Aibelear Edeke ngol.

William Branham.

Naka oitabo...
Apukorio naka Edeke.

Akakou naka akirot atupuruc na erai apukor, arai, aibelear Edeke ngol. Abu duc Edeke, kotoma nginitur, kongop kokau naka aimukoret, aturio kere, konye arai duc Ngesi Edeke apak kere. Ianyu? Konye enyikoki angopit kama ejaas akwapin, kosodi apukor neejaas LuseunaKe, kwape bala ikiyakia kapak kangin. Kwana, arai ngol Edeke kinera kotoma Kristo.

Abu Musa kapak adiopet kimielakin aanyun Edeke, kosodi Edeke alimokin nges aibwo kokuju moru. Kosodi, kokuju moru, abu Musa kobwo kosodi aanyun Edeke etubor, ido kosubite Ekepur bala epur loka etunganan. Ajai Edeke toma otapipiro, kosodi Edeke... kwape kabwoio Musa kokuju moru. Amuno eong yesi kere kianyunito aput ngin kokinga kangina apak kaya, kipou abwoata kosiep naka emoru. Ido ejai Aica ngin ne, Emalaika loka Ejakait, cut kanen neabu Ngol kokut. Abwoi... Ejai cut toma abao naka iyemuto kangina kwana, bobo.

Koany, Yawe loka Aitutuket Namojong nges Yesu loka Aitutuket Nakitetet. Ianyu? Ngesi Edeke ngopengol, ijulanakini bon Ngesi Ekejautene.

----
Abu Edeke kijulak Akekuan, ijukakini Ejauteneke. Arai kiany ijo kane kama ejaas Ipilipin, abala ebe, “Komam eomit bala kwape namariauna, konye koyanga adoketait naka etunganan.”
Kwana, akirot naka Ayonanin kanen kanuka ejautene kangol, abu eong ajai aingic ngin apaaran kere bian, atamite amoun nuarai ngin, abu eong adum, abu eong adum akirot ebe en morphe. Iwadikao kwanata e-n-m-o-r-p-h-e. Aingic kotoma Ayonanin, kanu aanyun nuarai en morphe... aticepak apedori eong alimun ngin erono, konye apolou naalimununia eong anyukutanake, tetere arai kitolomun atepu, epote itunga, epote luesiomitos, ajenun nuapeleikinit eong-nuapeleikinit eong kotoma akirot kangin. Nges, neabu en morphe, akepolou ebe abu Ngesi kijulak ejauteneKe. Nges, abu kobu kwap. Kwana, akirot naka Ayonanin kanen erai akepolou, ebe, “Ibore yenimam apedorio asesen, konye korai ibore yenejai, kosodete aijulakin tetere akongu epedori aanyun.” Inayu?

----
Ido ikoni Edeke nen. Ijulanakin Ngesi anyoun-anyoun araut Epir loka Akim, kiton araut Etunganan. Kosodi aijulakin kanen, abongor toma Omoyo bobo, tetere epedori aiboi kotoma otunganan. Edeke itodianari nuarai Ngesi obe kotoma otunganan. Yesu Kristo, arai Edeke itodianar kotoma Otunganan, kotoma Otunganan. Kotoma Otunganan, ngun nges Loarai Ngesi. Abu Ngesi kijulakin anyoun araut Epir loka Akim, kosodi do alomun toma; naarai aimukoret kotoma amodingot, nabu kibwa Edeke kama ejai Isirael. Abu Musa koany esubune loka Akakekuan, konye kotoma abeit cut angopit Ngesi apak kere kokau naka Epir kalo loka Akim, loarai Aijar naabuni kama ejai Edeke.

Kwana kidumuni oni kane, kwana anyoun ko Pentekosit, mam bobo Edeke iswamai kotoma otunganan, araibo aswam... kwana iswamai kama ejai etunganan. Ianyu? Eswamai Ngesi kotoma Otunganan kapakio kangun, Yesu. Kwana iswamai kama ejai etunganan loesekunit Ngesi kanuka alosikineteKe. Edeke, kotoma ojautene loka etunganan.

