Ti Libro ti Paltiing.
Ti Paltiing ni San Juan.
William Branham.Basaen ti account iti...
Ti Paltiing ni Jesus ti Christ.Paltiing 1:1-3,
“Ti Paltiing ni Jesu-Cristo, nga inted ti Dios kenkuana, tapno ipakitana kadagiti adipenna dagiti masapul a mapasamak iti mabiit; ket imbaon ken impakaammona babaen iti Anghelna kenni adipenna a Juan: Daytoy ti pammaneknekna maipapan iti Sao ti Dios, ken iti testimonio ni Jesu-Cristo, ket impakaammo ni Juan ti amin a nakitana. Nagasat ti mangbasa iti daytoy a libro, ken nagasat met dagiti dumngeg ti sasao kadagitoy a naipadto, ken mangtungpal iti nailanad iti daytoy a libro: ta ti tiempo ket asidegen a mapasamak.”Ti nangisuart (haan nga author) iti daytoy a libro ket ni San Juan a nadiosan. Dagiti nagadal ti liblibro umanamongda ng ani Juan ket nagbiag idiay Efeso iti maudi a parti ti panagbiagna, uray pay iti dayta a tiempo insuratna ti libro adda idiay isla ti Patmos. Haan nga storya ti biag ni Juan daytoy, no di ket ti Paltiing ni Jesu-Cristo iti masangoanan a panpanawen ti Iglesia. Iti maikatlo a bersikolo maawagan nga padto ket dayta nga talaga ti kaipapananna.
Daytoy a libro ket maawagan a paltiing ni San Juan, ngem dayta ket di umiso. Daytoy ket Paltiing ni Jesu-Cristo a naited kenni Juan para kadagiti Kristiano iti amin a panawen. Isu laeng daytoy ti Libro nga insurat mismo ni Jesus, nga Isuna mismo nagparang iti nangisurat.
Isu ti maudi maudi nga Libro ti Biblia, ngem ibagbagana ti nagrugian ken ti maudi a dispensations iti Evanghelio.
Tatta ti sao a paltiing iti Griyego ket “apocalypse” a kayatna a saoen “malukaisan.” Ti maysa a pagulidanan nga awan pagkuranganna ket ti agkikitikit isuna ket lukaisanna daytoy inaramidna nga estatua, ipakitanaen kadagiti tattao. Isu ti panakaikkatna iti abbong, ipakitana ti di nakita iti napalabas. Tatta ti panakaikkat ti abbong ket haan laeng nga ti paltiing ti Persona ti Cristo, no di ket TI PALTIING ITI MASANGOANAN A MAPASAMAK ITI PITO A PANPANAWEN TI IGLESIA. Ti kina importanti ti paltiing babaen ti Espiritu iti agpayso a mamati ket dakkel ti kaes-eskanna. Paltiing ket napateg launay no maammoantayo. Tatta haanak laeng nga agsarsarita maipapan ti daytoy a Libro ti Paltiing ken sika. Ti sarsaritaek ket Amin nga paltiing. Daytoy ket important launay para iti iglesia.
Malagipyo kadi idiay San Mateo 16 nga ni Jesus nagsaludsud kadagiti kadagiti pasurotna,
“Anya ti kona dagiti tattao maipapan ti Anak Ti Tao a Siak? Ket kinunada, Sika ni Juan a Bautista kuna ti dadduma: Sika ni Elias; ket dadduma, sika ni Jeremias, wenno maysa kadagiti propeta. Kinunana kadakuada, Ngem dakayo anya ti makunayo kaniyak? Ket ni Simon Pedro simmungbat a kinunana, Sika ti Cristo, ti Anak ti sibibiag a Dios. Ket ni Jesus simmungbat ket kinuna, Nagasatka, Simon Bar-jona: ta ti bagi ken dara ket dina impaltiing kenka, no di ket ni Amak nga adda sadi langit. Ket kunak kenka, Sika ni Pedro. Ket gapu iti a bato bangunek Ti iglesiak; ket ti ruangan ti impierno ket di agballigi iti daytoy”Dagiti Romano Katoliko kunada nga ti iglesia ket nabangon kenni Pedro. Tatta dayta ket panangammo ti tao laeng. Kasano nga bangonen ti Dios ti iglesiana iti tao nga agbaliwbaliw ta inlibakna na ni Apo Jesus ken inlunodna pay? Ti Dios di na mabalin a bangonen ti iglesiana iti siasinoman a tao ta naiyanak ti basol. Ken haan nga basta bato a nakadisso a dinalusan ti Dios iti apagdarekmat. Ken haan met a kas kona dagiti Protestanti a ti iglesia ket nabangon ken Jesus. Maysa daytoy a PALTIING. Basaentayo a kas naisurat: “Bagi ken dara di na impaltiing daytoy, NO DI KET NI AMAK TI NANGIPALTIING, ket BABAEN ITI DAYTOY A BATO (PALTIING) BANGONEK TI IGLESIAK.” Ti iglesia nabangon babaen iti Paltiing, a kas “Daytoy Ti Kuna Ti Apo.”
