Itom nga kabayo sa nagkabayo.

William Branham.

Basaha ang tibuok nga asoy sa...
Ang Ikatulong Timri.

Oh, Dios, tabangi kami. Mohunong na kami dinhi. Dios, tabangi kami nga makita karon, akong pag-ampo, samtang moduol kami karon, tungod kay dili ko buot nga ikaw madugay. Dios tabangi kami nga makita. Nagatoo ako, tingali, ang Espiritu ibabaw kanato karon nga Siya magatabang kanato sa pagdayag-sa pagbukas niining timri. Atong pagabasahon. Samtang atong nakita ang kahimtang kung diin ang iglesia, atong nakita kung diin kini nagikan-nakita kung unsay ilang gibuhat, nakita kung asa unta kini mopadulong-nakita didto, ug nakita kung usay angay nilang pagabuhaton. Ilang gibuhat mismo kana. Karon nakita ba nimo kung asa na kita? Ikaw ang maghusga. Dili ako makahusga. Katungod lamang nako ang pagdala niining maong Pulong. Sama kung giunsa kini paghatag kanako, ako kining ikapanghatag. Hangtud nga ihatag kini kanako, dili ko kini ikapanghatag. Walay bisan usa nga makahimo.

Ug sa pagbukhad niya sa ikatulong timri, nadungog ko ang buhing binuhat nga nag-ingon “Umari ka!” Ug nakita ko, ug tan-awa, ang usa ka maitum nga kabayo; ug ang nagkabayo niini may timbangan diha sa iyang kamot. Ug nadungog ko ang daw usa ka tingog nga diha sa taliwala sa upat ka mga buhing binuhat, nga nag-ingon, “Kinahanglan usa ka denario ang bili sa usa ka litrong trigo, ug kinahanglan nga usa ka denario ang bili sa tulo ka litrong cebada; apan ayaw pag-unsaa ang lana ug ang bino.

-----
Karon tan-awa kung asa nata karon ning kagabhion-lain na usab nga kapanahunan sa iglesia karon. Moadto kita sa ikatulo nga kapanahunan sa iglesia karon. Sa tukma gayud. Sa ikatulo nga kapanahunan sa iglesia tukma gyud sa ikatulo nga kabayo. Ang unang kapanahunan sa iglesia mao ang unsa? Ang mga Nicolaita adunay usa ka doktrina, tan-awa, mao kana ang una. Sige. Ug ang unang butang nga atong nahibaloan kining doktrina sa Nicolaita, gitugotan kini ug tinuod-milihok kini. Ug ilang gipurong-purongan kining tawhana. Unya kining espirituha, sa anticristo, nagpakatawo sa usa ka tawo, tan-awa. Ug atong makita sa katapusan nga nahimo siyang nagpakatawo nga panulay, usab. Mipahawa ang demonyo, ug misulod ang panulay.

Ug sama niana nga iglesia nga anaay...kanang maong matang sa anticristo nga iglesia nga milambo, mao usab ang pag-abot sa pangasawonon sa nagkalain-laing butang-pinaagi sa pagkaminatarong, pagkabinalaan, bautismo sa Espiritu Santo, ug nagpadayon sa paglihok, tan-awa. Sama gayud kanila, una lamang nilang nakuha ang ilang rebaybal, ug kuhaon kana sa iglesia sa katapusan.

Ang ilang tulo ka mga katuigan... Ang unang tulo ka mga ang-ang kanila, nga miabot sa Mangitngit nga Kapanahunan; unya ang ikatulo ang-ang miabot sa iglesia, gikan sa pagkaminatarong, pagkabinalaan, bautismo sa Espiritu Santo, Kaniya-nagpakatawo ang Dios ug nagpadayag taliwala kanato.

Ania siya miabot ingon nga anticristo, ingon nga mini nga profeta, unya ang mananap, unya sa Mangitngit nga Kapanahunan. Unya ang iglesia migula gikan sa Mangitngit nga Kapanahunan-pagkaminatarong, pagkabinalaan, bautismo sa Espiritu Santo, nagpakatawo nga Pulong, ang paagi karon; ug mikanaog siya. mikanaog siya; ang iglesia misaka. Usa kini ka hingpit gayud nga mahimong mahitabo. Oh, maayo kaayo kini. Nakauyon ako niini.

Kining maong magkakabayo mao sa gihapon sa una apan sa lain nga ang-ang sa iyang pagpamuhat. Ang unang ang-ang-ang puti nga kabayo, tan-awa. Usa lamang siya ka magtutudlo, usa ka anticristo nga magtutudlo. Supak siya sa Pulong sa Dios. Unsaon ba nimo nga mahimong anticristo? Bisan kinsa nga magasalikway sa matag pulong niini nga dili tinuod, nga matudluan sa mao lamang, mao ang anticristo tungod kay ilang salikway ang Pulong, ug Siya mao ang Pulong.