----
Kwana koany kwana kwape kabunio Ngesi, abu Ngesi kobu kwape Okoku loka etunganan naarai abalar Nakalaunan Naiwadikaere ebe abeit Ngesi abunore, “Abuni Edeke aitonyoikin kes Enabi.” Aso mam Nges apedori abunore konyaraikina ebe Okoku loka Edeke, naarai mam arai adoketait ngin. Arai Ngesi Okoku loka etunganan edwari, kanu aitodolikin, ka apukokin kes iboro kere luaponi kiswamatete, ido kitupusitos nuarai Ngesi. Kwangin ajai do Ngesi toma akwap kwape Okoku loka etunganan.

----
Kosodi Edeke, kotoma otunganan, abu kobukun kere. Yoel 2:28, idumuni oni ebe, abu kotema atiar, “Abukokini, kotoma apaarasia nukawasia, Ekamoyo.” Kwana, arai kimisiik ijo akiro ngun kanen, akirot naka Ayonanin. Apedori eong adumunite na erono, konye nabu eong apedo adumun...

Ekoto ijo aingic akiro ngun. Amusugun ecesawa ejaatar apolou irwanaarei. Bala kwape akirot naibala oni ebe “edeke.” “Abu Edeke kosub akuj ka akwap,” Ageun 1. Konye kwana, kotoma Obaibuli, abala ebe, “kotoma ageunet abu Elohim.” Kwana, Elohim, enyaritos Amusugun ebe “edeke,” konye cut abeit mam arai... Elohim... Idiobore kere epedori araut edeke, kaneejai akirot ebe edeke; ipedori ijo aitaraun aput edeke, ipedori ijo aitaraun apiano ngin edeke; ipedori ijo aitaraun idiobore kere edeke. Konye mam ngin erai akirot Elohim; erai Ngin akepolou ebe, “Loejai kanuke bon.” Ianyu? Mam apiano ngin epedori ajaut kanuke bon, emamei icebore yenepedori ajaut kanuke bon. Aso, akirot ebe Elohim, erai akepolou, “Ngol loajai duc.” Edeke epedori korai idiobore. Kosesen atiaketait kotoma akirot kangin?

Kwana, neabalar Ngin kane ebe abu Ngol kobukun, araibo abukokin, kwana, ti oni iomoom kwanata, ebe abu Ngesi “kolek kinga,” akirot naka Amusugun kanuka abukor, araibo abukon kama ejai Ngesi, itei ijo, abu icebore kolom kinga kama ejai Ngesi yenetegelikina kama ejai Ngesi. Konye akirot ebe kenos kotoma Ayonani, mam erai akepolou ebe abu Ngesi “kolek kinga,” araibo abu ace... Abu Akekan kobilar, araibo ebe abu Akekongu konyou, neejai icetunganan.

Erai ngin ebe, abu kijulak ejauteneKe, Nges “abu kobukok Akeijar toma,” (Amen!), toma onapen ice, toma ojautenece. Mere ebe ecetunganan abu konyou kinga kamaKeng, loanyaritai Emoyo Lokalaunan, konye arai Ngesi cut elopet. Ianyu ijo ngin? Ngesi elopet nges abu kobukok Akeijar toma otunga. “Kristo kotomakon!” Eipone lobusiar, eipone loeumokinar, aomoom ebe, Edeke abukokin Akeijar toma otunganan, neejai ikeyuunan. “Abukun!” Arai atutubet naka aitodianariKe, aswam kwangin. Edeke, aileleba kere, Edekeone kere kotoma akuan ajai toma Otunganan lo, Yesu Kristo. Arai Ngesi Edeke, ido Edeke bon. Mere etunganan lokiuniet arai etunganan lokiareit, araibo etunganan losodit; konye Etunganan, Edeke erapiara kotoma akuan naka etunganan.

Timoteo Losodit 3:16, “Komam abuonokin epol aiyeiyea naka ayongit Edeke; naarai E-d-e-k-e, Elohim,” E-d-e-k-e kede anyukutan nukapolok kotoma Obaibuli. Kinyaka ber ijo ngin kau, idiotunganan. Erai akepolou, kotoma ageunet, abala ebe, “Elohim.” “Kotoma ageunet, Elohim.” Ianyu? “Ido, Elohim, komam abuonokin epol aiyeiyea naka ayongit Elohim; naarai abu Elohim koraun akuan, katirosi da Nges.”
Elohim, erapiara kotoma akaun! Yawe lokapolon loarapiarit akwap kere, apak, ka nginibore kere, aponi kitaraunai Ngol etunganan. Kipou atirosi Nges, Elohim. “Kageunet, Elohim. Ido abu Elohim koraun akuan, kiboiororoi kakidingosiwok.”

