Engatuny ngolo ka ateker a Yuda.
<< prev
next >>
Epedorit nyo?
William Branham.Tosiomete alo akirot...
Atiakatait...Apukokinio 5:2-4,
2 Ka abu ayong oanyua emalaika ngolo apolon ioroi aetoil angolo apolon, ngai epedori angar Ekitaabo ka tobil ngakipucet dang?
3 Ka abu tomamukaun itunganan anadis, kori alokwap, kori alokwap akwap ngini apedorit angar Ekitaabo, kori akingolikin dang.
4 Abu ayong ekalue nooi, kotere amame itunganan ngini toriamunai epedorit angar ka tosiomEkitaabo, kori tari dang akingolikin.Tokona, “Ka emalaika ngolo gwogwong...” Tokona akisiom 2.
...emalaika ngolo gwogwong, ke eporoto a ngolo apolon, ioroi, Ngai epedorit... (epedorit nyo?) ngai epedorit akidiaun ekitaabo ngol,...
Tokokona ikiriamuni iwon. Ai eyai Ekitaabo tokona? Neni ke Elope, narai anger lokokeng, lokoku ka Akuj, alotoma ateker ngina a itunganan. Ido ngina angerio inges akepedor, kiira Satan, kipoto... Nyo abu inges kitiya? Abu inges tocamak aosou ngina a Satan akilo akirot ka Akuj.-----
Enyaritene ke Emalaika arai anyarare Ekalakunan ngolo yenat topeleu. Tema Akuj, “Ayakatar ayong ekisil; epedori Ekalakunan ngolo yenat ekawaikinan. Ai eyai Ekalakunan loyenat ngol? Ngai epedori akidiaun”
abu bu aneni ka Adam, akitodol lokiyakia daadang, ka ngikadwarak, ka ngiboro daadang ngulu ce, ido amam itunganan aponi toriamunai. Tokona, anibo co ngun? “Mam itunganan Anakuj, mam itunganan alokwap, mam itunganan ngina ayar kolong.” Awai Eliya anen. Awai Musa anen. Awasi ngikiyakya daadang anen ko-ko ikes daadang ngulu apotu totwaka; ngikakwang daadang, Yubu, ngikaosok daadang. Awasi daadang aneni, ido amam ngini apedorit tani narai akingolikin Ekitaabo, kimiek mono tan narai akidiaun ido tobil Ngakipucet.
Tokona aibo eyai nyepop ka lu ce lu daadang? Ai eyai ekoni bisop? Ai eyai ayokopedor? Ikirar iwo ikongin. Iyokino ngun.-----
Nait, abu Yokona “kigwor.” Nguna atami ayong ebe egworor inges nu. erai, kemam itunganan epedori ngini engari Ekitaabo ka Alakuno, inges atemar aoliosi ngisubuna daadang. Ekitaabo logo, apedor naga ido einakinio neni ke Ekalakunan ngolo Kidunyas ngolo eyakar ngiboro daadang ngulu iitana. Ekisil ka Akuj ngolo, ka nyepedori Inges akinyas Ekekisil, nyepedori akibil Ekekisil. Ianyuasia? Eitanit Akuj Ekalakunanngolo epedorit, ngolo epedorit akitiyakin, ngolo eyakatar ngiboro ngulu kitiyakinet.
Tema Emalaika, “kimiek Ekalakunan non bu ngaren.”
kingolia Yokona. Ido kingolia nakwap daadang. Kingolia kwap akwap. Ido amam itunganan. Anen, aoliorito ngisubunaka ngiboro daadang. Agun, kigwor yokona. Aoliorito ngiboro daadang. Abu akekigworo ya apei dakika bono. Tosodi towa epei alotoma ngikasikou, tema, “Nyigwor, Yokona.” Okoe, ekang! Abu akekigwor yaa apei dakika bon.
