William Branham.

Tosiomete alo akirot...
Nyigongakin nayenut kon a elope.

Ngakitadapeta 3:1-6,
1 Lokoku kang, nyikimuriakis iyong ngakiro nguna eketatami ayong iyong,nai tocamak ekonitau kiricak ngakiciketa kang:
2 Ngirwua ngulu alalak, ka akiyiar ngina aoyian, ka aiyiorit, inges ikiyiatakinete ikec iyong.
3 Nyicamak akision ka akiyookino ikimuriakinete iyong: toenik ikec longulinguli kon; kigirak ikec lomesa ka ekonitau:
4 Aso iriamuni nait iyong ajokis ka amisiikin ngina ajokan anakonyen ka Akuj ka ngitunga.
5 Kikinyom Ekapolon ka ekonitau dadang; ka nyigogakin namisiikin kon a ilope.
6 Alotooma ngikon rotin dadang tocamunite Inges, ka ikitoodikini Inges iyong ekonirot.

Okoi, atami ayong erai ngin akigiret ngina ebusan nooi! Tokona acamit ayong alemun akou ka akirot, alotooma engaet ngolo angikan, ‘Nyigongakin Namisiikin Kon aelope’.

Tokona erai na akou ka Akirot ngina itegelikina anguna ka apaaran angina ikiyiaria iwon, naarai emitakinitai ngirwa lu erai kire nguna epetakinitai nakisiom ka kidiama namisiikin yok ngiboro, erai ngirwu lu ngulu ka akisiom. Nai ikiriamuni iwon anege atemar alimunet ngina itegelikina na, ikwa ngakigiret ngunace, eyiakatar inges ake kibois, ka ikinyomitai iwon Ekapolon acamakin iwon aanyun neni eyiai akibois.
Ngirwa lu iyiakiyio iwon ngiyokodwe losukul, ariamun amisiikin. Ani engetakinete ngisukulo ngulu angajukutai, iyiakiario iwon ikes siniya anguna ka amisiikin angina ajokan kan ayienut. ani engetakinete nen, erereng ngicedwe nooi tar alosit lokolej, ka alosit lokolege angetakin akec kisiom ka ikec misiikin ngina ka ayienut. Nguna iitana anenikec kan... Ngapakio nguna alalak, araimun etic, iitana mati iyiakatar iyong amisiikin ngina asiniya, kori akisiom ngina alokolej, ka ngunace dang.

Toraibo, ikilimokinit iwon ekaoson Suleiman ebe, “Mam agongakin neni angun, meere namisiikin yok angikulepek; nyisisiaut ngiboro ngul.” Naarai, ikiumokini iwon nguna elimunitor inges ibore ngini ikoni nen, erai naarai ayoko misiikin ngina angirwa alu erai jwijwi aosou aitunganan, ngina nyiriamara ka Akirot ka Akuj. Atami ayong arai ngun ekatakinit Suleiman akitatam atalokoku keng, mampa arai akidong pa isiomit, nai meere angongakina namisiikin kec angikulepek.
Ka atami ayong kepedo aruwor akicocoet ngina ajokan nakuwarina, arai ikilimok iwon atalokoku yok ka neni atalokoku ka Akuj, ebe, ejok akisiom, emam ibore erono anen; nai ngina epegakinotor akisiom ngin ka Akirot ka Akuj, anen togongakin nai Nakirot tocamak akonisiomit kipasayia, kingolik, naarai, Akirot. Ka ebuni akisiom akiwuo ka ikiinakini iyong etic ngolo ajokan, ka acepaki awuoetait ngina ajokan alokiding ngitunga ngulu aosok, nai, ejuwak ngun dadang, nguna eruworosi akingarakinet kon ngina apolon, ikingarakini iyong alosilinga ka akoni kiyiar, akitaraun ekoniyiare ngolo ajokan iwadio.