----
Ingaibo erai Etunganan lokapolon lomam etakani? Ingaibo lo loaseseni Aburaam kotoma atapoeta? Cut kotoma awasia, abu, kitodiar kotoma akuan eroko okoku ebuno. Edeke elopet Nges abu kobu neejai Aburaam kotoma ojautene loka etunganan, kotoma apak nakawasia. Kitodiaritai! Abu koany Ngol kotoma Aica apak adiopet; abu koany Ngol kotoma aitapoeta; abu kopup Eporotoke; apukonokineta nuipu. Konye naperoko okoku loesumunikitai ebuno, abu ngesi koany Ngol kotoma ojautene loka etunganan, kosodi ainerakin kede Ngol, kosodi aitanyam Nges akiring ka aitamat. Ianyu? Koany, Edeke elopet erapiara kotoma akuan naka etunganan.

Erai na atutubet naka Ekeipone. Lo nges eipone loitudunor Ngesi mamawok, itodiari Akirot Namam Edaun, Edeke, Yawe eraun akuan. Bala kwape kotoma Yokana Eijiri 1, “Kageunet ajai Akirot, kojai Akirot mama ejai Edeke, ido ko... Kageunet ajai Elohim, kojai Elohim nee...koraun Akirot, korai Akirot Elohim. Koraun Akirot Elohim.” Ianyu? Erai ibore idiopet ngipengin, ejai apukonor.

Bala kwape eipitene, itei ijo, ejai toma naka Edeke. Eipitene nges aomisioitikon. Abu Edeke kageunet, Lomam Edaun, mam ber Nges arai Edeke da. Arai Ngesi Lomam Edaun. Mam ber Nges arai Edeke da; erai Edeke “ibore yenemaio,” arai icebore. Ianyu? Aso mam Nges arai ngol da. Arai Ngesi Elohim, Lomam Edaun. Konye tomaKe ajaas aomisio. Akoto Ngesi araun ibore. Ido inyobo abu Ngesu kiswama? Kosodi Ngesi alimun Akirot, kosodi Akirot araun ibore. Ngin nges aput kere, anyoun Ageun kiton Apuukokinio. Emamei ibote yenerono. Erai Elohim ejai aiswmaaun tetere Ngesi epedorio atiror, apupu aitirorio. Ido kotoma Apugan naka ikar Elukumit, Elohim ngol ejai ngin iboie Oicolong, itei ijo, edolit ngin, kede iketunga kere kosiepiKe, luabu Ngesi kosekunite sek eroko epesikina apetetait naka akwap.

----
Koany, anatar aturio, eipone ediopet ngopengol, kotoma onabiniKe, apukor Ngesi. Mam ngul cut bec araas inabin, araas kesi idekesio. Abala Ngesi kwangin. Naarai nueneras ngul arai Akirot naka Edeke. Araas kesi awat nuabu Edeke kiboie kotoma. Araas ngul idekesio. Abu Yesu elopet cut kobala ebe, “Kanukiinyo kitoroniata Eong neabalar ebe erai Eong Okoku loka Edeke, ido kobalas ikisilakus obe ebe ngul lukebuni Akirot naka Edeke mamakec ebe eraas idekesio?” Ianyu? Aso arai Edeke iswamaunia kotoma otunganan loanyaritai enabi. Ianyu? Ido abuni Akirot naka Edeke neejai etunganan lo, aso mam arai enabi; arai enabi aimukoret, konye Akirot arai Edeke. Mam akirot naka etunganan epedori aswam kwangin. Kiany ijo nuapeleikinit eong? Mam epedori aswam koipone kangol. Konye arai Edeke. Itei ijo, arai Ngesi Akirot naka Edeke kotoma ojautene loka etunganan, loanyaritai ebe “etunganan.”

