinga. Emaikina icebore torai eloit; atema ka acelimunet ebe, erai ikes nguna esidiok. Ka anginitunganan ejoikinit toyiakar nguna esidiok kori nguna egolokinete. Alimonokinitor ayong ngun apei paki alokaru a ngulu alunyar, nguna egolokinete, akibois ngina erai akirot ngina esidion. Ikwa ngolo ekusu ekapiriicit anabolia, erai ketema erai estraik, ikte ca nenipei. Nyemisitai epite ngolo iteo iyong ngun, atema ngolo ekui ekapiriicit erai estraik.Ibala yong, “Emam nyerai estraik. Aanyunit ayong...” Nyemisitai neni ikoni inges, ngina elimunio inges ebe, “Estraik,” ikes ngunapei, ka erikakin ngun, nyo ca... inges ngolo esidion.
Ka alait ngina atrafik erai ngina esidion. Erai ketema, “Tolot,” kitema iyong, “Ajokis, ewoji ayong, Ikiyiakar ayong...” Mam, mam ebala inges, “Towuo mono akitodol ngina elunyaror nginice,” Kingolik. Inges erai ngina esidion.Tokona, emaikina toyai ekisal loboro dadang ngulu ityiai iyong. Emaikina toyiai ekisal ngina iseunia iyong akoniberu. Emaikina toyai aberu ngina emaikina iyong aseun.
Tokona emaikina toyai apaki ngina ilosio iyong agelun amotoka, alikabila ka asalunet ilosi iyong alemun. Erauni mono Pord, Kheby, Plymouth, kori amotoka ngina gela? neni dadang ikoni inges, emaikina iyong toyiakatar ka nguna egolokinete. Ka ikotenen anakiyiar a Ngikristo: Emaikina toyiai angetakinet.-----
Ejok, ngolo din dadang erai ekisal aneni angiknupak kec. Nai, aneni kang, ka aneni a ngulu atami ayong ebe arikorit ayong neni a Kristo, ka anguna a Kristoerai Ebaibul ayok nguna esidiok. Emam nyemitakinitai...anerai ebala Akuj ebe “Kimiekisi ngakiro a itunganan torata aliokonu, ka nguna Kang Akiyookino.” Ka anupit ayong ebe erai Ebaibul nguna esidiok aneni ka Akuj. Emam nyemisitai nguna elimuni idiotunganan, erai nguna esidiok.Emam nyerai Ebaibul ekitaabo ngolo angariongeta. Emam, malim! Emam nyerai ekitaabo ngolo a ngariongeta, kori ngolo itojokunere ngipitesio. Emam nyerai Ebaibul ekitaabo ngolo a ngariongeta, ngariongeta nguna alalak ka ngace dang. Emam, malim! Emam nyerai ekitaabo ngolo itojokunere ngipitesio. Mam, malim, emam nyerai. Kori dang emam nyerai ekitaabo ngolo a ngiemuto ecunakinitai iwapei, kori emam nyerai ekitaabo ngolo asiloji, naarai erai apukokinio ngina a Yesu Kristo. Kwana, ani kicamit iyong asiomun ngun-iyes ngulu iyiakatar ngakaratasia kus, ngulu igirete kwap-erai nen Apukokinio 1:1-3: Erai Ebaibul apukokinio ngina a Yesu Krisot.
-----
Tokona, toany Ebaibul Ebaibul lo. Ebasi ngice kes ebe, “Okoe, ejok, erai nguna irikakina nu, irikakina ngun.” Nai kimiek atolimok ayong iyes idiobore, kimiekisi oloto tooma loemuto ngulu ngorok ngulu ke Ebaibul adio dakikat ca ka aanyutu neni kebunio. Arai ngolo igirete ngikegirak ngatomoniomwon ngulu egelegelia. Ngikiliok ngatomoniomwon ikec apotu kigira Ebaibul alotooma apaki ngina edolit ngikaru ngamia ngatomon ka ngikanikapei elatakina ka anapakio a nguna egelegelia, eduarito ngakiro nguna apolok nguna apotu totakanut alotooma ngiemuto ngulu a ngakwapin, ka ngapakio nguna alalak ngamiyai a ngikaru eringa ngun nyetakanuna. Ka emam adyakaret tar apei alotooma ngabukio ngatomonikankapei ka ngakankapei. Okoi, ayong! Emam elope mati Akuj Elope ngolo adiriana. Emam akirot itepegit nginace. Totamunito, ngikaru ngakiangakankapei elatakina, inges aponi kigirere Ebaibul-ameun aneni a Musa akitodol natwanare a Yokana aloculat a Patimo, ngikaru ngamiangakankapei-ka ngilopeyek ngulu egelegelia egirete. Emam tar ngoloce pa ayeni ngoloce, ka amamukatar ikes ikwa Akirot. Ngice alotooma kec emam tar pa aanyunito Akirot. Nai ngina egiriata ikes ngun, ka aponi tomisiunai ikes erai ngikaduarak, ani nait ecunakinete ikes ngaduaran kec iwapei, abu nginace kiriamar ka nginace.-----
Tokona, alimun ikwa aanyunet, ameun…anibo ikilot iwon tokona alemun ngabukio ngatomonikapei ka angakanikapei nguna a edakitar nguna ikamunito akuwan, nguna igirito ngisukulo ngulu ka angaleu ngatomonimwon ngulu egelegelia, amiat ka ngitomon ka ngikanikapei... kori ngikaru ngamiyai ngitomon ka ngikanikapei elatanakina-a? Aumokini ayong atemar ali kabila ka arucoret ikiponi iwon ayiakaunor?