Totamatama Yokona, “Okoe, ekang, ai eyai Etunganan? Ngikadwarak ngul ewasi; edounio ikes ikwa ayong dang. Ngikaosok ngul ewasi. Ewasi... okoe, emam idio tunganan a?”-----
Ido Engatuny logo ngolo ka ateker a Daudi abu kilou. Tema inges, “Nyigwor Yokona. Anerai Engatuny ngolo ka ateker a Yuda, Atagoreten a Daudi adau akiloun. Adau Inges akiloun. Adau akitiyakin. Adaun, Yokona.” Wiu! Okoe, okoe, ekang! Abu tolem ekitoe ngolo inyakari asecit nakan nuongora nguna... ka ake osou, ngina abu tomunaya inges, etunganan. Ee.Nait nginaebelekinor Yokona akingolikin, abu kingolik Imesek. Ani ngelanut na a Longatuny! Ebala inges, “Adau Engatuny akiloun.” Toanyua, nabo, apedori akisitiya nugu neni, Akuj engopit alotoma apatan. Ebala inges, “Engatuny ngol.” Erai ngol ekabaka a ngitiang. “Adau Engatuny akiloun.” Ibore ngini gwogwong noi engatuny. Aper ayong namon nguna ka akwap a ngikirionok, ido iirari ngikorio eruosi. Ka etom ngolo apolon, ka ngike kial, ikilia, “wii,wii,wii.” Ka iirari ngitiang ngulu geligeli ngulu ka ariyet eruosi. Ka ngaberei, akitodol... Ka Billy Paul ka ayong aperio loyolo. Ido aneni alwanan, engatuny irurumakini, ido ililingete ngiboro daadang ngulu ka ariet. Tan ngaberei dang ililingete. Erworik ekabaka. Okoe, okoe, okoe, okoe, ekang! akalimokini ayong iyes, neni ililingiata ngidinio nen ido todo angayangaya kwap. ililingi ngini bore daadang ngina irworikinia Ekabaka. Ido naga inges erai Ekabaka, erai Ake Kirot. Okoe!
-----
Eyai toma Naturio a Ngikanisae a ngikanikaarei.
Tokona ebala inges, “Engatuny ngolo ka ateker a Yuda.”
Kotere nyo erakar alotoma Yuda? “Okoe Yuda, mam nyebuni ekainanakinan ngikisila kingarenikeng, kiding ngakekungin, akitodol ngina ebunio Silo. Nait ebuni Inges alotoma Yuda.”
“Ido Engatuny, emacar ngolo ka ateker a Yuda, adau akipikor. Adau akiloun.”
Nait ani ingliari inges akingolikin neni ayai Engatuny, abu kingolik Imesek. Itogelan, iwarit Engatuny, nait kingolik Imesek. Abu ekasikout tonyara inges Engatuny. Nait ngina engolikinia Yokona, abu kingolik Imesek, “Imesek asibit aaritae ameun anapetetait ka a akwap.” Imesek ngini aaritae. Arai ngin nyo? Arai Imesek Ngin nyo? Erwasito ngokot, awanan. “Imesek ngini aponi toarai, nait toyaur nabo.” Ido erwasito ngaokot. Okoe, ekang!
Ikokini iyong ingolikini ngun ai, ngikonei, ido torubak irai ekasecan?Abu Imesek tolom. Tema, ekasikout, “Adau Engatuny akiloun, Engatuny ngolo ka ateker aYuda.” Ido kingolia Yokona akingolikin Engatuny, nait bu erai Imesek, emarani, toya Ngaokot nakwan Keng, ngapores. Asir kedau akiloun. Kipedo iyong aayun ebe keyai Inges lojie. Aaritai Inges, nait abu Inges toyaru nabo.
Pa aanyuarit Yokona Imesek egen ekingaren, iyenete iyes, ane. Pa alimunitoe ekekiro ekingaren. Amam neni alimunitere Eke kiro. Pa engolikinit Yokona, alotoma Nakuj, ngolpite esiomeo. Nait een kire abu.
