Nzumbululo ya Yesu Khristo.

William Branham.

Vhalani mulaedza...
Nzumbululo ya Yesu Khristo.

Nzumbululo 1:1-3,
1 Nzumbululo ye Yesu Khristo a ṋewa nga Mudzimu asiyi, a tshi pfi a sumbe ngayo vhalandavhawe zwine zwa pfi zwi ḓo ṱavhanya u vha hone. Ene Yesu a zwi fanyisela mulanda wawe Yohane nga u mu rumela muruṅwa wawe,
2 Ene Yohane a konou ṱanziela fhungo ḽa Mudzimu na vhuṱanzi ha Yesu Khristo, zwoṱhe zwe a zwi vhona.
3 Mashudu ane a vhala a pfa mafhungo a vhuphorofita, a londola zwo ṅwalwaho khao; ngauri tshi tsini.

Muṅwali (hu si muṅwalimuṋe) wa ino bugu ndi Mukhethwa Yohane. Vha ḓivhazwakale vha a tendelana uri o tshila tshipiḓa tsha vhutshilo hawe tsha mafhelo ngei Efeso, naho nga tshifhinga tshau ṅwala iyi bugu o vha e ngei Tshiṱangadzimeni tsha Phathimosi. A si nganea vhutshilo ya Yohane fhedzi ndi Nzumbululo ya Yesu Khristo kha zwifhinga zwa Tshivhidzo zwiḓaho. Kha vese ya vhuraru zwi vhidzwa upfi ndi “tshiphorofita” huno vhukuma ngoho zwo tou ralo.

Lwa nzulele iyi bugu i vhidzwa upfi ndi Nzumbululo ya Mukhethwa Yohane, fhedzi izwo zwo khakhea. Ndi nzumbululo ya Yesu Khristo ye ya fhiwa Yohane hu tshi itelwa Vhakhristo vha zwifhinga zwoṱhe. Ndi yone bugu i yoṱhe kha Bivhili yoṱhe ye ya ṅwalwa nga Yesu Khristo ene Muṋe, nga kha u ḓivhonadza ene muṋe kha muṅwali.

Ndi bugu ya magumo kha Bivhili, ngeno i tshi amba mathomo na mafhelo a zwifhinga zwa Mafhungo maḓifha.

Zwino ipfi ḽa Tshigerika ḽine ḽa amba nzumbululo ndi “apocalypse” ḽine ḽa amba uri, “mukhurumululo.” uyu wo buletshedzwa lwofhelelaho kha tsumbo ya muvhaḓi wa matombo a tshi khurumulula mushumo wawe wa vhuvhaḓi ha matombo, a tshi sumbedza mulavhelesi. Hu tou vha u tibula, hu tshi sumbedzwa zwe zwa vha zwo dzumbwa uthomani. Zwino u tibula a si Nzumbululo fhedzi ya Vhumuthu ha Khristo, HUNO NDINZUMBULULO YA MISHUMO YAWE YA ḽA MATSHELO KHA ZWIFHINGA ZWA TSHIVHIDZO ZWA SUMBE ZWIḒAHO.

Ndeme ya nzumbululo nga Muya kha mutendi vhukuma i tou vha khagala. Nzumbululo ndi tshithu tsha ndeme kha inwi u fhirisa nḓila ine na zwi dzhia ngayo. Zwino a thi khou amba nga ha bugu iyi bugu ya Nzumbululo na inwi; Ndi khou amba nga ha Nzumbululo YOṰHE. Ndi ya ndeme nga maanḓa kha Tshivhidzo. Ni a elelwa kha Mateo 16 he Yesu a vhudzisa vhafunziwa vhawe mbudziso iyi?

Mateo 16:13-18,
“Vhathu vha tshi amba murwa muthu vha ri ndi nṋe nnyi? Vha fhindula vha ri, “Vhaṅwe vha ri u Yohane Mulovhedzi, vhaṅwe vha ri u Elia; hafhu hu ḓi dovha ha vha na vhaṅwe vhane vha ri u Yeremia kana muṅwe wa vha vhaphorofita vhakale. Ene a ri: “Inwiha ni ri ndi nṋe nnyi? Simoni Petro a mufhindula a ri, “U Khristo, Murwa wa Mudzimu a tshilaho. Yesu a mufhindula a ri, “U na mashudu Simoni murwa wa Yona, ngauri a si ṋama na malofha zwo u dzumbululelaho izwo, ndi khotsi anga wa ṱaḓulu. Nṋeha zwino ndi a u vhudza ndi ri: Iwe u Petro; Kha tombo iḽi ndi ḓo fhaṱa tshivhidzo tshanga; huno khoro dza vhadzulavhafu a dzi nga tshikoni.”