-----
Karon, ania ang tinago niini. Ug karon... Sa dihang gipadayag kini kanako, sayo sa kabuntagon sa wala pa mosidlak ang adlaw, unya miadto dayon ako sa Kasulatan ug nagsugod sa pagtan-aw-pagpangita niini. Anaa gayud kini. Ang tulo kanila sa karon tukma nga katingalahan nga nadayag. Karon ania ang tinago sa itum nga kabayo, sumala sa unsay gipadayag kanako.

Nagasugod siya sa pagsakay kaniya sa panahon sa Kangitngit nga Kapanahunan. Mao kana ang timailhan sa itum nga kabayo-ang Panahon sa Kangitngit-tungod kay panahon kini sa tungang gabii ngadto sa tinuod nga magtoo nga nangahabilin. Tana-awa kana karon sa kapanahunan sa iglesia, kanang tungatunga sa kapanahunan sa iglesia, ang mangitngit nga kapanahunan sa iglesia. Tan-awa kung unsa ang Iyang gisulti, “Aduna lamang ikaw dyutay nga kusog.” Usa kana ka tungang gabii alang kanila, alang sa tinuod nga magtotoo.

Karon, himatikdi. Sa tinuod ang tanang paglaum gikuha gikan sa tinuod nga iglesia, tungod kay kining tawhana maoy nagkotrolar sa iglesia ug sa istado. Unsay ilang pagabuhaton? Nakita nimo? Ang Katolisismo maoy nagkuha sa duha ang iglesia ug istado, ug ang tanan nga dili mouyon sa Katolisismo pagapatyon. Mao kana ang hinungdan nga anaa siya sa usa ka itum nga kabayo. Ug tan-awa kung unsa ka ngitngit nga butang ang iyang gibuhat, unya imong nakita. Kung ika lamang... Kung imong nahibaloan ang imong kaagi, tan-awa kini. Bueno, dili na niyo kinahang lang nga masayran kana aron mahibaloan kini.

Karon himatikdi. Ang tanang paglaum nawala-mao kana ang iyang itum nga kabayo. Karon nagasakay siya sa iyang puti nga kabayo, tuso; unya gihatagan siya ug kagahum ug iyang gikuha ang kalinaw- gipang-ihaw ang mga minilyon. Mao kana ang iyang pagabuhaton samtang nagapadayon siya sa pagsakay; ug sa gihapon nagabuhat siya niini. Nakita nimo? Karon, ania siya sa itum nga kabayo, karon, nagapadulong.

Mangitngit nga Kapanahunan-mao kanang mga panahona. Mao kanang mga panahona ang pagbarog sa iglesia ug nakadawat sa kagahum, ilang gipang bungkag ang tanang butang ug uban pa, ug mipadayon ngadto sa gatusan ug gatusan ug gatusan ka mga katuigan- nga maoy nahibaloan sa magbabasa sa Panahon sa Kangingit. Pila ang nahibalo niana? Ang Panahon sa Kangitngit. Anaa ang imong itum nga kabayo, nagpila nianang panahon sa kangitngit. Karon, ang tanang paglaum nangawala, wala nay paglaum ang tanan. Ang tanan nahimong kangitngit alang gagmayng magtotoo. Karon, mao kanay hinungdan nga kini gitawag... gipaila ang itum nga kabayo.

Ang iyang timbang o ang iyang timbangan sa iyang kamot, imong makita, nagatawag, “Kinahanglan usa ka denario ang bili sa usa ka litrong trigo, ug kinahanglan usa ka denariio ang bili sa tulo ka litrong cebada,” tan-awa... Sa tinuod mao kana ang... Ang trigo ug cebada usa ka natural nga panginahanglanon sa kinabuhi. Diha gihimo ang tinapay ug ubang mga butang. Apan imong makita, nagpabayad siya alang niini. Unsay buot ipasabot...nga iyang gipabayad ang iyang mga sumusunod alang sa gamayng paglaum sa kinabuhi nga iyang gipadala nagdto kanila, pinaagi sa paghimong... Nagasugod siya niana sa maong panahon sa pagpabayad kanila alang sa pag-ampo, pagpabayad kanila alang sa pagampo. Sa gihapo ila kining gibuhat-novena-tungod... Unsa ang iyang gibuhat? Gisakop ang tanan nga katigayonan sa kalibutan, ang timbangan nagatimbang sa usa ka litro nga trigo alang sa usa ka denario, tulo ka litro nga cebada alang sa usa ka denario.

-----
Himatikdi, ania ang maayong bahin karon. Tan-awa, “Apan ayaw pag-unsaa ang bino ug lana.” Aduna na lamang gamay nga nahibilin niini, igsoon. “Ayaw kana ug ugsaa.” Karon, ang lana maoy... nagkahulugan sa Espiritu, ang Balaang Espiritu. Ihatag ko kaninyo ang pipila ka mga bersiculo kung buot ninyo, pipila ka mga kasulatan: sa Leviticus 8:12, diin si Aaron, sa wala pa siya mosulod, kinahanglan nga madihugan sa lana, nasayud kamo; ug Zacarias 4:12, sa lana nga nagadagayday, gibubo ngadto sa mga tubo, ug miingon, “Kini maoy akong espiritu.”-lana. Laing butang kon buot nimong makita sa Mateo 14... 25, adunay buangbuang nga mga birhin (25:3). Ang mga buangbuang nahutdan ug lana-walay espiritu. Ug sa Mateo 25:4, ang but-an adunay lana ang ilang mga lamparahan-puno sa Espiritu. Ang Espiritu-lana nagatipo sa Espiritu. Oh, himaya, himaya! Nakuha kana ninyo? Sige.

