Ekitaabo ngolo Imunono.

William Branham.

Tosiomete alo akirot...
Atiakatait...

Nai, tokona, abu atolot kidiama emoru, ka atodoka kidiama nooi ikwapei apedoria. Ka abu engit ekapolon, neti eboi aina, nyo apolou anu, ka ngace dang. Akabulit ayong nai pa ayeni nukitiya. Ka ngolopite eroko elipi; kitiyaun ibore ngini gela. Acamit araut ngolo ikinyoma. Tokona, kerai bo kabu atojotoor. Kerai bo arai akilocokinet, kori kerai bo arai akitapoet. Mam nyanupit nooi ebe arai akitapoet. Ebe, ekearit ngakan atobala, “Ekapolon, nyo apolou ka akiretunet ana? Ka apolou a ngimalaikan a ngikanikarei alu aluerekina ikwa emoru loita, ngulu apout atodakut ayong alokwap kidiama, ka ekesingoliasi kide?”

Awai ayong anen, elipi, ka kitiyaun idiobore. Ka, tokona, todo ibore nakan kang. Ka ayeni ayong, paki misiunit iyong ngiboro ngulu ke ekuwam, erauni ibore ngini egelana nooi. Nai todo ibore nakan kang. Ka, ani engolikini ayong, arai atum. Ka nakidi irumitere arai pearl, pearl loabusan nooi. Nakidi erapit nyakan, iyeni iyong, neni... atami ayong ebe erai neni iyoki nyakonikan nyedungi, iyeni iyong ngolo pite ejioto ngitunga a ngilengia; arai egolit. Neni erai ekileng pa aoi nooi, nai akwana ikwa ebanyet; ka arai esiliba ngolo enuakinuaki. Ka arai ibore niabusan nooi ngini engolik ayong. Abu kitemokin nakan kang nooi. Ka erumit ayong inges. Abu atema, “Nyebus inges nooi a!” Abu engoli inges. Ka abu atotam, “nai iyeni iyong akurianit atum.” Alakara ayong anerai ayari anapakio anu nyisitiyaere ikes nabo, kotere ketokurianit ayong nyekileng. Ka abu atotam, “Nyo etiya ayong inges?” Ka ani eroko erumit anakan kang, abu etoil ka amodiokiding tema, “Erai ngin atum ngina ke ekabaka.” Ka kire oesik ayong.

-----
Angun, ngakiro ngun ikitamatamai iwon erai atamatam, nai ayong ananyaciomitor esikuani. Engolikini nyepite lo eyakar, kori ngolo etiatar ankitutuket angina ngorot, ngina erai akisikwanet, kori etorube angina kitete, nen ariamuani ayong atametait neni ikoni nakitete. Ianya? Ikwa ki... abu Noa toloma nateker eroko akisicanio, akisikwanikinet; nai tari eroko Noa, toanyua, eroko nyelomara nateker, asir Enoka keeka kidiama, ianyua, eroko idiobore nyetakanuna. Ka aponi tonyaraunai Lot eroko adio kisicanet amodio nyetakanuna, ngina ka amunyario; nai neni dadang tosir Abram aeka kinga. Toanyua, ngakisikwaneta.

Nai tokona ikisiomakini iwon asiometait ngina ke 1. Asiomakini ayong ngasiometa ngiarei kori ngiuni ngulu engarenok.

Ka abu atoanyua anakan angina aloteten angolo eboi alokicolong Ekitaabo ngolo engiritai tooma ka kinga keng, epucakinitai angakipuceta angakankaarei.
Ka abu ayong oanyua emalaika ngolo apolon ioroi aetoil angolo apolon, ngai epedori angar Ekitaabo ka tobil ngakipucet dang?
Ka abu tomamukaun itunganan anadis, kori alokwap, kori alokwap akwap ngini apedorit angar Ekitaabo, kori akingolikin dang. (ali kitabo lo!)
Abu ayong ekalue nooi, kotere amame itunganan ngini toriamunai epedorit angar ka tosiomEkitaabo, kori tari dang akingolikin.
Tokona, kirwor nu ka amamut apedor? “Mam tar pa apedorit tar akingolikin; amam edio tunganan, amame ka adiokiding adadang.”
Ka abu epei alotoma ngikasikou tema neni kang, nyigwor: toanyua, Engatuny ngolo ka ateker a Yuda, aliasit a Daudi, adau akiloun kotere engari Ekitaabo, ka akibil ngakipuceta nu kanikaarei dang.
Ka abu atoanyua, aloking ekicolong ka ngitiang ngulu omwon,... kiding kikasikou, abu Imesek towa esibit aaritai, ayakatar ngamwar ngakanikaarei ka ngakonyen ngakanikaarei, ngulu erai ngikuwaminei ngulu kani kaarei ngulu ka akuj ngulu iyakiyaritai toma nakwap dadang.
Ka abu tolemu Ekitaabo anakan keng a ngolo eboi alokicolong.

