Kinsa ang takus?

William Branham.

Basaha ang tibuok nga asoy sa...
Ang Gintang taliwala sa mga Kapanahonan sa Iglesia ug sa Pito ka mga Timri.

Gipadayag 5:2-4,
2 Ug nakita ko ang usa ka kusgan nga manolunda nga nagapahibalo pinaagi sa makusog nga tingog nga nagaingon, "Kinsa ba ang takus sa pag-abli sa basahong linukot ug sa pagtangtang sa mga timri niini?"
3 Ug walay mausa sa langit o sa yuta o sa ilalum sa yuta nga arang makaabli sa basahong linukot o sa pagtan-aw sa sulod niini.
4 Ug ako mihilak sa makusog kay walay bisan kinsa nga nakaplagan nga takus sa pag-abli niini o sa pagtan-aw sa sulod niini.

Karon, ug ang kusgan nga Manulonda... Karon, verseculo 2, ang kusgan nga Manulonda nga nagapahibalo uban sa makusog nga tingog nga nagaingon, “Kinsa ang takus?” Takus sa unsa? “Kinsa ang takus sa pag-kuha sa Basahong linukot?” Karon, atong makaplagan... Asa ang Basahong linukot karon? Atua sa iyang orihinal nga Tag-iya, tungod kay kini nawala sa usa ka anak, ang unang anak sa Dios sa tawhanong kaliwat. Ug sa dihang iyang napildi ang iyang mga katungod sa pagpatalinghug kang Satanas, iyang gitugyan... Unsay iyang gibuhat? Iyang gidawat ang kaalam ni Satanas kay sa Pulong sa Dios.

-----
Ang pagtawag sa Manulonda mao ang pagtawag alang sa Kabanay nga Manunubos sa pagtungha. Ang Dios miingon, “Ako dunay kasugoan, ang Kabanay nga Manunobos mahimong-mahimong usa ka halili.” Asa kanang Kabanay nga Manunobos? Kinsa ang makahimo sa pagkuha niini? Ug gikan kang Adam ug hangtud paingon sa tanang mga apostoles, ug mga profeta, ug tanang butang pa, ug walay bisan kinsa nga nakapalagan. Karon, unsa ang mahitungod niana? Walay bisan kinsa sa langit, walay bisan kinsa sa yuta, walay bisan kinsa nga nabuhi gayud... Si Elias nagatindog didto. Ang tanang mga apostoles nagatindog didto sa-sa tanan nga nangamatay, sa tanang mga balaang tawo, si Job, ang makinaadmanong mga tawo. Ang tanan nagatindog didto, ug walay bisan kinsa nga takus bisan sa pagtan-aw sa Basahong linukot, sa pagkuha Niini ug pagtangtang sa mga Timri. Karon, asa ang papa ug kining tanan nga mitungha? Asa ang inyong mga obispo? Asa ang atong mga katakus? Kita walay pulos. Tinuod kana.

-----
Apan si Juan mihilak. Ania dinhi unsa ang akong paghunahuna kung unsa ang iyang gihilakan: tungod kay kung walay usa nga takus ug makahimo sa pag-abli niining Basahon sa Katubsanan, ang tibook kabuhatan mawala. Ania dinhi ang Basahong linukot; ania dinhi ang dokumento nga titulo; ug Kini itugyan ngadto sa Kabanay nga Manunobos nga makatagbo sa mga kinahanglanon. Mao kana ang kaugalingong balaod sa Dios, ug Siya dili makahugaw sa Iyang balaod-dili makasupak sa Iyang Kasugoan, diay. Nakita ninyo, ang Dios nagkinahanglan ug usa ka kabanay nga manunobos kinsa takus, kinsa makahimo sa pagbuhat niini, kinsa adunay kalig-onan sa pagbuhat niini.

Ug ang Manulonda miingon, “Karon tugoti kanang Kabanay nga Manunobos sa pagduol.” Ug si Juan mitan-aw, ug mitan-aw ibabaw sa tanang yuta; siya mitanaw sa ilalum sa yuta, ug walay bisan kinsa. Ang ilang kabuhatan ug ang- tanang butang nawala. Sa pagkatinuod si Juan mihilak; ang tanang butang nawala. Ang iyang paghilak wala magdugay apan nga daw usa ka minuto lang. Unya didto mibarug ang usa sa mga anciano nga miingon, “Ayaw paghilak, Juan.” Oh, tan-awa. Ang iyang paghilak wala magdugay kondili usa ka minuto lamang. Si Juan naghunahuna, “Oh, tan-awa, asa ang tawo? Didto nagbarug ang mga profeta; sila natawo sama kanako. Didto nanagbarug ang makinaadmanong mga tawo; didto nagabarug... Oh, wala bay bisan kinsa dinhi?”