Vha Roman Chaṱholic vha ri tshivhidzo tsho fhaṱelwa nṱha ha Petro. Zwino uho ndi u humbula lwa ṋama vhukuma. Mudzimu a nga fhaṱela hani tshivhidzo kha muthu a sa thembeiho lwe a hana Murena Yesu a vhuya a ita na u semana musi a tshi zwi ita? Mudzimu a singa si fhaṱele tshivhidzo tshawe kha muthu we a bebelwa tshivhini. Nahone ho vha hu si tombo ḽe ḽa vha ḽo vhewa hafhaḽa, vhunga Mudzimu afho fhethu o vha o hu ita hukhethwa. Nahonevho a si zwine zwa ambwa nga vhahanedzani na tshiroma, uri tshivhidzo tsho fhaṱelwa kha Yesu. Yo vha i NZUMBULULO. I vhaleni nga nḓila ye ya ṅwalwa ngayo. “Ṋama na malofha a si zwone zwe zwa zwi DZUMBULULA, FHEDZI KHOTSI ANGA NDI ENE O ZWI DZUMBULULAHO, HUNO KHA IḼI TOMBO (NZUMBULULO) NDI ḒO FHAṰA TSHIVHIDZO TSHANGA.” Tshivhidzo tsho fhaṱwa nṱha ha Nzumbululo - nga “MAAMBA YEHOVA.”

Abele o zwi ḓivhisahani uri a ṋekedze tshiṱhavhelo tsho lugaho kha Mudzimu? Nga lutendo o ṱanganedza Nzumbululo ya malofha. Kaini iyo nzumbululo ho ngo i wana (naho ovha e na mulayo), ngauralo, ho ngo ṋekedza tshiṱhavhelo tsho lugaho. Yo vha i nzumbululo ibvaho Mudzimuni ye ya ita phambano ya fha Avhele Vhutshilo vhu sa fheliho. Zwi a pfala uri ni nga kha ḓi dzhia zwine mufunzi a amba kana zwine tshikolo tsha Bivhili tsha funza naho ni tshi nga vha no zwi funzwa nga vhuronwane, fhedzi u swika ni tshi dzumbululelwa uri Yesu ndi Khristo, na uri ndi malofha ane a ni ṱanzwa, na uri Mudzimu ndi Mutshidzi waṋu, a ni nga vhi na vhutshilo vhu sa fheliho. Ndi nzumbululo ya Muya ine ya zwiita.

Zwino ndo ri iyi bugu ya Nzumbululo ndi Nzumbululo ya Yesu na zwine a khou ita Zwivhidzoni lwa zwifhinga izwo zwa sumbe. Ndi Nzumbululo nga vhanga ḽa uri vhafunziwa, vhone vhaṋe, ngoho yoṱhe hei yo ṅwalwaho vho vha vhasa i ḓivhi. Yo vha i sa athu dzumbululelwa vhone. Ni a humbula uri vho ḓa kha Yesu kha bugu ya Mishumo na u mu vhudzisa uri, “Kha tshino tshifhinga, u khou yo vhuedzedza Muvhuso kha Isiraele naa?” Ene ari, “U ḓivha zwifhinga kana zwikhathi a si zwaṋu.” Havhaḽa vhanna vho vha vha tshi kha ḓi dzhia Yesu sa muthu a re na Muvhuso wa fhano shangoni. Fhedzi wo vha u Muvhuso wa Muya we a vha a tshi khou yo fhaṱa. Na uri ho ngo kona u vha vhudza madzulo awe kha uyo muvhuso, huno khotsi o vha a sa athu mu dzumbululela wone. Fhedziha nga murahuha lufu Lwawe na mvuwo, na kha tshifhinga tsho khetheaho kha mushumo wawe wa vhusumeleli, U a zwi kona u zwi vhea khagala fhano kha nzumbululo ya ene muṋe kha Yohane zwine vhugala Hawe na vhuhone ngomu Tshivhidzoni zwa ḓo amba nazwine ha ḓo ita.