Toanyua neni abunio Inges. Ai abunio Inges? Abuni a Lokicolong a Papa, neni sek eboyoo ameun ngina aarere ka toyaru nabo.“Abu toyaru ka kiboikin nakan ngina aloteten ka Akuj, toyari paka akiriwor ngasecisia.” Amen. Todoka nen, napakana, ikwa Ekeriworon ngasecisia, kan Ngakeokot, akiriwor ngasecisia a ngina ka abangao a ngitunga. Tokona, ngolo agwangakina ayong neni Keng ngol. Aroko erapakina kan ekitoe, ekitoe ngolo kisoniet ngasecisia.-----
Tokona tocoikisi ejok nooi. Erai egen idiobore ngini emaikina iyes toriamut. Tokona, ayiai sek Inges ekingaren itiyiai etic Keng ngolo awuekinit, ediekitoi anguna angikanupak. Alotoma ngikaru ngalipio ngarei ayiai Inges kaku nen, Imesek tokona eyiai Inges edokuni a Nakibois angina Ruba, Alemar Ekitabo ngolo angiticisio, ka angari Ngakipuceta, ka akisilereun ngakimununuyeta. Ori neni? Alotoma apaki ngina esidion.
Iriamut iyes ngun-a? Ejokak dadang, ikilosi iwon kingaren tokona. Atiakatait ngina eyeyi Kiding Ngaturio Nguna Kanikarei Ka Ngakipuceta nguna Kanikarei 18 Tokona, tonga Ngakipuceta ido kiteyenu ngakimununuyeta dadang neni kec, neni emalaika angolo angikankarei, ngolo erai Emut Keng akisilereun ngakimununuyeta ka Akuj dadang. Eyiakasi ngakimununuyeta ka Akuj toma Nakipucet nguna Kankarei nugu. Ingolikis-a? erai ngun nguna alimunit Inges anege. Eyiakasi ngakimununuyeta dadang Nakipuceta nguna Kankarei nugu.Ka ebuni Imesek kingaren tokona, anarakou Ekesirworiunan alokiding Akuj ka ngitunga. Erauni Inges Engatuny, ka angina eraunia Engatuny, elemuni Ekitabo. Erai ngin apedor Keng. Erumit Akuj Inges, akimunono nai tokona ebuni Imesek. Emam itunganan epedori alemar Ekitabo. Eroko eyiai Nakan nguna ka Akuj. Mam pop, epaderit, ngini dadang epedori, nyepedorete ikes alemun Ekitabo. Eroko Ngakipuceta Ngakankarei nyisilereuno. Ingolikis -a?
Nai ngina ebunio, Ekesirworiunan, ngina irikakinor etic Keng ikwa ekawueikinan, ebuni Inges kingaren. Ka abu Yokona... Abu ekasikout tema ebe, “Erai Inges Engatuny.” Ka ebuni Inges. Tocoikisi Inges. Okoe, ekang! Ingolikis-a? Ebuni Inges kingaren alemar Ekitabo, tocoikisi tokona, kisilereu ngakimununuyeta nguna ka Akuj, ngulu apotu nguluce totamakinito, alotoma ngaturio dadang nguna angidinio.Kingolikisi, ido, emalaika ngolo angikankarei. Ani kerai Ekitabo logo, ngolo angakimununuyeta, Akirot ka Akuj, emaikina emalaika ngolo angikankarei torai ekadwaran, kotere Akirot ka Akuj ebuni neni keng. Mamu epaderit, pop, kori idiobore nabo, ngini epedori ariamun Ngun; nyebuni Akirot neni angulu ikote ngul. Ebuni Akirot ka Akuj bon neni Ekadwaran, jwijwi.
Abu Malaki 4 kikinite ngun. Ka ngina ebunio Inges kingaren, ebuni inges akiya akimunono ka Akuj dadang, neni kebunio Ekanisa kiguriakinor alotoma ngidinio lugu dadang, “ Ka inyakuni Anupit ngina angidwee tobongo neni a atapapa.” Ka nai ebuni etube nakwap, ka eponio akicunyar akwap. Ido nai epote ngulu iyookino alosit alokidiama ekuron angulu aronok, alo Millnium.
Kesir ngice ketamanakis, alotoma aturi ngina edin. Nai, kingolikisi, emaikina torai etunganan lo, emalaika ngolo angikankarei ngolo... Apukokino 10:1-4 erai... Emalaika ngolo angikankarei ngolo eyiakaunor ngakimununuyeta nguna ka Akuj nguna keponi inakinai inges, ka kirikak ngakimununuyeta dadang nguna kesir kimiekin, ameun alotoma ngaturio dadang nguna angidinio.