-----
Ug kining Leon sa banay ni Juda nagmadaugon. Siya miingon, “Ayaw paghilak, Juan, kay ang Leon sa banay ni Juda, ang Gamut ni David nagmadaugon; Siya human na nakadaug. Human na Niya nabuhat kini; natapos na, Juan.” Oh, tan-awa. Siya naghimo ug pangpawala sa sala nga mopabalik sa sala ngadto sa grasahon nga mga kamot nga ang-uban sa iyang kaalam nga naghugaw niini: ang tawhanong linalang.

Apan si Juan miliso ug mitan-aw, nakita ang usa ka Cordero. Unsa ka kalainan gikan sa usa ka Leon. Siya miingon, “Ang Leon nagmadaugon.” Nakita ninyo, ako makahimo makagamit pag-usab nga dinha, “Ang Dios Nagtago diha sa Pagkayano.” Siya miingon, “Siya usa ka leon.” Mao kana ang hari sa mga mananap. Ang Leon nagmadaugon. Ang labing kusgan nga butang mao ang leon.

Ako nakaadto sa mga kalasangan sa Africa ug nakadungog sa-sa mga giraffe nga nagsiyagit ug-ug ang dakung kusgan nga elepante uban sa iyang simod paingon sa langit, “Whee, whee, whee,” ug nakadungog sa-sa- sa mabangis nga mga mananap sa deserto nga nagasiyagit uban sa ilang dugoon ug tibug-ok nga mga pagsinggit, ug ang-ang mga gangis hangtud... Ug si Billy ug ako nagpahiluna diha sa usa ka gamayng daan nga dapit nga nalukop sa mga sagbut nga motapot sa bisti ug nakadungog sa pagngulob sa Leon didto sa halayo, ug ang tanang butang didto sa deserto mihilom. Bisan ang mga gangis mihunong sa ilang pagtingog. Ang hari misulti.

Oh, tan-awa. Oh, tug-anan ko kamo, mao kana nga sa dihang ang mga denominasyon ug mga pagduhaduha mangahulog ngadto sa yuta. Ang tanang butang walay timik sa dihang ang Hari mamulong. Ug mao kini ang Hari. Mao kana ang Iyang Pulong.

-----
Karon, Siya miingon, “Ang Leon sa banay ni Juda.” Ngano? Gikan sa Juda... “Oh, Juda usa ka magbabalaod dili magauna kon taliwala sa iyang mga tiil hangtud moabut si Shilo”; apan Siya moabut pinaagi kang Juda. Ug ang Leon (ang simbolo sa banay ni Juda) nagmadaugon; Siya nakadaug. Ug sa dihang siya mitan-aw aron sa pagpangita diin dapit ang Leon, iyang nakita ang Cordero: katingad-an, gipangita ang Leon ug nakita ang usa ka Cordero. Ang anciano nagtawag Kaniya nga Leon, apan sa dihang si Juan mitan-aw, iyang nakita ang usa ka Cordero-usa ka Cordero nga daw kini gipatay gikan sa pagtukod sa kalibutan: usa ka Cordero, nga gipatay... Unsa kini? Unsa kanang Cordero? Kini nagkadugo, nasamaran, usa ka Cordero nga gipatay, apan nabuhi pag-usab; ug siya nagkadugo. Oh, tan-awa. Unsaon nimo pagtan-aw niana, katawhan, ug magpabilin nga usa ka makasasala?

Usa ka Cordero migula; ang anciano miingon, “Usa ka Leon ang nagmadaugon, ang Leon sa banay ni Juda. Ug si Juan mitan-aw aron makita ang Leon, ug anaa migula ang Cordero, nagsamparay, ang dugo anaa Kaniya, mga samad; Siya nagmadaugon. Ikaw makasulti nga Siya gikan sa panggubatan. Siya gipatay, apan Siya nabuhi pag-usab.

Si Juan wala nakamatikod niining Cordero sa una, kamo nahibalo dinhi. Wala Siya hisguti sa una. Wala sa bisan asa nga dapit nga kini gihisgutan. Si Juan wala makakita Niini gayud sa ibabaw sa tibook mga langit samtang siya nagapangita, apan dinhi Kini migula. Matikdi, diin Kini gikan... Asa ba Kini gikan? Kini gikan sa trono sa Amahan diin Siya nagalingkod sukad Siya gipatay ug nabuhi pag-usab.