Mam, emam nabo arucoret aneni a ngun;Nai emam apei Kirot alotooma Ebaibul ngina itidingit nginace. Emam tar epei kaduaran ngolo abu kitiding ngoloce. Arai ikes ngini tunganan kec dadang, arai ngini eyookino. Ka ngina ebunio epei tooma ka kitiya nguna ka akiduar, ka ekaduaran ngol ngolo iyookino enyouni ka tonyara inges kwap, ido aponi kisilereunoi, kingolik, kingolik. Aso erai Ebaibul Akirot ngina ka Akuj, ngina nyaraunet ngikanupak dadang ngulu akire.
-----
Ka elosete ikes ariamun ngun, adio kolongit ngina nyitete ikes, ngikaru ngamilionin amiat ka ngatomonikan ngulu ka akibos a ngina ecai kori. Elosete ikes kingaren akirimor ekorobe. Erai nguna akire ngun. Ilosete iyes ariamun, alotoma ngirua lu, ebe ngina ilosio iyong Nakuj, emam nyiporori iyong ace kibois nabo eroko iyong iyiai nege, dang, erai ca tooma nadoketait ngina iloit na. Kire jik alotoma agule na ebunit erangi. Ngolorangi dadang ke esat ekiteitei, nginibore dadang inapit iyong, erai ngini nyedaun, erai ngini eperi alotoma narekod, elosi tooma nakwap dadang. Ngina paki dadang irapia iyong akonyen kon, erai ngini iyookino anarekod. Toanyu, itogogongit esinema ngun.-----
Tokona toanyu, ka emam adio diakaret eyiai tooma Nakigiret. Yesu, ngolo erai Akirot ngina ka Akuj, Inges eyeni ngatameta nguna eyia tooma lotau. “Erai Akirot ka Akuj ngina egogong, ka ekwana,” Ngiburanian 4:12. “Ekwana Akirot ka Akuj, erai ngina ka agogongu akilo atum ngina ekwaka ngiwaitin dadang, erai tar ngina egici ngatameta ka nguna elosikinito ngatameta,” Kingolik-elosi akitodol ngina etiyaaror tooma natameta, ka akiriun kinga, ido togicuni. Nyo erai akigic? “Akiteyenun, apukun kinga.” Ka erai ngun inges itiyai Akirot ka Akuj. Nakuwarina ikibala iwon ebe, “ekanisa ngolo Akatalik inges Akirot ka Akuj-ngolo a Baptist, ngolo a Mesodist, ngolo a Pentekost, eema.” Edyakara ngun. Erai Akirot apukokinio, epukunitai Akuj Anakirot!-----
Aso iyookino, Erai Akirot ngina ka Akuj ngin iyookino, tar dang aneni ka Akitutuket a ngina Ngorot ka ngina Kitete, erai nganusio ngaarei ka apei dadang. erai ngun kire. Nganusio nguna ka Akitutuket angina Ngorot keng, ka anus ka Akitutuket a ngina kitete anenikeng. Kicunak iyong iwapei, iriamuni yong apukokinio ngina a Yesu Kristo ngina ileleba. Eyiai ekaduaran ngolo irworo, ka anege erai Inges Elope, kingolik; nganusio ngaarei ka apei ngina ileleba.Tokona, totamunito atemar Akitutuket ngina Mojong emam nyirikakina emam Akitutuket ngina Kitete. Ka dang Akitutuket ngina Kitete nyirikakian emam Akitutuket ngina Mojong. Inges nai abaakar ayong ebe anus ngina angaarei erai apei dadang. Kotere ebasi ngikaduarak ebe, “Eyiakaun Inges nege! Eyakaun Inges nege! Eyakaun Inges nege; itiyiaete ikes nugu neni Keng. Itiyaete ikes ni neni Keng; ityiaete ikes nugu neni Keng. Itiyiaete ikes nugu neni Keng!” “ka nege eyiai Inges, ayai Inges nege! ayiai Inges nege, ka apotu ikes kitiyiata nu neni keng, ka apotu ikes kitiyiat nugu neni Keng” abu ayong atolimonokinite ngun akuwar ngina alunyar.