Kha iyi nzumbululo u a ri vhudza uri vhufhelo ha Diabolo ndi hunzani. U amba uri Sathane u ḓo shumana nae nga nḓila-ḓe na uri u ḓo mu posela Dzivhani ḽa Mulilo. U dzumbulula magumo a vhavhi vhane vha tevhela Sathane. Izwo Sathane u a zwi vhenga.

No vha no no vhuya na zwi dzhiela tshenzhemo uri Sathane u nyalisa hani bugu mbili dza Bivhili ufhira dziṅwe dzoṱhe? Nga kha vhagudelabivhili vho ḓiimelaho nga vhoṱhe na vhorasaintsi vhakholekhole u ḓzulela u lwisana na Bugu ya Tsiko na Bugu ya Nzumbululo. Kha vhuvhili ha idzi bugu ri wana vhubvo ha Sathane, nḓila dzawe mmbi, na ndozwo yawe. Ndi ngazwo a tshi lwisana nadzo. U nyala u dzumbululwa, nahone kha idzo bugu u khou dzumbululwa zwine a vha zwone kokotolo. Yesu a tshi amba nga ha Sathane o ri, “Ha na mukovhe kha Nṋe n a nṋe-vho a thi na mukovhe khae.” Sathane u tama u zwi vhonadza vhunga a si zwone; fhedzi a si nga si zwi kone, ngauralo u ita zwoṱhe zwine a nga zwi kona uri a lozwe vhuḓiimiseli kha Ipfi. Fhedzi musi tshivhidzo tshi tshi hana Sathane tsha tenda Nzumbululo ya Muya kha Ipfi, khoro dza hele a dzi nga tshi koni.

Imani ndi shumise ipfi afha ḽine ḽa bva kha vhushumeli hanga, arali ni si na ndavha nazwo. Noṱhe ni aḓivha uri hei mpho kha vhutshilo hanga i nṱha ha zwa tsiko. Ndi mpho ine ngayo Muya Mukhethwa u a kona u ṱalukanya malwadze, na mihumbulo ya mbilu dza vhathu, na zwiṅwe zwithu zwo dzumbwaho zwine ndi Mudzimu fhedzi ane a nga zwi ḓivha, akonou ndzumbululela. Ndi tou tama uri ngavhe ni tshi nga ima na nṋe na vhona zwifhaṱuwo zwa vhathu musi Sathane a tshi vho vhona uri u khou yo dzumbululwa. Zwino, a si uri ndi vhathu vhane nda khou amba nga havho; ndi uri Sathane ofarelela ngomu ha vhutshilo havho nga tshivhi, phamba na na vhulwadze. Fhedzi ni tea u vhona zwifhaṱuwo zwavho. Sathane u a zwiḓivha uri u khou yo dzumbululwa,nahone tshanduko dzi sa pfeseseiho dzi vhonala kha zwifhaṱuwo zwa vhathu. Sathane u a ofha. U a ḓivha uri Muya wa Mudzimu u vho ṱoḓa u ita uri vhathu vha ḓivhe mishumo yawe. Ndi ngazwo a tshi nyala iyi miṱangano nga maanḓa. Musi madzina a tshi vhidzwa na malwadze a tshi dzumbululwa, Sathane u a zwi nyala. Zwino izwi ndi mini? A si u vhala zwi re muhumbuloni, a si u bvumba, kana uri ndi vhuloi. Ndi NZUMBULULO nga Muya Mukhethwa. Ndi yone nḓila nthihi fhedzi ine nda nga zwi ḓivha ngayo. Zwi a pfala uri muhumbulo wa ṋama u ḓo zwi vhidza nga dzina ḽiṅwe na ḽiṅwe tshine tshi si vhe Muya Mukhethwa.

