Angole ngina kirionon.

William Branham.

Tosiomete alo akirot...
Akipucet ngina Angauni.

Okoe, Akuj ikingarak iwon! Okoe! Ikipedori iwon akisalakin nege. Nai, ikingarak iwon Akuj engolikisi tokona, alipan kang, ikwa ngina ikiponia iwon tokona. Naarai, nyacamit ayong akisiboi iyes paka ekaku. Ikingarak Akuj iwon engolikisi. Anupit ayong acepak, ekuwam aneni yok, erauni tokona inges ikingarakinia Inges iwon akisilerekin, angaria Akipucet na.

Atosioma iwon tokona, ikwa ngina ikingolikinia iwon epite ngolo eyiakar ekanisa, ikingolik iwon neni keyiakauna inges, ikingolik inges anen, ka ikingolik nguna emaikina ikes kitiyiata. Kepotu ikes kitiyiata ngun jik. Tokona ingolikis iyes neni eyiakai iwon—a? iyes emaikina totubonokinete. Nyapedori ayong atubokin. Arai ayong ngolo ebeit ainanakin iyes Akirot na. jik ikwa ngina akainere ayong, epotori nai ayong. Nai paka akainak Inges ayong, nyepotori ayong; emam icetunganan dang ngini ipotori.

Apukokino 6:5-6,
5 Ka ngina angaria Inges akipucet ngina angauni, abu ayong eira etyang ngolo angiuni ebala, Bua ka kingolik. Ka abu ayong engolik, ka abu atoanyuwa angole ngina kirionon; ka inges ngini eboi aneni keng ayiakatar ngakipimet nakan keng.
6 Ka abu ayong eira etoil alokiding ngityang ngulu omwon ebala, einakini inges apei kilo ngina ekidikidi anguna etic apei kolongit, ka ngakiloi ngauni nguna angaganoi anguna ke etic angolo apei kolongit; nai kingolik iyong nyiwan ngikito ngulu ka akimiet ka ngulu epini.

-----
Aponi iwon toriamunai ebe ngina abunio inges, ekingaren, arai jik angole ngina akwangan, abu torau akitatam. Tokona, ikipotu iwon atolemutu alotoma nugu dadang jik Anakigiret. Ingolikis—a? Tokona, toanyu neni eyiakai iwon, akuwar na, atur ngina ekanisa angoloce tokona. Ingolikis—a? ikiponit iwon jik kwap paka neni atur ekanisa angolo angiuni tokona. Ingolikis—a? jik paka neni atur ekanisa angolo angiuni, ikwan jik ka angole ngina angauni. Ingolikis—a?

Tokona atur ngina ekanisa angolo ekingaren, nyo mono kerai inges? Keyiakatar nginikolaitian akitatam, kingolikisi, jik ngina ekingaren. Iyookino dadang. Ka nai, ibore ngini esiaunan ngini ikiyeni iwon, akitatam ngina anginikolaitian na, abu torau ibore ngini etaletoi ka eyookino, aponi kiwuakinai lotic. Ka aponi kitanapai etunganan lo. Nai, ekuwam lo, ngolo erai eketepegan ngolo a Kristo, abu tonap akuwan ngina a itunganan. Ingolikis—a? ka ikiriamuni iwon ebe, ekaku anu, abu inges torau satan enapit akuwan, abu ekipie toeka, ka abu satan tolomu toma.

Ka jik ikwa ngina erakor ekanisa ngol ekabilane ngol, ngikanisai ngulu itepegito Kristo, epoloete; nai ikwanginapei abu ateran dang tolomu ka ngiboro ngulu gelagela: alotoma akitojokio, akitesegio, ebatisimu ngolo Ekuwam angolo Akwangan, ka elosi jik kingaren, kingolikisi, jik ikwa ngina. Bonot, apotu ikes tolemasi akisikwarunio kec ekingaren, ka ekanisa elemuni ngun ekaku. Ngikaru kec ngulu esiaunak... ngadoketa ngauni aneni kec angulu apotu kitoro natur ngina kirionon; ido ngina angauni, ngadoketa ngauni, elomuni ekanisa kinga; aneni akitojokio, akitesegunio, ka akibatisao Ekuwam angolo Akwangan, alotoma Akuj enapit akuwan iteyeniyara alokiding yok.