Ikisalakini mono neni ka aurianut, ana pukokino ekek 5 akisiom tan lucicik ngikanikkarei.

Ekitaabo ngolo a ngakipuceta a ngakanikaarei lo eponio apukor anapak a ngina a ngagirokineta a nu kanikaarei lu anapukokino 10.

-----
Toanyua! Engaet lo nglo acamit ayong alimokin iyes.
Nai alorwa ke etoil ke emalaika angolo angikanikaarei, ngolopite itemokinor inges akutakin akerupepe, itodolikinio akimunono ka akuj dadang, ikwapei alimokinia inges ngikeketiak ngikadwarak.
Tokona, toayua, akimunono ngina ke Ekitaabo a ngolo a ngakipceta a nu kanikaarei na, epukorio anapak ke eemut alo ke poroto ke emalaika a ngolo ka atur a ngina a ngikanikaarei. Iayua? “Egeuni emalai ngolo a ngikanikaarei akioroun,” ka eyakaun ngiemuto igiritai, ka ikiyakaunotor ikes nakompakitia ka nabukio. Tokona, “ anageun akioroun eke emut, akimunono ka akuj irkakin, toayua,anapak angin.” Tokona ikianyuari iwon. Ekitaabo, ngolo ka akimunono ka akuj, nyepukorio akitodol ngina iorounio emalaika ngolo angikanikaarei eke emut.

Tokona, ngalimununuyeta nu epolokunete alotoma ngakipuceta, nu ayeni ayong jik, kotere emaikina akimorikin dadang apeikibois. Tokona, igiritai imunono, naarai emam itunganan, ka adiokiding, eyeni. Akuj bon, Yesu Kristo, toayua. Tokona, nai... Erai Ekitaabo, Ekitaabo ngolo imunono. Erai Ekitaabo ngolo ka alakunio. Ikidoli iwon nen ka apak a ngina euriyana. Ka tokona ikiyeni ebe Ekitaabo lo ngolo ka alakunio lo nyemisiun ejok; ikatanakinio inges, alotoma ngaturio nu kanikapei nguna ke ekanisa. Nai anangetakinet, ke geu emalaika ngolo angikanikaarei akioroun ake kimunono, econakini dadang nguna ekatanakinete ngikiliok lu. Ka ebuni akimunono kwap aneni ka akuj, ikwa akirot ka akuj, ka topuko apukokino ka akuj dadang, tosodi akujuanut ka akuj ka ngiboro dadang kirikakin. Akimunono dadang, ekinyimit ngolo ke emun, ka ngace dang, epukorio.

-----
Ngakipuceta ngakanikaarei ngulu alokidiama Ekitaabo,... ngakipuceta nu kanikaarei ipucarito Ekitaabo. Ianyua?, ipucaritai Ekitaabo cut. Ingolikis iyes a? Erai Ekitaabo Ekitaabo ngolo ipucakinitai akitodol ngina epukorere ngakipuceta nguna kanikaarei. Ipucakinitai angakipuceta a ngakanikaarei. Tokona, egelaka ngun ana girokineta anu kanikaarei. Ianyua? Erai nu ngakipuceta ngakanikaarei nguna eyasi lokitaabo. Ka emam Ekitaabo, nye pukorio ngakipucet akitodol Emut ngolo ke emalaika angolo angikanikaarei. Ianyua? Agun ikisudi iwon; nai apukokino ngina ka akuj ngina a kire itodolikinio ana kiorounet angin, akiyokino ngina itogogongitoi. Tokona, nguna ebala akirot ngun, “Iitana akimunono kirikakina a na pak a ngin.” Ka Ekitaabo a ngakipuceta a nu kanikaarei lo, kiiut ebe, agolol ane, alotoma apukokino 5 ka alotoma apukokinu 10 angara.