Koany, mam Nges abu ijulak Ekesubune, bon Ekejautene Iburanian 13:8, ebala, “Erai Ngesi ngopengol bian, lolo, ka ikar kere.” Aso mam Nges abu ijulak Ekesubune neabunio. Erai duc Ngesi Enabi ngopengol, anatar aturio kere, ibore idiopet ngipengin: Akirot, Akirot, Akirot, Akirot. Ianyu? Mam Nges epedori aijulakin Ekesubune, konye abu ijulak Ekejautene. Iburanian 13:8, ebala, “Nges ngopengol bian, lolo, ka ikar kere.” Abu bon Ngesi kijulak ikenapen.

----
Edeke erapiara kotoma Yesu, kanu aswam aswam naka alakunio komusalaba. Mam Edeke apedori atwanare, kwape Emoyo. Erai Ngol Lomam Edaun. Konye ajai Ngesi anapakin aimukoret kosodi aswam ewai loka atwanare. Abu kotwana, konye mam apedori- aswam ngun kotoma ojauteneKe loka araut Edeke. Ajai Nges aswam ngun kotoma ojautene loka Okoku, kwape Okoku loka etunganan, kotoma akwap. Ianyu? Ajai Nges ajaun ojautene loka Okoku. Kosodi nakebungunia ko Pentekosit, arai Okoku loka Edeke bobo. Itei ijo nuapeleikinit eong? Arai ngesi...

----
Erapiara Ngesi kotoma otunganan, kwape duc arapiarar. Konye, arapiara Ngesi neejaas ngul, ajai Ngesi toma oyekaluKe loka etunganan. Ajai Edeke toma oyekalu loka etunganan. Kwana, kocoite noi, kwana erai Nges ngopengol bian lolo ka ikar kere. Ianyu? Edeke erapiara, engopit kama ejai akwap, erapiara kotoma otunganan. Ianyu? Arai lo Edeke! Iyonanin ngul lubalas ebe, “Ikoto isio aanyun Nges.”
Kosodi Yesu atemar atiar, “Ejai ecokat loka akimait adoere kwap kosodi atwanare.” Ekoto ij atwanare neejaas aomisiokon kere. Ekoto ijo alomun kinga naka aomisioikon elopet. Bala kwape ikiyakia kangul, mam kes apedorete aitetemun nuekamnito ainyam Akekuan ka-ka aimat Akeokot, konye, itei ijo, adaunitos ngul atwakare neejaas iboro ngul. Atwakito kesi neejai Ainapetait, atwakito kesi neejai Kristo. Mamace nuerai ngin, araibo etia ai aipikorio nasubit bala ajaatar Ngesi, eyuunitos kesi Ngin kwape kwangin. Ianyu? Asesenete kesi kotoma Otunganan kangol; Etungnanan loanyami, loamasi, loaloki agaria, loajotoi nginibore kere, aurunitai kane kotoma akwap, kosodi aup kakes, einer kakes, konapite igoen kwape kakesi kere, konye arai ngol Edeke.

----
Kotoma Aitutuket Namojong, angopit Edeke neajaar toma oicolongoKe loka aitim; toma oicolong loka aitim, kede aigalisit. Kotoma Aitutuket Namojong, ajai Edeke toma oyekaluKe. Konye apote itunga toma kosodete aima koipone kalo, konye, kiitu, ajai aigalisit (amen) naarapiarit Edeke. Ajenete kesi ebe ajai Edeke. Mam apedorete asesen Nges. Mam Epir loka Akim abu kiyatak atakanun bobo kangina. Ijo abu komisiik? Emamei karaida apak adiopet kotoma Naiwadikaere, anyoun kapak nabu Epir ngol kobongoria kau naka aigalisit, ebe mam abu kotakan bobo, kiton neabunio kotoma Yesu Kristo. Erapiara Edeke!
Neabu kobwoio kotoma akwap abu kotema atiar, “Abunit Eong kama ejai Edeke ido alosi mama ejai Edeke.”
Kosodi do Paul, (akaulo naka atwanareKe, anukio, ka ajarun), korotoke alosit Damasiko, ajai Epir ngol loka Akim bobo. Inyobo arai Ngin? Alomunit kokau naka aigalisit! Aibuses kojai neejai Edeke!