Kasano nga naammoan ni Abel ti ikastana iti umiso a panagidaton ti Dios? Babaen ti pammati naawatna ti paltiing iti dara. Ni Cain di na naawat daytoy a paltiing (uray pay addaan isuna iti bilin) isunga haan nga usto ti indatonna. Dayta ti nagdumaan ti paltiing a nagapu ti Dios ta naikkan ni Abel iti biag nga awan patinggana. Mabalinmo nga alaenti kuna ti pastor, wenno ti sursuro ti siminaryo, ken mabalin a naisuro kenka ti kinalaeng a panangisao, aginggana nga ti Dios ipaltiingna kenka a ni Jesus ket isu ti Cristo, ken ti dara ti mangugas kenka, ken ti Dios isu ti mangisalakanmo, di ka maaddaan iti biag nga awan patinggana. Maaddaantayo laeng ti biag nga awan patinggana babaen iti Naispirituan a Paltiing.
Tatta ngarud nakunak a daytoy Libro ti Paltiing ket mismo a paltiing ni Jesus ken no anya aramidenna iti iglesia para kadagiti pito a panawen. Maysa a paltiing daytoy gapu ta dagiti adalan, daida mismo, dida ammo dagitoy naisurat a kinapudno. Iti napalabas haan a naipaltiing kadakuada. Malagipyo kadi nga idi immayda ken Jesus iti libro Dagiti Aramid ket sinaludsudda isuna, “itatta kadi ket subli-em ti pagarian ti Israel?” Ket kinunana, “Haan a para kadakayo ti panangammo iti tiempo ken dagiti panawen.” Dagidiay a tattao ti kapanunutanda pay laeng ket ni Jesus adda naindagaan a pagarianna. Ngem Naispirituan a Pagarian ti ibagbagana nga ipatakderna. Uray pay iti kasta di na maibaga ti Lugarna iti daytoy, gapu ta Ama ket di na impaltiing kenkuana. Ngem kalpasan ti panakatay ken panagungarna, ken iti usto nga tiempo iti Panangibabaetna, naaramidanna daytoy iti paltiingna mismo para ken ni Juan no anya ti kayatna a saoen ken aramidenna a panakaitan-okna ken ti kaaddana ti iglesia.
Iti daytoy a paltiing Ibagana no anya ti pagpatenggaan ti diablo. Imbagana no kasano nga tiliwenna ket itakpuakna iti let-ang nga apoy. Impakaammona no anya ti pagpatinggaan dagiti managdakdakes a mangsursurot kenni Satanas. Ket ni Satanas kagurana dayta.
Naammoanyo kadi no kasano a ni Satanas kagurana ti dua a libro iti Biblia a nangnangruna kadagiti dadduma? Babaen ti liberal theologians ken pseudo-scientists kanayonna nga atake-en ti Libro ti Genesis ken ti Libro ti Paltiing. Masarakantayo iti daytoy dua a libro ti nagrugianna, ti kinarungsot ti aramidna ken ti panakadadaelna. Isu ti gapuna no apay nga atake-enna daytoy dua a libro. Kagurana unay ti malawagan, ket iti dadiay dua a libro malawagan no siasino isuna nga talaga. Ni Jesus naibagana maipapan ken Satanas, “awan ti biyangna Kaniak, ken awan ti partik kenkuana.” Ti diablo kayatna nga paneknekan a naisabali; ngem dina mabalinan, isunga aramidenna amin a kabaelanna nga dadaelen ti PANAMATI iti Sao ti Dios. Ngem no ti iglesia ket dina patien ni Satanas ket Mamati iti paltiing ti Espiritu iti Sao ti Dios, ti ruangan ti empiyerno ket di agballigi kenkuana.