Ka tokona ikilosi iwon akingolikin nguna ebala Ekitaabo epite ngolo a ngaror. Ka nyiteyenunio akitodol ngina elemunia Imesek Ekitaabo, ka topuko ngakipucet, ka tongaa Ekitaabo. Ianyua? Iitana Imesek tolem Ekitaabo. Iwaitai ngun. Otokona kiitunite, “Amam itunganan a Nakuj, amam itunganan a nakwap,” a paapa, Ekasikout ngolo apolon, ekadinal, ekasikout, kori idiotunganan dadang, “ngini apedorit akibil ngakipucet, kori apukor Ekitaabo, mati Imesek.” Ka angic iwon, atamatamai, ka egwanakinoi, ka aumonokin, ka nyibore ikiyakatar iwon dadang losibiler ngul. Nai kan akikonget ka Akuj ngina ebe Ekitaabo lo ka alakunio lo engari Imesek ka akileleba, ka elacakini Imesek ngakipucet dang, alorwa a ngulu ka awasia a ngulu ikiyaria iwon napana. Ka nyiteteniario akitodol ngina elemunia Imesek Ekitaabo ka tobil ngakipucet. Naarai, kiitunite, erumit Ekitaabo nakanikeng arai Inges ngolo eboi Alokicolong. “Ka bu Imesek neni keng a ngolo eboi alokicolong, ka kidiau Ekitaabo anakanikeng a ngina a loteten.” Kidia Ekitaabo!

Okoe, ecukul ngun. Ikikatakini amisiun erai ikipedori, kan a kingarakinet ngina ke Ekuwam a Ngolo Akwangan. Tokona ikigwangakina iwon neni Keng. kaikianyuari iwon, ekaku, erai anapak angina ka awasia, “Kedau apak alunyar.” Emam edin eyakatar apedor ngina kijulunet Ekitaabo. Emamukar idio tunganan apedor ngina kijulunet. Erai Imesek ijulini Inges. Ka Imesek elope irworo, ka itdiuni Imesek Akirot, kan akitogogong ka akiteyarun Akirot. Iayua? Ikwangina!

-----
Ka Akuj ekawaikinan ngin amam akitoronet. Ido ngai amam akitoronet? Anginitungana edounio alotoma akiper ekile ka aberu, ngini tunganan. Ido inges ngolo edouni aberu asir ngol kedau acakar apedor ngia=na ka Akiyar a ngina Emam Nyedaunka araut ekabaka ka akwap. Okoe, ngina atamunia Akigiret ngin, “Idau iyong alakun isua neni ka Akuj, ido ikipukai, ka ikirauni ngikabakai ka ngicesadoti alokwap.” Okoe, ekang, nyo? Ekaalakunan! Okoe, eemut ngolo ikiyakaunor iwon ane! Toanyua, eitanit ekisil Ekalakunan ngolo elakuni ibore ngini ecakara. Abu ajokis yau nu alotoma Etunganane ngolo a Yesu Kristo. Ekalakunan ebeit akidoun alotoma ekabila a itunganan.

Tokona, kepedoritoi iwon ikwani, narai ngini tunganan dadang idounitoi... Ka inges ngini nyingolikini ebe arai akiper ekile ka aberu, ee, emudukana inges nooi, toanyua, narai ngini tunganan edounio arai alotoma aberu. Ido eitanit ekisil ka Akuj Ekalakunan, ido ebeit torai itunganan. Okoe, ekang! Itiyakini tokona iyong anu? Eitanit ekisil Ekalakunan.

Pa apedorit ayaun Emalaika. Iitanit mati erai itunganan, narai nyikikwan iwon ka ngimalaika. Ikikwan iwon ka nginice. Nyibusokino Emalaika. Egelana ekekabilane, eyakar acekwan. Mam nyecesa inges. Egelana inges. Nai eitanit ekisil Ekalakunan. Nginitunganan dadang alokwap edounio alotoma akiper ekile ka aberu. Nyeanyuara iyes a, neni ebunitor nen. Neni ageunia asecit nen. Ianyua tokona iyong neni yai a? Neni elomunitor ekinyomit ke emun nen. Ianyua?

Toanyua, eitanit Ekalakunan. Ido Ekalakunan ebeit idounio alotoma ateker ngina a ngitunga. Ikiisiakinete kire iwon ngun anangoyate anen. Nai kimiek ayong okutak arupepe nenikus. Abu akidounio ka abekot yau nguna eitana. Amen. Yau akidounio ka abekot Ekalakunan yok. Mere ice nai Akuj ngina ka apolou abu torau Emmanuel, ipei a lokiding yok. Emmanuel! Aponi toriamunai “Ekalakunan” Ianyua iyong epone ngolo iitania Akuj idiobore, nai mam nguna epedorio iwon akitiyakin. Nait abu ajokis tolom ido kiteriboyo ekisil ngol, ido yau ibore ngini eitana. Amen!