Siya nabanhaw ug milingkod diha sa toong kamot sa Dios, buhi gayud aron paghimo sa mga pagpangamuyo. Amen. Nabanhaw didto karong panahona ingon nga usa ka Tigpataliwala uban sa Iyang kaugalingong Dugo aron paghimo sa pagpangamuyo ibabaw sa pagkawalay kahibalo sa katawhan. Karon, oh, mao kana ang akong ginasaligan. Siya sa gihapon naputos sa pangtangtang, pangtangtang sa kapasayloan sa sala.

-----
Karon, bantayi pag-ayo. Kini usa ka butang nga kinahanglan imong makuha. Karon, Siya nagahimo sa Iyang tigpataliwala nga bulohaton sa paghimo ug mga pagpangamuyo alang sa magtotoo. Sa duha ka libo ka mga katuigan Siya atua balik didto, usa ka Cordero. Karon, Siya migula gikan sa eternidad aron pagkuha sa dokumentadong titulo nga Basahon, ug sa pagtangtang sa sa mga Timri, ug magbutyag sa mga tinago. Kanus-a kini? Sa katapusang panahon. Nakuha ninyo kini? Buyno, kita magapadayon. Karon, magtangtang sa mga Timri ug magpahigawas sa tanang tinago ngadto kanila-ngadto sa ikapitong manulonda kinsang mensahe mao ang magpadayag sa tanang mga tinago sa Dios. Ang mga tinago sa Dios nahimutang dinhi niining Pito ka Timri. Nakita ninyo? Mao kana unsa ang Iyang gisulti dinhi. Tanang mga tinago nahimutang dinhi niining Pito ka Timri.

Ug ang Cordero mogula karon gikan sa pagkahimong usa ka Tigpataliwala sa Dios ug sa Tawo; Siya nahimong usa ka Leon. Ug sa dihang Siya nahimong usa ka Leon, Iyang kuhaon ang Basahong linukot; mao kana ang Iyang mga katungod. Ang Dios nagkupot niini, ang tinago, apan karon, ang Cordero miabut. Walay bisan kinsa nga makakuha sa Basahong linukot. Kini sa gihapon anaa sa mga kamot sa Dios.

Walay papa, pari, bisan unsa man kini, sila dili makahimo pagkuha dili-sa Basahong linukot. Ang Pito ka Timri wala pa napadayag. Nakita ninyo? Apan sa dihang ang Tigpataliwala, sa dihang ang Iyang bulohaton natapos ingon nga Tigpataliwala, Siya mogula, ug si Juan... Ang anciano miingon, “Siya usa ka Leon,” ug Siya migula. Bantayi Siya. Oh, tan-awa. Nakita ninyo?

Siya motungha aron sa pagkuha sa Basahong linukot (Karon, bantayi.) aron sa pagpadayag sa mga tinago sa Dios nga ang uban nanaghap diha sa tanan niining denominasyonal nga mga kapanahonan. Makita ninyo unya, ang ikapitong manulonda... Kung kining Basahong linukot, mga tinago, mao ang Pulong sa Dios, ang ikapitong manulonda kinahanglan usa ka profeta kay ang Pulong sa Dios moabut ngadto sa profeta.

Walay mga pari, mga papa, kon bisan unsang butang pa nga makakuha niini. Ang Pulong dili moabut ngadto niana. Ang Pulong sa Dios moabut lamang ngadto sa usa ka profeta: sa kanunay.

Malaquias 4 nagasaad niana. Ug sa dihang Siya motungha, Iyang kuhaon ang mga tinago sa Dios, diin ang iglesia nag-ukon-ukon sa tanan niining mga denominasyon, ug magpahiuli sa pagtoo sa mga anak balik ngadto sa mga amahan; ug unya ang paghukom sa kalibutan mohapak, ug ang yuta pagasunogon; ug unya ang matarung magalakaw ibabaw sa mga abo sa dautan diha sa milenyum. Nakasabut kamo niini karon? Buyno.

Ang uban nanaghap diha sa denominasyonal nga kapanahonan, apan inyong makita, siya kinahanglan mao kining tawhana, ang ikapitong manulonda sa Pinadayag 10:1-4 mao ang... Ang ikapitong manulonda adunay mga tinago sa Dios nga gihatag ngadto kaniya ug magatapos sa tanang tinago nga gibilin pinaagi sa denominasyonal nga mga kapanahonan.

Karon, makita ninyo ngano nga wala ako magaatake sa akong mga kaigsoonan diha sa denominasyon. Kini mao ang sistema sa denominasyon. Sila wala... Wala nay kinahanglan kanila nga magtinguha aron mahibalo niini, tungod kay kini dili mahimo nga ipadayag. Sumala kana sa Pulong. Sila nagpanaghap niini, ug-ug nagatoo niini nga atua didto, ug pinaagi sa pagtoo nagalakaw pinaagi niini, apan karon, kini sa tinuoray gipamatud-an. Amen. Oh, tan-awa, unsa nga-unsa nga Kasulatan.