Kayatko man ibasar iti inted ti Apo kaniak panangisursuro, no ipalubosyo. Ammoyo amin daytoy sagot nga inted ti Apo iti biagko ket supernatural. Maysa a sagot nga ti Santo Espritu a mangammo no anya a klase dagiti sakit, ken no anya ti panunot ti tao iti uneg ti pusoda, ken dadduma pay a nakalimmeng a banbanag nga ti Dios laeng ti makaammo ken makaibaga kaniak. Mayat koma no adda kayo a nakatakder iti abayko ken makitayo dagiti rupa ti tattao no ni Satanas ammona nga malawaganen isuna. Tatta, haan a dagiti tattao ti sarsaritaek. No di ket ni Satanas ti nangtetengel kadagiti biagda babaen ti basol, awanti interesadoda, ken ti sakitda. Ngem makitayo la koma dagiti rupada. Ni Satanas ammona nga malawagan isuna, ket ti naisabsabali a panagbalbaliw ti umay kadagiti rupa ti tattao. Ni Satanas agbuteng isuna. Ammona nga ti Espiritu ti Dios ket irugina nga ipakaammo iti tattao dagiti aramidna. Isunga kagurana launay dagitoy panagu-urnongtayo nga agdayaw ti Apo. No dagiti nagan ket maayaban ket dagiti sakit maipaltiingda, ni Satanas kagurana daytoy. Tatta anya kadi daytoy? Di a panangbasa ti panunot, haan daytoy a telepathy, wenno iti panagan-anito. Daytoy ket PALTIING babaen ti Nasantoan nga Espiritu. Dayta laeng ti wagas nga maammoak dagitoy. Uray pay no ti nainlasagan a panunot awaganda ti no anya kayatda ngem daytoy ket aramid ti Santo Espiritu.
Ipakitak pay kadakayo no apay a ni Satanas ket kagurana daytoy libro ti Paltiing ni Jesu-Cristo iti Iglesia. Ammona nga ni Jesu-Cristo ket isuna idi Kalman, ken itatta, ken iti agnanayon, ket di agbalbaliw. Ni Satanas ket ad-adu ti ammona nga adayo kadagitoy 90% nga theologians. Ammona idi pay nga ti Dios ket di agbalbaliw ti Kababalinna, ket di met agbalbaliw ti Wagasna. Isunga ni Satanas ammona nga ti original nga iglesia idi tiempo ti Pentecostes ket ti panakabalin ti Dios ( San Marcos 16 agtatrabaho ) ket isu ti Usto nga Iglesia a tagikua ni Jesus mismo. Amin dagiti sabali ket palso. Talaga nga kastan.
Tatta laglagipenyo daytoy. Ni Cristo iti uneg ti Agpayso nga Iglesia ket katuloyna iti Libro Dagiti Aramid. Ngem ti libro ti Paltiing iparparangna no kasano ti anticristo a espiritu ket sumrek iti iglesia ken rugitanna, aramidenna nga di napudot ken di nalamiis, pormal ken awan pannakabalinna. Ti libro ti Paltiing ipalawagna a ni Satanas, ipakitana dagiti aramid ni Satanas (padasenna a dadaelen dagiti tattao ti Dios ken dismayaenna ti panamati ti Sao ti Dios) aginggana iti tiempo a panakaitapuakna iti let-ang nga umap-apoy. Makilablaban isuna. Haanna nga maibturan daytoy. Ammona nga no dagiti tattao ket maawatda ti AGPAYSO A PALTIING iti AGPAYSO NGA IGLESIA ken no siasino isuna tatta, no anya dagiti taktakderanna ken ISUNA KET MAARAMIDANNA DAGITI DADAKKEL A PANAGTRABAHO, ket isuna agbalin a suldado nga awan pulos panakaabakna. No maawatanda ti usto a paltiing iti dua nga epiritu iti uneg ti nabangon nga Iglesia ti Kristiano, ken babaen iti Espiritu ti Dios maawatanna ken labanenna ti espiritu ti anticristo, ti pannakabalin ni Satanas ket di agballigi iti masangoananna. Isuna ket sigurado nga di agballigi tatta a kas dina panagballigi ken Cristo iti amin a wagasna tapno abakenna koma idiay desyerto. Owen, ni Satanas kagurana ti paltiing. Ngem ay-ayatentayo daytoy. Iti usto a paltiing iti biagtayo, ti ruangan ti impiyerno ket di agballigi kadatayo, no di ket datayo ti agballigi kadakuada.
