Eitabo loka Alakunio.

William Branham.

Naka oitabo...
Apak Nakokiding Aturio Akanykaarei nuka Ekanisa & Aipuceta Nukanykaarei.

Aso, abu eong kadoka alomar toma ajesat ngin [Sabino Canyon -Ed], kasodi eong adokar alosit kuju kwape ajaar neapedori eong adokar, kasodi eong aingit Ejakait, neajaar eong eboie kokuju kangina, anyoin bo apolou naka nu kere ka ace da kwangin. Ajai eong asubit bala eyalongongo kwabo mam abu kajeni cut nuabeit aswam. Kosodi kwangin, neajaar eong elipi, abu ibore yenitegelikina kiswamaun. Akoto eong araut loamunoono. Aso, motoko abu eong kajotoor. Apedori ngin araut agelakin naka emoyoka arai apedori araut aitapoet. Asubit eong bala agongakina noi aiyuunit ebe arai ngin aitapoet ebe...abu kajai ariorit akakanin kabala, “Ejakait, inyo bo apolou naka airetunet kana, ido inyo iswamaete Imalaikan lu ikanykaarei kotoma atukot naesubit bala asoto naka isodai iwongon, aikamar eong kuju apak anyoun kokwap kosodete do aibelokin abear kide- inyobo apolou kangun?”

Abu eong kabwoi kanen elipi, ido abu icebore kiswamaun. Kosodi kwana do... abu icebore kocakakin toma akanika, (Aso, ajeni eong arai mam jo imisiikinit iboro lukemoyo, diat esubuni bala naitegelikina noi.) konye abu icebore kodoo toma akanika; ido kangolik eong, arai ekileng. Ido akulep arai naeswamatai ketibinet, etibinet loibus aitelekar kere luaanyunitor eong. Nekedaran (ijeni ijo, ne aomit eong, erai ngin aidar akaninikon tetere mam etubio, ijeni bo ijo, neajaatar itunga ejiosi kikilenga) kerai esabu. Kosodi nearai akuan alopet naka ekileng mam arai loaoj noi, konye akwana cut bala emweso, boboda korai ngesi epuesa loamilimili. Ido arai ngesi ibore yenebus noi aitelekaar yen aanyunitor eong. Abu cut ngesi kilosikin akanika ejoko noi, ido abu eong ketingite nges.

Katema eong atiar, “Mam kereka nges ibus?” Abu eong kangolik nges, kasodi aomoom, “Konye kereka ijeni jo, arai duc eong loabu kakuriana ekileng.” Abu eong kajai eyalama ebe ajarit eong kokinga naka apaarasia nuetwasamatar itunga kes, naarai akuriana eong ekileng. Kwangin abu do eong kaomoom, “Inyo kereka tikeswama eong kede kangol?” Ido nape aroko etingit nges kakanika, abu eporoto loalomuni kanenice kotema atiar, “Ngol nges ekileng loka Ekabaka kaje.” Kosodi konyet koosikini do ngesi eong.

-----
Kwangin do, iboro ngul kirai bon oni lukiomit aomite naarai, komamei aisisia naka esomero, etupusi eong. Angolikini eong kasodi aanyun nunyoika nuejaas arai nuajauna kotoma Aitutuket Namojong, na da erai aitupuset arai etoribe loka Nakitetet, kanen do kadumuni eong aomisioit na nuerai Nakitetet. Kwape nat arai abu Noa koloma ataker eringa ican luipu kedoluna- naerai aitupuset. Konye da ber eringa Noa kelomara ataker, abu Enok kolot kuju eringa imodiobore kiswamauna. Kosodi aponi konyararai Lot alomun koSodom eringa karaida ber itwenyitwenyit idiopet yenika ican kaluipu kelomuna- amudiario. Konye Aburaam ajai apak kere kinga naka nen, koany- aitupuset.

Konye kwana do, kisiomuni oni ekokoro lol. Asiomuni eong ikokoronoke lusodit 2 arai 3.

Abu kaany eitabo loiwadikatai iwaitin kere, kotoma akan nakoteten naka ngol kaloiboie koicolong, ipucakinitai aipuceta akanykaarei.
Abu kaany da emalaika loegogong elimokini keporoto loepol ebe, Ingai bo ibusakinit apukor eitabo, ka aibil da aipucetake?
Kwabo emamei itunganan kotoma akuj, karaida kakwap, karaida kokwap kakwap, yenepedori apukor eitabo ngol karaida asesen tomake. (Ikoni bo lolo eitabo lo ai!)
Abu kamony noi, naarai mam edumuna yenibusakinit apukor [ka aisiom da] eitabo, karaida asesen tomake. (Kwana, kiner caat jo nuka amamus aibusakinit, mere karaida aibusakinit asesen tomake- emamei itunganan, kanenidio kere.)
Kalimok ediopet komakio ebe, Sirikimony; koany epiko Engatuny loka ateker naka Yuda, Aliasit naka Daudi, tetere epedori apukor eitabo ka aipucetake akanykaarei.
Abu kaany kokiding keicolong, ka. lukajarak ngul luongon, kokiding da naka imakio ebwoi Imerekek, esubit bala earitai, ejaas amumwara akanykaarei ka akonye da akanykaarei, nueraas imoyon ikanykaarei luka Edeke lukijukunio toma akwap kere. Kolot ngesi kolem eitabo kakan nakoteten naka ngol kalokiboie koicolong.