Abu inges bu anege toma, ikwa eketepegan ngolo a Kristo, ikwa ekadwaran ngolo aliokonon, ido nai etyang, nai alotoma atur ngina kirionon; ka abu ekanisa tolomu kinga alotoma atur ngina kirionon ngin; akitojokio, akitesegunio, ka ebatisimu ngolo Ekuwam angolo Akwangan, Akirot enapit akuwan, alopitene atokona. Ka abu inges tolot jik. Ingolikis iyes ngun—a? abu Inges tolot kwap. Tolosi ekanisa kidiama. Ingolikis—a? erai jik nguna edolito ikwa ngina erauniata. Okoe, erai nguna ebusiak. Amina ayong ngun jik. Ekameton lo erai ngolopei ngol, nai adoketait ace ngina akidianakin keng. Adoketait ngina esiaunan, angole ngina akwangan, kingolikisi, arai inges jik eketataman, eketataman jik ngolo etepegit Kristo. Arai inges ngolo etidingit Akirot ngina ka Akuj. Ka tokona ikokini iyong irauni eketepegan ngolo a Kristo—a? Ngini tunganan dadang ngini epegi ebe ngina Kirot dadang alotoma nu nyerai ngina iyookino, ka ikitatametei ngunapei, erai eketepegan ngolo a Kristo, naarai epegarito ikes Akirot. Ka erai Inges Akirot.

-----
Tokona, nyena akimunono anugu. Ka tokona, erai, ngina akapukokinere ayong iwali akwap ataparacu na, eroko akica ngina aparan. Ido abu ayong jik atipei atolot Nakigiret ka atogeu akiwarit, akiwarit ngun. Ayiakasi nen. Ngiuni kec, ikwa ngina ayiakatar jik, isilereunitoi jik ekujuwaka. Ee. Tokona akimunono angole angina kirionon na anege, alopite angolo akapukokinitere ayong.

Abu inges togeu amiat inges anapakio anguna angaturio anguna kirionok. Erai ngun nguna ewueikinit angole ngina kirionon, ngaturio nguna kirionok, naarai arai apaki ngina akiding akuwar neni angikanupak angulu eyookino angulu kepotu kidongo. Toanyu tokona alotoma atur ekanisa angol, atur ekanisa angolo alokiding, atur ngina kirionon ngina ekanisa. Arai kidingkuwar neni kec, kotere ngikanupak ngulu akire.

Toanyu tokona. Anakisisianakin keris kelemar akigeno dadang aneni Ekanisa angolo akire, naarai etunganan lo arai inges epukat ekanisa ka apukan dang. Nyo elosete ikes Akitiyiakin—a? naarai adaut ngulu a Katolika akikamar, ekanisa ka apukan dang. Ka dadang ngulu pa apotu tocamunos ka ngulu a Katolika, aponi toarai. Inges nai ayiakar inges nangole ngina korionon. Ka toanyu ngiboro ngulu kirionok ngulu kebu inges kitiyia, kingolikisi, ido nai ingolikini iyong. Ka jik... erai kiyenete iyes ngiemuto kus, toanyu ngun, ido ipote iyes jik... Ejok, nyitana iyes toyenete tari ngun, toyenete Nu. Toanyu tokona. Keris akigeno dadang keyaka. Erai ngina angole ngina kirionon. Tokona, kemiat inges anangole keng angina akwangan, alokuwanane.

Ido aponi inakinai inges apedor; abu inges tolema ekisil, toar ngabungei. Arai ngun nguna amaikina inges kitiyia ikwa ngina elosio inges emiat. Ka eroko inges itiyiai ngun. Ingolikis—a? Tokona, anege eyiai inges edokit angole keng ngina kirionon tokona, ebunit. Atur ngina kirionon, arai ngina apaki ngin. Jik aapikinit apak ngina abunio ekanisa toyiakaunor esubakina, ka toyiaukaunor napedor, kepotu ikes tomunyasi nginibore dadang. Ka toloto, jik neni aapiyarit ngamiyai angikaru ka ngamiyai angikaru, inges eyeni ngolo kasioman dadang ikwa atur ngina kirionon. Ngiyai eyenete ngun? Kire, ngaturio nguna kirionok. Nen inges eyiai angole kon ngina kirionon ewueikinit atur ngina kirionon.