Imani ndi ni sumbedze muṅwe muhumbulo wa uri ndi ngani Sathane a tshi nyala hei Bugu ya Nzumbululo ya Yesu Khristo ngomu ha Tshivhidzo. U a ḓivha uri Yesu ndi ene mulovha ṋamusi na lini na lini nahone ha shanduki. Izwo u a zwi ḓivhesa ufhira fuṱahe tsha ḓana tsha vhagudela Ḓivhavhurereli. Hezwo U a zwi ḓivha vhunga sa izwi Mudzimu a sa shanduli vhuthu Hawe, na nḓila dzawe dzo tou ralovho. Ngauralo, Sathane u zwi ḓivha lwo fhelelaho uri Tshivhidzo tsha u rangani Phenthekhoste na maanḓa a Mudzimu (Mark 16 kha nyito) ndi tshone tshivhidzo Vhukuma tshine Yesu a tshi dzhia sa Tshawe. Zwiṅwe zwoṱhe ndi zwa mazwifhi. Zwi tea u tou ralo.

Zwino elelwani izwi, Hezwi Khristo e ngomu ha Tshivhidzo Vhukuma ndi u endela phanḓa ha Bugu ya Mishumo. Fhedzi Bugu ya Nzumbululo i sumbedzisa uri muya mulwa na Khristo u ḓo dzhena ngomu Tshivhidzoni wa tshi tshikafhadza, wa tshi ita uri u rothola tshi si rothole na u fhisa tshi si fhise, tshi vhe tshivhidzo zwatsho tshishayaho maanḓa. Zwi dzumbulula Sathane, hutshi dzumbululwa mishumo yawe (ndingo dza u ṱoḓou lozwa vhathu vha Mudzimu na usa ṱoḓa u tenda ipfi ḽa Mudzimu), u vhuya u swika tshifhinga tshine a ḓo kudzwa Dzivhani ḽa Mulilo. U lwisa zwenezwo. Ha koni u zwi litsha zwo sokou ralo. U a ḓivha uri arali vhathu vha wana NZUMBULULO ya VHUKUMA ya TSHIVHIDZO, na uri tsho touitisa hani, zwine tsha tenda zwone, na uri TSHI NGA ITA MISHUMO MIHULU, tshi ḓovha mmbi i sa fhenyeiho. Arali vha wana Nzumbululo ya mimuya mivhili mivhi ngomu ha muangarambo wa Tshivhidzo tsha Tshikhreste, na u kona u ṱalukanya nga Muya Mukhethwa na u lwisana na muya wa mulwa na Khristo, Sathane u ḓo wanala a sina maanḓa phanḓa hatsho. U ḓo shaiswa maanḓa zwi sa hanedzei ṋamusi sa musi uḽa Khristo a tshi lwisana na ndingo dzawe dzoṱhe uri a kone u wana maanḓa a u Mufhenya ngei sogani. Ee, Sathane u nyala nzumbululo. Fhedzi ri a i funa. Ri na nzumbululo vhukuma kha vhutshilo hashu, khoro dza hele dzi nga si ri kone, fhedzi riṋe ri ḓo dzi fhenya.

Ni ḓo elelwa uri ndo zwi bula mathomoni a mulaedza uno uri iyi Bugu ine ra khou sengulusa ndi nzumbululo vhukuma ya Yesu, Nga dzawe, ngomu kha tshivhidzo, na mishumo yawe zwifhingani zwi tevhelaho. Ndo ḓo bula na uri zwi dzhia Muya Mukhethwa uri fha Nzumbululo kana uri zwa sa ralo ri ḓo kundwa u i wana. Uḓisa iyi mihumbulo mivhili fhethu huthihi zwi vha khagala uri a zwi dzhii tsenguluso zwayo fhedzi, na usokou humbula u ita iyi Bugu tshithu tshi tshilaho. Zwi ḓo dzhia u shuma ha Muya Mukhethwa. Izwo zwi amba uri hei Bugu a i nga dzumbululelwi muṅwe muthu nga nnḓa ha tshigwada tsha vhathu tsho khetheaho. Zwiḓo dzhia muthu a re na luvhonela lwa tshiphorofita. Zwi ḓo ṱoḓa uri hu vhe na khonadzeo ya u kona u pfa u bva kha Mudzimu. Zwi ḓo ṱoḓa ndaela ine ya bva kha maanḓa are nṱha ha zwa tsiko, hu si mbambedzo ya vese na vese nga muvhali, naho izwo zwoluga. Fhedzi tshiphiri tshi ṱoḓa pfunzo i bvaho kha muya lune zwa saralo a hu nga vhi na tshine tsha ḓo bvela khagala. Ri a zwi ṱoḓa hani u pfa ubva kha Mudzimu na u thetshelesa ra ḓiṋekedza kha Muya u itela uri ri pfe na uḓivha.