Kiyenguni do ber kanen ber adaun apak naedit kama ka asiomio naka Apukokinio 5 kwap kiton... aimoriarit ekokoro lo 7.

Eitabo lo loka aipuceta-Akanykaarei epukorio kotoma apak naka Agirokineta Akanykaarei nuka Apukokinio 10.

-----
Aso kwana, aiyeiyea naka Eitabo kalo loka Aipuceta akanykaarei eponio apukor kapak naekutakinere Aisiiraret naka Emalaika loka Ekanisa Lokikanyetekaarei. Egeuni Emalaika Lokikanyetekaarei aikut, ido ejaasi Aisiiranareta iwadikatai kanen kangina, ido kijaar kangin kotoma ateepun koipone da loka iitabon. Aso, kageunet naka akutakinio naka Aisiiraret kangin, ibusakinit ti kodauna aiyeiyea naka Edeke aitodolikinio kapak kangin. Aso, kiponi oni aanyun ebe, mam epukorio Eitabo loka aiyeiyea naka Edeke kiton neekutakinere Aisiiraret naka Emalaika Lokikanyetekaarei. Kwana kereka, epote adeseinikineta nu araut nuepolok kotoma Aipuceta, ajeni eong cut, naarai ibusakinit kanginitutubet arucokin nepepe. Aso, iwadikatai ngin koipone lo aibwaarit emamei etunganan kanenidio loejeni ngin- Edeke bon, Yesu Kristo.

Aso, kwabo erai ngesi Eitabo, Eitabo loka aiyeyea. Erai Eitabo loka Alakunio. (Kilomari oni toma kangun kotoma apak naeuriana.) Boboda kwana, kijeni oni ebe Eitabo lo loka Alakunio mam eponio amisiikin ejok- eponio nges aingany kotoma aturio akanykape nuka ekanisa, konye kawasia, naegeunia Emalaika Lokikanyetekaarei aikut aiyeiyea keng, engetanakini do ngesi kere ngun numam ajenio nu apotu ikesa lu kingaanyaata, ido epote nukaiyeiyea kwap kaneejai Edeke kwape Akirot naka Edeke kosodi apukor kaileleba apukokinio naka Edeke. Kosodi do eidekeone ka nginibore ice kere itemokinio. Nukaiyeiyea kere: aur naka emun ka ace bobo kere ebeit apukor.

-----
Koany, Aipuceta Akanykaarei kOitabo kes... (Aipuceta nu Akanykaarei) kes ipucakitos Eitabo. Erai Eitabo loipucakinitai cuticut. Iwanyutu yesi ngin? Erai Eitabo lo Eitabo loipucakinitai cuticut kiton naebilibilarere Aipuceta Nukanykaarei. Ipucakinitai nges kede Aipuceta Akanykaarei. Kwana do kereka, egelara ngin kama ejaas Agirokineta Nukanykaarei. Erai na Aipuceta Akanykaarei kOitabo, ido mam Eitabo ngol eponio- mam Aipuceta ngun eponio alacakin kiton Aisiiraret naka Emalaika Lokikanyetekaarei. Kwangin, kiuta do oni aomit aomite, konye apukokinio naka Edeke nateni eponio aisitekor kotoma akutakinet kangin- Abeit naitodiaritai. Aso, ngin nges cuticut naabala Akirot. Ebusakinit ti nukaiyeiya kitodolikino kapak kangin. Ido Eitabo lo loka aipuceta Akanykaarei, kiitutu yesi, arai loarapakinitai kane kotoma Apukokinio esula lo 5, ido kotoma Apukokinio esula lo 10 epukoritai nges.