Karon ang lana nagatipo sa Espiritu, ug ang bino nagasimbolo sa kadasig sa pinadayag. Oh, gusto ko nga modalagan sa tanang dapit! Usa ka katingalahan nga wala nako mapukaw ang akong mga silingan sa dihang gipakita kana sa Ginoo kanako. Kainit sa pinadayag, tan-awa. Ang lana ug bino sa Biblia managkauban kanunay. Akong gikuhan ang concordance ug gitan-aw, ug adunay kadugtungan kini sama niana, diin ang bino ug lana nanagkauban sa tanang panahon. Nakita ninyo?

Sa dihang kamatuuran sa usa ka saad sa Pulong sa Dios nga gipadayag ngadto sa iyang mga balaan nga napuno sa lana, silang tanan nakakuha ug kainit. Ang bino usa ka tigpainit. Himaya, gibati ko kini karon! Nagainit uban ang kalipay, pagsinggit. Ug sa dihang mahitabo kini, mao sa gihapon nga epekto ngadto kanila nga mahimo sa usa ka bino ngadto sa natural nga tawo; tungod kay sa dihang pinadayag gikahatag na ngadto sa kamatuoran sa Dios, ug ang tinuod nga magtotoo nga napuno sa lana, ug ang pinadayag gikapadayag, ang kainit nahimong maila nga makapahimo kaniya nga magalihok sa iyang kaugalingon nga dili normal. Tinuod kana. Himaya! Tingali mao kana ang nahitabo kanila karon. Tinuod kana. magalihok sila sa ilang kaugalingon nga dili angayan.

-----
Sa dihang akong nakita nga ang Dios nagsaad nga mamuhat ug dili mapakyas nga mga butang ning kataposang adlaw, sa dihang nagsaad Siya sa pag-abli ning mga timri sa kataposang mga adlaw... Ug wala ka mahibalo sa kalipay, sa himaya, sa dihang akong nakita Siya nga nagdayag niini. Nagatindog didto ug nagatan-aw kung unsa ang nahitabo, ug mahibaloan nga ako ang manubag sa bisan kinsa nga tawo, bisan kausa wala siya magsulti kanato ug usa ka butang kung dili unsa ang mahitabo nianang paagiha. Unya aron makita ang kalipay nga anaa sa akong kasingkasing sa dihang ako makita ang iyang mga saad alang ning kataposang adlaw, ingon sa Iyang gisaad nga pagabuhaton kini, ug ania akong nakita gibindikahan ug tukma gayud.

Kon imo akong madungog nga mag-ingon, “Gibati ko ang pagkarilihiyoso,” unsa may problema niana. Misamot pag-ayo ang kadasig, andam na ako sa pagtapos niini, nahibalo mo-kadasig gikan sa pinadayag. Sige. Hilabihan nila kadasig ibabaw nianang pinadayag nga gibindika kanila (sige) ang saad. Oh, my! Anaa migawas ang kalipay sa kainit, hangud nga ang mga katawhan moingon, “Nangahubog sila sa bag-ong bino,” sa dihang ang Dios magpadayag sa iyang saad ngadto kanila. Ug dili lamang sa pagbuhat Niya sa pagpadayag niini, apan Iyang gipamatud-an kini. Mao kana kanunay ang akong ginasulti: “Ang usa ka tawo makasulti ug bisan unsa (makasulti siya sa bisan unsa nga butang), apan sa dihang ang Dios moabot ug bindikahan kana...”

Karon ang Biblia na-ingon, “Kon aduna may usa taliwala kaninyo kinsa nagpaila nga usa ka espiritual o usa ka profeta, kon magasulti siya niining mga butanga ug dili mahitabo, nan ayaw ninyo hatagi ug pagtagad. Ayaw kamo kahadlok kaniya sa tanan. Ayaw kahadloki kanang tawhana. Apan kon iya kining gisulti ug mahitabo kini, mao kana ako.” Siya miingon, “Anaa ako niana. Nagpaila kana kon kinsa ako.”

Basaha ang tibuok nga asoy sa...
Ang Ikatulong Timri.

Apan ang adlaw sa Ginoo moabut sama sa usa ka kawatan, ug unya ang mga langit mawagtang uban sa dakung dinagook, ug ang mga kasugdanan sa kalibutan mangatunaw sa hilabihang kainit, ug pagasunogon ang yuta ug ang mga buhat nga ania niini.

Sanglit kining tanang mga butanga pagatunawon man sa ingon, pagkakinahanglanon gayud diay nga magkinabuhi kamo sa pagkabalaan ug pagkadiosnon,

2 Pedro 3:10-11