Vhunga ndo no ḓi amba, hei bugu (Nzumbululo) ndi pheleledzo ya maṅwalo. Yo ḓi tou vhewa kokotolo kha mulayo wa maṅwalo -mugumoni wa maṅwalo. Zwino ni a kona u ḓivha uri ndi ngani hu tshi pfi nnyi na nnyi ane a i vhala kana u i pfa o fhaṱutshedzwa. Ndi yone nzumbululo ya Mudzimu ine ya ḓo ni fha ndangulo nṱha ha Diabolo. Nahone ni a kona u zwi vhona uri ndingani vhane vha ḓo ṱusa kana u engedza khayo vha tshi ḓo wana samba. Zwi tea uri zwi ralo, ngauri ndi nnyi ane a nga ṱusa kana u i nga kha nzumbululo yo khunyelelaho ya Mudzimu a kunda swina? Zwo tou leluwa nga u taou ralo. Ahuna tshithu tshine tsha vha na maanḓa a gundo ḽingafho sa ipfi ḽa Mudzimu ḽo dzumbululwaho. Ni a vhona, kha vese ya vhuraru hu bulwa phaṱhutshedzo kha avho vhane vha ṋea vhulavhelesi ho khetheaho kha ino Bugu. Ndi vhona u nga hezwi zwi amba mulayo wa Thesitamende ya Kale wa Tshifhe a tshi vhalela Phutheo ipfi nga matsheloni. Ni a vhona, vhanzhi vho vha vha sa koni u vhala ngauralo tshifhe o vha a tshi vha vhalela. Tenda ḽo vha ḽi ipfi fhedzi, phaṱhutshedzo yo vha i hone. Ho vha hu si na ndavha uri ho vhalwa kana ḽo pfala.

“Tshifhinga tshi tsini tsho sendela.” Ngei phanḓa tshifhinga tsho vha tshi saathu swika. Kha vhuṱali na lupfumo lwa Mudzimu, iyi nzumbululo ya maanḓa (naho itshi ḓihwa nga vhuḓalo nga Mudzimu) yo vha i si nga si bvelele ya swika fhano. Zwenezwo, ri guda mulayo nga u ṱavhanya: Nzumbululo ya Mudzimu kha tshifhinga tshiṅwe na tshiṅwe i ḓela tshifhinga tshenetsho fhedzi nahone nga tshifhinga tsho khetheaho. Lavhelesani ḓivhazwakale ya Isiraele. Nzumbululo ya Mudzimu kha Mushe yo ḓa fhedzi nga tshifhinga tsho khetheaho kha ḓivhazwakale; zwe zwa ṋaṋisa u ṋaṋa u khethea ndiuri yo ḓa vhathu vha tshi khou huwelela Mudzimu. Yesu nga dzawe o ḓa tshifhinga tsho no khunyelela, Ene sa Nzumbululo yo khunyelelaho ya Vhumudzimu. Nahone kha itshi tshifhinga (Laodikea) nzumbululo ya Mudzimu i ḓo ḓa nga tshifhinga tshayo. A i nga fhambanyisi, nahone a i nga ḓi tshifhinga tshi sa athu u swika. Elekanyani izwi ni thetshelesese, ngauri ṋamusi ri tshifhingani tsha vhufhelo.

Vhalani mulaedza...
Nzumbululo ya Yesu Khristo.

Hafhu arali mvula i sa fhidzi, i tshi na ya ṋwelela, mavu a konou medzela vhalimi zwimela zwi takadzaho, mavu eneo Mudzimu u a a shudufhadza.

Hone arali ha sokou mela tsheṋe fhedzi, zwenezwo a zwi farisi tshithu, zwi ḓo ṱuwa zwi tshi teketelwa nga Mudzimu, zwa fhedza nga u fhisiwa.

Vhaheberu 6:7-8