Nai totamunite ipei bore, lokoku kang, ebeit iyong atwanare. Nyemisitai neni etya asiomit ngina iriamu iyong, neni etyia etali ngolo idyasit iyong, nait ebeit iyong akitekin ka atwanare, naarai igiritai, ebe, “Ebeit ngitunga atwanare, ka akau angun atubokinio.” Ka Akuj, Ngina... Emam nyerono atwanare nooi. Nai abunore natubokinio inges ewai ngolo aronon. Tokona, ipedori iyong atwanare, “nai akau angun atubokinio.” Ka emam nyikingisi iyong Akuj neni atya akonisiomit ngina iyiakar iyong nakwap ne, neni etya akoniyienut ngina idyasit iyong, kerai kiramunit iyong edigiri ngolo ka aosou angakan, kori edio dadang ngolo iyiakar iyong, kori ikwa tar eminista. Emam nyiitanio anenikon.
Nai iitanio anenikon, erai nguna ibu iyong kitiyia alotooma nguna etapito epite ngolo imisiikinitor iyong Akirot ka Akuj. Neni eponiata nguna iitanitai nen, naarai ejok akonisiomit dang, nait erai Akirot ka Akuj akiyiar. “Erai Akakirot Akiyiar,” ka ayienun Inges erai Akiyiar. Ka abu Inges-Inges tema, “Toyienutu Inges.” Erai Inges Akirot. Aso ipedori iyong ayienun Inges bon kan Akirot, naarai erai Inges Akirot. Ngol bon erot ngolo ipedoria iyong ayienunia Inges, erai kan Akirot.

Epedori itunganan abunore ka atemar, “erai lo Akuj.” kori “erai ngol Akuj,” kori “erai lo Akuj,” ka “erai ngun kire,” nai ebongunio iwon nakirot, ngina erai Akiyookino.
Ka ikoni Akirot Etop ngolo Alokuju, erai etop ngolo akire. nyemisitai ewai ngolo eyiai akwap akilemilemoor, ethipokina Etop ngolo Alokuju ngol ka kiding ngina ka akwap. Iwaakini iyong amasin ngina itoodi ngiwaitin gulu ka akwap kitee Lotop ngolo Alokuju. Eyiai jwijwi kiding ngina ka akwap. Ngikanyer nguluce ipunasi ka akilemilemo ngina ka akwap, nai Etop ngolo Alokuju itiirai.
Tokona amasin ngina itoodi ngiwaitin ka akwap erai Ekuwuam ngolo akwuangan, ka neni elimori neni kitoro erai Etop ngolo Alokuju, aso edodari Ekuwuam ngolo akwuangan jwijwi Nakirot. Emam nyikirikori iyong Ekuwuam nibore ice mati Nakirot. Aso ikokini nai itunganan ecamuni akitatam aitunganan ai, nai nyiriamara ka Akirot, ido toringa ebala eyiakar Ekuwuam aa? Ikitoodiari iyong Ekuwuam nawai aneni angun. Eyiaikini Ekuwuam ngolo Akwuangan akitoodiar iyong Nakirot, naarai erai Inges Akirot. Erai Inges Akirot. Ka epedori Inges bon... ikwa ethipak anamasin angina itoodi ngiwaitin ka akwap iwaakinitai lopir ngolo Alokuju, erai ngol bon erot ngolo iriunia. Ka kerai Ekuwuam ngolo Akwuangan Ekegiran ka Elope, ka ekesikwarunan Akirot, ikokini Inges edodari itunganan nibore ice nai akilo Nakirot aa?

Aso ngina etemaria itunganan eyiakatar ikes Ekuwuam ngolo Akwangan, tocamunite icebore ngini emam nyiriamara ka Akirot, itoodiunito ngun atemar meere ngol Ekuwuam ngolo Akwuangan ngolo ariamut ikes. Ingolik aa? Epedori torai etau angini atwana, emam nyetepegi ayong ngun, nai emam nyerai Ekuwuam ngolo Akwuangan ngolo a Kristo. Tokona, iyenete iyes, ngapakio nguna alalak, eyiaete ikes ekuwuam anginice ka nginice; aso elimorito ngun, alotooma ikwa atukot ngina angitunga, neni aicebore, nai emam nyepedori adodar neni a Kristo. Nai ikitoodiari jwijwi Ekuwuam ngolo aKwuangan neni a Kristo, ka Kristo Inges Akirot.
Ikite iwon nugu ecayiete alotooma Ebaibul. Kori, etiyiai ayong. Acepaki adiakarit ayong, nai, alotooma akitam kang, nai emam nyatami ayong alopite angol; naarai, ebe, nu: “Nyigongakin namisiikin (naosou) kon a ilope, anen iwoliori iyong alorot angolo akire”. Emam nyipedori iyong agongakin namisiikin aicetunganan, ngina edolunio Nakiyiar. Ariamun Akiyiar, iitana iyong agongakin Nakirot. Inges erai Akiyiar.