Nat kwana, kilosi oni aanyun nunyoika nuebala Eitabo kanuikamunitos eipone lokepukoror ngesi. Ido mam kereka itijenario kiton neelemunia Imerekek Eitabo, kobilibil Aipuceta ngun, kosodi apukor Eitabo ngol. Erai kito Imerekek elemuni Eitabo ngol; erai loKeng. Aso kereka kiitutu, emamei etunganan kotoma Akuj, emamei itunganan kotoma akwap- ipaapa, ebishop, ekadinol, ekimat loapolon arai erai ngesi ingai- yenepedori abilibil Aipuceta ngun arai apukor Eitabo ngol kilema Imerekek ngin. Ido kingaany oni, kidwar, kituguinikin, ka aomoom da- ngin nges akirot naiduporit oni kere kija toma aitolitoluna naikoni nen- konye nepepe ka aisumunet naka Edeke ebe ebuni Imerekek apukor kaileleba Eitabo lo loka Alakunio, ido Aipuceta ngun kanen ebuni Imerekek ngin aibil kotoma apaarasia nukawasia nukijari oni kotomakec kwana, ido mam itejenario kiton Imerekek alemun Eitabo kosodi abilibil Aipuceta ngun, naarai kiitutu, arai Eitabo lo loetingit Ngol loeboei kOicolong kakaniniKe. Ido ebuni Imerekek mama ejai Ngol loiboie kOicolong kosodi alemun Eitabo kakaniKe nakoteten- ELEMUNI Eitabo ngol.

Oo, idulo ngin. Kiponi oni aitam aitacaun nges arai kipedori, kanuka aingarakinio naka Emoyo Lokalaunan. Kwana kereka, kirai oni lukigongakina mamaKe. Ido kiponi oni aanyun nat sek, erai kapaknakawasia needaunor apak. Emamete idiinin luejaatar kapedor naka aijulun Eitabo ngol. Emamei etunganan luejaatar ka apedor naka aijul Nges. Erai Imerekek nges ijuli Nges, boboda erai Imerekek nges Lo inera Nges, do Imerekek nges einakini Akirot araut naejenunio koipone lo aitodiar ka ayangaun Akirot toma Aijar. Koany, cuticut.

-----
Akoto ekisil loka Edeke aisiecakinet naemamei aronis, ido ingai kereka amamei aronis? Ngolitunganan keuritos yenikiliokit ka myeniberu, akaulo naka ajanar-nginitunganan! Ido ediopet lo bon mam, kebu kojal apedorosio mama ejai Aijar Namam Edaun ka araut ekabaka kakwap. Oo, na aomooma eong nuka na kaNaiwadikatai Obaibuli, “Naarai ibu kolaku sio ainyakar mama ejai Edeke, ido kiponi sio airumit ka araut ikabakan ka isasedotin kakwap.” Oo ikatunganan, inyo... Ekalakunan loerai Epajan... Oo, etia ai akirot natikijaar oni kane! Koany, epuda ekisil Ekalukunan loerai Epajan tetere elakuni ibore yenetoolioritai. Abu asianut kitodolik eipud lo kotoma Etunganan Yesu Kristo. Ibusakinit Epajan kourunai kateker naka itunga.

Aso, biai do tikipedoria oni araut? Na da ngolitunganan loeuritai ejai aikon... ido imodiotunganan yenimam kipedori ti aanyun ebe kerai ngin aswamisioit naka ekiliolit ka aberu ajanar kanen, emudukana ngesi cut, naarai ngolitunganan lokeuritai kerai loabu aberu kowuri. Kwabo akoto Edeke Ekalakunan loerai Epajan, ido ibusakinit Ngesi korai etunganan. Oo ikatunganan, nuinyoika kereka ilosi ijo aswam kwana? Akoto ekisil Ekalakunan loerai Epajan.

Aso, mam Nges tikepedo ayangar Emalaika; eburai Ngesi ajaut ka etunganan, naarai mam oni kipajana kede Emalaika; kirai oni lukipajana idiopet ka nginice. Mam cut Emalaika abu kibiror. Erai ngol yenikajaran yenitegelikina ekeipone, ejaatar kakuan naegelara. Mam cut ngesi abu kodiaka karaiboot imodiobore; egelakina ngesi. Konye akoto ekisil Ekalakunan loerai Epajan, kwabo ngolitunganan kakwap kerai lokeurio akaulo na ekiliokit ajenun aberu. Aso, mam yes iwanyutu, nen nges neebunitor ngin. Nen nges neegeunitor adiakar. Kwangin, iwanyutu yesi neadol ngin kwana? Kanen kobuni do akus aur naka emun toma.

Aso, koany: epuda Ekalakunan loerai Epajan; kosodi Ekalakunan, Ekalakunan loerai Epajan, ibusakinit kourunai kotoma ateker naka itunga. Kane, kijalakini do ngin oni kija atenu, konye bo mer eong kakutak arupepe mama ijaas yesi. Auruunio kabekot nges abu kitolom loabu kodumun. Amen. Auruunio kabekot nges abu kitolom Ekalakunaniwok loerai Epajan, mere ece konye Edeke Lokapedor kere nges araun Emmanuel, Emmanuel. Ekalakunan loerai Epajan aponi kodumunai...
Iwanyutu yesi eipone loitolomunia Edeke nuibusakinit kitodolikinai, ido emamei ibore yenikipedori oni aswam. Konye bo do kolomuni aisanut toma kosodi arapiar ekisil ngol, kosodi aitolomun loabu kodumun. Amen!