-----
Einakinit ekitaabo a Ruth akitanyunet ngina ajokon, ngolo pite abunio Boaz.... Ka Naume totiakatar. Iyong, iyeni iyong. Iirasi iyes ayong alimonokini ngun, nyiirara iyes a? kikeasi ngakan ikiiraritotor iyes ayong etatami ngun. Angun, imisiuto iyes, ianyua. Abeit Boaz araun ekalakunan. Ido arai inges bon apedorit akitiya ngun. Abeit inges torai eyenas, eyenas loapi. Ido, alotoma alakun Naume, abu toriam Ruth. Arai ngol Yesu, etipusit Boaz Kristo. Ido ngina alakunia Inges Israel, abu Inges toriam Ateran ngina Bukuit. Angun kire, ianyuasia, ebus nooi! Eyakatere iwon ngun nakompakit, ayeni ayong ejok, nege adiokiding, iitana toriamut iyes ngun.

-----
Ngolo abu toriam nguna eitana. Abu ajokis touru etuganane ngolo a Yesu Kristo. Ido ikiriamuni iwon atemar, ekitabo logo tokona... topetak Akuj eke ema, bu aneni ka Akuj, torau Itunganan. Abu Inges kilocok ekeyauntene, alotoma Ngolo ka apedor daadang, araun Itunganan; akinap aputo ngina a itungana, kotere Inges etwani, anguna ka alakun itunganan. Kidaur akitodol ngina ikingolikiniana iwon Inges, ngina emamukaunor “itunganan ngini epedorit.” Ianyua? Iyokino.

Alotoma Lobaibul, alokitaabo a Ruth, ikwapei isiomia iyong, iriamuni iyong ebe, anyaritai itunganan ngini“goel,” g-o-e-l. anyaritai goel, kori, arai itunganan ngini ayakatar nguna eitana daadang. Ido goel abeit torai itunganan ngini epedorit akitiayakin, ngini ecamakinit akitiyakin, ido torai eyenas, eyenas loeapikina nooi, kotere itiyai ngun. Ido Akuj, Ekacuban, ngolo a Ekuwam, abu torau eyenas yok ngina araunia Inges itunganan, ikotere Inges iwokoi ngayoko sesisia kidiama Keng ido totac amica, ido itolaku iwon neni ka Akuj nabo. Ikes ngun. Ekalakunan ngol. Adau Kristo alakun iwon tokona. Ikilakun iwon tokona. Nait eroko Inges nyidiara ngikeboro mono. Tokona, ipedori iyong ayautor ngatameta ngana egelaka ka ngun, nait kidarak mono alotoma adakika apei, toanyua. ikianyuari iwon. Ianyua?

Eroko nyidiara ikes. ianyua? Kebunit Inges kidia Ekitaabo ka alakunio, ngiboro daadang ngulu ayakatar Adam ka ngiboro daadang ngulu abu inges tocaka, elakuni Kristo. Iod adau Inges alakun iwon. Nait eroko nyidiara ekewai mono; nyepedori akitodol apaki ngina eseunitai. Ido buni ayarun alokatuak, ido itikiteteunio akwap nabo. Ido idiari kire Inges ekewai, Ewaikeng ngolo abu Inges toriam ngina ikigielunia Inges iwon, nait itiyakini Inges ngun napaki ngina eseunitai. Okoe, ekang!

Igiritai nu lokitaabo ngolo a ngakipucet angkanikarei alo a ngolo ikrworo iwon tokona. iIgiritai nu lokitaabo ngolo a ngakipucet angkanikarei alo a ngolo ikrworo iwon tokona. Iyookino. Ekitaabo ngolo ka Alkunio, igiritai daadang toma ne. daadang nguna ebuni kristo akitiayakin anawasia, ikipukokinio iwon alotoma esabit lo, lotoma Ngakipucet nu Kanikarei, erai ikicamak iwon Akuj. Ianyua? Iyookino.

Tosiomete alo akirot...
Atiakatait ngina eyeyi Kiding Ngaturio nguna
Kanikarei ka Ngakipuceta nguna Kanikarei.

Abu nabo ayoŋ oanyuwa emalaika ŋolo agogoŋon ebunit anakuj. Anapit iŋes edou, kirimokinite alokakinet akou keŋ, kikoni ereet keŋ akoloŋ, kikote ŋakejen keŋ arira ŋina eremit kidiama.

Ayai nakan keŋ ekitaabo ŋolo adit ŋolo aŋaara. Abu kiwuak akeju keŋ ŋina aloteten nanam ka ŋina alokedyen kwap,

kiworou a etoil a ŋolo apolon ikwa ŋolo ke eŋatuny irurumae; ani kiworou, torukis ŋagirokineta ŋunakanikaarei.

Ani keruut ŋagirokineta ŋunakanikaarei ŋun adikino ayoŋ egirakini, nai abu eira etoil anakuj ebala, “Kipuca ŋakiro ŋuna alimut ŋagirokineta ŋunakanikaarei, nyigirak ikes!”

Apukokino 10:1-4