-----
Ang kasugoan sa Dios nagkinahanglan... Siya mao ang naggunit niini. Ang balaod sa Dios nagkinahanglan ug Kabanay nga Manunubos, ug ang Cordero miduol nga maisugon. “Ako mao ang ilang Kabanay. Ako mao ang ilang Manunubos. Ako karon naghimo ug pagpangamuyo alang kanila, ug karon ako mianhi aron sa pag-angkon sa ilang mga katungod alang kanila.” Amen. Amen. “Ako mianhi sa pag-angkon sa ilang mga katungod. Diha niana sila adunay katungod sa tanang butang nga nawala sa pagkahulog, ug ako ang nagbayad sa bili.” Oh, igsoon. Whew. Dili ba kini mahimo kanimo nga mobati nga relihiyoso? Dili pinaagi sa maayong mga buhat nga atong nabuhat, apan pinaagi sa Iyang kalooy. Ug ang mga anciano ug tanang butang pa nagsugod sa paglabay sa ilang mga korona, ug ang mga halangdong mga tawo nagsukod sa pagyukbo. Nakita ninyo?

Walay usa, walay makahimo sa pagbuhat niini. Ug siya miduol ngadto sa toong kamot sa Dios ug gikuha ang Basahong linukot gikan sa Iyang kamot ug giangkon ang Iyang katungod, “Ako nagpakamatay kanila. Ako mao ang ilang Kabanay nga Manunubos. Akong naangkon-Ako mao ang Tigpataliwala. Ang Akong Dugo giula. Ako nahimong tawo, ug Akong gibuhat kini aron sa pagkuha pagbalik sa iglesia pag-usab, ang Akong nakita nang daan sa wala pa matukod ang kalibutan. Akong gituyo kini; Ako namulong nga kini maanaa didto, ug walay bisan kinsa nga makahimo niini, apan Ako mikanaug ug nagbuhat niini sa Akong kaugalingon. Ako mao ang ilang Kabanay... ?... Ako nahimong kabanay sa katawhan.” Ug Iyang gikuha ang Basahong linukot. Amen.

Oh, Kinsa ang nagapaabut kanako didto karong gabii? Kinsa kanang Usa, iglesia, nga nagapaabut didto? Kinsa pa ang nagapaabut didto alang kanimo kondili kanang Kabanay nga Manunubos? Oh, tan-awa. Unsa ka halangdong pamulong kon buhat.

Karon, anaa Kaniya ang Dokumento nga Titulo sa Katubsanan. Kini anaa sa Iyang kamot; ang pagpangamuyo nahimo na karon. Kini anaa sa Iyang kamot. Hinumdomi, kini anaa na sa kamot sa Dios sa tanang panahon, apan karon kini anaa na sa kamot sa Cordero. Karon, bantayi, ang Dokumento nga Titulo sa Katubsanan sa tanang kabuhatan anaa sa Iyang kamot, ug Siya miduol aron sa pag-angkon niini balik ngadto-alang sa tawhanong kaliwatan, dili sa pag-angkon niini balik ngadto sa mga Manulonda; nag-angkon niini balik ngadto sa tawo nga diin kini gikahatag aron paghimo ug mga anak nga lalake ug mga anak nga babaye sa Dios pag-usab, pagdala balik kanila ngadto sa tanaman sa Eden, tanang butang nga ilang nawala: ang tibook kabuhatan, ang mga kahoy, ang mananap nga kinabuhi, tanang butang pa. Oh, tan-awa. Dili ba kana nakapahimo kanimo nga mobati ug maayo?

Basaha ang tibuok nga asoy sa...
Ang Gintang taliwala sa mga Kapanahonan sa Iglesia ug sa Pito ka mga Timri.

Ug ang manolunda nga akong nakita nga nagtindog sa dagat ug sa yuta mibayaw sa iyang toong kamot ngadto sa langit

ug nanumpa pinaagi niadtong buhi hangtud sa kahangturan, nga mao ang nagbuhat sa langit ug sa mga ania niini, sa yuta ug sa mga ania niini, ug sa dagat ug sa mga ania niini, nga wala na gayuy langanlangan pa,

hinonoa nga sa mga adlaw sa tingog sa trumpeta inighuyop niini sa ikapitong manolunda, pagatumanon na ang tinago sa Dios, sumala sa iyang gipahibalo ngadto sa iyang mga ulipon nga mao ang mga profeta.

Gipadayag 10:5-7