Ikianyuni iwon nu, ameun anakisiakinet. Ikisileerekinitai iwon, anakisiakinet, ebe abu Akuj inak Ekekal ngolo esiaunan Akirot, anguna ka ayiaria. Akekirot bon, inges abeitor ikes ayiaria. Tokona, meere ngun alotooma akimuj akimuj, ka ngace dang. Nai Akekirot inges abeitor ikes ayiaria, ngikaru ka ngikaru. Nai aponi alimunet ngina esiuanan ngina ka Akirot kibatarai, tongeda ani erikot dadang, tolomarete ngitunga dadang natwanare. Kingolik, iripuni iyong ngun tokona.
Efwa, ngina arai itunganan ngini aoson, ngina akingaren apenyunio aloteten ka Adam, ngolo arai lokoku ka Akuj, ka Efwa kire, ayiakau nodoketait ngina sek amamukar asecit, amam akibois ngina ka asecit, araimunit inges kire ayienut ngina eumokina ataemar ngai Akuj. Naarai, angina tabong, aloseneneete inges ka lokilekeng anariongakinet akolong alomanikor, ebong, ka kirworos ka Akuj ereetka ereet. Utukui amamu ka apolou ngina elosio itunganan ka Akuj ereet ka ereet, angina kolongit, ido tobobong epeget ka ibore ngini abu kibata inges Anakirot ka Akuj!

Eringa iwon eyiakare ikes. Epatana akibatar ikes nawai Anakirot ka Akuj, akau ngina ka akiboi anayiakau ka Akuj. kiteete Akirot ka Akuj elimonokinio, Akirot ka Akuj isilereunitai, ngikamerak ka ngikasecak epote namuroet ka akibelikin ka itaraunio ngisubuna ngulu kiteteyiek alotooma Kristo, ngitunga ngulu dote itaraunio ngaberu ka ngikiliok ngulu ajuwak; ido abobong anibore angini ka arerengu angini arikuni ikes nakiyiar na, ido kibatarai ikes akiwuapar akitatam angitunga, aruwor ngulu eyienara kori-kori Alomar nibore ngini enyarito ikes akilas ngina angitunga angulu ajuwak.
Kan nyo, iyiakar iyong nakilas ngina angitunga angulu ajuwak aina: Ngidyain ka ngapesur ka Akuj. Ejok, amina ayong atukot ngin akilo ngikabakai ka ngikepuka dadang, ka idio bore dadang. Inakinai ayong ngitunga ngulu itasionosi ngul, tar pa keyienete teten kec aneni eyiai akiedianyi! bon ebe eyienete ikes Akuj, ka tominas Inges ka kijaanakinete Inges, erai ngulu ngikenumunumak Nakuj, anenikang. Ee, malim!

Tokona, nai iriamuni iyong abu Satan kibata Efwa ka apatanu, Anakirot ka Akuj, ka abu togongakin namisiikin keng ka alope, naarai abu Satan tongak inges ibore ngini pa arai amisiikin ka Akuj. Nai abu inges toriamu ibore ngini alimokin inges emoit, Satan, ka abu inges tonup ngun.
Tokona ikanyuni iwon ngaraito nguna apotu tolomut: ngitunga dadang alotooma akwap aponi kitolomarai natwanare, naarai abu toto ngina esiaunan anakwap, togongakin namisiikin keng ka alope, ngina pa eriamara ka Akirot ka Akuj, ka kilumok ngitunga dadang natwanare. Inupito tokona iyes ngun aa? [Temari atukot, ‘’Amen.’’] Erai ngun Akirot. Ejok, erai aberu jwijwi...
Ekanisa, alotooma Ebaibul, isikwaanitai ka aberu. Nai acamu ekanisa ngirwa lu akitatam ngina angitunga, ka etoloma atukot dadang natakar aneni ka Akuj. Ngitunga ngul ngulu erokuniete ngiboro lu, akilo Akirot, ikwaan ka Efwa. ka itiyiasi ngun jik jik, akitodol ngina itolomariata ikes atukot dadang nawai ngina ka Akirot ka Akuj.

Ka ngina isilereunere Akirot ka Akuj, epukunio Akirot, emam ikec nyecamunete ngun, naarai emam ikes nyecamunete etic ngun, naarai egongakina ikec namsiikin kec angikulepek. “Adukokinio ekanisa lo nege. Erai akibois ngina ebusan. Erai arionget ngina apolon. Erai emembat ngolo ka atukot angina alalan angitunga. Kan nyo nyikimararor neni angun? Ekinyomi ayong tooma ngun.” Nyikinyom akoni misiikin a ilope, nai kikinyom Akirot a Ekapolon!
Tokona-tokona abu tosalu, nguna ekau, tolomuni atwanare lotunga dadang, ikwapei alimunitor ayong, tar tokona dang, neni angitunag angulu egongakina namisiikin kec angikulepek, ngina akitatameta angitunga ka edin, ka ngunace dang, kirworos, “Emam niyookino Akirot dadang, ace alotooma keng iyengakinitai nai ace mam.” Ikokini iyong iyiakaunotor ka anupit Lobaibul, arai kiyengakingitai epeiwai ka ewai ngoloce mam a? Arai kerai apei, arai kerai apei cetunet ngina edyakara, anen edyakara nai ngiboro dadang. Iitana dadang kiyookino, kire jik.