Tokona kotere iyong isiomi Ngakigiret, abu Paulo tolimok Timoteo ebe, “tosiom ikes, kire jik itiakit Akirot ngina ka Akuj ngina erai Akiyookino.”
Lu uni lu emaikina eya toma Nakigiret. Alotoma akisitiya Akirot ka Akuj, eya ngiboro ngiuni ngulu emaikina iyong nyityia. Tokona kimiek atosiom ngulu alotoma ngadakae ngatomon nguna eya ngaren; ngiboro ngiuni ngulu emaikina iyong nyityia. Eya dadang nakwap, neni dadang iyai iyong, alobuku a dadang, torai ngolo imiseunit nu akigirakin kwapnatameta kon erai kimamukar iyong akalam. Nyemaikina iyes kityiata ngiboro lu. Ikilimokinit isua iyes ngapakio dadang epite ngolo emaikina iyes kityiata, tokona alosi ayong alimokin iyes nyibore ngini emaikina iyes nyitiayata.Tokona, nyemaikina iyes akiloc Akirot erono. Ibasi iyes ebe, “iyookino, anupit ayong ebala inges ne.” Elimunit Inges ibore ngini ebala. Emam nyiitanit inges ediokelocon. Ka emam nyemaikina iyes kiwuakisi Akirot nakibois ngina nyerai nginakeng. Ka nyemaikina iyes kingecelikis Akirot. Ka ani kitiyai iwon idio aloboro alu, imasakinete ngun Ebaibul nakingodiakina ka loburasia.
Toaanyu. Akilocun Yesu erono alotooma eyiakae ngolo ka Akuj alotooma itunganan, kitarau iyong Inges akuj apei alotooma ngauni. Akilocun Yesu Kristo erai Akirot, itarauni iyong Inges apei kuj alotooma ngauni. Kori kitarau iyong Inges itunganan ngini a ngiarei alotooma Akujuo. Ka ani kitiya iyong ngun, ingodiakini yong ngakigiret dadang. Ido emam neni idoli yong. Aso nyemaikina kilocunoi erono. Ka erai kilimu iyong ice bore, ido kiwak iyong akilocunet neni keng, ka kisitiya iyong inges ace paki; kori adaun akisitiya alotoma ace paki, ibuni iyong dang alemun akilocunet ngina nyiyookino.
-----
Nguna uni nu nguna emaikina, emaikina toyiakas. Nyemaikina kilocunoi erono kori kiting inges erono, akilocun inges erono, kori... akingecelikin Inges. Emaikina inges kidaritetei kire jik alorot a ngolo elimunitor Akuj inges. Aneni ka akwap, erai Ekitaabo ngolo ka akimunono. Enupito ngitunga ebe erai ca Ekitaabo ngolo ka akimunono. Apei kolongit ayiai ayong erworo neni a ekile ngolo eyienara alo taun anege, ngolo etingit awuoetait ngina apolon ngina a Ngikristo, ka abu inges tema ebe, “Ekatakinit ayong akisiom Ekitaabo ngolo ka Apukokino apaei kuwar.” Tema ebe, “Emaikina Yokona eyakar akimuj ngina ke-pilipili ngolo aduaran ka toyakar akirujasit ngina ikiteriengakini. Kingolik, erai Ekitaabo ngolo ka akimunonon.Nai, aneni a ekanupan a ngolo a kire, erai apukokinio ngina ka Akuj ngina epukoritai alotooma anyamet ngina ikiyaria iwon. Abu inges tema, “Ngakakakiro erai Ekuwuam ka Akiyiar.” Abu Yesu tolimu ngun. Nabo, “Akirot erai ekinyomit ngolo abu ekayan toek.” Ikiyeni iwon ebe erai ngun akiyookino. Erai Akuj alotooma naput ngina ka Akirot, ka Inges bon Elope epedori akilocun.
Nyepedorete ngatameta nguna a ngitunga akilocun ngatameta nguna ka Akuj. Ikokinete ngatameta nguna ekidioko epedorete akilocun ngatameta nguna emam nyesalunete, arai mono pa epedoritai iwon akilocun ngatameta a nginice-a?
Ka ianyuni yong, erai inges bon ngolo epedorit akilocun ngun, ka ilocuni Inges neni a ngina ecamit Inges akilocokin. Emam nyebala inges ebe, “atwanit ngina ngorot, ikwapei etolomuniata ikes toma nakwap anapakio a nguna kolong ka alotooma ngipitesio ngulu egelegelia abu topukokin Elope neni angikaduarak Keng.” Kingolik.Tosiomete alo akirot...
Epukunitai Kristo alotooma Akekirot a Elope.