Ajai Ngesi kau naka aigalisit. Kwana ajai Ngesi kau naka inyo? Aigalisit naka emukule. Itei ijo, “imukulen luka itunga,” kau naka aigalisit. Ido neacilere aigalisit kotoma apaaran naka aibubuo, aigalisit naarapiaritai Nges kotoma aponi kocilai kotoma apak kangin naka abubuo, abu eicolong kere loka aitim kosodi kideleleu. Kwana, mam Iyudayan apedorete amisiikin eipone loaraar ebe apedori Edeke ajaun kede aitim neejaas ikadiakanarak, itunga lukarokok kwape kaoni. Konye mam apedorete asesen Lo loajai ainakin aitim, naarai ebwaa Ngesi. Ajai Ngesi kau naka eicolong loka aitim, kotoma, kede imukulen luka itunga ikajas, erapiaritos Nges.

Sek ber, arai elomu idiotungan toma kokau naka aigalisit kangin, arai atwanare nakatipet. Amen. Oo, Ilosi oni adumun nusisiauna kane kotoma adakikat, itei ijo, arai ipedorete yesi-ipedorete yesi aijaun Ngin. Alosit kokau naka imukulen kangul... Karaida ediopet kotoma odwe luka isasedotin abu kotam aswam ngun apak adiopet, kosodi atwanare. “Mam ilosi kau naka aigalisit kangin.” Etunganan loalosi kau... Inyobo amamei ber alakunio, kotoma ngun. Arai aitupuset. Arai atupuset. Ido ibore yenerai aitupuset mam erai ibore obe ber, itei ijo, arai bon ber aitupuset. Arai alakunio...Arapitai adiakar, mere aijal... atemasi, alemar. Alemar erai ekepolou, “aijal ka abwaikin awai.” Ido kwangin aokot nuka amerekekin ka akinei mam apedorete aswam ngun, aso arapiara Yawe kotoma agalisit. Kwana, kokau cut naka aigalisit nearapiarar Ngesi, alomar toma ngin, abu etunganan kodo kiton atwanare, kanu aitam alomar tomaKe.

Konye kageun ko Pentekosit, ageun kapak naka Aibubuo, neacilere aigalisit ageun kokuju kiton kwap, kanuka atur kangin... Yesu nges arai Edeke ngol, loarapiara. Ido neabu kotwania ko Kalvari, abu Edeke kijuk akim ka ekipie, kosodi aicil aigalisit ngin ageun kokuju kiton kwap, abu eicolong ngol kere loka aitim kideleleu. Konye amudukaka kesi noi ebe mam apedorete aanyun Ngol. Kwape kabalar Musa kane, karaida, arai... Abala Paul, esiomi nuka Musa, ebe, “Nakesiomenenere Musa, ber, eroko aimukoret epesikinana toma otauonokec.” Oo, onac, inac, ngun kes apotu Iyudayan kiswamata neacilere aigalisit kosodete aisideleleun Edeke, ikaja omusalaba. Ajai Ngesi idelelei, konye mam ngul apedorete aanyun Ngin.

----
Edeke loepukoritai, idelelei, ebusakinit ti kes koanyunitos Nges ebwoi kangina. Konye kereka edelelei ngesi noi, arai Ngesi etunganan loka nginiduc. Mam apedorete aanyun Ngol. Itei ijo, abwoi etunganan kanen. “Eebo,” apotu kotemas, “ekesa lo, osomero bo ali elomunitor Ngesi nakecumia akwara ngin Akekuan, abu Emoyo ngol kojal Nges, eyekalu... aponi kirokinai arwatatin nuka asubanasia kwap, kosodi ekipie kitor toma oyekalu kosodi aicil aimukoret. Inyobo ngin? Ajai ekecedeke nen eikaja ko Kalvari, ido amuduka kesi kanu aanyun ngin. Abu kisideleleu Nges, ido mam kes eanyunete Ngol kwape kwangin! Emudukaka kesi. Edeke, erapiara kotoma otunganan!

Naka oitabo... Apukorio naka Edeke.

Ido komamei abuonokin, epol noi aiyeiyea naka ayoŋit Edeke: Abu kitodiar kotoma akuan, Kitojokai kotoma Omoyo, Apotu imalaikan koanyut ŋes, Aponi kolimonokinai kotoma atekerin, Aponi kiyuunai kotoma akwapin, Kodakarai kuju toma aibuses.

1 Timoteo 3:16