Tokona kingolikisi iyes nguna nyetidingitor ayong ngikaitotoi kang ngulu eyiakasi lodinio. Erai ayeunet ngina edin! Nyepedorito ikes, emame akitanet kec ngina ikatakinitotor ikes ayenun Ngun, anerai nyepedorio akisilereun Ngun. Erai ngun ikwapei eyiakar Akirot. Apotu ikes totamakis Ngun, ido tonupa ebe ayiai Inges nen, ido kan anupit apotu toloto kan Ngun, nai tokona adaun akiteyenun jik. Amen. Okoe, ekang, inyoni Akigiret!
-----
Inyoni nai ngun? Tokona erai ngulu a Imesek. Amen. Ekisil ka Akuj itanitai. Erai Inges Bon irumit Ngun. Eitanit ekisil ngolo ka Akuj Ekalakunan ngolo erai etunganan pei. Ido abu Imesek tolomu kinga, irumit Ngun, “ Arai Ayong eyenasi kec. Arai Ayong Ekalakunan kec. Ayong tokona... Adau Ayong adiekitoi anguna kec, ka tokona abu Ayong akitan ngapedorosio anguna kec.” Amen. Eyiai Epei bon. “Adau Ayong abunore akitan ngapedorosio kec. Alotoma ngun, eyiakatar ikes apedor neni angini bore dadang angini acakara alotoma akibusokinet, ka adau Ayong akitac egelit.”
Okoe, lokaato! Oi! Nyikinakinete ngun iyong ipupuni akidiniyor alotoma-a? “Mere kanngiticisio ngulu ajokak angulu ikidau iwon akitiyia, nai kan akisoniyo Keng.”
Okoe, kidareu adakika! Ka ngikasikou ngul ka nginibore dadang apotu togeut akimasanar ngibokoto kec, ka apotu ngikapolok togeut ayiakaun kwap, kingolikisi.Amam idiotunganan, amam idiotunganan ngini apedori akitiyia ngun. Ka abu Inges jik tolot paka nakan ngina aloteten ka Akuj, ido tolema Ekitabo anakan Keng, ido kitan ngapedorosio Keng. “Adau Ayong atwanare anguna kec. Arai Ayong eyenet ngolo Elakuni ikes. Arai Ayong. Arai Ayong Ekesirworiunan. Aponi tobukoroi Ngaokot Kang. Abu Ayong atorau Etunganan. Ka etiyiai Ayong ngun kotere akinyakun nabo Ekanisa ngol, Ngolo abu Ayong atoanyuwa eroko apetetait ngina ka akwap. Alosikinit Ayong Ngun. Alimunit Ayong Ngun, nai abu Ayong atolot kwap etiyia ngun, Ayong Elope. Arai Ayong eyenet kec. Abu Ayong atorai epei kec.” Ido abu Inges tolema Ekitabo. Amen! Okoe, Ngai idarit Anen anguna kang ataboong na? Ngai mono Ngol, ekanisa, ngolo idarit Anen? Ngai nabo epedori akidaritoi anguna kon Anen? Ekalakunan ngol ngolo erai eyenet! Okoe, ekang! Nyo alimunet ngina ekeraritai, kori etic!
Tokona eyiakatar Inges emaet ngolo etic alakunio. Eyiakatar Inges ngun anakan Keng. Totamunito, ayiakauna Ngun nakan nguna ka Akuj, apaki dadang, nai tokona eyiai Inges nakan nguna a Imesek. Tocoikisi tokona. Emaet ngolo etic alakunio, angisubuna adadang, eyiai nakan Keng. Ka adau Inges abunore akitan Ngun nabo, dang, kotere ngitunga. Mere akinyakun Inges nabo neni a Ngimalaikan. Kinyaku Inges nabo neni angitunga, ngolo sek aunitere Inges, akitaraunia ta lokoku ka ta nakoku ka Akuj nabo; kinyaku ikes nabo lomanikor ngolo Eden, ngini bore dadang acakarito ikes; asubio dadang, ngikito, akiyiar ngina angityang, nginibore dadang ice. Okoe, ekang!
Tosiomete alo akirot... Atiakatait...