-----
Aso kongolik. Ijaikinit Eitabo loka Rusi epica loibus noi loka nu, eipone loapotu Boas ka Naomi kotwakiarata alup (Ipupunitotor yesi kere eong alimonokini ngin, mere? Kikiasi akusikanin kuju arai iiraritotor yesi eong alimonokini ngin, kwangin imisiikinitos do yesi, koany.) Ajai Boas araun ekalakunan, ido kerai ngesi bon lotikepedo... Eburai ngol araut epajan, epajan loeyapiei, ido elakuni Naomi, abu kodum Rusi. Kerai ngol Yesu- Boas itupusit Kristo, ido naalakunia nges Isirael, abu Ngesi kodum Ateran Namoit. Kosodi do, koanyutu yesi... erai naibus noi kwangin...Kijaar kangin kotoma ateep, ajeni cut eong, kane kanenice, arai ikoto ajaun kangin.

-----
Abu asianut kitolom Etunganan loka Yesu Kristo. Ido kidumuni oni Eitabo lo kwana... Abu Edeke kotera ewemaKe- abu kobu kamaka Edeke tetere araun etunganan. Abu Ngesi kijulak ejauteneKe nearaar Ngesi Lokapedor kere tetere araun etunganan ayangar aput naka etunganan, kwangin apedori do Ngesi atwanare tetere alakun etunganan. Kidareu kiton nakiwanyunia oni Ngol, naemamear idiotunganan yenibusakinit.

Mam ace, kotoma Obaibuli, kotoma Oitabo loka Ruth kwape isiomiata yesi nges idumunete yesi ebe etunganan kwa kangol kerai lokenyaritai e goel, G-O-E-L, kenyaritai Nges e goel, araiboot ngol nges kerai etunganan lotikepedo aitodolikin nuekotoi; ido ibusakinit e goel korai loepedori aswam ngun, ibusakinit korai loecamunit aswam ngun, ido ibusakinit korai epajan, loetupit kotoma opajane tetere aswam ngun. Ido Edeke, Ekasuban loka emoyo, abu koraun epajan mamawok nearaunor Ngesi etunganan tetere Nges apedor ayangar adiakariwok mamaKe, aitac etiai, kosodi alakun oni ainyakar ne ejai Edeke bobo. Engin kanen. Ekalakunan ngol kanen. Adau Kristo alakun oni kwana. Kilakun do oni kwana, konye eringa ber Ngesi kiburauna akeirumet. Aso, motoko itepegi jo ngin, konye kopala ber adaun apak edit; kiwanyuni oni.

Mam ber Nges iburaunit ngin. Arai abu Ngesi kolem Eitabo loka Alakunio, nginibore yen ajaatar Adam ka nginibore yen abu ngesi kitoolio elakunit Kristo ainyakun; ido edaunit sek Ngesi alakun oni, konye mam ber Nges eyangarit airumet. Mam Nges epedori kiton apak naeseunitai, ido konyet ebuni ajarun, ido konyet eponio aisiteteun bobo akwap, kosodi konyet ebuni Ngesi ayangar- AirumeteKe naabu Ngesi kodum nealakunia Ngesi oni, konye kiponi oni aswam ngun kapak naeseunitai. Oo, ikatunganan. Erai na naitetemitai kotoma Oitabo lo loka Aipuceta akanykaarei lokinera oni nukeng kwana. Mam ace, Eitabo loka Alakunio- itetemitai ngin kere kotoma kane. Ngun kere, nuebuni Kristo aswam kawasia eponio apukokin oni kosabiti kalo kotoma Aipuceta Nukanykaarei arai kecamaki Edeke oni. Mam ace; eponio ngun apukor.

Naka oitabo...
Apak Nakokiding Aturio Akanykaarei nuka Ekanisa & Aipuceta Nukanykaarei.

Kasodi kaany emalaika ece Loegogoŋ ijesuni kakuj, enapit edou, kojai etaluka akouke, koputosi akekonyen bala akoloŋ, akekeje da bala ipirin luka akim.

Kojai iitabo yenididi yenepukoritai akanike, Kibwaik akejuke nakoteten aŋolol, ka akejuke da nakokediany akwap,

kiworo keporoto loepol kwape loka eŋatuny loegat, Napiworoi, kinerata agirokineta akanykaarei ikeceporotoi.

Apukokinio 10:1-3