Tokona, keris akigeno dadang keyaka; amam akigeno jik. Nginibore dadang atakani iriono, kotere ekanupan ngolo cici. Tokona, inges nai enyaritere inges, ewueikinit angole ngina kirionon.
“Ngakipimet keng anakan keng, kori ngakiloi, anakan keng,” kingolikisi iyes. Enyara, “Akilo ekidikidi anguna etic angolo apei kolongit, ka ngakiloi ngauni nguna angaganoi anguna etic angolo apei kolongit,”
kingolikisi, kire jik, erai ngun, ekidikidi ka ngaganoi erai ngiboro ngulu akiyar alokwap. Erai nen inges esubunitere ngamugati. Nai, kingolikisi iyes, ayiai inges idiaununi ngun. Nguna epolokinito ngun, ebe, ayiai inges itanit aneni angulukeng kotere akigeno ngina akiyar angina eyakiyarit inges neni kec, kan ayeunun... abu inges togeu anapaki anapei angina, akitotac ikes ngakilipasinei, akitanit anakilip. Eroko ikes itiyiaete ngun; anguna adiekitoi.

Naarai inyoni etiyiai inges? Ikamunit abaru ngina ka akwap. Akilo, ipimi, “Akilo ngina ekidikidi kotere etic ngolo apei kolongit; ngakiloi ngauni nguna angaganoi kotere etic ngolo apei kolongit.” Ekameton ngolo angole angina kirionon, kingolikisi, ayiai inges esubi... elaci ngitunga keng anguna angisilinga kec. Ngina, edwarit Ebaibul ebe irumit irumit inges, neni eaapiyarit, abaru ngina ka akwap. Ikwa ngina ikilimunio iwon akuwar ngina alunyar nguna etapito Russia, ka ngun dadang, apotu ikes yasi jik ngisilinga ka kitelero ngitunga kotere nginibore dadang ngini kepotu ikes toriamut, nginibore dadang. Nai nen iyiai iyong.

-----
Toanyu. Eyiai nege ewae ngolo ajokan tokona. Toanyu.
...kingolik ebe nyinyias ngikito ngulu epini ka akimet.
“Jik ibore ngini cici keng idongit nen, nai nyitap iyong ngun!” Tokona, erai akimiet ngina... ewueikinit Ekuwam, Ekuwam ngolo Akwangan. Akainakini ayong iyong ngingaeta ngikudio erai kicamito iyes. Eyiakasi Ngakigireta ngarei alotoma Ngilebin, 8:12, neni abunio Aron, eroko nyelomara toma, amaikina kinyonyoi ka akimiet, iyenete iyes. Ka alotoma Zakariya 4:12, nguna abunore akimiet, ebukuno alotoma ngapaipoi, ani kicamito iyes akingolikin Matayo, ...25, ayiakasi ngabikirai nguna abangaka, kori 25:3, ngabikira nguna abangaka amamukatar akimiet lotalai kec, ngulu elelebikina ka ekuwam. Ekuwam! Arai akimiet ngina ewueikinit Ekuwam. Okoe, akibuses! Iyookino dadang. Iriamut iyes ngun—a? Iyookino dadang. Tokona, erai akimiet ngina ewueikinit Ekuwam.

Ka ewueikinit epini etic ngolo apukokino. Okoe, tosibite atoker erimit ekibois dadang. Aumokinit nyebuno ayong etekenyu ekidunyet, ngina edetodikinia ayong Ekapolon ngun, kingolikisi, “etic ngolo apukokino.” Ingolikis—a? Akimiet ka epini, alotoma Ebaibul, erai ngulu erukito kapei, jwijwi. Abu ayong atoriam acamunet ka engolik. Eyiai egili kec, ikwa ngina, neni elosioto epini ka akimiet kapei, ngapakio dadang. Ingolikis—a?