Malagipyo nga naibagak idi nagrugitayo iti mensahe nga daytoy Libro nga ad-adalentayo ket mismo nga paltiing ni Jesus, iti iglesia ken dagiti Aramidenna iti masangoanan a panawen. Naibagak pay nga kasapulan ti Nasantoan nga Espiritu ti mangted kadatayo ti paltiing wenno di tayo maawat daytoy. No pagtiponem daytoy dua a kapanpanunutan, makitatayo nga haan nga ordinary nga panagadal ken panagpanunot tapno makuna nga daytoy a Libro ket usto. Kasapulanna daytoy ti panagtrabaho ti Nasatoan nga Espiritu. Kayatna nga saoen daytoy a Libro ket haan nga maipaltiing ti siasinnoman no di ket ti special a klase ti tao. Kasapulan ti maysa nga adda panangkitana ti addayo. Kasapulanna ti kabaelan nga dumngeg magapu ti Dios. Kasapulanna ti supernatural a panangisuro, haan laeng a kas agad-adal a pagkokomparaen ti versekolo ken versekolo, uray no mayat dayta. Ngem ti misterio ket kasapulanna ti pangisuro iti Espiritu ta di nalawag no awan ti Espritu. Ti kasapulan ket dumngegtayo iti Dios ken itedtayo ti biagtayo nga silulucat ken natulnog iti Espiritu tapno makanggeg ken maammoantayo.
A kas naibagakon, daytoy a Libro (Paltiing) ket isu ti pakatungpalan dagiti amin nga Naisurat. Daytoy pay ket naikabil nga usto launay ti canon iti Kasuratan; iti maudi a libro. Tatta maammoam no apay a kinunana nga siasinoman nga mangbasa wenno mangdenggeg ket isuna mabindisyonan. Isu daytoy ti paltiing ti Dios nga mangted ti bileg kenka maikontra ti diablo. Ket makitatayo nga dagidiay mangnayon wenno mangkessay ket mailunodda. Makuna nga usto daytoy, ta siasino ti mangnayon ken mankessay iti umiso nga paltiing ti Dios ken mapagballigianna ti kalaban? Kasta ti kina simplina laeng. Awanen ti makapagballigi a kas ti paltiing iti Sao ti Dios. Kitaenyo, iti versekolo 3 ti bendisiyon ket naipakaammoen kadagidiay mangsukimat nga usto iti daytoy a Libro. Kasla met idi idiay Daan nga Tulag ti aramid dagiti papadi no basaenda ti Sao ti Diosa iti sangoanan dagiti congregasiyon iti agsapa. Kitaentayo, adu dagiti di makabasa isunga ti padi ti mangbasa para kadakuada. Basta la ketdi Sao ti Dios, ti bendisiyon adda nga kanayonna. Ayan anyamanna no basaen wenno denggenda.
“Ti tiempo ket asidegen ti panakapasamakda.” Ti tiempo ket di asidegen iti napalabas. Iti kinamasirib ken ekonomiya ti Dios daytoy dakkel nga paltiing (Uray pay ammoen ti Dios) ket di umay inggana laeng tatta. Isunga naadaltayo a dagus ti maysa a prinsipiyo - ti paltiing ti Dios iti tumunggal panawen ket umay iti dayta nga panawen laeng, ken iti partikular nga tiempo. Kitaentayo ti pakaistoryaan ti Israel. Ti paltiing ti Dios para ken Moses ket immay iti partikular nga tiempo ti historia, ken lalo pay partikular nagdung-ao dagiti tattao iti Dios. Ni Jesus mismo, immay laeng idi napunno ti tiempona, Isuna ti complete nga paltiing ti Kina-Dios. Ken iti daytoy nga panawen (Laodicean) ti paltiing ti Dios umay iti naituding nga tiempo. Haan nga maabak, haan met masapa ti iyu-umayna. Panunutentayo daytoy ken dumngeg nga usto, ta adda tayo iti kamaudiyanan nga tiempo tatta.
Basaen ti account iti...
Ti Paltiing ni Jesus ti Christ.