Ka ngice ca ngulu enyarasi, ebatar, ngisukulo ngulu a Ebaibul itatamete ayienut aitunganan, akidyat, neni eriamuniata ikes iwapei ka akiboikin lokansol ngolo angitunga, ka atemar, “Tokona kingolik, arai kisalakinito ngirwa angakujuwanisa lorwa angikyakya.” Ka ngitunga ngulu alalak ngulu eyia kwap Episkopi kori ekile ngolo alokidiama, apedori akiboikin ama ka atemar, “Ejok, arai ca kapedori ayong acamun kaapei ka inges, emam angayangayat nai acepaki ayiai ayong lolain ayiapi alowai keng.” Kingolik, ido togongakin iyong namisiikin kon a ilope, akilo akiwuo angakonikejen angaarei anguna ka Akirot. Ngun eyauniete ngakiro nu.

Kuwari apaki adio, ice tunganan ngini ayiakatar ayong agoca anguna etapito occur. Ka apotu ikes okolimokis ayong, temasi, Kan nyo, ngikon kengadak erai ngicario, atami ayong.”
Abu ayong otema, “Arai oyiakatar ayong ekengadan natukut angikengadak, ngolo eyiakatar ngace tameta, pa kajou ayong akiwuo kidiama (nyamitakini ayong atemar ngai irworo nguna etapito ngun) itacaunit aketametait alope, kerita ayong inges anatukot angikengadak.” Ee, malim. Tar pa kiriamara ka epite ngolo anupitor ayong, acamit ayong inges erwori nguna etami inges atemar iyookino. Nguna ewaakinitor ayong inges nen ngun, kingolik nguna irworo inges nguna etapito ngun. Nait ikiyiakar iwon ngun.

Toripu, abala Yesu ebe, alotooma ekakwang Yokana 10, “Eyienete ngaka meesekin ekatoil.” Etoil, anierae erai Akekirot, ngina irworo Inges. “Eyienete ngaka meesekin Ekatoil. Eteyienun Etoil kang nenikec, atemar erai kire. Etogogongi atemar erai Ekatoil.” Tokona, tokona toripu, emam ikec nyecamunete akiwuap ecetoil. Emam nyecamunete.” Analimunet ka ace, emam ikec nyemisiikinete etoil atheoloji ngolo itatami pa iriamara ka Akirot. Emam nyemisiikinete ngameesekin ngun, tar ngigolei dang mam, anakuwar angina bien, pa apotu tomisiikis akikekem ngina ka akokoroit. Emam ikec nyemisiikinito, naarai erai inges egole. Ka erai ibore ngini ikwaan tar aneni aikoku ka Akuj angini idounitoi ngina angaarei, ngiboro ka Akuj bon emisiikinito ikec.
Tokona etemari ice tunganan, “Ejok, kingolik tokona, ipedori iyong etic nu, atami ayong. Erai, anupit ayong emam ngol nyerai erot. Anupit ayong alunyar ngirwa angaumonokineta. Emam nyanupit ayong atemar erai ngin akitangale ngina ekujuwana. Emam nyanupit ayong nu.” Tokona ekanupan ngolo akire ngolo erai ekristoit ngolo euritai nabo, ngolo emam nyisalakini nakikeng, emam nyemisiikini ngun dadang. Ikokini na ekile ngolo enupit neni ka Akuj, ka epedorit akisiom Ebaibul ka aanyun ebe erai Inges ngolopeigol bien, nakuwarina, ka ngikaru ka ngikaru, ngini ecamuni ibore ngini ikoni nen, emam nyamisiikinit ayong ngun.

Aso, emam ikes nyegongakina namisiikin kec angikulepek.

Tosiomete alo akirot...
Nyigongakin nayenut kon a elope.

Iwarito ŋatameta a ituŋanan a ŋini eyakar ayenut aosou, nai ileleba nakitukwa a ŋibaŋaanotin ŋakiro ŋuna ka abaŋao.

Ngakitadapeta 15:14