Ngina isilerekinere Akirot ngina ikinitai ngina iyookino neni angikakwang Keng angulu ilelebakotor akimiet, eraunete ikes dadang ngulu ilelebikina lotic. Erai epini akileleba ngina etic. Akibuses! Apupunit ayong ngun tokona. Ilelebikina kan alelean, acala! Ingolikis—a? ka, ngina itiyiakinia, eyiakaunor epitene ngolo ngol aneni kec ikwa ikwa ngina eyiakar epini neni etunganan ngolo akuwan. Naarai, ngina eyaunere apukokino, ngina ka akiyookino ngina ka Akuj, ka ekanupan ngolo akire ilelebikinitai akimiet, ka apukokino isilereunitoi, ilelebikin etic nooi paka ngina einakinia inges pa itiyiai alopitene angolo ebeyarit. Kire. Akibuses! Kingolikisi, erai nai ngin ationis ka ikes tokona. Iyookino ngun, einakinit ikes elosete ikwa ngina esibitor nyeyenete.

-----
Ngina engolikinia ayong ebe Abu Akuj kikinite akitiyia ngiboro ngice alotoma akolongit na, ngina eikinia Inges angar ngakipuceta nu anakolongit angina esidion! Ka emam nyiyenete iyes alelean, akibuses, ngina engolikinia ayong Inges isilereuni nu, awuei anen ka etee ngun etakanunete! Ka atoyeni ebe itanit idiotunganan akitanit ngun: nyebuno Inges tolimu idiobore neni yok nai ngini nyebuno kitiyiakin alorot angolo. Ka nai kingolik alelean ngina eyiai toma lotau kang, ngina engolikinia ayong Ngakikinet Keng kotere ngarwa nguna esidiok nu, ikwa ngina abunio Inges kikinia akitiyia ngun. Ka anege etee ayong ikes iteyeniyanarosi ka jik esubakina edolito jik.

Arai ayong jik...Irarito iyes ayong abala, “Apupunit ediniyorit.” Erai ngun ationis. Erai akileleba ngina erono nooi, ngina jik itemokino atubor kidiama, iyenete iyes. Akilelebikin, aneni apukokino! Iyookino dadang. Apotu ikes torata ngulu elelebikina nooi, alotoma apukokino, ngina aponi kiteyeniyarai, eyookino dadang, akikinet. Tokona, okoe, ekang! Abu tolomu anen alelean ngina akilelebikina, paka ngina atamariata ngitunga ebe, “Emerasi ikes kan epini ngolo kitete,” ngina apukokinio Akuj akikinet Keng neni kec. Ka nyebuno Inges bon kisilereu ngun, nai abu kisuda dang. Erai ngun nguna jik abu ayong atolimunite. Ebe elimuni itunganan ngadiokiro, ee, epedori inges alimor idiobore; nai ngina ebunio Akuj diyete akiteyeniyar ngun!

Tokona, ebala Ebaibul ebe, “Ani keyiai epei kiding kus, ngolo ebala ebe erai inges ekadwaran kori ngolo ekuwam, erai kelimu inges ngiboro lu ido nyitiyiakinosi, ido nai nyirasi inges. Nyikuriakut inges, jik. Nyikuriaketa etunganan ngol. Nai ani kelimu inges ngun ido kitiyiakin; erai ngolo Ayong, kingolikisi iyes. Ayiai Ayong toma nen. Isudate ngun ebe erai Ayong.”

Tosiomete alo akirot... Akipucet ngina Angauni.

Ebuni nai Akoloŋit ŋina ke Ekapolon ikwa ekokolan. Akoloŋit ŋin, eŋopiyari nakuj irurumae, itupuripuryaryo ka inyasunio ŋiboorei ŋulu anakuj ka enomiyari akwap ka ŋiboro daadaŋ ŋulu eya neni keŋ.

Ikwapei inyasunere ŋiboro lu daadaŋ alopite a lo, nyo nai itiyakin neni kus? Itemokino akiyar kus torae ŋina ajokan ŋina ecamit Akuj.

2 Petero 3:10-11